Xəbərlərin siyahısı: 12.10.2023 » Səhifə 2

12-10-2023, 15:44

Böyük Britaniya diplomatlarına çağırış etdi

Böyük Britaniya diplomatlarına İsraili tərk etmək tövsiyə olunub.
Bu barədə Britaniyanın “Sky news” telekanalı məlumat yayıb.
Diplomatlara ailələri ilə birlikdə İsraili tərk etmək məsləhət görülüb.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatalara görə, 1 300 nəfər ölüb, 3300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.

Böyük Britaniya diplomatlarına çağırış etdi

12-10-2023, 15:37

Rusiyaya məxsus hərbi gəmilər Bakı limanınl tərk etdi

Ölkəmizdə qeyri-rəsmi dostluq səfərində olan Rusiya Federasiyası Hərbi Dəniz Donanmasının Xəzər flotiliyasının hər iki hərbi gəmisi oktyabrın 12-də Bakı limanını tərk edib.
Bu barədə Müdafiə nazirliyinin mətbuat xidməti məlumat yayıb.
Bildirilib ki, səfər müddətində gəmi heyətləri üçün mədəni və tarixi abidələrlə tanışlıq məqsədilə Bakı şəhərində gəzinti təşkil edilib, həmçinin hərbi dənizçilərin kəndir dartma və futbol üzrə yoldaşlıq görüşü keçirilib.

Rusiyaya məxsus hərbi gəmilər Bakı limanınl tərk etdi

12-10-2023, 14:53

İsraildə həlak olan Azərbaycan əsilli insanların sayı artdı

HAMAS-ın hücumları nəticəsində İsraildə həlak olan Azərbaycan əsilli şəxslərin sayı artıb. Həlak olan şəxslərin sayı 7-yə çatıb.
Həlak olan 7 nəfərin siyahısını təqdim edirik:

Şamil Abbasov (İsrail vətəndaşı)
Emin Axundov (İsrail vətəndaşı)
İlkin Nəzərov (Azərbaycan vətəndaşı)
Lior Əzizov (vətəndaşlığı dəqiqləşdirilir)
Roman Gandel (İsrail vətəndaşı)
Eden Abdullayev (İsrail vətəndaşı)
Emil Samuyelov (vətəndaşlığı dəqiqləşdirilir)

İsraildə həlak olan Azərbaycan əsilli insanların sayı artdı

12-10-2023, 14:49

Prezident Qırğızıstana səfər etdi

Azərbaycan Respublikasının Prezidenti İlham Əliyev MDB Dövlət Başçıları Şurasının iclasında iştirak etmək üçün oktyabrın 12-də Qırğız Respublikasına səfərə gəlib.
Bişkek şəhərinin “Manas” Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.
Azərbaycan Prezidentini Qırğızıstan Nazirlər Kabinetinin sədri - Prezident Administrasiyasının rəhbəri Akılbek Japarov və digər rəsmi şəxslər qarşılayıblar.

Prezident Qırğızıstana səfər etdi

12-10-2023, 14:31

Milli Məclis İlham Əliyevlə bağlı bəyanat qəbul etdi

Milli Məclisdə İlham Əliyevin Azərbaycan Prezidenti seçilməsinin 20-ci ildönümü ilə əlaqədar bəyanat qəbul edilib.
Bəyanatı deputat Hikmət Babaoğlu səsləndirib.
Bəyanatda bildirilir ki, Azərbaycanı dinamik inkişaf yoluna çıxaran Prezident İlham Əliyevin prezidentlik fəaliyyətinin 20 ili tamam olur. Dövlətimizin başçısı ötən müddətdə ölkəmizin sabitliyinin təmin etməklə bərabər, onu dayanıqlılığını təmin edib, ən əsası Azərbaycanın tam suverenliyi bərpa edilib.
“Azərbaycanın təşəbbüsü ilə həyata keçirilən nəhəng layihələr qlobal rol oynayır. Hər bir azərbaycanlının prezidenti olmağı bacaran Prezident İlham Əliyev Azərbaycan xalqının təşəkkül qüvvə kimi formalaşması üçün görülən işlərin miqyası gündən-günə artır.
Azərbaycan Ordusunun qəhrəmanlığı və fədakarlığı sayəsində dövlətimizin suverenliyi ölkəmizin bütün ərazilərində bərpa edildi. Qarabağda qalan ermənilərin Azərbaycan cəmiyyətinə reinteqrasiyası üçün işlər görülür”.

Milli Məclis İlham Əliyevlə bağlı bəyanat qəbul etdi

12-10-2023, 14:16

ABŞ Dövlət katibi İsrailin Baş naziriylə görüşdü

İsraildə səfərdə olan ABŞ Dövlət katibi Antoni Blinken bu ölkənin Baş naziri Benyamin Netanyahu ilə görüşüb.
Görüş zamanı Blinken ABŞ-ın İsrailə dəstəyini bir daha təsdiq edib.

ABŞ Dövlət katibi İsrailin Baş naziriylə görüşdü

12-10-2023, 13:22

İsraildə ali təhsil müəssisələri bağlandı

İsrail ali təhsil müəssisələrində 2023-2024-cü tədris ilinin başlanması noyabrın 5-dək təxirə salınıb.
Bu barədə “The Times of Israel” nəşri məlumat yayıb.
Bildirilib ki, Universitet Rəhbərləri Şurası bu qərarı təsdiqləyib və gün ərzində rəsmi elan yayımlanacaq.
Qeyd edək ki, İsraildə payız semestrinin oktyabrın 15-də başlaması nəzərdə tutulurdu və HƏMAS-İsrail müharibəsinin başlamasından dərhal sonra verilən qərarla tədris oktyabrın 22-nə qədər təxirə salınmışdı.

İsraildə ali təhsil müəssisələri bağlandı

12-10-2023, 13:02

Sabahın hava proqnozu

Oktyabrın 13-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən xəbərə görə, səhər və axşam bəzi yerlərdə yağış yağacağı ehtimalı var. Mülayim cənub küləyi əsəcək.
Havanın temperaturu gecə 11-14° isti, gündüz 16-19° isti olacaq. Atmosfer təzyiqi 773 mm civə sütunundan 766 mm civə sütununa enəcək. Nisbi rütubət 60-70 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 9-13° isti, gündüz 17-22° isti, dağlarda gecə 4° şaxtadan 1°-dək isti, gündüz 5-10° isti olacaq.

Sabahın hava proqnozu