Hulusi Akar Elçin Quliyevə və Zakir Həsənova ZƏNG ETDİ .....                        “Azərbaycanlıların deportasiyası” mövzusunda müsabiqə elanı .....                        Polşada Nizami Gəncəvinin 880 illiyi qeyd edildi .....                        İran, Azərbaycan və Türkmənistan arasında qaz MÜQAVİLƏSİ .....                        İlham Əliyev və Rəisi arasında Zəngəzur dəhlizi müzakirəsi .....                        İlham Əliyev İran prezidenti ilə görüşdü .....                        Şirvan gəncləri üçün yeni imkanlar yaranır .....                        Papikyan ordu rəhbərliyini topladı: .....                        Ərdoğan dollarla bağlı göstəriş verdi, araşdırma başladı .....                       
Tarix : 3-04-2019, 12:37
Nəsiminin söz xəzinəsindən seçmələr “Afişa”da
Böyük şair, mütəfəkkir, qüdrətli söz ustadı İmadəddin Nəsiminin bəşəri ideyalarla zəngin irsi təkcə özündən sonrakı klassik Azərbaycan ədəbiyyatının, ana dilində poeziyamızın deyil, həmçinin Yaxın Şərqdən Mərkəzi Asiyayadək bir sıra xalqların bədii-ictimai fikrinin inkişafına təsir göstərib. Azərbaycan Respublikası Prezidentinin müvafiq sərəncamları ilə dahi şairin 650 illik yubileyi, eləcə də ölkəmizdə elan edilən “Nəsimi ili” mədəniyyət, təhsil, elm ocaqlarında silsilə tədbirlər, layihələrlə qeyd edilir.

Kitabxanalarımızda Nəsiminin əsərlərinin nəşrləri, şairin həyat və yaradıcılığı haqqında çoxlu kitablar, monoqrafiyalar var. Şairin əsərləri rus, ingilis, alman, fransız, türk, fars və başqa dillərdə də işıq üzü görüb. Nəsimi haqqında müxtəlif ekran, səhnə, musiqi əsərləri var, amma humanizm carçısı olan şairin irsi ilə ən yaxın, bilavasitə tanışlıq mənbəyi onun özünün əsərləridir. “Mədəniyyət” qəzetinin “Afişa” əlavəsinin növbəti sayı oxucuları bu əngin söz dünyasına kiçik səyahətə aparır.

Mədəniyyət Nazirliyinin təşəbbüsü ilə hazırlanaraq çap olunan və pulsuz yayılan nəşrin aprel buraxılışında paytaxtın teatr və konsert müəssislərinin, kino və sərgi zallarının aylıq afişası, tədbirləri haqqında məlumatlarla yanaşı, Nəsimi irsindən nümunələr – qəzəllərindən seçmələr də dərc edilib. Burada həmçinin böyük şairin Azərbaycan Milli Kitabxanasının fondunda saxlanılan kitabları, Nəsiminin həyat və yaradıcılığı ilə bağlı müxtəlif dillərdə işıq üzü görən nəşrlər haqqında qısa məlumat verilir.

“Mədəniyyət+Afişa” nəşrinin məqsədi Bakı sakinlərini, eləcə də şəhərə gələn qonaqları mədəniyyət və incəsənət məkanlarının fəaliyyəti barədə məlumatlandırmaq, əhalinin mədəni istirahətinin dolğun təşkili üçün bu müəssisələrin fəaliyyətinə informasiya dəstəyi verməkdir. Nəşr bu sayından etibarən oxuculara xalqımızın zəngin ədəbi xəzinəsinin incilərini təqdim etmək, mütaliəyə marağı təşviq etmək yönündə də öz töhfəsini vermək niyyətindədir. Nəsiminin söz dünyasına səyahət bu yolda ilk addımdır.

Qeyd edək ki, “Afişa” əlavəsinin aprel sayındakı bu yeniliyi oxucular da maraqla qarşılayıblar. Aprelin 3-də Azərbaycan Dövlət Pedaqoji Universitetinin Filologiya fakültəsinin müəllim və tələbələri ilə görüşdə nəşrin təqdimatı bunu bir daha təsdiqlədi.

Fakültənin dekanı, filologiya elmləri doktoru, professor Mahirə Hüseynova Mədəniyyət Nazirliyinin təşəbbüsü ilə belə bir nəşrin ərsəyə gəlməsini müsbət qiymətləndirərək aylıq “Afişa” buraxılışının həm tələbələrin, həm də müəllimlərin paytaxtın mədəniyyət ocaqları ilə ünsiyyəti, özəlliklə teatrlara marağın artırılması baxımından əhəmiyyətini diqqətə çatdırdı. Bildirdi ki, hər zaman tələbələrimizə ölkəmizin mədəni həyatında fəal iştirak etməyi tövsiyə edirik. Bu yöndə universitetdə müxtəlif tədbirlər keçirilir. Eyni zamanda gənclərimiz şəhərimizdəki teatrlara, filarmoniyaya, digər konsert zallarına, sərgilərə getməli, nəinki orada nümayiş olunan əsərlər haqqında dolğun məlumatlı olmalı, həmin mədəniyyət ocaqlarının gözəl memarlıq üslubu ilə seçilən binalarının tarixini də bilməlidirlər. Dekan nəşrin yeni buraxılışında Nəsiminin irsinə yer verilməsini xüsusilə təqdir edərək bunun “Nəsimi ili”ndə dahi şairin zəngin yaradıcılığının təbliğinə, onun söz sənətinin daha geniş kütləyə çatdırılmasına bir töhfə olduğunu dedi. Mahirə Hüseynova nəşrin Azərbaycan Dövlət Pedaqoji Universitetində təqdim olunmasına görə minnətdarlığını bildirdi.

