28-10-2025, 23:03
Prezident şad xəbər verdi: “Hər birinizə 12 sot ayrılıb”
“Biz daim iş yerlərinin yaradılması ilə bağlı işləyirik. Burada da kənd təsərrüfatı ilə, heyvandarlıqla məşğul olmaq üçün şərait yaradılacaq”.
Bu sözləri Prezident İlham Əliyev Cəbrayılın Horovlu kəndinin sakinləri ilə görüşündə deyib:
“Təbii ki, artıq istifadəyə verilmiş digər kəndlərdə olduğu kimi, həyətyanı sahələrdə də əkin-biçinlə məşğul olmaq mümkündür.
Hər biriniz üçün on iki sot həyətyanı sahə ayrılıb. Amma burada digər böyük yerlərdə, yəni, həm örüş, həm də ki, əkin üçün yararlı olan torpaqlarda kənd təsərrüfatı ilə məşğul olmaq mümkün olacaqdır.
Yəni, Qarabağda, Şərqi Zəngəzurda işsizlik olmamalıdır. Bütün bu şəhər və kəndlər tikiləndə bunu biz əsas vəzifə kimi qarşıya qoyuruq ki, burada yaşayan insanlar işlə təmin olunsunlar.”
28-10-2025, 22:35
Saleh Səmədovun üçüncü oğlu da İŞDƏN ÇIXARILDI
İmişli Rayon Ağsaqqallar Şurasının həbs edilmiş sabiq sədri Saleh Səmədovun üçüncü oğlu Mehralı Səmədov da vəzifəsindən uzaqlaşdırılıb.
Bu barədə müvafiq əmr imzalanıb.
O, Strateji Obyektlərin Mühafizəsi Dövlət Agentliyindəki şöbə rəisi vəzifəsindən azad edilib. M.Səmədovun qardaşlarından biri Penitensiar Xidmətinin 3 saylı məntəqə tipli cəzaçəkmə müəssisəsinin rəisi, digəri İmişli Rayon İcra Hakimiyyəti başçısının Yeni Bəhramtəpə İnzibati Ərazi Dairəsi üzrə nümayəndəsinin müavini idi. Bundan əvvəl onlar da işdən çıxarılıblar.
Həmçinin bir neçə gün öncə Strateji Obyektlərin Mühafizəsi Dövlət Agentliyinin rəisi general-mayor İlqar Abbasov da vəzifəsindən azad edilib. Araşdırma nəticəsində generalın da Saleh Səmədovla əlaqəsi olduğu, ona qurumun yaradılmasının 30 illiyinə həsr edilmiş medalla təltif etdiyi üzə çıxıb.
Qeyd edək ki, Saleh Səmədov Faşizm üzərində Qələbə Günü-9 mayda keçirilən tədbirdə SSRİ bayrağı altında sinəsində rus imperiyasının rəmzi sayılan “Georgi lenti” ilə çıxış etmişdi. O, sonradan l Dövlət Təhlükəsizliyi Xidməti (DTX) tərəfindən mənimsəmə ittihamı ilə həbs edilib. Hazırda iş üzrə ibtidai istintaq aparılır.
28-10-2025, 22:23
Əli Babacan təkzib etdi - Ərdoğanın partiyasına qayıtmayacaq
Türkiyənin DEVA Partiyasının sədri Əli Babacan hakim Ədalət və İnkişaf Partiyasına (AK Partiya) qayıdacağı barədə iddiaları təkzib edib.
Babacan bu bu barədə jurnalistlərinə açıqlamasında danışıb.
Siyasətçi bildirib ki, Türkiyə “iki qütblü siyasi sistemə məhkum edilməməlidir” və DEVA Partiyası daxil olduğu “Yeni Yol Qrupu” ilə birlikdə üçüncü yol mümkündür.
Babacan oktyabrın 1-də Türkiyə Böyük Millət Məclisinin açılışında Prezident Rəcəb Tayyib Ərdoğanla eyni kadrda yer almasının ardından yaranan “AK Partiyaya qayıdış” şayiələrinə də münasibət bildirib.
Onun sözlərinə görə, hakim partiyadan ayrıldıqdan sonra Ərdoğanla ilk dəfə həmin gün üz-üzə görüşüblər:
“Bundan əvvəl yalnız üç dəfə telefonla danışmışıq: 6 fevral zəlzələlərində mən zəng etdim, atam vəfat edəndə o, zəng etdi, anam vəfat edəndə də yenə o zəng etdi. 1 oktyabrda salamlaşmadan sonra isə heç bir təmasımız olmayıb.”
Babacan əlavə edib ki, bu mövzunun mediada gündəmdə saxlanmasını doğru hesab etmir.
