21-03-2025, 16:45
"Kəlbəcərdə o heykəli ucaldın"
Kəlbəcər sakini İlham Əliyevdən çox maraqlı xahiş edib...
Azərbaycan Respublikası Prezidenti Yanında Dövlət İdarəçilik Akademiyasının Siyasi İdarəetmə fakultəsinin müdavimi, Azərbaycan Dövlət Su Ehtiyatları Agentliyinin əməkdaşı İlqar Vəliyəddin oğlu Misirzadə Prezident İlham Əliyevə müraciət edib.
İlqar Misirzadənin Prezidenə müraciətində bildirilir:
“Möhtərəm Prezident!
Sizi və ailənizi xalqımızın əsrlərdən süzülüb gələn milli-mənəvi dəyəri olan Novruz bayramı münasibəti ilə təbrik edirəm!
Azərbaycan xalqının böyük oğlu,Türk dünyasının görkəmli şəxsiyyəti, dahi siyasi xadim ümummilli lider Heydər Əliyev öz çıxışlarında qətiyyətlə vurğulayırdı: “...Gün o gün olacaq ki, Novruz bayramını bir dəfə Şuşada, o biri ili Laçında, o biri ili Kəlbəcərdə, Ağdamda, Füzulidə, Cəbrayılda, Zəngilanda, Qubadlıda keçirəcəyik!”
Belə də oldu, dahi siyasətci Heydər Əliyev bu günləri xalqına yaşadacaq İlham Əliyev şəxsiyyətinə, siyasi iradəsinə tamlıqla əmin olduğu üçün xalqına da onun ətrafında birləşməyi tövsiyə etmişdir və qeyd etdiyi kimi: “...Özüm qədər inanıram”, - nəsihəti bu gün bizə tarixi zəfərimizə şahidlik etməyi nəsib etmişdir.
Cənab prezident!
Mərhum atam Vəliyəddin İsmayılovun Ulu Öndərin 100 illiyinə həsr etdiyi “Nəsillərə örnək insan” kitabındakı bir tarixi faktı qeyd etmək istəyirəm. Ulu öndər Heydər Əliyev 1997-ci il aprelin 2-də Kəlbəcərin işğalının anım günündə Nərimanov rayonunda kəlbəcərli məcburi köçkünlərlə görüşündə qeyd etmişdi.
“...Mən bu gün eyni zamanda kəlbəcərlilərdə öz xalqına, torpağına məhəbbət hissi olduğunu sübut edən, nümayiş etdirən faktları yada salmaq istəyirəm. Bu gün burada yenə dedilər ki, gəlinlər özlərini qayadan atdılar. Bu, Azərbaycan qadınının nə qədər yüksək mənəviyyata, namusa, qeyrətə malik olduğunu sübut edən faktdır. Mən keçən dəfə demişdim, bu gün də deyirəm, Kəlbəcərin Ermənistan işğalından azad olacağı gün gələcək. Biz sizinlə Kəlbəcərə qayıdacayıq, orada kəlbəcərlilərin qəhramanlığını əbədiləşdirən abidələr yaradılacaq, lakin ən birinci abidə özünü qayadan atan həmin gəlinlərin abidəsi olmalıdır. Bu abidə qoyulmalıdır!”
Cənab Ali Baş Komandan!
Mən bir Azərbaycan vətəndaşı, bir kəlbəcərli kimi əminəm ki, Siz Ulu Öndərin - Bu abidə qoyulmalıdır, - tövsiyəsi, nəsihəti və arzusunu yerinə yetirəcək və Türk dünyasının, Azərbaycan xalqının əzəmət simvolunu ucaldacaqsınız. Bu mənəviyyat abidəsi Türk dünyasının dünyaya açılan qapısının qürur mənbəyi olacaqdır və əsrlər keçəcək Siz hər zaman böyük Azərbaycan xalqının QÜRUR MƏNBƏYİ OLACAQSINIZ!
Bir daha Sizi səmimi qəlbdən təbrik edirəm və Sizinlə Kəlbəcərdə görüşmək arzusu ilə...
Allah Sizi və ailənizi qorusun!”
21-03-2025, 16:38
Gürcü baş nazir Novruz bayramı tədbirinə qatılıb
“Biz xristianları və müsəlmanları, gürcüləri və azərbaycanlıları birləşdirən çoxəsrlik birgəyaşayış və dostluqla fəxr edirik”.
