Xəbərlərin siyahısı: Oktyabr 2025 illər » Səhifə 31

19-10-2025, 16:17

Qurban Qurbanov "Qarabağı" tərk edib-etməcəyinə aydınlıq gətirdi

"Biz əvvəlki illərdə çəkdiyimiz zəhmətlərin bəlkə də bu il daha çox bəhrəsini görürük".
Bunu "Qarabağ" klubunun baş məşqçisi Qurban Qurbanov "Haber Global" telekanalına verdiyi açıqlamada bildirib.
Onun sözlərinə görə, "Qarabağ" komandasının uğurlarının Avropa və Türkiyədə əks-səda doğurması klub üzvlərinə stimul verir.
17 ildir "Qarabağ"ın sükanı arxasında olan Qurbanov klubdan ayrılmaq istəmədiyini də vurğulayıb:
"Bura mənim ikinci evimdir, bəlkə də birinci evimdir, çünki mən burada daha çox vaxt keçirirəm. Amma gələcəkdə hər şey ola bilər. Hazırda daha böyük bir kluba keçmək kimi bir fikrim yoxdur".
Daha ətraflı süjetdə:

Qurban Qurbanov "Qarabağı" tərk edib-etməcəyinə aydınlıq gətirdi

19-10-2025, 15:52

Yollarda görünüş məsafəsi məhdudlaşacaq

Sabah avtomobil magistral yollarında görünüş məsafəsi məhdudlaşacaq.
Bu barədə Milli Hidrometeorologiya Xidməti məlumat yayıb.
Bildirilib ki, oktyabrın 20-si ölkə ərazisində yağıntılı və dumanlı hava şəraiti ilə əlaqədar olaraq bəzi dağlıq və dağətəyi rayonlarda görünüş məsafəsinin 500-1000 metrədək məhdudlaşacağı gözlənilir.

Yollarda görünüş məsafəsi məhdudlaşacaq

19-10-2025, 15:38

3 gün yağıntı olacaq - XƏBƏRDARLIQ

Oktyabrın 20-si axşam Azərbaycanın şimal və qərb rayonlarından başlayaraq 22-dək bəzi yerlərdə hava şəraitinin fasilələrlə yağıntılı olacağı, şimşək çaxacağı gözlənilir.
Bu barədə Milli Hidrometeorologiya Xidmətinin xəbərdarlığında deyilir.
Ayrı-ayrı yerlərdə yağıntının qısamüddətli leysan xarakterli intensiv olacağı, dolu düşəcəyi, yüksək dağlıq ərazilərdə sulu qara keçəcəyi ehtimal olunur.
Yağıntılı hava şəraiti ilə əlaqədar çaylarda sululuğun artacağı, bəzi dağ çaylarından qısamüddətli daşqın və sel keçəcəyi gözlənilir.

3 gün yağıntı olacaq - XƏBƏRDARLIQ

19-10-2025, 14:46

Məşhur Luvr muzeyindən oğurluq

Parisdəki məşhur Luvr muzeyində oğurluq hadisəsi baş verib.
Bu barədə yerli media məlumat yayıb.
Beş nəfər naməlum şəxs Sene çayı tərəfindən muzeyə daxil olaraq Napoleona və imperatriçəyə aid zinət əşyalarını – boyunbağı, bər-bəzək broşu və diademanı oğurlayıblar.
“Le Parisien” nəşrinin yazdığına görə, cinayətkarlar hazırda təmir işləri aparılan binaya yük liftindən istifadə etməklə daxil olublar və “Apollon qalereyasında” yerləşən otağa çataraq doqquz eksponatı ələ keçiriblər.
Hazırda muzey fəaliyyətini dayandırıb, oğruların axtarışı isə davam edir.

Məşhur Luvr muzeyindən oğurluq

19-10-2025, 14:07

İranda deputatlar həbs cəzası aldılar

İranın məhkəmə sistemi keçmiş deputat Mustafa Kəvakibian və hazırkı deputat Əbülfəzl Zöhrəvəndi şərhlərinə görə həbs cəzasına məhkum edib.
Bildirilir ki, parlamentin Milli Təhlükəsizlik Komissiyasının üzvü Zöhrəvənd "milli təhlükəsizliyə qarşı danışmaq" ittihamı ilə 3 ay 1 gün həbs cəzasına məhkum edilib və 3 il şərti cəza alıb.
Onun mediada fəaliyyətinə, müsahibələrə və məqalələr dərc etməsinə iki il müddətinə qadağa qoyub.
Cəza verilməsinə səbəb Zöhrəvəndin onlayn söhbətində 12 günlük müharibə ilə bağlı açıqlamaları olub.
Keçmiş deputat Kəvakibian da 14 ay müddətinə azadlıqdan məhrum edilib və cəzanın icrası dörd il müddətinə təxirə salınıb.

