1-03-2026, 09:10
İran Ərbildəki ABŞ aviabazasına zərbə endirdi
Bu gün səhər saatlarında İranın hücumundan sonra İraqın Ərbil beynəlxalq hava limanında yerləşən ABŞ aviabazasında yanğın baş verib.
Qeyd edək ki, İran ABŞ-İsrail hücumlarına cavab olaraq, İraqın Ərbil şəhəri də daxil olmaqla, Yaxın Şərqdəki ABŞ hərbi bazalarına raket zərbələri endirib.
1-03-2026, 09:03
Xameneinin öldürülməsi cavabsız qalmayacaq - Pezeşkian
"İranın Ali Lideri Əli Xameneinin qətli cinayətdir və cəzasız qalmayacaq".
Bu sözləri İslam Respublikasının Prezidenti Məsud Pezeşkian deyib.
"Bu dəhşətli cinayət cavabsız qalmayacaq və İslam dünyasının tarixində yeni bir səhifə açacaq", - deyə o, "Telegram" kanalında yazıb.
1-03-2026, 08:57
SEPAH Komandanı və Əli Şamxani ÖLDÜRÜLDÜ
İranın Ali Rəhbəri Əli Xameneinin müşaviri admiral Əli Şamxani və İslam İnqilabı Keşikçiləri Korpusunun (SEPAH) komandanı general-mayor Məhəmməd Pakpur da ABŞ-İsrail aviazərbələri nəticəsində öldürülüb.
İran Dövlət Televiziyası onların ölümünü təsdiqləyib.
Məlumata görə, hücumlar zamanı İranın ali dini rəhbərinin müşaviri Əli Şamxani də öldürülüb. Artıq Pakpurun yerinə briqada generalı Əhməd Vahidi təyin edilib.
Xatırladaq ki, ABŞ və İsailin İrana hücumları nəticəsində İranın Dövlət Xəbər Agentliyi Ali Dini Lider Seyid Əli Xameneinin öldürüldüyünü təsdiqləyib.
1-03-2026, 08:43
Xameneinin ailə üzvlərinin öldürüldüyü TƏSDİQLƏNDİ
İranın ali dini lideri Əli Xameneinin qızı, kürəkəni və nəvəsi ABŞ ilə İsrailin endirdiyi hava zərbələri nəticəsində həlak olublar.
Bildirilib ki, ali dini lideirn dəftərxanası onun qızı, kürəkəni və nəvəsinin ölüm xəbərini agentliyə təsdiqləyib.
Həmçinin qeyd olunub ki, Xameneinin gəlinlərindən biri də şənbə günü səhər saatlarında baş verən hücumda ölüb.
Onu da bildirək ki, Tehran şəhər şurasının üzvü Meysəm Müzəffər Xameneinin kürəkəni və gəlininin həlak olduğunu bildirmişdi.
Daha əvvəl ABŞ Prezidenti Donald Tramp İranın ali dini lideri Əli Xameneinin də öldürüldüyünü bəyan edib.
Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib. İran da cavab olaraq İsrail ərazisinə raketlər buraxıb. Bundan əlavə, İran qüvvələri ABŞ-nin Fars körfəzi ölkələrində yerləşən on dörd hərbi bazasına hücum edib. Yaxın Şərqdəki vəziyyətlə əlaqədar regionun bəzi ölkələri hava məkanını müvəqqəti olaraq bağlayıb.
1-03-2026, 08:36
İranda 40 gün matəm elan olundu
İran hökuməti ölkənin ali dini rəhbəri Əli Xameneinin ölümü ilə əlaqədar 40 günlük ümummilli matəm elan edib.
Məlumata görə, həmçinin ölkə daxilində yeddi gün iş olmayacaq.
Daha əvvəl İranın dövlət mediası ali rəhbər Əli Xameneinin ölümünü təsdiqləyib.
1-03-2026, 08:30
Xamenei öldürüldü - RƏSMİ
İranın ali dini rəhbəri Əli Xamenei ABŞ və İsrailin hücumları nəticəsində öldürülüb.
Bu barədə İranın Dövlət Xəbər Agentliyi (İRNA) məlumat yayıb.