Bunu Gürcüstanın baş naziri İrakli Kobaxidze Marneulidə Novruz bayramı tədbirində deyib.
Novruz bayramı astronomik Günəş təqviminə görə baharın və yeni ilin başlanğıcıdır. Gürcüstanın baş naziri bu münasibətlə etnik azərbaycanlıların kompakt yaşayış məntəqələrində məskunlaşdığı Marneuli şəhərinə səfər edib.
"Sizi bu gün münasibətilə təbrik etmək istəyirəm. Bu günü sizinlə qeyd etdiyim üçün xoşbəxtəm və qürur duyuram. Novruz bayramı yeniləşmə və xeyirxahlıq bayramıdır. Biz çoxəsrlik birgəyaşayışdan, bizi, xristianlarla müsəlmanları, gürcüləri və azərbaycanlıları birləşdirən dostluqdan qürur duyuruq. Bu, bizim həqiqətən fəxr etməli olduğumuz dostluq münasibətləridir", - deyə Kobaxidze bildirib.
21-03-2025, 16:20
Fəxri xiyaban, Şəhidlər xiyabanı, Zəfər parkı - Rəsmi protokol genişlənəcək?
Son dövrlər ölkəmizə səfər edən dövlət başçılarının ziyarət etdiyi abidələr sırasına daha biri əlavə edilib. Belə ki, xarici dövlət və hökumət rəhbərləri Fəxri xiyaban və Şəhidlər xiyabanı ilə yanaşı, indi həm də Zəfər parkını ziyarət edirlər. Bəs başqa hansı abidələr ziyarət üçün rəsmi protokola əlavə edilə bilər?
Mövzu ilə bağlı deputatlar Nəsib Məhəməliyev və Elman Məmmədov fikir bildiriblər.
Nəsib Məhəməliyevin sözlərinə görə, Zəfər parkının rəsmi protokola salınması müsbət haldır:
“Ölkəmizə gələn dövlət rəsmilərinin bu abidəni ziyarət etməsi Azərbaycan xalqının qəhrəmanlıq səlnaməsi ilə tanışlıq deməkdir. Dövlət protokoluna əsasən, Ulu öndər Heydər Əliyevin Fəxri xiyabandakı məzarı ziyarət olunduqdan sonra Şəhidlər xiyabanına gedilir. Son vaxtlar əlavə olaraq Zəfər parkı da dövlət protokoluna daxil edilib.
Əlavə olaraq hansısa abidənin bu proqrama daxil edilməsinin lazım olduğunu düşünmür və düzgün hesab etmirəm”.
Elman Məmmədov bildirib ki, torpaqlarımız işğaldan azad edildikdən sonra müxtəlif kateqoriyalardan insanlar Qarabağa səfərlər edirlər:
“Şuşamıza, Xankəndimizə, Ağdamımıza və digər rayonlarımıza insanlar səfərlər edirlər. Cənab Prezident 1 il əvvəl Xocalıda Xocalı şəhidlərinin əziz xatirəsinə həsr olunmuş kompleksin təməlini qoydu. Bu il isə həmin kompleksin tikilişi üçün 18.3 milyon manat pul ayrıldı. Həmin kompleks böyük ərazidə tikiləcək və içərisində həmin faciənin yad edilməsi üçün lazım olan hər şey yer alacaq. Xankəndidə də çox böyük bir ərazidə Zəfər parkı salınır. Belə bir abidə yəqin ki, Xocalıda da olacaq. Önümüzdəki 1 il ərzində bu abidələrin inşası başa çatdırılacaq. Azərbaycana səfər rəsmi nümayəndələr, turistlər həmin torpaqlara səfər edən zaman həmin kompkekslər onlara göstəriləcək”.
21-03-2025, 16:02
Kreml Ermənistanı “dost ölkə” adlandırdı
“Rusiya Ermənistanla münasibətləri daha da inkişaf etdirməyə yönəlib”.
Bunu jurnalistlərlə keçirdiyi brifinqdə Rusiya prezidentinin mətbuat katibi Dmitri Peskov Ermənistanın baş naziri Nikol Paşinyanın Rusiya ilə əlaqələrin bərpası barədə göstəriş verməsi barədə məlumatı şərh edərkən deyib.
