22-03-2026, 20:27
İstanbulda bina çökdü - Ölən var - YENİLƏNİB
İstanbulda çökən binada bir nəfər ölüb.
Dağıntılar altından bir nəfərin meyiti çıxarılıb.
10 nəfərin müalicəsi xəstəxanalarda davam etdirilir.
***
15:12
Türkiyənin İstanbul şəhərində çökən binaların sayı 3-ə çatıb. İlkin məlumata görə beş nəfər dağıntılar altında qalıb, onlardan dördü xilas edilərək xəstəxanaya aparılıb.
Hadisə şəhərin Fatih rayonunda baş verib.
İstanbul Valiliyindən verilən məlumata görə, hadisənin yerli vaxtla saat 12:00 radələrində binalardan birində təbii qaz səbəbindən baş verən partlayış nəticəsində meydana gəldiyi ehtimal edilir.
Hazırda bölgədəki ətraf binalarda sakinlər təxliyə edilir. Axtarış-xilasetmə işləri davam edir.
***
13:40
Türkiyənin İstanbul şəhərinin Fatih rayonunda bina çöküb.
Bir nəfər xilas olunub.
Hazırda dağıntılar altında axtarış-xilasetmə işləri davam etdirilir.
22-03-2026, 19:20
Bakı sakini Kürdəmirdə avtomobillə 7 yaşlı uşağı öldürdü
Kürdəmirdə yol-nəqliyyat hadisəsi olub, ölən var.
Hadisə rayon ərazisində qeydə alınıb.
Belə ki, Bakı şəhər sakini, 35 yaşlı İqbal Yadigar oğlu Quliyev idarə etdiyi VAZ-2106 markalı avtomobillə yolu keçən piyada, rayonun Çöl Ərəb kənd sakini 7 yaşlı Hidayət Sahil oğlu Hüseynovu vurub. Ağır xəsarətlər alan zərərçəkən Kürdəmir Rayon Mərkəzi Xəstəxanasına çatdırılsa da onun həyatını xilas etmək mümkün olmayıb. O, xəstəxanada həyatını itirib.
Faktla bağlı araşdırma aparılır.
22-03-2026, 18:46
Kansler Trampla nə danışdı?
Almaniya Kansleri Fridrix Merts ABŞ Prezidenti Donald Trampla telefon danışığı aparıb.
Liderlər Ukrayna və Yaxın Şərqdəki vəziyyəti müzakirə ediblər.
"Bu gün ABŞ Prezidenti Donald Trampla İran, İsrail və Ukraynadakı vəziyyəti müzakirə etdim. Sıx əlaqə saxlamağa davam etmək barədə razılığa gəldik. Fikir mübadiləsimiz tezliklə davam edəcək".
22-03-2026, 18:41
Neftin qiyməti uzun müddət yüksək qalacaq - Qalibaf
Ölkəmizdə elektrik stansiyaları və infrastruktur hədəfə alındıqdan dərhal sonra region boyunca həyati əhəmiyyətli infrastrukturlar, enerji və neft obyektləri legitim hədəf hesab ediləcək.
Bunu İran parlamentinin spikeri Məhəmməd Bağır Qalibaf özünün X səhifəsində yazıb.
“Onlar geridönməz şəkildə məhv ediləcək. Neftin qiyməti isə uzun müddət yüksək qalacaq”, - o əlavə edib.
Qeyd edək ki, ABŞ Prezidenti Donald Tramp Hörmüz boğazını 48 saat ərzində açmayacağı təqdirdə İranın müxtəlif elektrik stansiyalarına zərbələr endirəcəyi ilə hədələyib.
22-03-2026, 13:55
Qətərdə hərbi helikopter qəzası - 6 nəfərin meyiti tapıldı
Qətərin axtarış-xilasetmə xidmətləri ərazi sularında qəzaya uğrayan hərbi helikopterdə olan yeddi nəfərdən altısının meyitini tapıb.
Bu barədə Qətərin Daxili İşlər Nazirliyi məlumat yayıb.
"Davam edən axtarış-xilasetmə əməliyyatının bir hissəsi olaraq, göyərtədə olan yeddi nəfərdən altısının meyiti tapılıb", - açıqlamada deyilir.
