30-10-2023, 17:30
Xaçatryan: “Bakı baş nazirin səsləndirdiyi 3 bəndlə razılaşıb”
"Hələ anklavlar məsələsi müzakirə olunmayıb".
Bunu Ermənistan baş naziri Nikol Paşinyanın Mülki Müqavilə partiyasının funksioneri Armen Xaçatryan jurnalistlərə bildirib.
"Rəsmi Bakı baş nazirin səsləndirdiyi 3 bəndlə razılaşıb. Sülh müqaviləsinin imzalanması “günlər və aylar” məsələsidir", - o əlavə edib.
30-10-2023, 16:59
Ərdoğan qazaxıstanlı həmkarına TOGG hədiyyə edəcək
Türkiyə prezidenti Rəcəb Tayyib Ərdoğan Qazaxıstan prezidenti Kasım-Jomart Tokayevə TOGG hədiyyə edəcək.
Bu barədə Türkiyənin sənaye və texnologiya naziri Mehmet Fatih Kacır məlumat verib.
"2024-cü ildə qlobal brend olmağı hədəfləyən Togg-un Avropa bazarlarına ixracı üçün hazırlıqlar böyük ölçüdə tamamlanıb. Bu il Türk Dövlətləri Təşkilatının Toplantısı Qazaxıstanda keçiriləcək. Cənab prezidentimiz Rəcəb Tayyib Ərdoğan TOGG-u Qazaxıstan prezidenti Kasım-Jomart Tokayevə hədiyyə olaraq təqdim edəcək", - deyə o bildirib.
Qeyd edək ki, Türkiyənin ilk elektrikli avtomobili olan TOGG 100 faiz Türkiyə tərəfindən layihələndirilib və bu layihə ölkənin sənaye mülkiyyətinə sahib qlobal marka yaratmaq məqsədi ilə həyata keçirilib.
TOGG satışa başladıqdan sonra dörd ay ərzində bütün elektrikli avtomobil bazarında ən çox satılan marka və model kateqoriyası üzrə liderə çevrilib. TOGG 2023-cü ilin yanvar-avqust aylarında T10X modeli ilə 3 min 400 tədarükü tamamlayaraq elektrikli avtomobil seqmentinin lokomotiv markası olmağı bacarıb.
Məlumat üçün bildirək ki, 3 noyabr tarixində Türk Dövlətləri Təşkilatının (TDT) Qazaxıstanda iclası keçiriləcək və Şimali Kipr Türk Respublikası bu iclasda müşahidəçi üzv kimi iştirak edəcək.
30-10-2023, 16:38
Tələbə ürəktutmadan vəfat etdi
UNEC-in tələbəsi qəfil dünyasını dəyişib.
Bu barədə “Azərbaycan Universitetləri” səhifəsi məlumat yayıb.
Azərbaycan Dövlət İqtisad Universitetində Biznesin idarə edilməsi ixtisası üzrə təhsil alan IV kurs tələbəsi Elmin Rzayev ürəktutmadan vəfat edib.
Qeyd edək ki, E.Rzayev son 1 həftədə qəfil vəfat edən sayca üçüncü tələbədir.
30-10-2023, 16:26
Rusiya bir sıra ölə vətəndaşları üçün bu qaydaları sadələşdirdi
Rusiya hökuməti bir sıra ölkələrin vətəndaşları və şirkətləri üçün bu ölkədə biznes fəaliyyəti qura bilməyin prosedurunu sadələşdirir. Hökumətin siyahısına 25 ölkənin adı salınıb.
Bu barədə Rusiyanın baş naziri Mixail Mişustin müavinləri ilə məsləhətləşmələr zamanı bildirib.
Mişustin vurğulayıb ki, bu qərar dost ölkələrin vətəndaşları və şirkətlərinin Rusiyada biznes fəaliyyətini asanlaşdıracaq.
"Xarici müəssisələr və sahibkarlar üçün daha rahat şəraitin yaradılması prezidentimizin qarşıya qoyduğu milli məqsədlərin həyata keçirilməsi çərçivəsində hökumətin maliyyə suverenliyinə nail olmaq üçün sistemli səylərinin mühüm tərkib hissəsidir", - Mişustin qeyd edib.
Sözügedən ölkələr siyahısına Azərbaycan, Ermənistan, Əlcəzair, Bəhreyn, Belarus, Braziliya, Misir, Hindistan, İndoneziya, Qazaxıstan, Qətər, Qırğızıstan, Çin, Küveyt, Malayziya, Monqolustan, BƏƏ, Oman, Pakistan, Səudiyyə Ərəbistanı, Tacikistan, Tailand, Türkmənistan, Türkiyə və Özbəkistan daxil edilib.
30-10-2023, 15:47
Baku TV "Azerspace-1" peyki üzərindən yayıma başladı
2018-ci ildə təsis edilmiş Baku TV internet televiziya kanalı "Azerspace-1" peyki üzərindən yayıma başlayıb.
Bu barədə Rəqəmsal İnkişaf və Nəqliyyat Nazirliyi yanında Kosmik Agentliyə ("Azərkosmos") istinadən xəbər verir.
