Dünən, 10:20
Bakıda partlayış - Xəsarət alan var
Fövqəladə Hallar Nazirliyinin “112” qaynar telefon xəttinə Bakı şəhəri, Qaradağ rayonu, Lökbatan qəsəbəsində yerləşən beşmərtəbəli yaşayış binasında mənzildə partlayış baş verməsi barədə məlumat daxil olub.
Nazirliyin mətbuat xidmətindən bildirilib ki, dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraitinin qiymətləndirilməsi zamanı beşmərtəbəli yaşayış binasının 4-cü mərtəbəsində yanğınla nəticələnən partlayışın baş verdiyi müəyyən olunub.
Yanğınsöndürənlər tərəfindən yanğın qısa müddətdə söndürülüb, ərazidə müvafiq təhlükəsizlik tədbirləri görülüb.
Hadisə nəticəsində ikiotaqlı mənzilin 1 otağının dəhlizinin yanar konstruksiyaları 26 m² sahədə və mətbəxin lambirdən ibarət tavanı 10 m² sahədə yanıb, partlayış nəticəsində 1 otağın pəncərə çərçivəsi yerindən çıxıb, digər otağın pəncərə şüşələri sınıb və mətbəxin əşyaları dağılıb, bir nəfər xəsarət alıb, qonşu mənzildən 3 nəfər sakin yanğınsöndürənlər tərəfindən təhlükəsiz əraziyə təxliyə olunub.
Hadisə ilə əlaqədar aidiyyəti qurumlar tərəfindən araşdırma aparılır.
Dünən, 10:13
Tramp sammitin əvvəlində şən görünürdü, sonda bədbin - Xarici KİV
Tramp-Putin Alyaska danışıqları razılaşmasız başa çatıb: Onlar tezliklə yenidən görüşməyə razılaşırlar.
ABŞ prezidenti Donald Tramp və Rusiya prezidenti Vladimir Putin Ukraynadakı müharibə ilə bağlı təxminən üç saatlıq görüşü başa çatdırıblar, qısa açıqlamalar veriblər, lakin atəşkəs və sülh sazişi elan etmədən ayrılıblar.
Bu barədə NBC News-un məlumatında bildirilib.
“İki çox vacib ölkə arasında çox isti görüş oldu”. Bu sözləri ABŞ Prezidenti Donald Tramp rusiyalı həmkarı Vladimir Putinlə görüşdən sonra “Fox News”a müsahibəsində deyib. O bildirib ki, tərəflər bir çox məsələdə razılığa gəliblər.
“Bizim bura kimi gəlib çıxmağımız çox yaxşıdır. Düşünürəm ki, biz razılaşmaya çox yaxınıq. Artıq anlaşdığı zaman çox yaxşıdır. Ukrayna buna razılıq verməlidir”.
"Danışıqlarımız qarşılıqlı hörmət və konstruktiv atmosferdə keçdi. Onlar çox əsaslı və faydalı oldu", - deyə Putin görüşdən sonra qeyd edib.
Danışıqlarda nəyin razılaşdırıldığı bəlli deyil. Tramp iki tərəfin "əhəmiyyətli irəliləyiş" əldə etdiyini söyləyib, lakin heç bir detal təqdim etməyib.
"Biz ora çatmamışıq, lakin ora çatmaq üçün çox yaxşı şansımız var", - o söyləyib. Tramp Putinə üz tutaraq, “yəqin ki, tezliklə yenidən görüşəcəyik” deyib.
“Növbəti dəfə Moskvada”,- deyə Putin ona cavab verib.
Putinin deyib ki, Tramp hakimiyyətdə olsaydı, Ukrayna ilə müharibə baş verməyəcəkdi.
NBC Newsun məlumatında deyilir ki, “Tramp sammitin əvvəlində şən görünürdü, lakin sonunda o, solğunlaşdı”.
