Dünya » Səhifə 757

12-08-2022, 20:23

Putin yenidən Təhlükəsizlik Şurasını topladı

Rusiya Prezidenti Vladimir Putin Təhlükəsizlik Şurasının daimi üzvləri ilə iclas keçirib. Bu barədə Rusiya mətbuatı məlumat yayıb. İclasda ölkənin müdafiə naziri Sergey Şoyqu məruzə ilə çıxış edib. Bundan əlavə, Rusiyanın hərbi sahədə təhlükəsizliyinin təmin edilməsi məsələləri müzakirə olunub.

Putin yenidən Təhlükəsizlik Şurasını topladı

12-08-2022, 20:16

Rusiya Zaporojyeni partlada bilər - Ukrayna fəlakətlə üz-üzə

"Zaporojye AES-i terrorçular ələ keçiriblər, onlar öz texnikalarını həmin əraziyə aparıblar. Əgər biz indi orada onlarla məsələni həll etməyə başlasaq, ehtimal var ki, stansiyanın partladılmasına qərar verəcəklər". Bunu Ukraynanın Milli Təhlükəsizlik və Müdafiə Şurasının katibi Aleksey Danilov bildirib. “Allah eləməsin, orada hansısa nüvə fəlakəti baş versə, deyə bilərəm ki, bu, Çernobılda baş verənlərdən daha dəhşətli olacaq. Çünki Zaporojye Avropanın ən böyük atom elektrik stansiyasıdır, orada altı nəhəng enerji bloku var”, - Danilov vurğulayıb. Onun sözlərinə görə, indi bütün dünya Rusiya işğalçılarının stansiya ərazisini tərk etməsini və AES-in Ukraynanın nəzarətinə keçməsini tələb etməlidir.

Rusiya Zaporojyeni partlada bilər - Ukrayna fəlakətlə üz-üzə

12-08-2022, 19:36

Britaniya növbəti dəfə Ukraynaya silah göndərdi

"Böyük Britaniya söz verdi, Böyük Britaniya yerinə yetirdi! Yeni M270 MLRS Ukraynaya gəldi". Bu sözləri öz “Twitter” səhifəsində Ukrayna müdafiə naziri Aleksey Reznikov yazıb. O, britaniyalılara dəstəyə görə təşəkkür edib və bunun Ukrayna üçün əhəmiyyətini qeyd edib: "Ukrayna ordusu döyüş meydanında bu silahlardan məharətlə istifadə edir. Əminəm ki, bu hədiyyələrdən tezliklə daha çox gələcək".

Britaniya növbəti dəfə Ukraynaya silah göndərdi

12-08-2022, 19:32

Ruslar Zelenskiyə qarşı sui-qəsd hazırlayır

Rusiya tərəfindən Ukrayna Prezidenti Volodimir Zelenskiyə qarşı sui-qəsd hazırlanır. Bunu Ukraynanın Milli Təhlükəsizlik və Müdafiə Şurasının katibi Aleksey Danilov bildirib. “Avqustun 24-də Ukraynanın Müstəqillik Günündə Rusiyanın ölkəmizə qarşı təxribatlarının baş verməsi mümkündür. Onlar təxribatları hər zaman edirlər. Biz bu planları qabaqlayırıq. Demək olar ki, qarşı tərəfin bütün planları haqqında məlumatımız var”, - Aleksey Danilov vurğulayıb. Qeyd edək ki, müharibə dövründə Zelenskiyə qarşı bir neçə dəfə sui-qəsd cəhdinin qarşısı alınıb.

Ruslar Zelenskiyə qarşı sui-qəsd hazırlayır

12-08-2022, 10:18

Somalidə quraqlıq: 1 milyon insan evini tərk etdi

11-08-2022, 21:29

Belarusda hərbi bazadakı partlayışın səbəbi açıqlandı

Belarus ərazisində, Ukraynadan 30 kilometr aralıda yerləşən hərbi bazalardan birində gecə saatlarında eşidilən partlayışların səbəbi açıqlanıb. Bu barədə Belarus Müdafiə Nazirliyi məlumat yayıb. Məlumata görə, Ziabrovka hərbi hava limanı yaxınlığında gecə yarısından sonra səkkiz partlayış səsi eşidilib. Bazada "texniki insident" baş verdiyi bildirilir. Nazirlik bir avtomobilin mühərriki dəyişdirildikdən sonra yandığını vurğulayıb. Hadisə zamanı xəsarət alan olmayıb.

