11-05-2025, 12:41
Sabahın havası ilə bağlı XƏBƏRDARLIQ
Mayın 12-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Bu barədə Milli Hidrometeorologiya Xidmətindən bildirilib.
Səhər bəzi şəhərətrafı ərazilərdə qısamüddətli az yağış yağacağı ehtimalı var. Mülayim şimal-qərb küləyi əsəcək.
Havanın temperaturu gecə 15-18° isti, gündüz 20-25° isti olacaq. Atmosfer təzyiqi normadan aşağı 757 mm civə sütunu olacaq. Nisbi rütubət gecə 70-75%, gündüz 55-60% olacaq.
Azərbaycanın şimal və qərb rayonlarından başlayaraq bəzi yerlərdə fasilələrlə yağıntılı olacağı, şimşək çaxacağı gözlənilir. Gecə və axşam ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Bəzi yerlərdə arabir duman olacaq. Qərb küləyi bəzi yerlərdə arabir güclənəcək.
Havanın temperaturu gecə 15-20° isti, gündüz 25-30° isti, dağlarda gecə 7-12° isti, gündüz 15-20° isti olacaq.
11-05-2025, 12:28
Makron: Putinin danışıqlar təklifi yetərli deyil
Fransa Prezidenti Emmanuel Makron Rusiya lideri Vladimir Putinin Ukrayna ilə birbaşa danışıqlara dair təklifini qeyri-kafi qiymətləndirib.
Bu barədə “Frans Presse” (AFP) agentliyi məlumat yayıb.
“Vladimir Putinin Kiyev və onun avropalı müttəfiqlərinin tələb etdiyi 30 günlük atəşkəsə cavab olaraq Rusiya və Ukrayna arasında birbaşa danışıqlar təklifi ilk addımdır, lakin kifayət deyil”, – Makron deyib.
AFP Fransa prezidentinin sözlərindən sitat gətirir: "Şərtsiz atəşkəsdən əvvəl danışıqlar aparılmır".
Makron əlavə edib ki, Putin çıxış yolu axtarır, amma yenə də vaxt qazanmaq istəyir.
11-05-2025, 11:54
Avtobus aşdı - 15 ölü, 20 yaralı
Şri-Lankanın Mərkəzi əyalətinin Kotmale şəhərində avtobusun aşması nəticəsində 15 nəfər ölüb, 20 nəfər yaralanıb.
Zərərçəkənlərin rayon xəstəxanalarına çatdırıldığı qeyd edilir.
Hadisə ilə bağlı araşdırmalara başlanılıb. Qəzanın səbəbləri araşdırılır.
11-05-2025, 10:53
Kəşmir probleminin həllinə çalışacağıq - Tramp
ABŞ Prezidenti Donald Tramp Pakistan və Hindistan arasındakı Kəşmir probleminin həllinə çalışacaq.
Donald Tramp bu barədə “Truth Social”da paylaşımında bildirib.
ABŞ Prezidenti Pakistan və Hindistan rəhbərliyinin hazırkı qarşıdurmanı dayandırmağın vaxtı çatmasını anlayacaq müdrikliyə və iradəyə malik olması ilə qürur duyduğunu vurğulayıb: "Milyonlarla günahsız insan ölə bilərdi. Fəxr edirəm ki, ABŞ bu tarixi qərarın qəbulunda sizə kömək edə bildi”.
Hər iki ölkə ilə ABŞ arasında ticarətin genişlənməsini istədiyini nəzərə çatdıran Donald Tramp Kəşmir probleminin həlli üçün hər iki tərəflə çalışacağını qeyd edib.
11-05-2025, 10:23
Bakıda bina yandı - Meyit tapıldı
Bakı şəhərinin Sabunçu rayonununda ümumi sahəsi 10 m² olan köməkçi tikilinin içərisində məişət və taxta tullantıları yanıb.
Bu barədə Fövqəladə Hallar Nazirliyindən bildirilib.
Yanğın yerinin kəşfiyyatı zamanı 1 nəfərin yanmış meyiti aşkar edilərək aidiyyəti üzrə təhvil verilib. Yanğın yanğından mühafizə bölmələri tərəfindən söndürülüb.
11-05-2025, 09:41
Müharibənin dayandırılması üçün ortaq sənəd hazırlandı
ABŞ, Avropa və Kiyev nümayəndələri Rusiya-Ukrayna müharibəsinin dayandırılması üçün 22 təklifdən ibarət sənəd hazırlayıblar.
Sənədin maddələrindən biri 30 günlük atəşkəsi nəzərdə tutur.
Planda ABŞ-ın Ukraynanın NATO-ya üzvlüyünü dəstəkləməyəcəyi tələbi də yer alıb.
11-05-2025, 09:26
Fələstin: Trampın Qəzza planı qəbuledilməzdir
Fələstin Dövləti ABŞ Prezidenti Donald Trampın Qəzza zolağının abadlaşdırılması planına qəti şəkildə qarşı çıxır.
Fələstin Prezidenti Mahmud Abbas rusiyalı həmkarı Vladimir Putinlə görüşü zamanı bildirib.
"Biz fələstinlilərin öz torpaqlarından köçürülməsinə qarşıyıq və Qəzzada "Yaxın Şərq Rivyerası" yaradılmasını istəmirik – biz bu planı qəbuledilməz hesab edirik və buna görə də rədd etmişik", – Abbas söyləyib.