O qeyd edib ki, “Rusiya ilə Ermənistan arasında münasibətlər kəsilməyib”.
Kremlin sözçüsü Ermənistanı “dost ölkə” adlandırıb:
"Bizim çoxlu ortaq cəhətlərimiz var: ikitərəfli, tarixi və mədəni baxımdan. Eləcə də Aİİ kimi mühüm inteqrasiya birliyində birgə iştirak baxımından".
“Biz Ermənistan tərəfinin ikitərəfli münasibətlərimizin perspektivlərinə inanırıq və onları hərtərəfli inkişaf etdirməyə hazırıq”, - Peskov əlavə edib.
21-03-2025, 15:56
Paşinyan İctimai Televiziyaya müsahibə verdi
Ermənistanın baş naziri Nikol Paşinyan ölkəsinin İctimai Televiziyasına müsahibə verib.
Bu barədə Paşinyan özünün sosial şəbəkə hesabında bildirib.
Baş nazir regionda və dünyada baş verən hadisələr, Ermənistan-Azərbaycan münasibətləri və digər məsələlərdən danışıb.
Müsahibənin tezliklə yayımlanacağı gözlənilir.
21-03-2025, 15:47
Rusların neçə faizi Putinə etibar edir? - Sorğu AÇIQLANDI
Rusların əksəriyyəti, yəni 79,8%-i prezident Vladimir Putinə güvənir.
Bu göstəricini Rusiyada sorğu keçirən Ümumrusiya İctimai Rəyin Öyrənilməsi Mərkəzi dərc edib.
Sorğunun nəticələrinə görə, respondentlərin yalnız 16%-i Rusiya prezidentinə inanmır. Rusiyalıların 78,1%-i Putinin fəaliyyətini müsbət, 13,6%-i isə mənfi qiymətləndirir.
Rusiyanın baş naziri Mixail Mişustinə respondentlərin 62,4%-i etibar edir, 18,4%-i ona etibar etmir, Rusiya vətəndaşlarının yarıdan çoxu (53,4%) hökumət başçısının fəaliyyətini bəyənir, 10,1%-i isə onun işini bəyənmir.
Gələn bazar günü Dövlət Dumasına seçkilər keçirilsə, hansı partiyaya səs verəcəklərini soruşduqda, rusiyalıların 35,9%-i “Vahid Rusiya”, 10,7%-i Rusiya Liberal Demokrat Partiyası (LDPR), 9,9%-i Rusiya Federasiyası Kommunist Partiyası (КПРФ), 6%-i “Yeni adamlar” partiyası, 3,9%-i "Ədalətli Rusiya - Patriotlar - Həqiqət naminə" partiyasının adını qeyd edib.
Sorğu 2025-ci il martın 10-dan 16-dək yaşı 18-dən yuxarı olan 1,6 min rusiyalı arasında keçirilib. Sorğu mobil nömrələrin təsadüfi seçimi ilə telefon vasitəsilə aparılıb.
21-03-2025, 14:51
Putindən İlham Əliyevə bayram təbriki
Rusiya Federasiyasının Prezidenti Vldamir Putin Azərbaycan Respublikasının Prezidenti İlham Əliyevə təbrik ünvanlayıb. Təbrikdə deyilir:
"Hörmətli İlham Heydər oğlu.
Novruz - bahar bayramı münasibətilə ən səmimi təbriklərimi qəbul edin.
Rusiya-Azərbaycan münasibətləri tərəfdaşlıq və müttəfiqlik ruhunda uğurla inkişaf edir. Əminəm ki, biz birgə səylərlə gələcəkdə də dost xalqlarımızın rifahı naminə, Cənubi Qafqazda və Xəzərdə təhlükəsizliyin və sabitliyin möhkəmləndirilməsi maraqlarına uyğun olaraq qarşılıqlı faydalı ikitərəfli əlaqələri fəal şəkildə gücləndirəcəyik.
Hörmətli İlham Heydər oğlu, bu əziz bayram günündə Sizə ürəkdən möhkəm cansağlığı və uğurlar, Azərbaycanın bütün vətəndaşlarına isə xoşbəxtlik və tərəqqi arzulayıram".
