Dünya » Səhifə 723

30-10-2022, 15:15

Etirazçılar xüsusi təyinatlıları qovdular

İranın Astara şəhərində etirazçılar hökumət qüvvələrini və xüsusi təyinatlıları meydandan qovub çıxarıblar. Bu barədə “Azad İran” teleqram kanalında məlumat paylaşılıb. Bildirilib ki, narazı kütlə xüsusi təyinatlıların motosikletini də yandırıb. Hazırda etirazlar davam edir. Qeyd edək ki, ötən aydan başlayaraq İranda kütləvi aksiyalar keçirilir.

Etirazçılar xüsusi təyinatlıları qovdular

30-10-2022, 15:08

Ermənistan ordusunda insident - Ölən var

Ermənistan ordusunun hərbi qulluqçuları arasında silahlı insident baş verib. Hadisə zamanı bir nəfər ölüb. Bu barədə Ermənistan İstintaq Komitəsi məlumat yayıb. Bildirilib ki, oktyabrın 29-da hərbi hissələrdən birinin döyüş mövqeyində xidmətdə olan əsgər hərbçi yoldaşı Misak Petrosyanla mübahisə edib. Mübahisə zəminində o, avtomatdan atəş açıb. Başından ağır yaralanan Petrosyan hadisə yerində keçinib. Cinayət törədən erməni hərbçi daha sonra özünü ayağından vurub. Faktla bağlı cinayət işi başlanıb.

Ermənistan ordusunda insident - Ölən var

30-10-2022, 15:04

İtaliya Kiyevə yenidən hərbi yardım göndərdi

İtaliya hökuməti Ukraynaya beşinci hərbi yardım paketinin icrasını gerçəkləşdirib. Butov.az xəbər verir ki, Roma Kiyevə yardımın bir hissəsi olaraq 20-dən 30-a qədər "M109L" özüyeriyən artilleriya qurğusunu çatdırıb. Məlumata görə, Kiyevə müəyyən növ ağır silahlar, o cümlədən "M113" zirehli transportyorları, altı "PzH 2000" ağır haubitsaları və iki MLRS reaktiv yaylım atəşi sistemi göndərilib.

İtaliya Kiyevə yenidən hərbi yardım göndərdi

30-10-2022, 14:57

Polşada ilk AES-i onlar inşa edəcək

Polşada ilk atom elektrik stansiyası (AES) ABŞ şirkəti tərəfindən inşa olunacaq. Butov.az xəbər verir ki, tikinti işləri “Westinghouse Electric” şirkətinə tapşırılıb. Polşanın Baş naziri Mateuş Moravietski bildirib ki, ölkənin nüvə enerjisi layihəsində ABŞ şirkətinin etibarlı texnologiyasından istifadə ediləcək. Havaya buraxılan zərərli qazların miqdarını azaltmaq və kömürdən tamamilə imtina etmək istəyən Polşa nüvə enerjisinə ciddi maraq göstərir. Nəzərdə tutulan AES-in ilk üç reaktoru üçün tətbiq ediləcək texnologiya ilə bağlı qərar bu ilin sonuna kimi qəbul edilməlidir. İlk reaktor 2033-cü ildə şəbəkəyə qoşulmalıdır. ABŞ şirkətinin bu layihədə rəqibləri arasında Fransa şirkətləri ilə yanaşı, Cənubi Koreyanın “Korea Hydro Nuclear Power” şirkəti də var idi. Qeyd edək ki, rəsmi Varşava bu layihə üçün 6-9 qiqavat gücündə reaktorlar qura və onları müvafiq texnologiya ilə təmin edə bilən tərəfdaş axtarırdı.

Polşada ilk AES-i onlar inşa edəcək

30-10-2022, 14:53

İranda etirazçılar yolları bağladı

İranda iğtişaşlar fonunda etiraz aksiyaları davam edir. Bu gün etirazların dairəsi daha da genişlənib. “Azad İran” teleqram kanalında yayılan məlumata görə, Qərbi Azərbaycanın Mərivan şəhərində gənclər hökumət əleyhinə etiraza qalxıblar. Nümayişçilər təkər və digər əşyalar yandıraraq yollarda keçilməz maneələr yaradıblar. Qeyd edək ki, İranda ötən aydan başlayaraq etiraz aksiyaları davam edir.