Qəzetin baş redaktoru Vüqar Əliyev “Mədəniyyət” qəzeti və “Afişa” əlavəsi haqqında məlumat verdi. Diqqətə çatdırıldı ki, “Afişa” əlavəsi 2018-ci ilin noyabrından Mədəniyyət Nazirliyinin dəstəyi ilə nəşr olunur və paytaxtın müxtəlif məkanlarında, mədəniyyət ocaqlarında, eləcə “ASAN Xidmət”in dəstəyi ilə Bakıdakı “ASAN Xidmət” mərkəzlərində sakinlərə təqdim edilir.

Vurğulandı ki, nəşrin aprel sayında İmadəddin Nəsiminin qəzəllərindən seçmələrin dərc edilməsi altı əsr öncə bütün bəşəriyyətə xitab etmiş böyük şair və mütəfəkkirin zəngin yaradıcılığının təbliği, populyarlaşdırılması istiqamətində yeni bir yanaşmadır. Qeyd olundu ki, Mədəniyyət Nazirliyi tərəfindən “Nəsimi ili”ndə şairin irsinin təbliği ilə bağlı bir sıra layihələr həyata keçirilir və “Afişa” nəşri vasitəsilə başlanan bu təşəbbüs də davam etdiriləcək.

Fakültənin tələbələri də rəngli tərtibatda, praktik formatda hazırlanan nəşrlə maraqla tanış olaraq bu vəsilə ilə Nəsimi irsinin incilərini bir daha oxumaq imkanı əldə edəcəklərini məmnunluqla bildirdilər.

Sonda xatirə şəkli çəkdirildi.

Qeyd edək ki, “Mədəniyyət” qəzetinin “Afişa” əlavəsinin aprel buraxılışının nüsxələri Azərbaycan Dövlət Pedaqoji Universitetinin rəhbərliyinin dəstəyi ilə bu təhsil ocağının digər fakültələrində də müəllim və tələbələrə təqdim ediləcək.

Bundan əlavə, nəşrin yeni sayını Bakıdakı 1 nömrəli “ASAN Xidmət” mərkəzində, həmçinin paytaxtın teatrlarında, digər mədəniyyət ocaqlarında pulsuz əldə etmək olar.


Paylaş



Bölmə: Ədəbiyyat / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
Abşeronda müştəri taksi sürücüsünə daşla xəsarət yetirib - VİDEO

Abşeron rayonu Atyalı yaşayış massivində taksi sürücüsünə qarşı quldurluq edilib.

Bu barədə Bütov.az-a Daxili İşlər Nazirliyinin (DİN) Mətbuat Xidmətindən məlumat verilib.

Abşeron Rayon Polis İdarəsinin Qobu Polis Bölməsinə müraciət edən zərərçəkən sürücü bildirib ki, paytaxtın Nizami rayonunda bir nəfər sərnişin avtomobilə əyləşərək onu qeyd edilən yaşayış massivinə aparmasını xahiş edib. Deyilən ünvana çatanda isə müştəri üzərində olan daş parçası ilə sürücüyə müxtəlif dərəcəli bədən xəsarəti yetirib, daha sonra onun mobil telefonunu götürərək hadisə yerindən uzaqlaşıb.

Qobu Polis Bölməsinin əməkdaşları tərəfindən məlumat daxil olan kimi dərhal əməliyyat-axtarış tədbirlərinə başlanılıb.

Həyata keçirilən əməliyyat zamanı həmin hadisəni törətməkdə şübhəli bilinən paytaxt sakini, əvvəllər məhkum olunmuş Elbrus Məhərrəmli saxlanılıb və o, ifadəsində törətdiyi hadisəni etiraf edib.

Faktla bağlı Qobu Polis Bölməsində toplanan materiallar araşdırmaların davam etdirilməsi üçün Abşeron Rayon Polis İdarəsinə göndərilib və Cinayət Məcəlləsinin 181.2.5. (Quldurluq, silah və ya silah qismində istifadə edilən əşyalar tətbiq edilməklə törədildikdə) maddəsi ilə cinayət işi başlanılıb.

"Bu şəxsin Abşeron rayonu, eləcə də paytaxt ərazisində digər qanunazidd hərəkətlər etdiyi istisna olunmur. Elbrus Məhərrəmlinin əməllərindən zərərçəkən başqa vətəndaşlar varsa bu barədə Abşeron Rayon Polis İdarəsinə, Qobu Polis Bölməsinə, ərazi üzrə polis orqanlarına, həmçinin "102" Xidməti-Zəng Mərkəzin və Nazirliyin rəsmi sosial şəbəkə hesablarına məlumat verə bilərlər", - Mətbuat Xidmətindən bildirilib.


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!