17-02-2025, 20:14
Trampla Makron danışıqlar apardı
Fransa Prezidenti Emmanuel Makron ABŞ Prezidenti Donald Trampla telefon danışığı aparıb.
Bu barədə Yelisey Sarayı məlumat yayıb.
Telefon danışığı Avropa ölkələrinin Ukrayna ilə bağlı Parisdəki görüşündən əvvəl baş tutub.
17-02-2025, 19:20
Zelenski sabah Türkiyəyə gedir - Detallar AÇIQLANDI
Ukrayna Prezidenti Volodimir Zelenskinin Türkiyəyə səfəri ilə bağlı bir sıra detallar məlum olub.
Detalları Türkiyə Prezident Administrasiyasının Kommunikasiya şöbəsinin rəhbəri Fəxrəddin Altun açıqlayıb.
Sabah baş tutacaq səfərdə Ukraynadakı vəziyyəti müzakirə edəcəklər. Onun sözlərinə görə, danışıqlar Türkiyə tərəfinin təşəbbüsü ilə baş tutacaq.
“Fevralın 18-də prezident Rəcəb Tayyib Ərdoğan özünün dəvəti ilə ölkəyə rəsmi səfərə gələcək Ukrayna prezidenti Volodimir Zelenski ilə prezident sarayında görüşəcək”, – Fahrettin Altun sosial şəbəkədə yazıb.
Bəyanatda iki liderin əməkdaşlığın və ikitərəfli əlaqələrin yaxşılaşdırılması yollarını, Ukraynada baş verən son hadisələri, regional və qlobal məsələləri müzakirə edəcəkləri bildirilir. Tərəflərin iki ölkə arasında əməkdaşlığın gücləndirilməsi üçün atılacaq addımları da müəyyən edəcəyi gözlənilir.
Zelenskinin Türkiyəyə səfəri Rusiya Federasiyası və ABŞ-ın rəsmi nümayəndə heyətləri arasında çərşənbə axşamı Səudiyyə Ərəbistanında keçirilməsi planlaşdırılan danışıqlara təsadüf edir. Rusiya prezidentinin mətbuat katibi Dmitri Peskov bildirib ki, görüş Rusiya-Amerika münasibətlərinin bərpasına, Ukrayna münaqişəsi üzrə mümkün danışıqların hazırlanmasına, Rusiya və ABŞ prezidentləri Vladimir Putin və Donald Tramp arasında görüşün təşkilinə həsr olunacaq. Rusiyanı görüşdə xarici işlər naziri Sergey Lavrov və Rusiya prezidentinin beynəlxalq məsələlər üzrə köməkçisi Yuri Uşakov təmsil edəcək. Amerika tərəfinə dövlət katibi Marko Rubio, ABŞ-ın milli təhlükəsizlik üzrə müşaviri Mayk Uolz və ABŞ prezidentinin Yaxın Şərq üzrə xüsusi nümayəndəsi Stiv Vitkoffun daxil olacağı gözlənilir.
17-02-2025, 18:40
Türkiyədə universitetə silahlı hücum olundu
Türkiyənin Konya şəhərində yerləşən Səlcuq Universitetinə silahlı hücum olub.
Universitetin məzunu olmuş Bestami Serdar ali təhsil ocağının Səhiyyə Elmləri Fakültəsinin dekan müavini Müjdat Yeşildalını güllələyib.
Hadisədən dərhal sonra B.Serdar özünə də atəş açaraq, intihara cəhd edib.
Hər iki şəxs xəstəxanaya yerləşdiriliblər onların vəziyyətini ağır qiymətləndiriblər. Hələlik hadisənin təfərrüatı barədə məlumat verilmir.
17-02-2025, 17:16
İsrail HƏMAS komandirini öldürdü
İsrail ordusu HƏMAS hərəkatının Livandakı əməliyyat şöbəsinin rəhbəri Məhəmməd Şahinin öldürüldüyünü açıqlayıb.
Bu barədə İsrail Silahlı Qüvvələrinin mətbuat xidməti məlumat yayıb.
O, Livanın cənubundakı Sidon bölgəsinə endirilən hava hücumunda öldürülüb.
Açıqlamada deyilir ki, Məhəmməd Şahin İsrailə qarşı terror aktları planlaşdırırmış. Döyüşlər zamanı o, Livandan İsrailə raket hücumlarını idarə edib və “HƏMAS üçün əsas xəbərçi” olub.
17-02-2025, 17:02
Ermənistanı Avropa İttifaqında heç kim gözləmir - Koçaryan
Ermənistanın Avropa İttifaqına daxil olmaq perspektivi yoxdur və İrəvan bunun naminə Avrasiya İqtisadi İttifaqına üzvlüyün verdiyi bütün üstünlükləri itirir.
Ermənistanın sabiq prezidenti Robert Koçaryan bunu İrəvanda keçirilən mətbuat konfransında deyib. O, Avropa İttifaqına üzvlük məsələsinin ölkədə keçiriləcək parlament seçkilərində əsas mövzu olacağını bildirib.
Qeyd edək ki, fevralın 12-də Ermənistan parlamenti Avropa İttifaqına üzvlük haqqında qanun layihəsini birinci oxunuşda qəbul edib.
