Dünya » Səhifə 750

10-09-2022, 14:57

Kremldən gələn təhdidlərdən qorxmayaq - Mişel

Rusiyadan gələn təhdidlər Avropa ölkələrini qorxutmamalıdır. Bunu Avropa İttifaqı Şurasının Prezidenti Şarl Mişel Almaniya kansleri Olaf Şoltsla görüşdə deyib. Mişel Aİ-yə üzv ölkələrin Rusiyanın qalıq yanacaqlarından asılılığına son qoymaq üçün bir-biri ilə sıx əməkdaşlıq etdiklərini bildirib. "Sakit olmalıyıq. Kremldən gələn təhdidlərin bizi qorxutmasına imkan verməməliyik", - o qeyd edib. Mişel Rusiya qazına alternativlərin inkişaf etdirilməsi istiqamətində irəliləyiş əldə etdiklərini və qış aylarında baş verə biləcək enerji böhranı ilə bağlı narahatlıqları aradan qaldırmağa çalışdıqlarını söyləyib.

Kremldən gələn təhdidlərdən qorxmayaq - Mişel

10-09-2022, 14:54

Rusiyanın “İsgəndər” raketləri tükənir

Rusiya ordusunun arsenalında 200-dən az “İsgəndər” raket sistemi qalıb. Bu barədə Ukrayna Müdafiə Nazirliyinin Kəşfiyyat Baş İdarəsinin nümayəndəsi Vadim Skibitski bildirib. O qeyd edib ki, "İsgəndər" indi çox az istifadə olunur: "Bu raket sonuncu dəfə avqust ayında Belarus ərazisindən Kiyeviə atılıb". Skibitskinin sözlərinə görə, Rusiyanın 7 minə yaxın S-300 raketləri var. “Utilizasiyaya vəsait xərcləmək əvəzinə, onları bizim ərazimizə buraxırlar. Bizim hesablamalarımıza görə, bu raketlər onlara daha üç il kifayət edəcək”, - Ukrayna Müdafiə Nazirliyinin nümayəndəsi bildirib.

Rusiyanın “İsgəndər” raketləri tükənir

10-09-2022, 14:51

NATO şərq sərhədinə yeni qüvvələr yerləşdirir

NATO şərq sərhədində yeni qüvvələr yerləşdirməyə başlayıb. Bu barədə NATO-nun baş katibi Yens Stoltenberq bildirib. Baş katib, Alyans üzvlərini uzun sürən münaqişəyə hazır olmağa çağırıb. “Biz Alyansın şərq hissəsində mövcudluğumuzu əhəmiyyətli dərəcədə gücləndiririk. Eyni zamanda, biz Moskvaya aydın siqnal göndəririk ki, NATO müttəfiq ərazisinin hər qarışını müdafiə edəcək”, - Stoltenberq Brüsseldə ABŞ dövlət katibi Entoni Blinkenlə görüşündən sonra keçirilən mətbuat konfransında deyib.

NATO şərq sərhədinə yeni qüvvələr yerləşdirir

10-09-2022, 14:41

ABŞ İrana yeni sanksiyalar tətbiq etdi

ABŞ Albaniyaya qarşı kiberhücum təşkil etdiyinə görə İrana sanksiya tətbiq edib. Bu barədə ABŞ Maliyyə Nazirliyi məlumat yayıb. Bildirilir ki, ABŞ və müttəfiqlərinə qarşı kiber fəaliyyətlərinə görə İranın Kəşfiyyat və Təhlükəsizlik Nazirliyi, həmçinin nazir İsmail Xətib "qara siyahı"ya salınıb. Qeyd olunub ki, İranın Kəşfiyyat və Təhlükəsizlik Nazirliyi, kiber proksiləri 2007-ci ildən bəri dünyanın müxtəlif ölkələrində hökumətləri, özəl sektor təşkilatlarını və müxtəlif kritik infrastruktur sektorlarını hədəf alan zərərli kiber əməliyyatlar həyata keçirir.

ABŞ İrana yeni sanksiyalar tətbiq etdi

10-09-2022, 14:33

Zelenski 600-dən çox rus məmuru “qara siyahı”ya saldı

Ukrayna Rusiya rəsmilərinə qarşı yeni sanksiyalar tətbiq edib. Butov.az xəbər verir ki, müvafiq sərəncam Ukrayna Prezidenti Volodimir Zelenski tərəfindən imzalanıb. Bildirilir ki, Rusiya hakimiyyət orqanlarında təmsil olunan 606 şəxs "qara siyahı"ya salınıb. Siyahıda Rusiya Təhlükəsizlik Şurasının 28, Federasiya Şurasının 154 və Dövlət Dumasının 424 üzvünün adı yer alıb.