O, həmçinin vurğulayıb ki, 1 oktyabrdan sonra nə Ərdoğan, nə də hakim partiyanın rəhbərliyi ilə iqtisadiyyat və ya başqa mövzularla bağlı görüşmək üçün heç bir təşəbbüs göstərilməyib:
“Hazırda buna ehtiyac da yoxdur. Çünki biz Türkiyə üçün təklif və proqramlarımızı artıq elan etmişik.”
28-10-2025, 22:10
Prezidentdən Türkiyənin milli bayramı ilə bağlı paylaşım
Prezident İlham Əliyev Türkiyənin milli bayramı – Respublika Günü münasibətilə instaqram hesabında paylaşım edib.
Butov.az paylaşımı təqdim edir:
“Əziz qardaşım, qardaş Türkiyə Respublikasının milli bayramı – Respublika Günü münasibətilə Sizi və Sizin simanızda bütün Türkiyə xalqını şəxsən öz adımdan və Azərbaycan xalqı adından ürəkdən təbrik edir, ən səmimi və xoş arzularımı çatdırıram”.
28-10-2025, 21:32
Nazir müavini Hikmət Hacıyevlə görüşdü
Türkiyə Respublikasının ölkəmizdə səfərdə olan xarici işlər nazirinin müavini Ayşe Berris Ekinci Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev və Prezidentin xüsusi tapşırıqlar üzrə nümayəndəsi Xələf Xələfovla görüşüb.
Bu barədə Türkiyə Xarici İşlər Nazirliyi “X” sosial şəbəkəsində paylaşım edib.
Görüşlər zamanı ikitərəfli münasibətlər, regional əməkdaşlıq və əlaqələrin inkişafı məsələləri ətrafında fikir mübadiləsi aparılıb.
28-10-2025, 18:39
İşıq və Sən
"Günəşdən gizlənən yarasalardır..."
(S.Vurğun)
İşıq, Nur Allahın təcəlləsindəndir. Hər bir xeyirli başlanğıc, həyatın özü, dünyəvi və bəşəri keçidlər, maddi və mənəvi möhürlər onun adı, birbaşa hərəkətə keçməsilə bağlıdır. Hərçənd onun həyat çırpıntısı, doğuşu zülmətin fonunda (olsun ki, bətnində) daha dəqiq isbatlanır, ancaq yenə də bəşərin məlhəmi Eşq, eşqin isə səbəbi də, səbəbkarı da işıq damlasıdır. Könüllər (və demək ki, Dünyanın özü) Onun səbəbinə fəth olunur.
Nahaq yerə Yer, Göy, canlı, cansız aləm boy(n)unu, ruhunu işığa ismarlamamışdır (məhz). Çünki Həyat nəinki O-dur, ondadır, həm də Onda başlanıb və... Onda da bitir deməyək, bir şəkildən başqa bir şəkilə, hala (efir halına) keçir. Demək ki, hər kəsin mahiyyətində bu möcüzə mütləqdir ki var. Amma... ancaq... lakin... bəs hər bir daşı, qayası dağlanmış dağların ağrı-acısı, görünməzliklərə bülənd olan həsrət bükülü hicranların odu-alovu, Göylərə əyan göz yaşlarının yerə salama tələsən leysan yağışlarından çiliklənən kövrək hıçqırıqları, hər ləçəyində bir qəlb telinin titrədiyi şeh səpili incəcik çiçəklərin ürəkləri dələn məhzun duruşları nədən, haradandır, əcaba? Belə olan halda məsələyə bir qədər də kənardan baxaq. Cəmi varlığın quruculuğuna yönələn qüvvə olduğu kimi, bu işə qənim kəsilən tərəf də var axı. Nəsiminin təbiricə desək: "Kamil insan yaradır, cahil insan dağıdır".
Aha... yenə də mətləb mahiyyətə dirənməyə doğru yönəlir. Axı eyni cismi hər cür quruculuğa da xərcləmək olar, dağıdıcılığa da. Burada məsələ cismin kimin səlahiyyətində və o kəsin hansı niyyətdə olmasındadır. Olsun ki, özündə o məşum dağıdıcı xisləti daşıyan varlıq da həmin qığılcımdan yaransa belə, mahiyyətinə onun haçalanmış, qorlaşmış hissəsi düşmüşdür. Bu üzdən içində daim səbəbsiz, ünvansız, haçalanmış bir xislət, məzmunsuz eqo gəzdirən həmin yanlış törəmə ətrafla qətiyyən razılığa gəlmək iqtidarında olmur. Buna səbəb isə əlbəttə ki, o törəmənin ilk öncə məhz özü ilə razılıqda olmamasıdır.
Elə o natamamlıq sindromu səbəbilə könülləri pərişan etməyi özünə peşə edən o "haçalı xətakar" kainatı dövr edərək yaxşı ilə yamanın, vəfa ilə xəyanətin, göz yaşı ilə sevincin bir-biri ilə çulğalaşmasına səbəbkar olmuşdur.