İranda deputatlar həbs cəzası aldılar

19-10-2025, 13:40

İranda müxalif din xadimi güllələndi

Oktyabrın 19-u səhər saatlarında İranşəhr şəhərində etnik bəluc olan Kamal Selahzehi adlı molla naməlum silahlı şəxslər tərəfindən güllələnib.
Məlumata görə, hadisədə onunla birlikdə olan oğlu ağır yaralanıb və xəstəxanaya aparılıb.
Bildirilir ki, bəluc din xadimi İran hökumətinə müxalif şəxslərdən biri olub.

İranda müxalif din xadimi güllələndi

19-10-2025, 13:19

Məşhur yazıçı vəfat etdi

Norveçin tanınmış yazıçısı Roy Yakobsen 70 yaşında dünyasını dəyişib.
Bu barədə Norveçin Baş naziri Yonas Gar Stere sosial media hesabında paylaşım edib.
Baş nazir Yakobsenin vəfatı ilə bağlı Norveç mediasına verdiyi açıqlamada deyib ki, Roy Yakobsen Norveç ədəbiyyatının ən böyük hekayəçilərindən biri idi: “Onun kitablarında biz sahili, fəhlə sinfini, müharibəni – amma hər şeydən əvvəl insanı görürük”.
Qeyd edək ki, Roy Yakobsen 1982-ci ildə ədəbi fəaliyyətə başlayıb və indiyədək onun 25-dən çox kitabı nəşr olunub. Yazıçının əsərləri 40-dan çox dilə tərcümə edilib. Onun ən tanınmış əsərləri arasında “Ləyaqətsizlər”, “Ağ dəniz” və “Görünməzlər” romanları yer alır.
Yazıçı 1994-cü ildə “Fəth edənlər” romanına görə İvar Lo mükafatına layiq görülüb. 2017-ci ildə isə “Görünməzlər” romanı ilə Beynəlxalq Buker mükafatına namizəd olub.

Məşhur yazıçı vəfat etdi

19-10-2025, 13:12

Rusiyanın 12 regionuna PUA hücumu

Rusiya hava hücumundan müdafiə qüvvələri ölkə üzərində Ukraynaya məxsus 45 PUA vurub.
Bu barədə Rusiya Müdafiə Nazirliyi məlumat yayıb.
Məlumata görə, Samarada 12, Saratovda 11, Rostov və Voronejdə 5, Krımda 3, Bryansk və Lipetskdə 2, Volqoqrad, Orenburq, Ryazan, Tver və Tula vilayətlərinin hər birində isə 1 PUA zərərsizləşdirilib.

Rusiyanın 12 regionuna PUA hücumu

19-10-2025, 12:44

Qəzzada yenidən toqquşmalar başladı

Qəzzada Rafah şəhərində HAMAS və İsrail Ordusu arasında toqquşmalar başlayıb.
Bu barədə "The Times of Israel" məlumat yayıb.
Qeyd edilib ki, Qəzzanın cənubunda Rafah şəhərində HAMAS silahlıları İsrail Ordusunun bölmələrinə qarşı hücuma başlayıb.
İsrail Ordusu aviazərbələr endirir.
Qeyd edək ki, İsrail Ordusu hələ rəsmi məlumat yaymayıb.

Qəzzada yenidən toqquşmalar başladı

19-10-2025, 12:25

Cəlilabadda ağır yol qəzası - 5 yaralı

Cəlilabad rayonunda yol qəzasında xəsarət alanların sayı artıb.
"VAZ-2106" markalı minik avtomobilinin "Mercedes" markalı nəqliyyat vasitəsi ilə toqquşması nəticəsində xəsarət alanların sayı beş nəfərə çatıb.
Xəsarət alanlar - Səfərli Zülfüqar Zaur oğlu, İdrak Rza Ağahüseyn oğlu, Musayev Əmrah Əlyar oğlu, Əhimov Mahir Səfər oğlu, Məmmədov Əmrah Zaur oğludur.
Faktla bağlı araşdırmalar davam etdirilir.

***

11:33

Cəlilabad rayonunda ağır yol qəzası baş verib.
Hadisə köhnə Ələt–Astara magistral yolunun Göytəpə şəhərindən keçən hissəsində qeydə alınıb. Astara istiqamətində hərəkət edən “VAZ-2106” markalı minik avtomobili qarşı istiqamətdən gələn “Mercedes” markalı maşınla toqquşub.
Qəza nəticəsində 4 nəfər xəsarət alıb və Cəlilabad Mərkəzi Rayon Xəstəxanasına çatdırılıb.
Hadisə ilə bağlı araşdırma aparılır.

Cəlilabadda ağır yol qəzası - 5 yaralı