Dünya » Səhifə 734

9-02-2023, 23:20

Novosibirsk vilayətində matəm elan olundu

Rusiyanın Novosibirsk vilayətində matəm elan olunub. Bu gün səhər saatlarında vilayətin Zayeltsevsk rayonunda beşmərtəbəli binada qaz sızmasından partlayış baş verib. Nəticədə binanın iki girişi dağılıb, 8 nəfər həlak olub. Daha 8 nəfərin dağıntılar altında qaldığı ehtimal olunur. Hadisə yerinə fövqəladə hallar naziri Aleksandr Kurenkov gəlib. Novosibirsk vilayətinin qubernatoru Andrey Travnikov fevralın 10-nu matəm günü elan edib.

Novosibirsk vilayətində matəm elan olundu

9-02-2023, 21:40

Ermənistan prezidenti İran səfiri ilə bir sıra məsələləri müzakirə etdi

İranın İrəvandakı səfiri Abbas Bədəxşan Zöhuri Ermənistan prezidenti Vahaqn Xaçaturyanla görüşüb. Bu barədə "Sputnik Armenia" məlumat yayıb. Bildirilib ki, görüşdə ikitərəfli münasibətlər, regional məsələlər, habelə qarşılıqlı maraq doğuran digər mövzular müzakirə olunub. İran səfiri iki ölkə arasında ticarət-iqtisadi dövriyyənin böyümə tempini artırmağın vacibliyindən danışıb.

Ermənistan prezidenti İran səfiri ilə bir sıra məsələləri müzakirə etdi

9-02-2023, 21:36

Türkiyə Böyük Millət Məclisində fövqəladə vəziyyət rejimi təsdiqləndi

Türkiyədə fövqəladə vəziyyət rejiminin tətbiq olunması Böyük Millət Məclisində (TBMM) təsdiqlənib. Bu barədə Türkiyə mətbuatı məlumat yayıb. Qərara əsasən Türkiyədə zəlzələ olan bögələrdə 3 ay müddətinə fövqəladə vəziyyət rejimi tətbiq olunacaq.

Türkiyə Böyük Millət Məclisində fövqəladə vəziyyət rejimi təsdiqləndi

9-02-2023, 21:20

Zəlzələnin vurduğu ziyan 4 milyard dolları keçə bilər

Beynəlxalq reytinq agentliyi Fitch Ratings Türkiyə və Suriyada baş vermiş dağıdıcı zəlzələlərin vurduğu ziyanı ilkin olaraq 4 milyard dollar qiymətləndirib. Agentliyin açıqlamasında deyilir ki, dəymiş ziyanın məbləği daha da arta bilər. Bazar ertəsi səhər Türkiyənin cənub-şərqində 7,7 bal gücündə zəlzələ baş verib. Həmin gün 7,6 bal gücündə ikinci zəlzələ də olub. Türkiyədə son məlumatlara görə, ölənlərin sayı artıq 14 mini, yaralıların sayı isə 63 mini keçib. Suriyada 3500-dək adam ölüb, 2000-dən çox insan yaralanıb, lakin dağıntılar hələ də təmizlənir.

Zəlzələnin vurduğu ziyan 4 milyard dolları keçə bilər

9-02-2023, 20:59

56 ölkədən axtarış-xilasetmə qrupları bölgəyə cəlb olunub - Çavuşoğlu

"Hazırda 56 ölkədən 6500-ə yaxın şəxs axtarış-xilasetmə işlərinə cəlb olunub". Bunu Türkiyənin xarici işlər naziri Mövlud Çavuşoğlu deyib. "Bu gün isə 19 ölkədən xilasedicilər Türkiyəyə gələcəklər. Onların bəzisi Latın Amerikası ölkələrindən gəldiklərinə görə uzun məsafədədir. Ümumilikdə 95 və 16 beynəlxalq təşkilatdan yardım təklifi almışıq. Bir çox ölkə xilasedicilərini, səhra xəstəxanalarını, tibbi personalını ölkəmizə göndəriblər. Hazırda isə 56 900 axtarış-xilasetmə əməkdaşı dağıntı olan bölgədə fəaliyyət göstərir",- deyə nazir bildirib.

56 ölkədən axtarış-xilasetmə qrupları bölgəyə cəlb olunub - Çavuşoğlu

9-02-2023, 19:31

Macarıstanın baş nazirindən atəşkəs çağırışı

Macarıstanın baş naziri Viktor Orban Ukraynanı Rusiya ilə atəşkəsə çağırıb. Orban bu barədə twitter səhifəsində yazıb. "Macarıstan Ukraynaya humanitar yardım və maliyyə dəstəyi göstərməyə davam edəcək. Daha çox insan itkisinin qarşısını almaq üçün təcili atəşkəsi dəstəkləyirik. Macarıstan sülh düşərgəsinə aiddir", - deyə o qeyd edib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Macarıstanın baş nazirindən atəşkəs çağırışı

9-02-2023, 19:28

Zelenski Şarl Mişellə görüşdü

Ukrayna prezidenti Volodimir Zelenski Avropa İttifaqı Şurasının prezidenti Şarl Mişellə görüşüb. Mişel bu barədə twitter səhifəsində paylaşım edib. "Evinə xoş gəldin, Avropa İttifaqına xoş gəldin, Zelenski", - deyə o yazıb. Qeyd edək ki, Zelenski Brüsselə Aİ sammitində iştirak etmək üçün gəlib və əsas mövzulardan biri Ukraynaya dəstək məsələsi olacaq.

Zelenski Şarl Mişellə görüşdü

9-02-2023, 18:15

Zelenski Şarl Mişellə görüşdü

9-02-2023, 14:28

Zelenski Şarl Mişellə görüşdü

9-02-2023, 14:23

Türkiyədə 51 ölkədən olan xilasetmə qrupları fəaliyyət göstərir

Türkiyəyə yardım edən ölkələrin sayı açıqlanıb. Hazırda Türkiyədə 51 ölkədən olan axtarış-xilasetmə qrupları fəaliyyət göstərir. Ümumilikdə 94 ölkə Türkiyəyə yardım etməyə hazır olduğunu bildirib. Hazırda zəlzələ bölgələrində 5125 nəfər əcnəbi xilasedici işləyir. Xilasetmə işlərinə 257 it cəlb olunub. Məlumatda, həmçinin qeyd olunub ki, bundan sonra daha 3554 əcnəbi xilasedicinin Türkiyəyə gəlməsi gözlənilir.

Türkiyədə 51 ölkədən olan xilasetmə qrupları fəaliyyət göstərir