İndi Sən İşıq adlı o başlanğıcın həyat verən Nur-undansan, ya gözləri, könülləri kor qoyan haçalı dilimlərindən?
Diqqət et: niyyətin qəlbini Günəşə doğru çevirirsə, quranlardansan... yox, qara-boz atəşlərlə çılğınlaşdırırsa, o zaman yıxanlardan, ora-bura çırpılan vətənsiz, ünvansız yarasanın özüsən ki varsan.
Hörmətlərimlə: Gülgəz NUR
28-10-2025, 18:26
Şəhidi Abdulla Quliyevin
dəfn mərasimi keçirilib
Birinci Qarabağ Müharibəsi şəhidi Abdulla Quliyevin Saray Şəhidlər Xiyabanında dəfn mərasimi keçirilib
Bu gün Birinci Qarabağ Müharibəsi şəhidi Quliyev Abdulla Novruz oğlunun Saray qəsəbəsindəki Şəhidlər Xiyabanında dəfn mərasimi keçirilib. Mərasimdə Abşeron Rayon İcra Hakimiyyətinin başçısı Abdin Fərzəliyev, Yasamal RİH başçısının müavini Orxan Məmmədov, YAP Abşeron Rayon Təşkilatının sədri, rayonun hüquq-mühafizə orqanlarının rəhbərləri, mərhumun yaxınları, şəhid ailələri, müharibə iştirakçıları və rayon ictimaiyyəti iştirak edib.
Mərasimdə bildirilib ki, 26.10.1968-ci il təvəllüdlü Abdulla Quliyevin 08.05.1992-ci ildən Şuşa şəhərində itkin düşdüyü hesab olunurdu. Şanlı ordumuz tərəfindən işğaldan azad olunan torpaqlarımızda 33 ildən sonra tapılan şəhidin nəşi bu gün dərin ehtiramla torpağa tapşırıldı.
Dəfn mərasimində Azərbaycanın igid, qəhrəman oğullarının döyüş meydanlarında göstərdiyi şücaətlərdən, Vətən Müharibəsində əldə olunan şanlı qələbədən danışılıb. Bildirilib ki, Müzəffər Ali Baş Komandan, Azərbaycan Respublikasının Prezidenti cənab İlham Əliyevin uzaqgörən siyasəti, qətiyyəti və siyasi iradəsi ilə Azərbaycan düşmənə qalib gəlməklə ilahi ədaləti bərpa etdi, 30 illik vətən həsrətinə son qoyuldu. Hazırda işğaldan azad olunan torpaqlarımız bir-birinin ardınca surətli şəkildə yenidən qurulur və soydaşlarımız Qarabağda azad, təhlükəsizlik şəraitində yaşamağa başlayıblar.
Mərasimdə şəhidin yaxınları da vurğulayıblar ki, hər zaman əzizləri Abdulla Quliyevin məzarının və ziyarət yerlərinin olmasını arzulayıblar. Bu arzularına çatdıqlarına, onun nəşinin tapılaraq gətirilib dəfn edilməsinə və dövlətimiz tərəfindən şəhid ailələrinə daimi diqqət və qayğının göstərildiyinə görə Müzəffər Ali Baş Komandan cənab İlham Əliyevə və Birinci Vitse-Prezident Mehriban xanım Əliyevaya dərin minnətdarlıqlarını bildiriblər.
28-10-2025, 18:06
İlham Əliyev Ərdoğanı təbrik etdi
Prezident İlham Əliyev Türkiyə Prezidenti Rəcəb Tayyib Ərdoğana təbrik məktubu ünvanlayıb.
Məktubda deyilir:
“Hörmətli cənab Prezident,
Əziz Qardaşım,
Qardaş Türkiyə Respublikasının milli bayramı – Respublika Günü münasibətilə Sizi və Sizin simanızda bütün Türkiyə xalqını şəxsən öz adımdan və Azərbaycan xalqı adından ürəkdən təbrik edir, ən səmimi və xoş arzularımı çatdırıram.
Sizin həyata keçirdiyiniz uzaqgörən və qətiyyətli siyasət nəticəsində bu gün Türkiyə bütün sahələrdə yeni zirvələr fəth edir, böyük uğurlara imza atır, beynəlxalq məsələlərdə söz sahibi olan güclü və qüdrətli dövlət kimi tanınır. Qlobal aləmdə və regionda cərəyan edən proseslərdə fəal və prinsipial mövqeyi, sülhün, sabitliyin bərqərar olması üçün səyləri Türkiyəyə dünyada böyük nüfuz və etimad qazandırmışdır. Biz qardaş ölkənin hər bir uğuruna sevinir və bundan fərəhlənirik.
