Dünya » Səhifə 730

5-09-2022, 19:17

Liz Trass planlarını açıqladı

Liz Trass Britaniyanın yeni Baş naziri seçildikdən sonra ilk çıxışını edib. Butov.az xəbər verir ki, Trass Mühafizəkarlar Partiyasının lideri seçilməyin şərəfli olduğunu deyib. Yeni Baş nazir çıxışında COVID pandemiyasından sonra vergiləri azaltmaq və Britaniya iqtisadiyyatını gücləndirmək üçün cəsarətli plan təqdim edəcəyini, enerji böhranı və Milli Səhiyyə Xidməti ilə bağlı işlər görəcəyini açıqlayıb. Liz Trass, həmçinin, keçmiş Baş nazir Boris Consona təşəkkür edərək onun Brexiti həyata keçirdiyini, koronavirus vaksinlərinin yayılmasında mühüm rol oynadığını və Vladimir Putinə qarşı durduğunu əlavə edib.

Liz Trass planlarını açıqladı

5-09-2022, 19:14

Polşa və Türkiyə müdafiə nazirləri görüşüb

Türkiyə müdafiə naziri Hulusi Akar Polşa müdafiə naziri Mariuş Blaşzak ilə görüşüb. Bu barədə Polşa Müdafiə Nazirliyinin mətbuat xidməti məlumat yayıb. Bildirilib ki, danışıqların mövzusu ikitərəfli hərbi əməkdaşlıq və modernləşmə çərçivəsində tərəfdaşlıq olub. Qeyd edək ki, görüş türkiyəli nazirin Polşaya səfəri çərçivəsində baş tutub.

Polşa və Türkiyə müdafiə nazirləri görüşüb

5-09-2022, 19:12

Böyük Britaniyanın yeni Baş naziri seçildi

Böyük Britaniyanın yeni Baş naziri məlum olub. Butov.az xəbər verir ki, Liz Trass hakim Mühafizəkarlar Partiyasının sədri və ölkənin yeni Baş naziri seçilib. Qeyd edək ki, bu gün Mühafizəkarlar Partiyasına yeni lider seçkisi keçirilib.

Böyük Britaniyanın yeni Baş naziri seçildi

5-09-2022, 18:52

Türkiyə hərbi gəmiləri 12 il sonra İsraildə

İsraillə diplomatik yaxınlaşmadan sonra Türkiyənin hərbi gəmiləri “Hayfa” limanında lövbər salıb. Bu barədə Türkiyə mətbuatı məlumat yayıb. Gəmilər 12 il sonra NATO missiyası çərçivəsində bölgəyə gətirilib və bir neçə gün limanda gözləyəcək. Qeyd edək ki, bu, 2010-cu ildən bəri İsrailə yanaşan ilk türk hərbi gəmisidir.

Türkiyə hərbi gəmiləri 12 il sonra İsraildə

5-09-2022, 18:40

Ukrayna Rusiyanın son itkilərini açıqladı

Ukrayna Silahlı Qüvvələri ötən sutka ərzində 300 rus hərbçisini məhv edib. Bununla da indiyə qədər məhv edilən rus əsgərlərinin sayı 49 800-ə çatıb. Bu barədə məlumatı Ukrayna Silahlı Qüvvələrinin Baş Qərargahı öz “Facebook” səhifəsində yayıb. Həmçinin,düşmənin məhv edilən texnikasının siyahısı aşağıdakı kimidir:
2068 (+19) tank;
4459 (+29) zirehli döyüş maşını;
1157 (+10) artilleriya sistemi;
294 (+0) MLRS;
156 (+0) hava hücumundan müdafiə sistemini;
236 (+0) təyyarə;
vertolyotlar - 206 (+0);
operativ-taktiki PUA - 867 (+3);
qanadlı raketlər - 205 (+2);
gəmilər / qayıqlar - 15 (+0);
avtomobil texnikası və yük maşınları - 3 286 (+10);
xüsusi texnika - 107 (+1).

Ukrayna Rusiyanın son itkilərini açıqladı

5-09-2022, 01:46

Ukraynada daha 3 yaşayış məntəqəsi ruslardan təmizləndi

Ukrayna ordusu üç yaşayış məntəqəsini işğaldan azad edib. Bu barədə Ukrayna Prezidenti Volodimir Zelenski gecə videomüraciətində bildirib. Məlumata görə, cənubda iki, şərqdə bir yaşayış məntəqəsi ruslardan təmizlənib. O, konkret hansı kəndlərin azad edildiyini deməyib. Zelenski bildirib ki, bazar günü keçirilən görüşdə hərbi komandirlər və kəşfiyyat rəhbərindən “yaxşı xəbərlər” alıb. Zelenski Donetsk vilayətinin şərqindəki yaşayış məntəqəsinin azad edilməsinə, Lisiçansk-Siversk istiqamətində “müəyyən yüksəkliklərin” alınmasına və iki cənub yaşayış məntəqəsinin azad edilməsinə görə Ukrayna ordusuna təşəkkür edib. Qeyd edək ki, Ukrayna prezident aparatının rəhbərinin müavini Kirilo Timoşenko "Facebook" səhifəsində Xersonda bayraq qaldıran hərbçinin fotosunu yayımlayıb. O, fotonun Vısokopillya kəndində çəkildiyini bildirib.