Zelenski 600-dən çox rus məmuru “qara siyahı”ya saldı

9-09-2022, 18:57

Pakistanda daşqınların vurduğu ziyan açıqlandı

Pakistanda daşqınların vurduğu zərər 30 milyard dollardır. Bu barədə BMT-nin baş katibi Antonio Quterreş məlumat verib. “Təbiət geri çəkilir. Bu gün Pakistandır, sabah başqası ola bilər. Pakistanın 30 milyard dollar dəyərində maliyyə dəstəyinə ehtiyacı var”, - Antonio Quterreş İslamabadda Daşqınlara Qarşı Mübarizə Koordinasiya Mərkəzində keçirilən mətbuat konfransında bildirib. Sentyabrın 9-da BMT Ümumdünya Ərzaq Proqramı çərçivəsində zərər çəkmiş 1,9 milyon pakistanlının ərzaqla təmin edilməsi planını açıqlayıb. Quterreşin sözlərinə görə, Pakistan kimi ölkələr üçün daha çox resurs səfərbər edilməlidir. Pakistanda bu yay son 30 ildə rekord miqdarda yağıntı qeydə alınıb. Musson leysanları çayların daşmasına və nəticədə geniş əraziləri su basmasına səbəb olub. Milli Fəlakətlərin İdarə Edilməsi Təşkilatının məlumatına görə, Pakistanda 1391 nəfər həlak olub, 12722 nəfər xəsarət alıb, 1,7 milyondan çox evə ziyan dəyib.

Pakistanda daşqınların vurduğu ziyan açıqlandı

9-09-2022, 18:55

Ukrayna ordusu irəliləyir - Yeni ərazilər azad edildi

Ukrayna ordusu Rusiya hərbçilərinin nəzarətində olan cənub mövqelərinə doğru bir neçə kilometr irəliləyib. Bu barədə Ukrayna Silahlı Qüvvələrinin Cənub Müdafiə Qüvvələrinin Birgə Əlaqələndirmə Mətbuat Mərkəzinin rəhbəri Natalya Qumenyuk bildirib. “Biz irəliləyirik, bu, göz qabağındadır. Azad etdiyimiz yaşayış məntəqələri, uğur qazandığımız istiqamətlər var. Lakin hələ ki onların adlarını açıqlamırıq”, - Qumenyuk bildirib.

Ukrayna ordusu irəliləyir - Yeni ərazilər azad edildi

9-09-2022, 18:53

Putin hökumətə ərzaq tədarük etməyi tapşırdı

Rusiya Prezidenti Vladimir Putin hökumətə ərzaq tədarükü ilə məşğul olmağı tapşırıb. Butov.az xəbər verir ki, dövlət başçısı bu barədə Təhlükəsizlik Şurasının iclası zamanı bildirib. Putinin Rusiya hökumət sədrinin birinci müavini Andrey Belousova tapşırığı yerli mediada dərc olunub.

Putin hökumətə ərzaq tədarük etməyi tapşırdı

9-09-2022, 18:28

Putin və Ərdoğan bu məsələləri müzakirə edəcək

Rusiya və Türkiyə prezidentləri Vladimir Putin və Rəcəb Tayyib Ərdoğan Şanxay Əməkdaşlıq Təşkilatının (ŞƏT) sammiti çərçivəsində Səmərqənddə danışıq aparacaqlar. Bu barədə jurnalistlərə Rusiya Federasiyası Prezidentinin mətbuat katibi Dmitri Peskov bildirib. O deyib ki, prezidentlər yoxsul dövlətlərə taxıl ixracının həyata keçirilməməsi məsələsini müzakirə edəcəklər. “Anadolu” agentliyinin məlumatına görə, Ərdoğanın Səmərqənddə Putindən Rusiyanın kənd təsərrüfatı məhsullarının “taxıl dəhlizi” vasitəsilə çatdırılmasına başlamağı xahiş edəcəyi gözlənilir. Türkiyə prezidenti əmin edib ki, bu cür tədarüklər başlasa, “malların, o cümlədən Afrikanın ən yoxsul ölkələrinə paylanması üçün optimal sistem yaradılacaq”. Məlumata görə, Ərdoğan əlavə edib ki, mövcud enerji vəziyyəti fonunda qarşıdan gələn qış Avropa üçün asan olmayacaq və o, yüksək maliyyə xərclərinə getməli olacaq. Eyni zamanda, Ərdoğan qeyd edib ki, Türkiyənin qazla bağlı problemi olmamalıdır, o, Rusiya Federasiyasından endirimə ümid edir. Bundan əvvəl Vladivostokda keçirilən Şərq İqtisadi Forumunda çıxış edən Rusiya Federasiyasının prezidenti bildirib ki, Ukraynadan taxılın demək olar ki, hamısı yoxsul ölkələrə yox, Avropa İttifaqına gedib. O, Türkiyə prezidenti ilə mexanizmi işlənmiş taxıl ixracı istiqamətinin məhdudlaşdırılmasını təklif edərək, bu məsələdə mütləq Ərdoğanla məsləhətləşəcəyini bildirib. Şanxay Əməkdaşlıq Təşkilatının (ŞƏT) sammiti sentyabrın 15-16-da Səmərqənddə keçiriləcək.

Putin və Ərdoğan bu məsələləri müzakirə edəcək

9-09-2022, 18:10

Xarkovda Ukrayna bayrağı qaldırıldı

Xarkov vilayətinin inzibati binasında yenidən Ukrayna bayrağı qaldırılıb. Bu barədə Ukrayna mətbuatı məlumat yayıb. Bildirilib ki, Xarkov vilayətinin işğaldan azad edilən ərazilərində mina və digər partlayıcılardan təmizlənmə işlərinə başlanılıb. Bölgələrdə dövlət orqanlarının işi, zədələnmiş infrastruktur bərpa edilir və əhaliyə yardım göstərilir.

Xarkovda Ukrayna bayrağı qaldırıldı