1-07-2024, 15:16
Şəhərlərarası avtobuslarda da qiymətlər artdı
Azərbaycanda şəhərlərarası (rayonlararası) sərnişindaşıma üzrə tariflər yeni məsafələrə uyğun hesablanmağa başlanılıb.
Bu barədə Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyindən (AYNA) bildirilib.
"Son illər ölkədə avtomobil yollarının tikintisi və yenidən qurulması istiqamətində aparılan işlər çərçivəsində şəhər və rayonları əlaqələndirən yollarda müəyyən dəyişikliklər olub. Nəticədə müvafiq avtobus marşrutlarının gediş məsafələrində azalma və artımlar müşahidə edilib. Şəhərlərarası daşımalar üzrə tariflər məsafələrə uyğun hesablandığından, baş vermiş dəyişikliklərə əsasən, marşrutlara yenidən baxılmasına və tariflərin yenidən hesablanmasına zərurət yaranıb", - məlumatda deyilir.
AYNA bildirir ki, əvvəllər Bakı Beynəlxalq Avtovağzal Kompleksindən şəhər və rayonlara fəaliyyət göstərən şəhərlərarası müntəzəm marşrutların başlanğıc gediş məsafəsi Mərkəzi poçtdan hesablanırdı. Marşrutun gediş tarifi bu hesablamaya uyğun olaraq müəyyən edilirdi. Yeni dəyişikliklərə əsasən, rayonlararası sərnişindaşıma zamanı yoladüşmə məntəqəsi “avtovağzaldan avtovağzala” prinsipinə uyğun avtovağzallardan başlamaqla yeni inşa olunan yollarla gediş məsafəsi əsasında tarif müəyyən edilir.
Hesablamalara əsasən, ölkənin 85 şəhər və rayonundan 41-i üzrə məsafələrdə orta hesabla 6,6 % qısalma, qalan 41-i üzrə məsafələrdə 3,1 % artım qeydə alınıb, 3-ü üzrə məsafələrdə isə dəyişiklik olmayıb.
"Müsbət haldır ki, optimallaşdırma işləri çərçivəsində əsasən səyahət məsafələrində daha çox qısalmaların qeydə alınması əvvəlki hesablamalarla müqayisədə sərnişinlər tərəfindən bilet üzrə ödənişlərin azalması ilə nəticələnir", - məlumatda qeyd olunur.
Qeyd edək ki, yeni məsafələrə uyğun tariflərin hesablanmasına bu gündən başlanılıb. Belə ki, iyulun 1-dən şəhərlərarası marşrutlarda sərnişindaşıma tarifinin yuxarı həddi 3,7 qəpik/km həddində müəyyən edilib.
1-07-2024, 14:40
Cəlili bu axşam Pezeşkianla debata çıxır - Namizədlər bir-birini vurur
İyulun 5-də İranda növbədənkənar prezident seçkilərinin 2-ci turu keçiriləcək.
İkinci tura keçən Səid Celili (İran ali rəhbərinin Təhlükəsizlik Şurasındakı nümayəndəsi) və Məsud Pezeşkian (parlamentin deputatı, keçmiş səhiyyə naziri) bu gün canlı yayımda debata çıxacaqlar.
İran qəzetlərinin bugünkü sayında iki namizədlə bağlı fərqli yazılar dərc olunub.
“Armane Emruz” qəzeti bu axşam iki namizəd arasında keçiriləcək debatla bağlı “İki fərqli düşüncə qarşı-qarşıya” adlı manşet yazısı dərc edib.
Jurnalist İrfan Büyüknejadın yazdığı məqalədə bu ifadələr yer alıb:
“Səid Cəlili və Məsud Pezeşkian ölkənin iki mühüm siyasi fiqurudur. Hər iki şəxs müxtəlif siyasi qanadlardan olduqları üçün daxili və xarici siyasətə baxışları fərqlidir. Bu axşam iki namizəd arasında incə duel baş tutacaq.