Xatırladaq ki, ölkəmizin əksər telekanalları, o cümlədən AzTV, CBC Sport, CBC Azerbaijan, İdman Azərbaycan, İctimai, ATV, Real TV, Space TV, MTV Azerbaijan 2013-ci ildə orbitə buraxılmış "Azerspace-1" telekommunikasiya peyki vasitəsi ilə yayımlanmaqdadır.
30-10-2023, 15:33
Mahaçqala hava limanı fəaliyyətini bərpa etdi
İğtişaşlar səbəbindən bağlanan Mahaçqala hava limanı fəaliyyətini bərpa edib.
Bu barədə Rusiya Federal Hava Nəqliyyatı Agentliyi məlumat yayıb.
Bildirilib ki, aeroport oktyabrın 30-da Moskva vaxtı ilə saat 14:00-dan başlayaraq təyyarələri qəbul edir və yola salır.
Bununla belə, “Azimut” və “Red Wings” aviaşirkətlərinin Təl-Əvivdən Mineralnıye Vodı və Mahaçqalaya uçuşları müvəqqəti olaraq Rusiyanın digər şəhərlərinə istiqamətləndiriləcək.
Daha əvvəl Mahaçqaladan Qroznıya uçuşların köçürüldüyünü elan edən Aeroflot, reyslərin Dağıstandakı hava limanına və oradan yerinə yetiriləcəyini açıqlayıb. Şirkətdən bildirilib ki, söhbət Moskva-Mahaçqala marşrutu üzrə SU1056/1057 və SU1058/1059 və sonrakı reyslərdən gedir.
30-10-2023, 15:24
Gürcüstana məqsədi sabitliyi pozmaq olan təxribat qrupu sızıb - Saakaşvili
Gürcüstanın sabiq prezidenti Mixail Saakaşvili bildirib ki, onun məlumatına görə, Gürcüstana məqsədi sabitliyi pozmaq və hakimiyyəti ələ keçirmək olan təxribat qrupu sızıb.
Bu barədə o, dövlət vəsaitini mənimsəməkdə ittiham olunan məhkəmə prosesində xəstəxanadan canlı yayımda bildirib.
Xatırladaq ki, Saakaşvili 2021-ci ildə ölkəyə qayıtdığı vaxt həbs olunub. Dəfələrlə aclıq aksiyası keçirən siyasətçi müalicə müəssisəsinə köçürülüb. Onun səhhətində ciddi problemlər var, bədənində radioaktiv maddələr aşkar olunub.
30-10-2023, 15:17
Ombudsman: "Gözləyirik ki, tez bir zamanda xəbər alaq"
Ermənistanda əsirlikdə saxlanılan Azərbaycan vətəndaşları ilə bağlı məsələ bu yaxında Azərbaycanda səfərdə olan Avropa Şurasının İnsan hüquqları üzrə komissarının qarşısında qaldırılıb.
Bu barədə Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva jurnalistlərə açıqlamasında bildirib.
"Gözləyirik ki, tez bir zamanda xəbər alaq" – Ombudsman qeyd edib.
Qeyd edək ki, Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb.
Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda" ittiham olunurlar, onlar həbs edilib. Hüseyn Axundov “Zəngəzur mis-molibden kombinatının gözətçisini qətlə yetirməkdə” də təqsirləndirilir.
30-10-2023, 15:06
Seperatçılar ailələriylə əlaqə saxlayıb - Səbinə Əliyeva
"Biz mütəmadi olaraq başçəkmələr həyata keçiririk. Başçəkmələr zamanı Azərbaycana qarşı müharibə cinayətləri törətməkdə ittiham olunan şəxslərlə də görüşlər keçirilib. Onların bütün hüquqları təmin olunub".
Bunu jurnalistlərə açıqlamasında Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva deyib.
"Hər bir saxlanılan şəxsə həssaslıqla yanaşırıq. Onlara da ailələri ilə əlaqə saxlamaq imkanı yaradılıb, dövlət tərəfindən tərcüməçi ilə təmin olunublar" - Ombudsman qeyd edib.
Xatırladaq ki, Azərbaycanın hüquq-mühafizə orqanları Qarabağda qondarma qurumun “prezidentləri” olmuş Arkadi Qukasyan, Bako Saakyan, Araik Arutyunyan, sabiq "xarici işlər naziri" David Babayan, eləcə də “parlament sədri” David İşxanyan, generallar Lyova Mnatsakanyan, David Manukyan və keçmiş “dövlət naziri” Ruben Vardanyanı həbs edərək Bakıya gətirib.
30-10-2023, 14:58
XİN Başçısı Əbu-Dabiyə rəsmi səfərə getdi
30 oktyabr 2023-cü il tarixində Azərbaycan Respublikasının xarici işlər naziri Ceyhun Bayramov Birləşmiş Ərəb Əmirliklərinin paytaxtı Əbu-Dabi şəhərinə rəsmi səfərə yola düşüb.
Bu barədə Xarici İşlər Nazirliyindən məlumat verilib.
BƏƏ-nin xarici işlər naziri Şeyx Abdullah bin Zayed Əl Nəhyanın dəvəti əsasında baş tutan səfər çərçivəsində yüksək səviyyəli görüşlərin keçirilməsi nəzərdə tutulur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!