Ermənistanın ikinci prezidenti olan və 1998-2008-ci illərdə ölkəyə rəhbərlik edən Robert Koçaryan hazırda respublika parlamentində ən böyük müxalifət fraksiyasına malik “Ermənistan” blokunun lideridir.
17-02-2025, 14:42
Xamenei təbrizlilərlə görüşür
İran İslam Respublikasının ali rəhbəri Ayətullah Xamenei Təbriz əhalisinin 1978-ci il fevralın 18-də şah rejiminə qarşı tarixi qiyamının 47-ci ildönümü münasibətilə təbrizlilərlə görüşür.
Görüş bu gün Tehrandakı İmam Xomeyni məscidində keçirilir.
17-02-2025, 12:19
Türkiyə də bu danışıqlarda iştirak etməlidir - Fidan
Türkiyə növbəti dəfə Rusiya və Ukraynaya münaqişənin öz ərazisində həlli ilə bağlı danışıqlar aparmağı təklif edib.
Bunu Türkiyənin xarici işlər naziri Hakan Fidan Münhen Təhlükəsizlik Konfransı çərçivəsində “TRT World” telekanalına müsahibəsində bildirib.
Hakan Fidan Türkiyənin Moskva və Kiyevlə sıx əlaqələri sayəsində danışıqlar aparanlara digər oyunçulardan daha çox təklif edə biləcəyini vurğulayıb. O, həmçinin qeyd edib ki, münaqişənin davam etdirilməsində maraqlı tərəflər var, lakin atəşkəsə nail olmaq cəhdləri də görünür.
Fidan qeyd edib ki, hər iki tərəf və ABŞ danışıqların ilkin mərhələsindədir və onda belə təəssürat yaranıb ki, ABŞ sülh planı hazırlayır. O, həmçinin münaqişənin həlli yollarının tapılması prosesində Avropa İttifaqı ilə məsləhətləşmələrin vacibliyini vurğulayıb.
Türkiyənin xarici işlər naziri Avropa liderlərinin Ukrayna ilə bağlı danışıqlarda Aİ ilə məsləhətləşmələrin zəruriliyindən danışarkən haqlı olduqlarını deyib. O əlavə edib ki, Türkiyə də bu danışıqlarda iştirak etməlidir, lakin çox vaxt prosesdə iştirak hüququ lazımi səviyyədə tanınmır.
16-02-2025, 17:23
Trampın dəstəyi ilə İranla bağlı işi başa çatdıracağıq - Netanyahu
Prezident Donald Tramp İsrailin Ağ Evdə indiyə qədərki ən yaxşı dostudur.
Bunu ABŞ dövlət katibi Marko Rubio ilə görüşdən sonra keçirilən mətbuat konfransında İsrail Baş naziri Binyamin Netanyahu bildirib.
Binyamin Netanyahu Marko Rubio ilə bir sıra məsələlərlə bağlı məhsuldar müzakirə apardıqlarını söyləyib: “İsrail və ABŞ İran təhlükəsinə qarşı çiyin-çiyinə dayanır. Biz hesab edirik ki, İrana nüvə silahına malik olmağa imkan vermək olmaz. İranın bölgəyə qarşı aqressiyası dayanmalıdır. Biz Donald Trampın dəstəyi ilə İranla bağlı işi başa çatdıra bilərik və başa çatdıracağıq”.
Marko Rubio da İranın regionda ən böyük qeyri-stabillik mənbəyi olduğunu, zorakılıq aktlarının arxasında durduğunu vurğulayıb: “Bu məsələni həll etmək lazımdır. Nüvə silahına malik İran heç vaxt peyda olmayacaq. Donald Tramp da bu məsələ ilə bağlı mövqeyini dəqiq ifadə edib. Əgər Yaxın Şərqdə daha çox israilli olsaydı, bölgə daha təhlükəsiz olardı”.
Qeyd edək ki, Marko Rubio Yaxın Şərq turnesi çərçivəsində ilk dəfə İsrailə səfər edib.
16-02-2025, 16:45
Vağzalda izdiham - 18 nəfər öldü
Hindistanda dəmiryolu vağzalında izdiham yaşanıb, ölənlər və yaralananlar var.
Bu barədə “BBC News” məlumat yayıb.
Ötən gecə Nyu-Dehlidə dəmiryolu vağzalında qatara minik zamanı yaşanan izdiham nəticəsində 18 nəfər ölüb, ən azı 10 nəfər yaralanıb. Ölənlərədn 4-ü uşaq, 10-u qadındır.
16-02-2025, 16:21
Qatar yük avtomobili ilə toqquşdu
Yaponiyanın Fukuoka prefekturasında dəmiryol keçidində qatar yük avtomobili ilə toqquşub.
İnsident Yanaqava şəhərində qeydə alınıb.
Hadisə yerində xilasedicilər və təcili yardım xidmətləri çalışır.
Polisin məlumatına görə, yük maşınının sürücüsü qatarla toqquşmadan əvvəl nəqliyyat vasitəsini tərk etməyi bacarıb. Qatarda azı bir sərnişin yüngül xəsarət alsa da, həyatı üçün təhlükə yoxdur. Polis hadisənin səbəbini araşdırır.
Dəmiryol operatoru Nişi-Nipponun sözlərinə görə, insidentlə əlaqədar yerli xətlərdən birində hər iki istiqamətdə şəhərətrafı qatarların hərəkəti dayandırılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!