İranda etirazçılar yolları bağladı

30-10-2022, 14:50

Bayden, yoxsa Tramp? - Sorğu

Amerikalı seçicilərin böyük əksəriyyəti ABŞ prezidenti Co Baydenin və keçmiş dövlət başçısı Donald Trampın 2024-cü ildə növbəti müddətə namizədliyini irəli sürməsini istəmir. Bu barədə “Yahoo!”nun “YouGov” tədqiqat təşkilatı ilə birgə keçirdiyi sosioloji sorğunun nəticələrində qeyd olunub. Sorğuya əsasən, respondentlərin 57%-i “Bayden yenidən namizədliyini irəli sürməlidirmi” sualına mənfi cavab verib. Maraqlıdır ki, eyni sayda (57%) amerikalı Trampın da növbəti prezidentlik yarışında iştirak etməyini arzulamır. Qeyd edək ki, ABŞ-da növbəti prezident seçkiləri 2024-cü ilin noyabrında keçiriləcək.

Bayden, yoxsa Tramp? - Sorğu

30-10-2022, 14:27

“Sülhə “hə” deməliyik, əks halda gec olacaq” – Erməni siyasətçi

"Bu ilin sonuna qədər Ermənistanın taleyi həll olunacaq". Bunu erməni siyasətçi Ahoran Adibekyan deyib. O bildirib ki, dekabr ayında qədər böyük güclər Ermənistanı Azərbaycanla sülh müqaviləsini imzalamağa təhrik edəcəklər:"Azərbaycanın alternativləri çoxdur. Qərblə və Moskva ilə paralel işləmək imkanlarına malikdir. Amma Ermənistanın bu cür şansları sıfıra bərabərdir. İndi biz mənfəət əldə etmək istəyiriksə, Kremlin dediyini etməli və sülhə "hə" deməliyik. Əks halda, gec ola bilər. Biz İranın və digərlərinin oyunlarına gəlməməliyik".

“Sülhə “hə” deməliyik, əks halda gec olacaq” – Erməni siyasətçi

30-10-2022, 14:24

Qaz tankeri partladı, ölənlər var

İraqın paytaxtı Bağdadda qaz tankerinin partlaması nəticəsində 3 nəfər ölüb. Butov.az xəbər verir ki, hadisə zamanı 10-a yaxın insan yaralanıb. Bildirilib ki, Bağdadın şərqindəki Bunak bölgəsində qazla dolu tankerin partlamasına texniki nasazlıq səbəb olub. Partlayış nəticəsində ərazidəki binaya və futbol meydançasına da ziyan dəyib.

Qaz tankeri partladı, ölənlər var

30-10-2022, 14:22

İsveçrə rekorda imza atdı

İsveçrənin dəmir yolu şirkəti dünyanın ən uzun sərnişin qatarı ilə rekorda imza atıb.Butov.az xəbər verir ki, “RhB” şirkətinin istehsalı olan və 100 vaqondan ibarət olan qatar bir saatdan bir qədər çox vaxt ərzində Albula-Bernina dəmir yolu xətti boyunca hərəkət edərək təyin olunmuş yerə çatıb. Şirkətin direktoru Renato Faşiati bildirib ki, rekord cəhd İsveçrə mühəndislik nailiyyətlərini nümayiş etdirmək və İsveçrə dəmir yollarının 175 illik yubileyini qeyd etmək məqsədi daşıyır.

İsveçrə rekorda imza atdı

30-10-2022, 14:19

Cənubi Koreyada matəm elan edildi

Cənubi Koreya prezidenti Yun Sok Yol paytaxt Seulun mərkəzində baş verən, çoxsaylı insan ölümü ilə nəticələnən izdihamla əlaqədar milli matəm elan edib. Butov.az xəbər verir ki, Seulun mərkəzində Hellouin bayramının qeyd edilməsi zamanı yaranan izdihamda azı 151 nəfər həlak olub, 82 nəfər xəstəxanaya yerləşdirilib. Yaralananlardan 19 nəfərin vəziyyəti ağırdır. Məlumata görə, ölənlər arasında iki əcnəbi də var. Onların milliyyəti barədə məlumat verilməyib.

Cənubi Koreyada matəm elan edildi