Ukraynada daha 3 yaşayış məntəqəsi ruslardan təmizləndi

5-09-2022, 01:44

Pakistanda yağış nəticəsində ölənlərin sayı 1300-ü keçib

Pakistanda iyunun 14-dən bəri davam edən musson yağışları nəticəsində həyatını itirənlərin sayı 1314 nəfərə çatıb. Bu barədə Pakistan Milli Fəlakət İdarəetmə Agentliyi məlumat yayıb. Ölənlərin 458-i uşaq, 262-si qadındır, 12703 nəfər isə yaralanıb. Daşqınlar ölkəyə 10-12,5 milyard dollar ziyan vurub. Yağışlar nəticəsində bir milyon 682 min 726 evə ziyan dəyib, onlardan 557 min 891-i tamamilə dağılıb. Ümumilikdə 5 min 735 kilometr yol, 246 körpü və 173 iş yeri dağıdılıb, 750 min 405 təsərrüfat heyvanı tələf olub. Yağışlardan 33,4 milyon insan zərər çəkib, 631 min 824 nəfər çadır şəhərciklərində yaşamaq məcburiyyətində qalıb.

Pakistanda yağış nəticəsində ölənlərin sayı 1300-ü keçib

5-09-2022, 01:43

Britaniyada böhran xəbərdarlığı - Fabriklərin 60%-i bağlana bilər

Elektrik enerjisinin qiyməti həddindən artıq qalxdığı üçün Böyük Britaniyada fabriklərin 60%-dən çoxu bağlana bilər. Bu barədə "Bloomberg" agentliyi "Make UK" şirkətinin araşdırmasına istinadən məlumat yayıb. Ölkədə elektrik enerjisi qiyməti 100 faizdən çox artdığı üçün istehsalçıların yarısı çətinliklə üzləşib. “Mövcud böhran istehsalçıları seçim qarşısında qoyur. Dövlət kömək etməsə, onlar istehsal ya azaldacaq, ya da tamamilə dayandıracaq", - deyə agentlik bildirib. Araşdırmada Britaniyanın yeni hökumətinin təcili tədbirlər görülməsinə çağırış edilir. Xatırladaq ki, Britaniyada 2022-ci ildə oktyabrın 1-dən qazın bahalaşması ilə əlaqədar olaraq elektrik enerjisinin qiyməti 80% artacaq.

Britaniyada böhran xəbərdarlığı - Fabriklərin 60%-i bağlana bilər

5-09-2022, 01:41

İsrail “Boeing 747”lərin uçuşuna qadağa qoydu

İsrail hökuməti hava çirkliliyini azaltmaq üçün “Boeing 747” və buna bənzər dörd mühərrikli təyyarələri qadağan etmək qərarına gəlib. Bu barədə "Reuters" məlumat yayıb. Uçuş qadağasının 31 mart 2023-cü ildə qüvvəyə minəcəyi gözlənilir. Dörd mühərrikli təyyarələrin istismarına müstəsna hallarda icazə veriləcək. İsrailin milli hava yolu şirkəti artıq "Boeing 747" təyyarələrini istismardan çıxarıb və uzun məsafəli marşrutlarda ikimühərrikli "Boeing 777" və "Boeing 787"lərdən istifadə edir.

İsrail “Boeing 747”lərin uçuşuna qadağa qoydu

5-09-2022, 01:35

Rusiya BMT qərargahının ABŞ-dan köçürülməsini tələb edir

BMT-nin mənzil-qərargahının Nyu-Yorkdan köçürülməsi məsələsi müzakirə olunur. Bu barədə Rusiya Xarici İşlər Nazirliyinin (XİN) Xarici Siyasət Planlaması Departamentinin direktoru Aleksey Drobinin “Beynəlxalq Əlaqələr” jurnalına bildirib. Onun sözlərinə görə, BMT-nin Nyu-Yorkda keçirilən iclaslarında təkcə Rusiya deyil, həm də digər səbəblərdən ABŞ-ın etirazına səbəb olmuş ölkələr də iştirak edə bilmir. "Bu ölkələrin sayı artır və artmaqda davam edəcək”, - Drobinin vurğulayıb. Rusiya XİN rəsmisi xatırladıb ki, BMT-nin mənzil-qərargahının Nyu-Yorkda yerləşməsi qərara alınarkən Birləşmiş Ştatlar BMT Katibliyi ilə razılaşma əldə edib. Drobinin fikrincə, ABŞ bu sazişin müddəalarına əməl etmir. 2019-cu ildə ABŞ Rusiya nümayəndə heyətinin bütün üzvlərini BMT Baş Assambleyasına buraxmayıb. Kreml Vaşinqtonu beynəlxalq öhdəlikləri pozmaqda ittiham edib, Dövlət Duması isə BMT-nin baş qərargahının ABŞ-dan köçürülməsinə çağırıb.

Rusiya BMT qərargahının ABŞ-dan köçürülməsini tələb edir