Belarusda hərbi bazadakı partlayışın səbəbi açıqlandı

11-08-2022, 21:26

Qərbdən Ukraynaya külli miqdarda silah yardımı

"Kopenhagen-Ukrayna-2022” adlı donor konfransında iştirak edən ölkələr Ukraynaya daha 1,5 milyard avro məbləğində hərbi yardım göstərəcəklərini vəd ediblər. Bu barədə Danimarkanın müdafiə naziri Morten Bydskov bildirib. Yeni hərbi yardım paketinə pul köçürmələri, silahların tədarükü, minalardan təmizlənmə və hərbçilərin təlimi daxildir. "Biz Ukraynaya hərbi ehtiyaclarında kömək etməyə davam edəcəyik", - deyə Bydskov bildirib. Donor konfransında NATO ölkələri, Yaponiya, Finlandiya, Gürcüstan və digər dövlətlər iştirak edib. Polşa, Slovakiya və Çexiya Ukrayna üçün silah istehsalını genişləndirməyə hazır olduqlarını bəyan ediblər. Böyük Britaniya əlavə 300 milyon avro vəd edib.

Qərbdən Ukraynaya külli miqdarda silah yardımı

11-08-2022, 21:03

Putin Almaniyaya bu şərtlə səfər edə bilər - Şolts

Almaniya kansleri Olaf Şolts Rusiya prezidenti Vladimir Putinin Almaniyaya ehtimal edilən səfərinin gündəmdə olmadığını bildirib. Bu barədə o, bu gün keçirilən mətbuat konfransında bildirib. Şolts deyib ki, Putin Almaniyaya səfər etmək üçün ilk növbədə Ukraynadakı müharibəni dayandırmalıdır. "Əsas şərtlər Rusiya hərbi əməliyyatının başa çatdırılması və Rusiya-Ukrayna sülh müqaviləsinin bağlanmasıdır", - deyə o qeyd edib. Şoltsun sözlərinə görə, Rusiya Ukrayna ilə danışıqlara və sülh müqaviləsinin bağlanmasına ehtiyac olduğunu etiraf etməlidir.

Putin Almaniyaya bu şərtlə səfər edə bilər - Şolts

11-08-2022, 20:56

Türkiyə və Ermənistan rəsmiləri görüş hazırlığında – Bu dəfə Qarsı seçdilər

Ermənistan və Türkiyə hökumət rəsmiləri sentyabr ayında Qarsda görüşəcək. Bu barədə Türkiyənin "Ulusal" telekanalı ölkənin diplomatik mənbələrinə istinadən məlumat yayıb. Bildirilir ki, görüşdə ticarət, nəqliyyat və xarici işlər nazirliklərinin rəsmiləri iştirak edəcək, əvvəlki görüşlərdə razılaşdırılmış texniki məsələlər müzakirə olunacaq. Telekanalın mənbəsi qeyd edir ki, Türkiyə və Ermənistanın xüsusi nümayəndələri indiyədək 4 dəfə üz-üzə görüşüb və 500 dəfədən çox telefonla danışıblar. Mənbələr onu da bildirir ki, Türkiyə Ermənistan sərhədində araşdırma aparıb. İğdırda iki ölkəni birləşdirən 178 kilometr uzunluğundakı Alican körpüsündə texniki işlərin həll edilməli olduğu tapşırılıb. Bundan əlavə, Qarsdakı Ani xarabalıqlarının vəziyyəti də araşdırılıb.

Türkiyə və Ermənistan rəsmiləri görüş hazırlığında – Bu dəfə Qarsı seçdilər

11-08-2022, 20:52

Rusiya “Zelenski Fondu” yaradır

Rusiya Qərbi Avropada Ukrayna Prezidenti Volodimir Zelenskini nüfuzdan salmaq üçün informasiya savaşına hazırlaşır. Bu barədə Ukrayna Müdafiə Nazirliyinin Kəşfiyyat Baş İdarəsi məlumat yayıb. Məlumatda qeyd olunub ki, Rusiya Federasiyası Prezidentinin administrasiyası ölkənin xüsusi xidmət orqanlarına bağlı yeni strukturun yaradılmasına qərar verib. Müdafiə Nazirliyinin Baş Kəşfiyyat İdarəsinin məlumatına görə, kampaniya müəllifləri “Zelenski Fondu” adı altında saxta sayt yaratmağı planlaşdırır. Bu fond vasitəsilə xarici ölkə vətəndaşlarına və beynəlxalq qurumlara müxtəlif təkliflərin göndərilməsi nəzərdə tutulur. "Fondun çeşid xətti"nin yaradılması və sonradan nəşri, onun Avropanın ticarət meydançalarında qeydiyyata alınması planlaşdırılır. Fondun Avropa ölkələrində təşkilati strukturunun işinin "şəbəkə" prinsipi əsasında inkişaf etdirilməsi hədəflənir. Bu, təşkilatçıların fikrincə, göstərilən məlumatların Avropa media məkanında fəal şəkildə yayılmasına imkan verəcək", - deyə kəşfiyyat məlumatında qeyd olunub. Diqqətə çatdırılıb ki, Rusiya bununla Avropa ölkələrində Zelenskini nüfuzdan salmağı qarşısına məqsəd qoyub.

Rusiya “Zelenski Fondu” yaradır