28-10-2024, 12:25
Fərhad Bədəlbəyliyə yeni vəzifə verildi
Azərbaycan Milli Ensiklopediyasının redaksiya heyətində dəyişiklik edilib.
Milli Ensiklopediyasının redaksiya heyətinə yeni üzvlər təyin edilib.
Üzeyir Hacıbəyli adına Bakı Musiqi Akademiyasının rektoru, Xalq artisti Fərhad Bədəlbəyli, AMEA-nın həqiqi üzvü, Azərbaycanda Atatürk Mərkəzinin direktoru Nizami Cəfərov redaksiya heyətinin üzvləri təyin olunub.
AMEA-nın akademik-katibi, Azərbaycan Respublikası Elm və Təhsil Nazirliyinin Fizika İnstitutunun baş direktoru Arif Həşimov və AMEA-nın Abbasqulu Ağa Bakıxanov adına Tarix və Etnologiya İnstitutunun baş direktoru Kərim Şükürov də redaksiya heyətində təmsil olunacaqlar.
28-10-2024, 12:04
Zaxarova Gürcüstan prezidentinə cavab verdi: “...buna inanmaq axmaqlıqdır!”
Rusiya Xarici İşlər Nazirliyinin rəsmi nümayəndəsi Mariya Zaxarova Gürcüstan prezidenti Salome Zurabişvilinin ölkədəki parlament seçkilərinin nəticələrini tanımaq istəməmə.sinə münasibət bildirib.
Zurabişvilinin bununla bağlı bəyanatını şərh edən Zaxarova ona Gürcüstanın gələcəyinin niyə Avropa gələcəyindən daha pis olduğu sualını verib.
Diplomat Gürcüstan prezidentinin seçkiləri tanımadığını, çünki bunun “Gürcüstanın Rusiyaya tabe olması” anlamına gəldiyini bildirən bəyanatına istinad edərək, “Heç kim Gürcüstanın Avropa gələcəyini əlindən ala bilməz” deyib.
“Zurabişviliyə bir sualım var: niyə Gürcüstanın gələcəyi Avropanın gələcəyindən pisdir? Fransa vətəndaşına xatırladım ki, Gürcüstan Fransadan daha qədimdir”, - Zaxarova Telegram kanalında yazıb.
Xarici İşlər Nazirliyinin rəsmi nümayəndəsi onu da qeyd edib ki, Amerikanın Yaxın Şərqdə və Şimali Afrikadakı macəraları ucbatından milyonlarla insan Avropaya axın edən qeyri-qanuni miqrantlar.
“Ona görə də Avropa İttifaqının başqasına “Avropa gələcəyini” bəxş edə biləcəyinə inanmaq sadəcə axmaqlıqdır”, - Zaxarova vurğulayıb.
S.Zurabişvili 26 oktyabrda keçirlən parlament seçkilərinin nəticələrini tanımadığını bildirib və vətəndaşları bazar ertəsi saat 19:00-da parlament binası qarşısında mitinq keçirməyə çağırıb. O, çıxışında hazırkı hökuməti qeyri-legitim adlandırıb.
Gürcüstanın baş naziri İrakli Kobaxidze bildirib ki, heç kim Gürcüstanda keçirilən parlament seçkilərinin qeyri-legitim olduğunu göstərən faktlar təqdim edə bilməyəcək. O, həmçinin bildirib ki, Zurabişvili seçkilərdən sonra yeni parlamentin ilk iclasına mane ola bilməyəcək.
Rəsmi məlumata görə, Gürcüstanda hakim “Gürcü arzusu” partiyası səslərin 54 fazini əldə edib.
28-10-2024, 00:41
Paşinyan Qaribaşvilini təbrik etdi
Ermənistanın baş naziri Nikol Paşinyan gürcü həmkarı İrakli Qaribaşvilini təbrik edib.
Bu barədə Ermənistan hökuməti məlumat yayıb.