Xalqlarımızın sarsılmaz iradəsindən qaynaqlanan və “Bir millət, iki dövlət” prinsipinə əsaslanan Azərbaycan-Türkiyə münasibətlərinin ən yüksək pillədə qərarlaşması böyük fəxr hissi doğurur. Şuşa Bəyannaməsi ilə strateji müttəfiqlik səviyyəsinə yüksəlmiş dövlətlərarası əlaqələrimizin gündən-günə daha da dərinləşməsi və yeni məzmun kəsb etməsi qəti siyasi iradəmizin və ardıcıl birgə səylərimizin parlaq ifadəsidir.
Bu gün dünyada bənzəri olmayan Azərbaycan-Türkiyə qardaşlığı, birliyi və müttəfiqliyi eyni zamanda regionda sülhə, təhlükəsizliyə, rifaha və əməkdaşlığa xidmət edən mühüm amildir.
Oktyabrın əvvəlində Türk Dövlətləri Təşkilatı Dövlət Başçıları Şurasının 12-ci Zirvə Görüşündə iştirak etmək üçün Qəbələyə səfərinizi ən xoş təəssüratlarla xatırlayıram. Sizin Türk Dünyasının birliyi və TDT-nin beynəlxalq aləmdə nüfuzunun artırılması istiqamətində əzmkar fəaliyyətinizi xüsusi qeyd etmək istərdim.
Əminəm ki, möhkəm təməllər üzərində qurulmuş və zamanın sınağından çıxmış qardaşlıq münasibətlərimizin və səmərəli əməkdaşlığımızın xalqlarımızın iradəsinə uyğun olaraq daha da genişləndirilməsi və dərinləşdirilməsi yolunda birgə səylərimizi bundan sonra da müvəffəqiyyətlə davam etdirəcəyik.
Belə bir əlamətdar gündə Sizə möhkəm cansağlığı, xoşbəxtlik, məsul dövləti fəaliyyətinizdə uğurlar, qardaş Türkiyə Respublikasına və xalqına daim əmin-amanlıq, rifah və firavanlıq arzulayıram”.
28-10-2025, 18:00
Birinci Qarabağ müharibəsi şəhidi dəfn edildi - FOTO
Bu gün Birinci Qarabağ müharibəsi şəhidi Quliyev Abdulla Novruz oğlunun Saray qəsəbəsindəki Şəhidlər xiyabanında dəfn mərasimi keçirilib.
Mərasimdə Abşeron Rayon İcra Hakimiyyətinin başçısı Abdin Fərzəliyev, Yasamal RİH başçısının müavini Orxan Məmmədov, YAP Abşeron Rayon Təşkilatının sədri, rayonun hüquq-mühafizə orqanlarının rəhbərləri, mərhumun yaxınları, şəhid ailələri, müharibə iştirakçıları və rayon ictimaiyyəti iştirak edib.
Mərasimdə bildirilib ki, 26 oktyabr 1968-ci il təvəllüdlü Abdulla Quliyevin 8 may 1992-ci ildən Şuşa şəhərində itkin düşdüyü hesab olunurdu. Şanlı ordumuz tərəfindən işğaldan azad olunan torpaqlarımızda 33 ildən sonra tapılan şəhidin nəşi bu gün dərin ehtiramla torpağa tapşırılıb.
Dəfn mərasimində Azərbaycanın igid, qəhrəman oğullarının döyüş meydanlarında göstərdiyi şücaətlərdən, Vətən Müharibəsində əldə olunan şanlı qələbədən danışılıb. Bildirilib ki, Müzəffər Ali Baş Komandan, Prezident İlham Əliyevin uzaqgörən siyasəti, qətiyyəti və siyasi iradəsi ilə Azərbaycan düşmənə qalib gəlməklə ilahi ədaləti bərpa etdi, 30 illik vətən həsrətinə son qoyuldu. Hazırda işğaldan azad olunan torpaqlarımız bir-birinin ardınca surətli şəkildə yenidən qurulur və soydaşlarımız Qarabağda azad, təhlükəsizlik şəraitində yaşamağa başlayıblar.
Mərasimdə şəhidin yaxınları da vurğulayıblar ki, hər zaman əzizləri Abdulla Quliyevin məzarının və ziyarət yerlərinin olmasını arzulayıblar.
28-10-2025, 17:54
İranın naziri xəstəxanaya yerləşdirildi
İranın yol və şəhərsalma naziri Fərzanə Sadiq xəstəxanaya yerləşdirilib.
Buna iş yükünün çoxluğu və gərgin işdən qaynaqlanan yorğunluq səbəb göstərilib.
Onu kimi əvəz edəcəyi ilə bağlı məlumat verilməyib.
Qeyd edək ki, iranlı nazir Azərbaycan-İran İqtisadi Əməkdaşlıq üzrə Hökumətlərarası Birgə Komissiyasının həmsədridir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!