3-12-2022, 15:44
PKK üzvü Türkiyəyə göndərildi
İsveç PKK üzvü olan şəxsi Türkiyəyə ekstradisiya edib. İsveç hökuməti barəsində 6 il 10 ay həbs cəzası çıxarılmış Mahmut Tatı Türkiyəyə təhvil verib. Tat 2015-ci ildə İsveçə gedərək sığınacaq üçün müraciət etsə də, rədd cavabı alıb. Bir müddət əvvəl İsveçdə həbs olunan Tat Mölndaldakı təcridxanada saxlanılıb. Buradan isə o, təyyarə ilə Türkiyəyə göndərilib.
2-12-2022, 22:51
Almaniyadan Ukraynaya yeni hərbi dəstək
Almaniya Ukraynaya daha yeddi ədəd "Gepard" özüyeriyən zenit qurğusu verəcək. Bu barədə "Der Spiegel" jurnalı yazıb. Ukraynaya eyni zamanda 100 min fərdi tibbi dəst tədarük ediləcək. Nəşr qeyd edir ki, zenit qurğuları hazırda Münhendə yerləşən "Krauss-Maffei Wegmann" (KMW) silah şirkətində təmir olunur və yazda Ukraynaya təhvil veriləcək. Ötən həftə Almaniya Ukraynaya üç zirehli "Beaver" körpü konstruksiyası, səkkiz sualtı dron, 12 sərhəd mühafizə maşını, 4000 yuxu kisəsi, 30 təcili yardım maşını və Mİ-24 helikopterləri üçün ehtiyat hissələri göndərib.
2-12-2022, 22:38
Almaniyadan Ukraynaya yeni hərbi dəstək
Almaniya Ukraynaya daha yeddi ədəd "Gepard" özüyeriyən zenit qurğusu verəcək. Bu barədə "Der Spiegel" jurnalı yazıb. Ukraynaya eyni zamanda 100 min fərdi tibbi dəst tədarük ediləcək. Nəşr qeyd edir ki, zenit qurğuları hazırda Münhendə yerləşən "Krauss-Maffei Wegmann" (KMW) silah şirkətində təmir olunur və yazda Ukraynaya təhvil veriləcək. Ötən həftə Almaniya Ukraynaya üç zirehli "Beaver" körpü konstruksiyası, səkkiz sualtı dron, 12 sərhəd mühafizə maşını, 4000 yuxu kisəsi, 30 təcili yardım maşını və Mİ-24 helikopterləri üçün ehtiyat hissələri göndərib.
2-12-2022, 22:33
ABŞ və Rusiya sözünü tutmadı - Çavuşoğlu
Son iki il ərzində Suriyadan gələn terrorla əlaqəli 2000-dən çox hücum yaşamışıq və bu hücumlarda 500-dən çox adam həyatını itirib, mülki insanlar öldürülüb. Bunu Türkiyənin xarici işlər naziri Mövlud Çavuşoğlu deyib. "Rusiya və ABŞ-la aramızda razılaşma var idi ki, terrorçuları bizim sərhədimizdən 30 kilometr o tərəfə aparacaqlar. Amma sözlərini tutmadılar. Terrorçular bu gün də bizə hücum etməyə davam edirlər”, - Çavuşoğlu bildirib.
2-12-2022, 22:19
Borrel 15min ukraynalı kursantı qarşılayacaq
Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borrel Ukrayna hərbi qulluqçularına təlim keçən Polşadakı hərbi missiyaya baş çəkib. Borrel bu barədə twitter səhifəsində paylaşım edib. “Bu gün Ukrayna əsgərləri üçün təlim keçəcək yenə Avropa İttifaqı missiyasına baş çəkirəm. Bu missiyanın təlim keçəcəyi 15 000 ukraynalı kursant qrupunu qarşılayacağam. Ərazisində hərbi təlimlərin önəmli hissəsinə ev sahibliyi etdiyi üçün Polşaya minnətdaram”, - deyə o qeyd edib.
2-12-2022, 21:52
İranda hicabla bağlı yeni qanunlar hazırlanır
İran parlamenti ictimai mədəniyyət şurası yaradacaq. Onun səlahiyyətlərinə hicabın məcburi geyinilməsi məsələsinə baxmaq daxildir. Bu barədə İran parlamentinin mədəniyyət komitəsinin rəhbəri Qulamrza Montazeri bildirib. "İran parlamentinin Mədəniyyət komitəsində xüsusi olaraq hicabla bağlı məsələlərlə məşğul olmaq üçün işçi qrup təşkil edilib. Mədəniyyət məsələlərini müzakirə etmək üçün yaradılan İctimai Mədəniyyət Şurası hicab məsələsi ilə bağlı universal sxem hazırlayır. Qanunda aydın olmayan və ya qeyri-konstruktiv məqamlar varsa, biz parlamentdə kömək etməyə hazırıq", - Montazeri vurğulayıb. Qeyd edək ki, İranda 2 aydan çoxdur molla rejimi əleyhinə mitinqlər keçirilir.
