14-09-2023, 15:16
Peskov: “Həm İrəvan, həm də Bakı ilə əlaqələrimizi davam etdiririk”
Moskva Qarabağda davam edən gərginlikdən narahatdır.
Bunu Kremlin sözçüsü Dmitri Peskov jurnalistlərə açıqlamasında deyib.
O bildirib ki, gərginlik səngimir və hətta bəzi bölgələrdə artmağa meyllidir.
“Biz həm İrəvan, həm də Bakı ilə əlaqələrimizi davam etdiririk. Biz hər iki tərəfi təmkinli olmağa və iki il əvvəl imzalanmış üçtərəfli sənədlərin ruhunda hərəkət etməyə çağırırıq. Təbii ki, o vaxtdan bəri ortaya çıxan yeni reallıqları nəzərə almaq lazımdır", - Peskov qeyd edib.
14-09-2023, 15:08
Hindistan Ermənistana təhlükəli silahlar yolladı
Hindistan avqust ayında Ermənistana altı ədəd 155 mm-lik ATAGS artilleriya sistemi təhvil verib.
Bu barədə "Indian Defense Research Wing" nəşri yazıb.
Nəşrin məlumatına görə, artilleriya sistemlərini istehsal edən "Bharat Forge" şirkətinin icraçı direktoru məlumatı təsdiq edib.
Müqavilə növbəti üç il ərzində əlavə 84 haubitsanın mərhələli şəkildə çatdırılmasını nəzərdə tutur. Sövdələşmənin dəyəri 155 milyon dollardır. O da bildirilir ki, Hindistan sifarişləri vaxtından əvvəl çatdırmağı planlaşdırır.
Məqalədə iddia edilir ki, Ermənistan ordusu artilleriya sistemlərini sifariş verməzdən əvvəl Hindistan ordusunun Poxran poliqonunda onları sınaqdan keçirib. Sınaqlar iki ay davam edib.
Artilleriya sistemini Hindistanın “Bharat Forge Ltd” şirkətinin törəməsi olan “Kalyani Strategic Systems Ltd” istehsal edir. Yedəkdə daşınan qurğular 48 km-lik hədəfi vura bilir.
Qeyd edək ki, bundan əvvəl mətbuatda Hindistanın Ermənistana “Pinaka” reaktiv yaylım atəş sistemləri tədarük edəcəyi barədə məlumatlar yayılıb. Vətən müharibəsindən əvvəl isə Ermənistan bu ölkədən Ermənistan Hindistandan “Swathi” atəş yeri aşkarlama radarları alıb.
14-09-2023, 14:27
Ermənistanın sabiq prezidentinin cinayət işinə xitam verildi
Ermənistanın keçmiş prezidenti Serj Sarkisyan barəsində açılmış cinayət işinə xitam verilib.
Bu barədə Ermənistan Baş Prokurorluğu məlumat yayıb.
Baş Prokurorluq Sarkisyan barəsində Cinayət Məcəlləsinin 308-ci maddəsinin 2-ci hissəsi ilə iş açmışdı. Keçmiş prezidentin 2008-2018-ci illərdə Almaniyanın Baden-Baden şəhərinə səfəri, bu səfərin məqsədi və dövlət vəsaitinin mümkün mənimsənilməsi araşdırılırdı.
Serj Sarkisyanın 10 illik hakimiyyətdə olduğu müddətdə hər il hökumət təyyarəsi ilə Almaniyanın Baden-Baden şəhərinəhansı məqsədlə uçduğu yoxlanılıb.
Məlum olub ki, Sarkisyanın sözügedən əməllərində cinayət əlaməti yoxdur.
14-09-2023, 14:14
Putin Təhlükəsizlik Şurasının daimi üzvləriylə görüş keçirdi
Rusiya Prezidenti Vladimir Putin Təhlükəsizlik Şurasının daimi üzvləri ilə videokonfrans vasitəsilə görüş keçirib.
Bu barədə Kremlin saytında məlumat yayılıb.