Dünən, 10:11
ABŞ qırıcıları Putini müşayiət edib
Rusiya Prezidenti Vladimir Putini Alyaskadan Moskvaya qayıdarkən ABŞ-nin F-22 qırıcıları onu müşayəit edib.
Bu barədə Kremlin mətbuat xidməti məlumat yayıb.
Xatırladaq ki, dünən Ukrayna müharibəsindən sonra ilk dəfə ABŞ və Rusiya liderləri görüşüblər. Görüş vaxtilə rusların ABŞ-yə satdığı Alyaskanın Ankoriç şəhərində keçirilib. 3 saat çəkən görüş barədə Rusiya Prezidenti Vladimir Putin "Danışıqlarımız qarşılıqlı hörmət və konstruktiv atmosferdə keçdi. Onlar çox əsaslı və faydalı oldu", deyə bəhs edib.
Dünən, 09:40
Tramp xanımının məktubunu Putinə təqdim etdi
ABŞ prezidenti Donald Tramp Alyaskada keçirilən görüş zamanı rusiyalı həmkarı Vladimir Putinə öz həyat yoldaşı Melaniyanın məktubunu təqdim edib.
Bu barədə "Reuters" 2 nəfər adı çəkilməyən Ağ Ev rəsmisinə istinadən məlumat yayıb.
Onlar məktubun məzmununu təqdim etməyiblər. Təkcə onu qeyd ediblər ki, məktub Ukraynadakı münaqişə zamanı qaçırıldığı iddia edilən uşaqların taleyinə aiddir.
Qeyd edək ki, dünənki görüşdə Melaniya Tramp həyat yoldaşı Donald Trampı müşayiət etməyib.
Dünən, 09:00
Ukrayna ilə bağlı razılaşma artıq Zelenskidən asılıdır - Tramp
Alyaskada keçirilən ABŞ-Rusiya sammitindən sonra Ukrayna münaqişəsinin nizamlanmasına dair razılaşmanın əldə olunması indi Volodimir Zelenskidən asılıdır.
Bunu ABŞ lideri Donald Tramp “Fox News”a müsahibəsində deyib:
"Düşünürəm ki, bir sövdələşmə bağlana bilər. İndi onun bağlanıb-bağlanmayacağı Zelenskidən asılıdır".
Tramp əlavə edib ki, Avropa ölkələri razılaşmaların əldə olunmasında az da olsa rol oynamalı olacaqlar.
Dünən, 02:30
Tramp-Putin görüşü 3 saat çəkdi
ABŞ Prezidenti Donald Trampla rusiyalı həmkarı Vladimir Putin arasında Alyaskanın Ankoriç şəhərində keçirilən görüş başa çatıb.
Görüş üç saata yaxın çəkib
***
23:31
Tramp və Putin görüşü başlayıb.
Liderlər hərbi bazada yan-yana əyləşiblər.
Onlar heç bir açıqlama verməyib və jurnalistlər otaqdan çıxarılıb.
***
23:10
ABŞ və Rusiya prezidentləri Donald Tramp və Vladimir Putin arasında görüş başlayıb.
Görüş Alyaskada keçirilir.
Liderlər danışıqlara başlamazdan əvvəl Ankoricdə demək olar ki, eyni vaxtda təyyarələrindən enərək bir-birlərini salamlamaq üçün bir-birlərinə tərəf yönəliblər.
Dünən, 00:56
Görüşdən foto paylaşıldı
Ağ Ev Rusiya və ABŞ prezidentləri Vladimir Putinlə Donald Trampın mətbuata qapalı keçirilən görüşünə dair paylaşım edib.
Ağ Evin rəsmi "X" hesabında görüşdən şəkil paylaşılıb.
Şəkildə Trampla Putinin ayaq üstə olduğu, ABŞ liderinin güldüyü, Putinin isə ifadəsiz olduğu görülür.
Şəklə "Sülh üçün çalışmaq" şərhi əlvə edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!