O, “Gürcü arzusu”nu seçkilərdə qalib gəlməsi münasibətilə həmkarına təbrik məktubu ünvanlayıb.
Paşinyan bildirib ki, Gürcüstanla əlaqələrin davamlı inkişafı Ermənistan hökumətinin xarici siyasət prioritetlərindən biridir.
28-10-2024, 00:20
Güləşçilərimiz 8 medal qazandı
Albaniyanın paytaxtı Tiranada keçirilən U-23 dünya çempionatında güləşçilərimiz 2 qızıl, 3 gümüş və 3 bürünc medal qazandılar.
Bu barədə Azərbaycan Güləş Federasiyasından məlumat verilib.
"Jalə Əliyeva tarixi uğura imza ataraq, Azərbaycan qadın güləşində U-23 dünya çempionu olan ilk idmançımız ünvanına sahib olub. Bu yarışda, həmçinin Maqomed-Başir Xaniyev qızıl, Rəşad Məmmədov, Ruslan Abdullayev və Arseniy Djioyev gümüş, Nihad Quluzadə, Xasay Həsənli və Cəbrayıl Qadjiyev bürünc medal qazandılar.
Güləşçilərimizi, onların valideynlərini və məşqçilərini təbrik edirik.
Böyüklər kateqoriyasına keçid dövründə qazanılmış bu nailiyyətlər gələcək perspektivlərdən xəbər verir və növbəti yarışlarda da uğurlu nəticələrə inam yaradır", - açıqlamada bildirilir.
28-10-2024, 00:03
Bərdə terrorundan 4 il ötür
Ermənistanın Vətən müharibəsinin gedişində Bərdəni növbəti dəfə atəşə tutmasından 4 il ötür.
2020-ci il oktyabrın 28-də saat 13 radələrində Ermənistan silahlı qüvvələri cəbhə xəttindən uzaqda yerləşən Bərdə şəhərinə beynəlxalq hüquqla qadağan olunmuş kasetli bombalardan istifadə etməklə zərbələr endirib.
Dinc sakinlərin sıx hərəkətdə olduğu və ticarət obyektlərinin yerləşdiyi əraziyə zərbələr endirilməsi nəticədə 21 nəfər həlak olub, 70-ə yaxın şəxs yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.
Xatırladaq ki, oktyabrın 27-si saat 16 radələrində isə təcavüzkar Ermənistan silahlı qüvvələri tərəfindən Bərdə rayonunun Qarayusifli kəndi ağır artilleriyadan atəşə tutulub. Nəticədə 5 dinc sakin həlak olub, 13 nəfər yaralanıb.
Vətən müharibəsinin gedişində - 2020-ci il sentyabrın 27-dən noyabrın 10-dək 5, 8, 27, 28 oktyabr və 7 noyabrda Bərdə rayonunun müxtəlif silahlardan, raket və qadağan olunmuş kasetli bombalardan atəşə tutulması nəticəsində ümumilikdə 29 rayon sakini həlak olub, 112 nəfər yaralanıb. Həlak olanlardan 2-si uşaq, 8-i qadın, 19-u kişidir.
27-10-2024, 23:54
Gürcüstan parlamentinin ilk iclası bu vaxt keçiriləcək
Gürcüstan Mərkəzi Seçki Komissiyasının yekun protokolu noyabrın ortalarına qədər hazır olacaq.
Bu sözləri Gürcüstan parlamentinin sədri Şalva Papuaşvili söyləyib.
Onun sözlərinə görə, səslərin hesablanması, şikayətlərlə bağlı proseslər noyabrın ortalarına qədər başa çatacaq. “İcmal protokol noyabrın ortalarına qədər hazır olacaq və konstitusiya ilə müəyyən edilmiş 10 gün müddətində parlament ilk iclasını keçirəcək”, - deyə Ş.Papuaşvili vurğulayıb.