Görüşdə qonşu ölkələr və Rusiyanın müttəfiqləri ilə diplomatik münasibətlərin inkişafı, o cümlədən uzaq xaricdəki ölkələrlə münasibətlərdə Rusiyanın maraqlarının təmin edilməsi məsələləri müzakirə edilib.
İclasda Mixail Mişustin, Valentina Matvienko, Vyaçeslav Volodin, Dmitri Medvedev və başqaları iştirak ediblər.
14-09-2023, 00:45
Liviyada daşqınlar nəticəsində ölənlərin sayı 8 mini keçdi
Liviyanın şimal-şərq bölgələrində yağan yağış və daşqınlar nəticəsində ölənlərin sayı 8 mini ötüb.
Bu barədə “Al-Arabiya” telekanalına açıqlamasında ölkənin Nümayəndələr Palatasının müşaviri deyib.
Onun sözlərinə görə, hazırda 10 mindən çox itkin düşən var.
Qeyd edək ki, sentyabrın 10-da Liviyanı cənginə alan “Daniel” siklonu ölkənin şərq rayonlarına son 40 ilin ən güclü yağışlarını gətirib. Nəticədə Binqazi, Beyda, Merc, Suse və Derna şəhərlərinə ciddi zərər dəyib. Təbii fəlakət minlərlə insanın həyatına son qoyub
14-09-2023, 00:07
Soyuq Müharibədən sonra yaranan dünya nizamının bitdi - Blinken
ABŞ dövlət katibi Antoni Blinken Soyuq Müharibədən sonra yaranan dünya nizamının bitdiyini deyib.
Bu barədə o, Cons Hopkins Universitetində mühazirə oxuyarkən deyib.
Onun sözlərinə görə, onilliklər boyu davam edən nisbi geosiyasi sabitlik öz yerini Rusiya və Çin daxil olmaqla avtoritar qüvvələrlə artan qarşıdurmaya verib.
“Hazırda yaşadığımız şey Soyuq Müharibədən sonra yaranmış dünya nizamının gücünün sınağından daha çox şeydir. Bu, onun sonudur, bir gecədə baş vermədi", - Blinken vurğulayıb.
Dövlət katibi Rusiyanın Ukraynaya qoşun yeritmək qərarını BMT Nizamnaməsində təsbit olunmuş dünya nizamı üçün ən ciddi təhdid adlandırıb. Siyasətçi Çini dünya düzəninə ən ciddi uzunmüddətli təhdid kimi təqdim edib və onun fikrincə, dünyanın geosiyasi strukturunu dəyişmək üçün hərbi, diplomatik və iqtisadi imkanlara malikdir.
13-09-2023, 23:42
Bir qrup şəxs İranı Olimpiadada iştirakdan kənarlaşdırmağı xahiş etdi
Bir qrup şəxs Beynəlxalq Olimpiya Komitəsindən (BOK) İranı idmanda ayrı-seçkiliyə yol verməmək prinsipini pozduğuna görə 2024-cü il Paris Olimpiadasında iştirakdan kənarlaşdırmağı xahiş edib.
Bu barədə AFP məlumat yayıb.
Qeyd edək ki, İranda qadınların güləş, boks, üzgüçülük, voleybol və gimnastika ilə məşğul olması qadağandır.
13-09-2023, 22:54
Türkiyə və Gürcüstanın XİN-ləri arasında bir sıra məsələlər müzakirə olundu
İstanbulda Türkiyə və Gürcüstanın Xarici İşlər nazirlikləri arasında siyasi məsləhətləşmələr aparılıb.
Bu barədə Gürcüstanın Xarici İşlər Nazirliyi məlumat yayıb.
Nümayəndə heyətlərinə Gürcüstan xarici işlər nazirinin birinci müavini Laşa Darsaliya və Türkiyə xarici işlər nazirinin müavini Burak Akçapar başçılıq ediblər.