21-03-2025, 14:50
Ermənistandan Türkiyəyə təşəkkür
Ermənistan xarici işlər nazirinin müavini Vahan Kostanyan Suriyaya humanitar yardımın çatdırılması üçün sərhədin müvəqqəti açılmasına görə türk həmkarlarına təşəkkür edib.
Ermənistan hökumətinin Türkiyə üzərindən Suriyaya göndərdiyi humanitar yardımı çatdırmaq üçün tibbi ləvazimat və ərzaq məhsulları daşıyan yük maşınlarının “Marqara” körpüsündən keçdiyi bildirilir.
“Mən türk həmkarlarıma bu humanitar missiyada əməkdaşlığa görə minnətdarlığımı bildirmək istəyirəm”, – Kostanyan X sosial şəbəkəsində yazıb.
Yüklərin çatdırılması üçün Ermənistan-Türkiyə sərhədindəki “Marqara” keçid məntəqəsi martın 21-dən 31-dək açıq olacaq.
Qeyd edək ki, 1993-cü ildən “Marqara” keçid məntəqəsindən praktiki olaraq ticarət və sərnişin daşınması üçün istifadə edilmir. Son illər Ermənistan onu modernləşdirib, keçid məntəqəsi fəaliyyətə hazırdır, lakin Türkiyə onu açmağa tələsmir və Ermənistanla münasibətlərin normallaşmasını İrəvanın Azərbaycanın şərtlərini yerinə yetirməsi ilə əlaqələndirir.
21-03-2025, 14:37
Ərdoğan İlham Əliyevi təbrik etdi
Türkiyə Prezidenti Rəcəb Tayyib Ərdoğan Novruz bayramı münasibətilə Azərbaycan Prezidenti İlham Əliyevi təbrik edib. Təbrikdə deyilir:
"Cənab Prezident, Əziz Qardaşım.
Təbiətin yenidən canlandığı, torpağın oyandığı və ümidlərin çiçəkləndiyi Novruz bayramı münasibətilə Zati-alinizə və dost Azərbaycan xalqına ən səmimi təbriklərimi çatdırıram.
Çoxəsrlik qədim ənənəmiz olan Novruz bu il də sülhün, qardaşlığın, həmrəyliyin əhəmiyyətini xatırlamağımıza vəsilə olur. Ümid edirəm ki, Novruz dünyada sülhlə bağlı ümidlərin bəsləndiyi, beynəlxalq dialoq və əməkdaşlığın yeni səviyyələrə çatdığı bir dövrün müjdəçisi olacaq. Ölkələrimiz arasında dərin köklərə malik dostluq və qardaşlıq tellərinin möhkəmlənməsi, əməkdaşlığımızın daha da güclənməsi bu Novruz bayramında da səmimi arzumuzdur.
Bu mənalı gün münasibətilə Zati-alinizə cansağlığı və xoşbəxtlik, qardaş Azərbaycan xalqına sülh, rifah və firavanlıq dolu gələcək arzulayıram".
21-03-2025, 14:21
Ruslar azərbaycanlı iş adamının obyektini dağıtdılar - FOTO
Rusiya ordusunun dünən axşam gerçəkləşdirdiyi hava hücumları nəticəsində Ukraynanın Odessa şəhərində fəaliyyət göstərən azərbaycanlı iş adamı Şamil Quliyevə məxsus "Qulivar" ticarət mərkəzi darmadağın olub.
Bu barədə Odessada yaşayan jurnalist-diaspor fəalı Anar Natiqoğlu məlumat verib.
O bildirib ki, rusların bombardmanı nəticəsində Şamil Quliyevə məxsus "Qulivar" ticarət mərkəzi tamamilə yanıb.
“Amma yanğın baş verən sırada yerləşən və minlərlə şəhər sakini, onminlərlə məcburi köçkünün ümid yeri olan "Dopomoqa" xeyriyyə fonduna məxsus binanın yanmasının qarşısı alınıb”, - A.Natiqoğlu deyib.
Onun sözlərinə görə, "Dopomoqa" fonduna da Şamil Quliyev rəhbərlik edir.
Bu fond yerli sakinləri və ukraynalı məcburi köçkünləri geyim, ərzaq, gigiyena vasitələrilə təmin edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!