Dünya » Səhifə 727

25-09-2022, 17:36

Çavuşoğludan PKK açıqlaması: ABŞ onları dəstəkləyir

"Təəssüf ki, Birləşmiş Ştatlar Suriyada hələ də PKK/PYD-yə dəstək verir”. Bunu Türkiyənin xarici işlər naziri Mövlud Çavuşoğlu deyib. Çavuşoğlu Türkiyənin ABŞ-la münasibətlərində problemlərin olduğunu vurğulayıb:“Bu terror qurumları son zamanlar hücumlarının sayını artırıb. Burada FETÖ, digər tərəfdən CAATSA sanksiyaları da bizi narahat edən məsələlərdir. Əslində bunlar bizim üçün milli təhlükəsizlik məsələləridir, müttəfiqimiz ABŞ-dan bu məsələdə həssaslıq gözləyirik, həssaslığımızı anlamalarını gözləyirik”.

Çavuşoğludan PKK açıqlaması: ABŞ onları dəstəkləyir

25-09-2022, 17:28

Odessaya dronlarla hücum edildi

Ukraynanın Odessa şəhəri dron-kamikadzelərin hücumuna məruz qalıb. Bu barədə Cənub Operativ Komandanlığı məlumat yayıb. "Odessa yenidən düşmən PUA-ların hücumuna məruz qalıb. Şəhərin mərkəzində yerləşən inzibati binaya üç dron zərbəsi endirib. Xilasetmə əməliyyatı və yanğının söndürülməsi davam edir", - məlumatda bildirilib. Qeyd olunub ki, şəhərə dörd dronla hücum edilib. Hava hücumundan müdafiə qüvvələri bir pilotsuz uçan aparatı vurub. Əhali arasında itki və zərər çəkən yoxdur.

Odessaya dronlarla hücum edildi

25-09-2022, 17:21

İranda “Skype” bloklandı

İranın müxtəlif şəhərlərində hökumət əleyhinə keçirilən ümumxalq nümayişlərindən sonra bu ölkədə Skype platformasının bloklanmasına qərar verilib. Bu barədə “Azad İran” teleqram kanalı məlumat yayıb. Bundan əvvəl İran hökuməti kütləvi etirazların qarşısını almaq məqsədilə “WhatsApp” və “İnstagram”a girişi bloklayıb.

İranda “Skype” bloklandı

25-09-2022, 17:19

Orbitə daha 52 peyk çıxarıldı

“SpaceX” kompaniyasının “Falcon 9” daşıyıcı raketi qlobal internet şəbəkəsi üçün nəzərdə tutulan “Starlink” peyklərinin növbəti qrupunu orbitə çıxarıb. Butov.az xəbər verir ki, daşıyıcı raket şənbə günü ABŞ-ın Şərq sahili vaxtı ilə saat 19:32-də Kanaveral burnundakı (Florida ştatı) kosmodromundan start götürüb. Kompaniyanın məlumatına görə, yerətrafı orbitə daha 52 mini-peyk çıxarılıb. Bu, 2019-cu ilin mayından bəri “Starlink” internet peyklərinin orbitə çıxarılan sayca 62-cü qrupudur və onların ümumi sayı 3,3 mini ötüb. Dünyanın ən böyük peyk operatoru olan “SpaceX” orbitə ümumilikdə təxminən 12 min kosmik aparat çıxarmağı planlaşdırır. Kompaniyanın qiymətləndirməsinə əsasən, layihənin reallaşdırılması 10 milyard dollara başa gələcək. Hazırda “Starlink” peyk şəbəkəsi dünyanın 40 ölkəsində, o cümlədən Şimali Amerika, Avropa, Uzaq Şərq və Avstraliyada istifadəçilər üçün əlçatandır.

Orbitə daha 52 peyk çıxarıldı

25-09-2022, 17:01

Ukraynalılar ruslardan gürcülərin intiqamını aldı

"2008-ci ildə Gürcüstana daxil olan 58-ci ordu ukraynalılar tərəfindən tamamilə məhv edilib və Rusiya rəhbərliyi onun buraxıldığını elan edib". Bu barədə Gürcüstanın sabiq prezidenti Mixail Saakaşvili sosial media hesabı vasitəsilə paylaşım edib. Onun sözlərinə görə, rus hərbi dəstələri Moskvadan geri çəkilmək əmri istəyir. “Hətta Xerson olmasa belə, rus qruplaşması praktiki olaraq parçalanıb və Moskvadan geri çəkilmək üçün əmr istəyir. Buna baxmayaraq, Putinin sona qədər dayanmaq əmri var. Bu istər-istəməz minlərlə şəxsin, həmçinin texnikanın ələ keçirilməsinə və Rusiyanın Xarkovdan daha geniş miqyaslı məğlubiyyətinə gətirib çıxaracaq”, - deyə Saakaşvili qeyd edib.