Qeyd edək ki, Gürcüstan MSK seçkilərlə bağlı yekun protokolu təqdim etdikdən sonra 10 gün müddətinə prezident onu təsdiqləməlidir. Əgər prezident protokolu təsdiq etməsə, Parlament müstəqil olaraq fəaliyyətə başlayacaq.
27-10-2024, 22:46
Adana silkələndi: insanlar küçəyə axışdı
Türkiyənin Adana vilayətində baş verən zəlzələ ətraf bölgələrdə də hiss edilib.
Bu barədə Türkiyənin daxili işlər naziri Ali Yerlikaya bildirib.
O qeyd edib ki, qurumlar zəlzələ baş verən ərazidə işləməyə başlayıb.
"Hazırda heç bir neqativ hal yoxdur. Zəlzələdən təsirlənən vətəndaşlarımızın tezliklə sağalmasını arzu edirəm. Allah ölkəmizi, millətimizi fəlakətlərdən qorusun", - Yerlikaya bildirib.
Zəlzələdən sonra insanlar küçəyə axışıb və narahatlıq keçirib.
27-10-2024, 22:25
Bakıda yanğın: xəsarət alan var
Sabunçu rayonunda ümumi sahəsi 192 m² olan birmərtəbəli mansard tipli (1-ci mərtəbədə 1 otaq, qaraj, qazanxana və mətbəx yerləşir) köməkçi tikilinin mansardının yanar konstruksiyaları 96 m² sahədə, 1-ci mərtəbəsinin yanar konstruksiyaları 78 m² sahədə, qarajın içərisində “Volkswagen" markalı minik avtomobilinin yanar hissələri, 1 ədəd “Golf Car” avtomobili, 1 ədəd skuter və 1 ədəd generator yanıb.
Bu barədə Fövqəladə Hallar Nazirliyi (FHN) məlumat yayıb.
Hadisə zamanı 1 nəfər yanıq xəsarəti alıb. Tikilinin qalan hissəsi və yaxınlıqdakı digər tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
27-10-2024, 21:40
Zurabişvili seçkilərin nəticəsini tanımadı: insanları etiraza çağırdı
Gürcüstan Prezidenti Salome Zurabişvili parlament seçkilərinin nəticələrini tanımadığını bəyan edib.
Bu barədə o, mətbuat konfransında bildirib.
O, "Gürcü arzusu"nun qələbə qazandığı seçkilərdə saxtakarlığa yol verildiyini iddia edib.
“Bu gün burada ölkədə qalan yeganə müstəqil qurumun rəhbəri kimi demək istəyirəm ki, mən bu seçkiləri tanımıram”, - Zurabişvili qeyd edib.
Zurabişvili vətəndaşları parlament seçkilərinin nəticələrinə etiraz etməyə çağırıb:
“Sabah axşam saat 7-də hamınızı Rustaveli prospektinə dəvət etmək istəyirəm ki, biz birlikdə dünyaya və özümüzə bu seçkiləri tanımadığımızı bəyan edək”.
27-10-2024, 21:40
Zurabişvili seçkilərin nəticəsini tanımadı: insanları etiraza çağırdı
Gürcüstan Prezidenti Salome Zurabişvili parlament seçkilərinin nəticələrini tanımadığını bəyan edib.
Bu barədə o, mətbuat konfransında bildirib.
O, "Gürcü arzusu"nun qələbə qazandığı seçkilərdə saxtakarlığa yol verildiyini iddia edib.
“Bu gün burada ölkədə qalan yeganə müstəqil qurumun rəhbəri kimi demək istəyirəm ki, mən bu seçkiləri tanımıram”, - Zurabişvili qeyd edib.
Zurabişvili vətəndaşları parlament seçkilərinin nəticələrinə etiraz etməyə çağırıb:
“Sabah axşam saat 7-də hamınızı Rustaveli prospektinə dəvət etmək istəyirəm ki, biz birlikdə dünyaya və özümüzə bu seçkiləri tanımadığımızı bəyan edək”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!