"İslam İnqilabının ali rəhbəri şəhid olub", - məlumatda bildirilib.
Qeyd olunub ki, o, ABŞ və İsrailin hücumları nəticəsində həlak olub.
1-03-2026, 01:34
Ərdoğandan ABŞ və İsrailin İrana hücumlarına REAKSİYA
Türkiyə Prezidenti Rəcəb Tayyib Ərdoğan İstanbulda çıxışı zamanı ABŞ və İsrailin İrana hücumlarından kədərləndiyini və narahat olduğunu bildirib.
Bu barədə “Sabah” qəzeti məlumat yayıb.
"Netanyahunun (İsrail Baş naziri) təhriki ilə başlayan ABŞ-İsrail hücumlarından dərin kədərləndik və narahatıq", - deyə Türkiyə Prezidenti bildirib.
Ərdoğan qeyd edib ki, əvvəllər ABŞ Prezidenti Donald Tramp və İran Prezidenti Məsud Pezeşkianla telefon danışıqları aparıb, lakin iki tərəf arasında etimadı bərpa etmək mümkün olmayıb.
1-03-2026, 00:54
]Tehrandan cavab: Xamenei vəzifəsinin başındadır
“Ali Rəhbər Ayətullah Əli Xamenei sağdır”.
Bu barədə məlumat İran mediasında yayılıb.
Məlumatda “Ali Rəhbər sahədə komandanlığı qətiyyətlə və möhkəm şəkildə davam etdirir” – deyə, əlavə edilib.
Bildirilib ki, məlumat İsrail rəsmisinin Reuters agentliyinə Xameneinin öldürüldüyünü və cəsədinin tapıldığını bildirməsindən sonra verilib.
1-03-2026, 00:34
Ərdoğandan İranla bağlı AÇIQLAMA
Türkiyə Prezidenti Rəcəb Tayyib Ərdoğan ABŞ və İsrailin İrana qarşı hücumları ilə bağlı açıqlama verib.
O bölgədə gərginliyin daha da artmaması üçün diplomatik təşəbbüslərin gücləndiriləcəyini deyib.
“Eyni vaxtda əvvəlcə atəşkəsin təmin olunması, daha sonra isə danışıqlar masasına qayıdılması üçün diplomatik səylərimizi sürətləndirəcəyik”, – deyə Prezident vurğulayıb.
Ərdoğan qeyd edib ki, müharibənin genişlənməməsi və regionun daha böyük qarşıdurma ilə üzləşməməsi üçün bütün tərəflər məsuliyyətli davranmalıdır. Türkiyənin problemin dialoq və diplomatiya yolu ilə həllinə üstünlük verdiyini deyən dövlət başçısı, rəsmi Ankaranın bu istiqamətdə fəaliyyətini davam etdirəcəyini bildirib.
1-03-2026, 00:20
Bir İtaliya, 12 Azərbaycan vətəndaşı İrandan təxliyə edilib - YENİLƏNİB
ABŞ və İsrailin İrana zərbə endirməsi fonunda Azərbaycan vətəndaşlarının qonşu ölkədən təxliyəsi davam edir.
Fevralın 28-i saat 08:00-dan martın 1-i saat 00:00-dək ümumilikdə 12 vətəndaşın İrandan təxliyəsi həyata keçirilib.
İrandan təxliyə edilən vətəndaşlardan üçü azyaşlıdır.
Bununla yanaşı, bir İtaliya vətəndaşı da "Astara" sərhəd-keçid məntəqəsindən Azərbaycana keçib.
22:26 28.02.2026
ABŞ və İsrailin İrana zərbə endirməsi fonunda Azərbaycan vətəndaşlarının qonşu ölkədən təxliyəsi davam edir.
Daha bir qrup vətəndaşın Azərbaycana təhlükəsiz keçidi təmin edilib.
20:22
Yeddi Azərbaycan vətəndaşı İrandan təxliyə edilib.
ABŞ və İsrailin İrana zərbə endirməsi fonunda Azərbaycan vətəndaşlarının qonşu ölkədən təxliyəsi həyata keçirilib.
Bu gün saat 08:00-dan 20:00-dək yeddi vətəndaşı Azərbaycana təxliyə olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!