10-10-2023, 16:34
Misir Qəzza zolağıyla sonuncu keçid məntəqəsini bağladı
Misir Qəzza zolağı ilə sərhəddə fəaliyyət göstərən sonuncu keçid məntəqəsini bağlamaq qərarına gəlib.
Bu barədə “The Washington Post” bildirib.
Məlumata görə, rəsmi Qahirə Misirlə Qəzza zolağının sərhədində yerləşən Rəfah şəhərindəki məntəqənin fəaliyyətini dayandırıb. Misir İsraillə sərhəddə yerləşən Taba keçid məntəqəsini də bağlayıb.
“Haanretz”in məlumatına görə, adının açıqlanmasını istəməyən Misirin dövlət məmuru bildirib ki, keçid məntəqəsi İsraiin istəyi ilə deyil, sülhü təmin etmək məqsədi ilə bağlanıb. Başqa mənbələr isə bildirib ki, bu addım Qəzza zolağına hücumlar nəticəsində fələstinlilərin Sinay yarımadasına qaça biləcəyindən qorxduğu üçün atılıb.
Bildirilib ki, Misir hakimiyyəti Qəzza zolağı ilə sərhəddə hərbi patrul xidmətini gücləndirib.
Qəzetin qeyd etdiyi kimi, Rəfah Yaxın Şərqdə münaqişənin kəskinləşməsindən sonra tibbi yardım, qida və generatorlar üçün yanacaq, eləcə də digər zəruri mallar üçün Qəzza zolağına sonuncu keçid məntəqəsi olub.
Bir müddət əvvəl İsrail hökuməti Qəzza zolağının tam mühasirəyə alınması, su və elektrik təchizatının dayanması, ərzaq və yanacaq tədarükü yollarının kəsilməsi barədə göstəriş verib.
10-10-2023, 16:28
Paşinyan Qırğızıstan Prezidentiylə telefon danışığı apardı
Ermənistanın baş naziri Nikol Paşinyan və Qırğızıstan prezidenti Sadır Japarov arasında telefon danışığı olub.
Bu barədə "Sputnik" məlumat yayıb.
Söhbət zamanı Paşinyan Qırğızıstan tərəfinin diqqətinə çatdırıb ki, o, Bişkekdə keçirilən MDB sammitində iştirak edə bilməyəcək.
Həmçinin qarşılıqlı maraq doğuran digər mövzular müzakirə olunub.
10-10-2023, 13:37
Rusiya həm İsrail, həm də Fələstinlə təmasları davam etdirir - Peskov
"Rusiya Federasiyası HƏMAS-ın girovları arasında həqiqətən də rusların olub-olmadığını və onların gələcək taleyini araşdırır".
Bunu Kremlin sözçüsü Dmitri Peskov deyib.
"Rusiya Federasiyası həm İsrail, həm də Fələstinlə təmasları davam etdirir və nizamlanma yollarının axtarışında yardımı davam etdirmək niyyətindədir. Fələstin prezidentinin Rusiya Federasiyasına səfəri əvvəlcədən planlaşdırılıb, hələlik dəqiq tarixlər yoxdur", - o əlavə edib.
Xatırladaq ki, Fələstin və İsrail arasında qarşıdurma və gərginlik davam edir.
10-10-2023, 13:03
İranin XİN başçısı Borrellə telefon danışığı apardı
Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrell və İranın xarici işlər naziri Hüseyn Əmir Abdullahian arasında telefon danışığı olub.
Bu barədə Borrell "X" hesabında bildirib.
"Dünən gecə İran xarici işlər naziri Əmir Abdullahianla telefon danışığım zamanı mən HƏMAS-ın İsrailə qarşı vəhşi hücumlarını ən sərt şəkildə pislədiyimi bir daha bəyan etdim və insan itkisinə görə dərin təəssüfləndiyimi bildirdim. Bu cür alçaq terror aktlarına və onu dəstəkləməyə heç nə haqq qazandıra bilməz", - Borrell bildirib.
10-10-2023, 11:34
Qəzzada iki jurnalist həlak oldu
Qəzzada iki jurnalist həlak olub.
Bu gün səhər İsrail döyüş təyyarələrinin Qəzza zolağını bombalaması nəticəsində iki fələstinli jurnalist ölüb, biri isə yaralanıb.
Bildirilib ki, jurnalistlərin çalışdığı Qəzza valiliyinin İnstitusiyalar küçəsində yerləşən "Hajji Tower" binası bombalanıb və tamamilə dağılıb. Nəticədə "Əl-Khamsa News" saytının baş redaktoru, Rəfah əyalətinin sakini Səid Radvan əl-Tavel və Qəzza sakini, "Khabar" Agentliyinin fotoqrafı Məhəmməd Rizq Sobh həlak olub.
Jurnalist Hişam Əl-Nəvacha ağır xəsarət alıb və reanimasiyaya yerləşdirilib.