Məsləhətləşmələr zamanı tərəflər Gürcüstan ilə Türkiyə arasında mövcud strateji tərəfdaşlığı və fəal ikitərəfli əməkdaşlığı müsbət qiymətləndirib, yüksək səviyyəli səfərlərin həyata keçirilməsinin vacibliyini vurğulayıblar. Türkiyə tərəfi Gürcüstanın ərazi bütövlüyü və suverenliyinə, həmçinin NATO-ya inteqrasiyasına bir daha güclü dəstəyini ifadə edib.
Görüşdə Gürcüstanın işğal olunmuş ərazilərindəki vəziyyət müzakirə olunub. Həmin ərazilərdə təhlükəsizlik problemləri və ağır humanitar vəziyyət barədə qarşı tərəfə ətraflı məlumat verib. Bundan əlavə, regiondakı mövcud problemlər və onların həlli yollarına da diqqət yetirilib. Regional sabitliyin və sülhün təşviqində Gürcüstan və Türkiyənin rolu nəzərdən keçirilib.
Eyni zamanda, Gürcüstan və Türkiyə arasında ticari-iqtisadi əməkdaşlığın dərinləşdirilməsi və investisiyaların cəlb edilməsi perspektivləri vurğulanıb. Mövcud proseslər nəzərə alınmaqla, çoxtərəfli əməkdaşlığın, mühüm birgə regional layihələrin həyata keçirilməsinin vacibliyi və iki ölkənin tranzit-nəqliyyat potensialından tam istifadə edilməsinin zəruriliyi qeyd olunub.
13-09-2023, 20:47
Simonyan vəzifəsindən azad edildi
Ermənistanın Probasiya Xidmətinin rəhbəri Gevorq Simonyan vəzifəsindən azad edilib.
Bu barədə Ermənistan Baş naziri Nikol Paşinyan qərar imzalayıb.
Simonyan sentyabrın 15-də vəzifəsindən uzaqlaşdırılacaq.
Xatırladaq ki, o, 2019-cu ildə Probasiya Xidmətinə rəhbər təyin edilib.
13-09-2023, 18:31
Paşinyan: “Bunun Ermənistan-Rusiya münasibətləri ilə heç bir əlaqəsi yoxdur”
Ermənistan hökuməti Roma Statunu parlamentə göndərib və sənəd tam ratifikasiya olunacaq.
Bunu Ermənistan Baş naziri Nikol Paşinyan deyib.
O, bu sənədin Rusiyaya qarşı olmadığını bildirib.
“Bunun Ermənistan-Rusiya münasibətləri ilə heç bir əlaqəsi yoxdur, hər şey Ermənistanın təhlükəsizlik problemi ilə bağlıdır”, - Paşinyan qeyd edib.
Xatırladaq ki, Ermənistan hökuməti Beynəlxalq Cinayət Məhkəməsinin (BCM) Roma Statutunu ratifikasiya üçün parlamentə təqdim edib. Sənəddə Rusiya Prezidenti Vladimir Putinin həbsi ilə bağlı maddənin olub-olmadığı məlum deyil.
Qanun layihəsi parlamentin saytında dərc olunmayıb.
Martın 24-də Ermənistan Konstitusiya Məhkəməsi Beynəlxalq Cinayət Məhkəməsi (BCM) haqqında Roma Statutunda təsbit olunmuş öhdəlikləri konstitusiyaya uyğun hesab edib. Saziş Ermənistan parlamenti tərəfindən ratifikasiya edilməlidir.
Bundan əvvəl Beynəlxalq Cinayət Məhkəməsi Rusiya Prezidenti Vladimir Putinin həbs edilməsi barədə order çıxarıb. BCM-nin qərarına əsasən, Putin məhkəmənin qərarını tanıyan ölkələrin ərazisində olan zaman həbs olunmalıdır. Rəsmi Moskva BCM-nin məlum qərarını tanımadığını, bu qərarın Rusiya Federasiyası üçün əhəmiyyətsiz olduğunu açıqlayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!