2-12-2022, 21:41
Kosovanın tanınmasına əsla icazə verilməyəcək
Bosniya və Herseqovinanın federal vahidlərindən
biri olan Serb Respublikasının başçısı Milorad Dodik Kosovanın tanınması məsələsinə toxunub. Dodik bu barədə yerli mətbuata müsahibəsində önəmli mesajlar səsləndirib. O, Kosovanın tanınmasına icazə verməyəcəklərini bəyan edib. “Serb Respublikası serblərin yaşadığı bölgədir. Eynilə Kosova kimi. Sonra bəziləri gəldilər və Serbiyanın qəlbi ilə oynadılar, albanları oraya yerləşdirdilər. Saxta dövlət müstəqilliyini elan etdi, amma Bosniya və Herseqovinanın daxil olduğu bir çox ölkə bunu qəbul etmədi. Serb Respublikası mövcud olduğu müddətcə, ölkənin bu qərarı dəyişməyəcək. Buna imkan verməyəcəyəm. Kosovanın tanınmasına əsla icazə verilməyəcək”, - deyə Dodik bildirib. Qeyd edək ki, Serbiya silahlı qüvvələri tərəfindən müsəlman alban əhalisinə qarşı etnik təmizləmə siyasəti həyata keçirildikdən sonra Kosovada müstəqil dövlət elan edilib. Türkiyə, ABŞ və bəzi digər ölkələr tərəfindən tanınan Kosova qismən tanınan dövlətlərdən biri olsa da, BMT-nin üzvü deyil. Azərbaycan Kosovanı Serbiyanın tərkib hissəsi kimi qəbul edir.
2-12-2022, 21:19
Putin kanslerə iradını bildirdi
Almaniya kansleri Olaf Şolts Ukraynadakı vəziyyəti müzakirə etmək üçün Rusiya prezidenti Vladimir Putinə zəng edib. Bu barədə Kremlin mətbuat xidməti məlumat yayıb. Rusiya prezidenti Qərb dövlətlərinin, o cümlədən Almaniyanın Kiyevi silahla təmin etməsinə diqqət çəkib. "Bütün bunlar, eləcə də Ukraynaya hərtərəfli siyasi və maliyyə dəstəyi ona gətirib çıxarır ki, Kiyev istənilən danışıqlar ideyasını tamamilə rədd edir. Qərbin bu cür siyasəti radikal ukraynalı millətçiləri dinc əhaliyə qarşı getdikcə daha çox qanlı cinayətlər törətməyə sövq edir", - deyə Putin bildirib. Putin Almaniyanı Ukrayna hadisələri kontekstində yanaşmalarına yenidən baxmağa çağırıb.
2-12-2022, 21:16
Ermənistan parlamenti Azərbaycan əleyhinə layihəyə “yox” dedi
Ermənistan parlamentində müzakirəyə çıxarılan Azərbaycan Milli Məclisinə qarşı bəyanat layihəsi qəbul edilməyib. Layihənin lehinə 29 müxalifətçi deputat səs versə də, yetərli səs toplanmayıb və bəyanat qəbul olunmayıb. Parlamentdə iqtidarı təmsil edən deputatlar layihənin əleyhinə səs veriblər. Qeyd edək ki, Azərbaycana qarşı layihəni müxalif “Hayastan” fraksiyası təklif etmişdi. 3 saat davam edən gərgin müzakirələrdən sonra qəbul edilməyən layihənin Azərbaycan Milli Məclisinin noyabrın əvvəlində Ermənistanı pisləyən bəyanatına “cavab xarakteri daşıdığı” bildirilir.
2-12-2022, 13:59
Ərdoğanın sözçüsündən sərt reaksiya
Türkiyə Prezidenti Rəcəb Tayyib Ərdoğanın sözçüsü İbrahim Kalın İsveçdə "Sweden Public TV"nin qonağı olub. İbrahim Kalın çəkiliş zamanı təxribatçı suallara tuş gəlib. O, Türkiyə ilə bağlı qərəzli sualdan əsəbiləşərək verilişi yarımçıq tərk edib. Jurnalistin Türkiyəni cinayətkarlar üçün təhlükəsiz liman kimi təsvir etməsi Kalının etirazına səbəb olub. Prezidentin sözçüsü deyib: “Əgər Türkiyənin mafiyaya bir növ sığınacaq verdiyini, onları qoruduğunu iddia edirsinizsə, bunu nəzərdə tutursunuzsa, mən bunu qəti şəkildə rədd edirəm. Türkiyə bu iddiaları qəti şəkildə təkzib edir. Deyirsiniz ki, Türkiyədə filan yer kokain qaçaqmalçılığının, yaxud narkotik alverçilərinin mərkəzidir. Bu fikir reallığı əks etdirmir. Haradır siz deyin yeri? Siz bütöv bir ölkəni dəhşətli bir şeydə ittiham edirsiniz. Türkiyə cinayətkarlar üçün sığınacaq yeri deyil". "Fərqli gündəminiz var. Siz Türkiyənin kokain qaçaqmalçılığının və mafiya liderlərinin mərkəzi olduğunu iddia edirsiniz. Bu, PKK və FETÖ-nün yaydığı yalan məlumatlardır. Bu sualı verməklə, siz jurnalistikanın prinsiplərinə zidd gedirsiniz. Çünki yalan ittihamları fakt kimi təqdim edib cavab gözləyirsiniz. Mən daha verilişə davam etmək istəmirəm. Verilişi dayandırın",- deyərək Kalın studiyanı tərk edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!