Xatırladaq ki, oktyabrın 7-də HƏMAS-ın İsrailin cənub regionuna hücumuna və törətdiyi terror aktlarına cavab olaraq İsrail Qəzzada hərbi əməliyyata başlayıb. İsrail Baş naziri Netanyahu bildirib ki, İsrail müharibə vəziyyətindədir. Artıq həm İsraildə, həm də Qəzzada ölən mülki vətəndaşların sayı 1000-i keçib.
9-10-2023, 22:13
İsraildə ölənlərin sayı 900-ü keçdi
İsraildə HƏMAS-ın hücumları nəticəsində ölənlərin sayı 900-ü keçib.
Bu barədə “Times of Israel” qəzeti məlumat yayıb.
Ölənlərin sayı ilə bağlı heç bir rəsmi təsdiq yoxdur.
Fələstin tərəfinin məlumatına görə, 100-dən çox İsrail vətəndaşı, o cümlədən yüksək rütbəli hərbçilər əsir götürülüb. Onlar Qəzza zolağında saxlanılır.
9-10-2023, 21:12
Ərdoğan İsrail və Fələstin liderləriylə danışıqlar apardı
Türkiyə prezidenti Rəcəb Tayyib Ərdoğan İsrail prezidenti İsaak Hersoq və Fələstin lideri Mahmud Abbasla danışıqlar aparıb.
Bu barədə TRT kanalı məlumat yayıb.
Liderlər Fələstin-İsrail böhranını müzakirə ediblər. Türkiyə prezidenti münaqişənin mümkün həlli variantını açıqlayıb.
“Söhbət zamanı İsrail və Fələstinlə bağlı son hadisələr və bölgədəki gərginliklə bağlı inkişaflar müzakirə edilib. Prezident Ərdoğan bildirib ki, Türkiyə qarşıdurmanı tez bir zamanda dayandırmaq və bölgəyə sülh gətirmək üçün bütün lazımi səyləri edir”, – Rəcəb Tayyib Ərdoğanın ofisinin açıqlamasında deyilir.
O, İsrail prezidentindən sağlam düşüncədən istifadə etməyi və regionda vəziyyəti gərginləşdirməməyi xahiş edib.Türkiyə prezidentinin sözlərinə görə, Qəzza sakinlərinə kollektiv və ayrı-seçkilik etmədən zərər verə biləcək istənilən addım əzabları və zorakılığı daha da artıracaq.
Bundan əlavə, Türkiyə prezidenti Livanın baş naziri Nəcib Mikati ilə danışıb. Onlar İsrail-Fələstin münaqişəsini müzakirə ediblər.
9-10-2023, 20:24
Türkiyə və Fələstin Prezidentləri danışıqlar apardı
Türkiyə Prezidenti Rəcəb Tayyib Ərdoğan və Fələstin Prezidenti Mahmud Abbas arasında telefon danışığı olub.
Bu barədə Türkiyə Prezidentinin mətbuat xidməti məlumat yayıb.
Telefon danışığına görə Nazirlər Kabinetinin iclasına fasilə verilib.
Liderlər İsrail və Fələstində baş verən hadisələr, eləcə də regiondakı gərginliklə bağlı son vəziyyəti müzakirə ediblər.
Ərdoğan Türkiyənin regional münaqişələrin qısa müddətdə başa çatması və sülhün təmin olunması üçün hər cür səy göstərdiyini diqqətə çatdırıb.
9-10-2023, 18:13
İsraillə Livan arasında hərbi toqquşma başladı
İsrail ilə Livan arasında hərbi toqquşma başlayıb.
Bu barədə İsrailin Müdafiə Ordusundan bildirilib.
Qeyd olunub ki, hazırda İsrail helikopterləri Livanda əməliyyat keçirir.
Xatırladaq ki, daha əvvəl Livandan İsrail ərazisinə silahlı şəxslərin keçdiyi barədə məlumat yayılmışdı.
9-10-2023, 17:45
Mirzoyan MDB XİN Şurasınının toplantısına qatılmayacaq
Ermənistanın XİN başçısı Ararat Mirzoyan Bişkekdə keçiriləcək MDB Xarici İşlər Nazirləri Şurasının toplantısına qatılmayacaq.
Bunu Ermənistan Xarici İşlər Nazirliyinin rəsmi nümayəndəsi Ani Badalyan açıqlayıb.
"Ermənistan Xarici İşlər Nazirliyi oktyabrın 4-də MDB İcraiyyə Komitəsinə yazılı şəkildə məlumat verib ki, MDB Xarici İşlər Nazirləri Şurasının oktyabrın 12-də Bişkekdə keçirilməsi nəzərdə tutulan iclasında Ermənistan Respublikası xarici işlər nazirinin müavini iştirak edəcək", - o deyib.
Qeyd edək ki, bundan əvvəl Rusiya XİN başçısının müavini Mixail Qaluzin Bişkekdə Azərbaycan və Ermənistan XİN başçıları arasında görüşün keçirilə biləcəyini açıqlamışdı.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!