Ukraynalılar ruslardan gürcülərin intiqamını aldı

25-09-2022, 16:58

İranın DİN rəhbəri etirazçıları həbslə hədələdi

İranda sabitliyi pozmaq məqsədi daşıyan şəxslər məsuliyyətə cəlb ediləcək. Bu barədə ölkənin daxili işlər naziri Əhməd Vahidi bildirib. "Biz İslam hüquq normalarına riayət etməklə iğtişaşlara qarşı mübarizəni davam etdirəcəyik və vətəndaşların hüquqlarını qoruyacağıq. Dövlət qurumlarına və hüquq-mühafizə orqanlarının əməkdaşlarına hücum edən bütün iğtişaşçılar məsuliyyətə cəlb olunacaqlar", - nazir deyib. İranlı nazir polis bölməsində ürək tutmasından dünyasını dəyişən 22 yaşlı Məhsa Əmininin işi üzrə aparılan istintaqın nəticələrini təqdim edib. O deyib ki, tibbi rəyə əsasən, qız döyülməyib və kəllə sümüyünün sınığı aşkar edilməyib.

İranın DİN rəhbəri etirazçıları həbslə hədələdi

25-09-2022, 16:55

Yaponiya Şimali Koreyaya qarşı müdafiəsini gücləndirdi

Şimali Koreyanın sonuncu raket sınağından sonra Yaponiyanın özünü müdafiə sistemləri hazır vəziyyətə gətirilib. Bu barədə Yaponiyanın Baş naziri Fumio Kişida əmr imzalayıb. Bildirilir ki, baş nazir Şimali Koreyanın sentyabrın 25-də həyata keçirdiyi növbəti raket sınağı ilə bağlı əlaqədar nazirlik və idarələrə gözlənilməz hallarla əlaqədar hazırlıq barədə xüsusi göstəriş verib. Qeyd edilir ki, Yaponiya hökumətinin başçısı əlaqədar nazirliklərə və idarələrə üç əsas tapşırıq verib. Həmin tapşırıqlar gəmiçiliyin və mülki aviasiyanın təhlükəsizliyini təmin etmək, əhaliyə vəziyyətlə əlaqədar operativ və düzgün informasiyanı çatdırmaq və gözlənilməz vəziyyətə hazır olmaqdır. Baş nazirin ofisində operativ məlumatın toplanması və təhlili üzrə böhran qərargahı yaradılıb. Yaponiya Sahil Mühafizəsi Xidmətinin məlumatına görə, Şimali Koreyanın raket buraxılışından sonra ərazidəki gəmilərə ziyan dəyməyib.

Yaponiya Şimali Koreyaya qarşı müdafiəsini gücləndirdi

25-09-2022, 16:45

Şimali Koreya yeni raket sınağına hazırlaşır

Cənubi Koreya ordusu Şimali Koreyanın sualtı qayıqdan buraxılan ballistik raketi sınaqdan keçirməyə hazırlaşdığına dair əlamətlər aşkar edib. Bu barədə "Yonhap" informasiya agentliyi məlumat yayıb. Agentlik adı açıqlanmayan Cənubi Koreya hərbi mənbəsinə istinadən bildirir ki, hərbçilər bu həftə Şimali Koreyanın Cənubi Hamqyonq əyalətinin Sinpo şəhərində hazırlıqlar gördüyünü müəyyən ediblər. Məlumatı ABŞ-da yerləşən beyin mərkləzləri də təsdiqləyib. Qeyd edək ki, raketin sınaqları ABŞ vitse-prezidenti Kamala Harrisin regiona səfəri ərəfəsinə təsadaüf edir. Harris gələn həftə bölgəyə səfər edərək Yaponiya və Cənubi Koreya liderləri ilə görüşməyi planlaşdırır.

Şimali Koreya yeni raket sınağına hazırlaşır

25-09-2022, 16:18

Çindən Ukrayna ilə bağlı önəmli mesaj

Çin Ukraynadakı böhranın sülh yolu ilə həllinə kömək edən bütün səyləri dəstəkləyir. Bunu Çin xarici işlər naziri Van Yi Birləşmiş Millətlər Təşkilatının (BMT) Baş Assambleyasında deyib. XİN başçısı qeyd edib ki, hazırda Ukraynada prioritet məsələ sülh danışıqlarını asanlaşdırmaqdır. «Əsas həll yolu bütün tərəflərin qanuni təhlükəsizlik narahatlıqlarını həll etmək və balanslaşdırılmış, effektiv və davamlı təhlükəsizlik arxitekturası qurmaqdır», — deyə çinli nazir bildirib. «Biz bütün maraqlı tərəfləri böhranın genişlənməməsinə və inkişaf etməkdə olan ölkələrin qanuni hüquqlarını və maraqlarını qorumağa çağırırıq», — Van Yi çıxışına əlavə edib.

Çindən Ukrayna ilə bağlı önəmli mesaj

25-09-2022, 15:55

İran İraqa artilleriya zərbəsi endirdi

İran İnqilab Keşikçiləri Korpusu (SEPAH) İraqın şimalındakı kürd bölgəsinə artilleriya zərbəsi endirib. Bu barədə İran dövlət televiziyası məlumat yayıb. Dövlət televiziyası SEPAH-ın İraqın kürdlər yaşayan bölgəsində İran əleyhinə olan qrupları hədəf aldığını bildirib. Qeyd edək ki, İran hökuməti kürd dissidentləri ölkədə, xüsusən də ölkənin şimal-qərbində 10 milyona qədər kürdün yaşadığı bölgələrdə iğtişaşlar törətməkdə günahlandırıb.

İran İraqa artilleriya zərbəsi endirdi