Onların hərəsi İran cəmiyyətinin bir hissəsinin fikrini təmsil edir – Cəlili mühafizəkarları, Pezeşkian islahatçıları. Ona görə də bu namizədlərin ölkənin gələcəyi ilə bağlı fərqli baxışları var. Məsələn, mühafizəkar namizəd Səid Cəlili FATF-ın (Maliyyə Fəaliyyəti İşçi Qrupu) əleyhinədir. Lakin Pezeşkian vurğulayır ki, FATF-ı qəbul etməmək təzyiqlərin və beynəlxalq sanksiyaların artmasına səbəb ola bilər”.
“Keyhan” qəzeti “Pezeşkianın seçki kampaniyasının yeganə proqramı ictimaiyyəti rəqibindən qorxutmaqdır” başlıqlı məqalə ilə çıxış edib.
“Rəqibi qorxutmaq taktikası bütün dünyada ən çox yayılmış seçki taktikalarından biridir. Məsud Pezeşkianın ölkəni idarə etmək üçün öz planı olmasa da, seçki kampaniyasını vaxtilə Həsən Ruhaninin kabinetində olmuş şəxslər həyata keçirir. Bu adamlar prezident seçkilərinin ikinci dönəmində öz rəqibini vurmağa çalışırlar.
Məsələn, Qərbədn İrana tətbiq olunmuş sanksiyaların səbəbi kimi Səid Cəlili, hətta mərhum İbrahim Rəisi göstərilir”, - məqalədə deyilir.
“Şərq” qəzeti “İqtisadiyyat doktoru” başlığından istifadə edərək Məsud Pezeşkianı dəstəkləyən keçmiş iqtisadiyyat naziri Əli Tayyibniya haqqında məqalə dərc edib və onu tərifləyib.
Jurnalist Davud Haşmeti məqaləsində yazıb: "Son 10 ilin ən yaxşı iqtisadi dövrü Həsən Ruhaninin ilk prezidentliyi zamanı iqtisadiyyat naziri Əli Tayyibniyanın rəhbər olması ilə bağlı idi”.
1-07-2024, 12:23
Sabahın hava proqnozu
İyulun 2-də gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Lakin gün ərzində bəzi yerlərdə fasilələrlə yağış yağacağı, şimşək çaxacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-23° isti, gündüz 28-32° isti olacaq. Atmosfer təzyiqi 756 mm civə sütunu olacaq. Nisbi rütubət gecə 55-65 %, gündüz 40-45 % olacaq.
Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Əsasən dağlıq və dağətəyi rayonlarda leysan xarakterli intensiv olacağı, dolu düşəcəyi ehtimalı var. Gecə və səhər arabir duman olacaq. Şərq küləyi ayrı-ayrı yerlərdə arabir güclənəcək.
Havanın temperaturu gecə 20-25° isti, gündüz 28-32° isti, dağlarda gecə 9-14° isti, gündüz 14-18° isti olacaq.
1-07-2024, 10:29
"Qərbi Azərbaycan Kuboku" uğrunda yarış davam edir
26 iyun - 06 iyul tarixlərində Qərbi Azərbaycana qayıdış ətrafında icma üzvlərinin sıx birləşməsi, gənclər arasında kommunikasiyanın möhkəmləndirilməsi, eyni zamanda sağlam həyat tərzinin təbliği, icmanın fəaliyyətində kütləviliyin artırılması və sağlam cəmiyyətin formalaşdırılmasına dəstək məqsədilə rayon icmalarının təşəbbüsü və Qərbi Azərbaycan İcmasının təşkilatçılığı ilə mini futbol üzrə Qərbi Azərbaycan Kuboku keçirilir.
Mini futbol turnirində Qərbi Azərbaycanın rayon İcmalarını təmsil edən gənclərdən ibarət 20 komanda iştirak edir.
30 iyun 2024-cu il tarixdə, saat 20:00-da Bakı Tennis Akademiyasının zalında Meğri-Amasiya mini-futbol komandaları ilk görüşü kecirildi. Megri komandası əzmlə oynayaraq 4-3 hesabı ilə qalib gəldi .
Oyunu izləməyə Meğri İcmasının sədri akademik Fikrət Əliyev, megrili ziyalılar, iş adamları, Gənclər surası üzvləri,Kənd İcma sədrləri, icma üzvləri, sakinləri və ata-baba yurdrları Zəngəzurdan olan balaca azarkeşlərdə oyunu izləməyə gəlmişdilər. Gücümüz BİRLİYİMİZDİR !
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!