Dövlət başçısı bildirib ki, Fələstin iqtidarı Qəzzanın ABŞ administrasiyasının nəzarətinə verilməsi ideyasına da kəskin şəkildə qarşı çıxır. "Nə amerikalıların, nə də digər xarici qüvvələrin Qəzza zolağını idarə etmək hüququ yoxdur – bunu yalnız Fələstin Milli Administrasiyası edə bilər və biz bu məsələdə mövqeyimizi ABŞ administrasiyasına bildirmişik", – o vurğulayıb.
Qeyd edək ki, fələstinlilərin Qəzzadan köçürülməsi ilə bağlı müzakirələr ABŞ Prezidentinin fevral ayında hərbi əməliyyatlar nəticəsində evlərini itirmiş Qəzza sakinlərinin ərəb ölkələrində, xüsusilə Misir və İordaniyada yerləşdirilməsinin mümkün olduğunu bildirməsindən sonra başlamışdı. Trampın sözlərinə görə, söhbət anklavdan kənarda yerləşdirilməli olan 1,5 milyon insandan gedir.
11-05-2025, 09:04
Rusiya–Ukrayna danışıqları Türkiyədə başlasın - Putindən TƏKLİF
Rusiya Prezidenti Vladimir Putin Moskva və Kiyev arasında danışıqların yubanmadan mayın 15-də İstanbulda başlanmasını təklif edib.
Rusiya lideri mövqeyini Kremldə keçirilmiş mətbuat konfransında ifadə edib.
“Təklif edirik ki, danışıqlar ləngimədən, gələn cümə axşamı, mayın 15-də İstanbulda başlansın. Əvvəllər keçirildiyi və dayandırıldığı yerdə. Məlum olduğu kimi, türkiyəli həmkarlarımız dəfələrlə belə danışıqların təşkilində kömək təklif ediblər və Prezident Ərdoğan onların təşkili üçün çox iş görüb”, – ölkə başçısı qeyd edib.
O həmçinin sabah türkiyəli həmkarı ilə danışıqlar aparacağını açıqlayıb.
“Mən ondan Türkiyədə danışıqların keçirilməsi üçün belə bir imkan yaratmasını xahiş etmək istəyirəm”, – Putin söyləyib.
11-05-2025, 07:30
Sosial-İqtisadi Kollecdə tədbir keçirilib
Azərbaycan Dövlət İqtisad Universitetinin (UNEC) nəzdində Sosial-İqtisadi Kollecdə “Ulu Öndər Heydər Əliyev Konstitusiyamızın memarıdır” adlı tədbir keçirilib.
Tədbir Ümummilli Lider Heydər Əliyevin anadan olmasının 102-ci ildönümünə həsr edilib.
Kollecin direktoru Şəhriyar Laçınov çıxışında Ümummilli Lider Heydər Əliyevin hələ ötən əsrin 70-80-ci illərində Azərbaycanı SSRİ məkanında qabaqcıl respublikalar sırasına çıxardığını vurğulayıb. Bildirib ki, Ulu Öndərin 1993-cü ilin iyun ayında xalqın çağırışı ilə ölkə rəhbərliyinə qayıdışı Azərbaycanı dövlət müstəqilliyinin itirilməsi təhlükəsindən, dərin siyasi, iqtisadi və sosial böhrandan xilas edib.
Direktor qeyd edib ki, Ulu Öndərin müəllifi olduğu, 1995-ci ildə qəbul edilən müstəqil Azərbaycanın Konstitusiyasında da Azərbaycan vətəndaşlarına layiqli həyat səviyyəsinin təmin edilməsi dövlətin ali məqsədi kimi təsbit olunub. Ümummilli Lider Heydər Əliyevin müdrik və uzaqgörən siyasətinin Prezident İlham Əliyev tərəfindən yüksək səviyyədə davam etdirilməsi nəticəsində Azərbaycan mühüm tarixi nailiyyətlərə imza atıb, möhtəşəm Zəfər qazanıb.Sonra gənclərin Respublika Bədii Yaradıcılıq Evi tərəfindən peşə və orta ixtisas təhsili müəssisələrinin tələbələri arasında Ümummilli Lider Heydər Əliyevin anadan olmasının 102 illiyinə həsr olunmuş “Sən elə bir zirvəsən” respublika ifa müsabiqəsində Sosial-İqtisadi Kolleci layiqincə təmsil edən tələbələr fəxri fərmanla və təşəkkürnamə ilə təltif olunub.Tədbir boyu qonaqlara Ulu Öndərin həyat və fəaliyyəti ilə bağlı videomateriallar təqdim olunub və təhsil sahəsində, gənclər siyasətinin formalaşmasında gördüyü işlər nümayiş etdirilib.Tədbirin bədii hissəsində Ulu Öndər Heydər Əliyevə həsr edilmiş şeirlər, mahnılar səsləndirilib.
Aybəniz Abdulova
Azərbaycan Jurnalistlər Birliyinin üzvü,
yazar, jurnalist-araşdırmaçı
10-05-2025, 18:56
Şuşa ilə Xankəndi arasında kanat yolu - Prezident AÇIQLADI
Biz Şuşanı Xankəndi ilə birləşdirən “Kanat yolu” layihəsi üzərində işləyirik.
Bu sözləri Prezident İlham Əliyev Ağdam Muğam Mərkəzinin açılışında çıxışı zamanı deyib.
Dövlətimizin başçısı qeyd edib: “Laçın şəhərində kanat yolunun tikintisinə yəqin ki, bu il başlanılacaq. Kəlbəcərdə də belə layihə var. Yəni ki, bu, həm turizm baxımından, həm insanların rahat gediş-gəlişi üçün çox gözəl bir vasitə olacaq”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!