Qeyd olunur ki, xilasedicilər itkin düşmüş bir nəfərin axtarışını davam etdirirlər.
Daha əvvəl Qətərin Müdafiə Nazirliyi hərbi helikopterin ölkənin ərazi sularında texniki nasazlıq səbəbindən qəzaya uğradığını bildirib.
***
Qətər Silahlı Qüvvələrinin hərbi helikopteri qəzaya uğrayaraq əmirliyin sahilləri yaxınlığında dənizə düşüb.
Bu barədə ölkənin Müdafiə Nazirliyi "X" sosial şəbəkəsində məlumat yayıb.
Məlumata görə, qəzaya texniki nasazlığı səbəb olub.
"Hərbi helikopter planlı tapşırığı yerinə yetirərkən qəzaya uğrayaraq Qətərin ərazi sularına düşüb. Hadisəyə texniki nasazlıq səbəb olub", - qurumun rəsmi bəyanatında qeyd olunub.
Dəqiqləşdirilib ki, hazırda ekipaj üzvlərinin və helikopterin göyərtəsində olan sərnişinlərin tapılması üçün axtarış-xilasetmə tədbirləri həyata keçirilir.
22-03-2026, 13:46
İstanbulda bina çökdü
Türkiyənin İstanbul şəhərinin Fatih rayonunda bina çöküb.
Bir nəfər xilas olunub.
Hazırda dağıntılar altında axtarış-xilasetmə işləri davam etdirilir.
22-03-2026, 13:33
Lənkəranda bu quşlar kütləvi qırılır
Lənkəranda dəniz qarabatdaqlarının kütləvi tələfatı qeydə alınır.
Dəniz quşlarının tələfatı əsasən şəhərin "Kiçik Bazar" deyilən ərazisində qeydə alınıb. Köçəri quşlar sahilin müxtəlif hissələrində, xüsusilə iri daşların arasında ölmüş vəziyyətdə aşkarlanır. Sakinlərin sözlərinə görə, onlar belə kütləvi quş ölümü ilə ilk dəfədir ki, qarşılaşırlar.
Mütəxəssislər ehtimal edir ki, dəniz balıqları ilə qidalanan bu quşların kütləvi ölüm halı bir neçə amillə bağlı ola bilər. Bu amillər əsasən qida çatışmazlığı, suyun çirklənməsi, zəhərlənmə, iqlim dəyişiklikləri və eləcə də virus mənşəli xəstəliklər ola bilər.
Qarabatdaq quşlarının ölümünün dəqiq səbəblərinin müəyyənləşdirilməsi üçün müvafiq qurumlar tərəfindən araşdırmaların aparılmasının vacibliyi vurğulanır.
22-03-2026, 13:20
İran İsrailin Ben-Qurion aeroportunu vurdu
İran ən yeni "Araş-2" pilotsuz uçuş aparatı (PUA) ilə İsrailin Ben-Qurion hava limanına uğurlu zərbə endirdiyini açıqlayıb.
Bu barədə İran ordusunun mətbuat xidməti məlumat yayıb.
"Araş-2" dağıdıcı gücünə və texniki xüsusiyyətlərinə görə əvvəlki "Kian" və "Araş-1" versiyalarını üstələyir. Bu dronların uçuş məsafəsi 2 000 kilometrə çatır.
22-03-2026, 13:04
Sumqayıtda tonqalda partlayış - Yaralananların vəziyyəti açıqlandı
Sumqayıt şəhəri, 7, 8 və 12-ci məhəllələrin kəsişməsində tonqal yandırılan zaman partlayış baş verməsi səbəbilə Sumqayıt Tibb Mərkəzinin nəzdindəki Uşaq Xəstəxanasında 2 nəfərin müalicəsi davam etdirilir.
Bu barədə Sumqayıt Tibb Mərkəzindən məlumat verilib.
Bildirilib ki, dəqiqləşdirilməmiş kəllədaxili travma diaqnozu təyin olunan 2013-cü il təvəllüdlü şəxsin (qadın cinsli) vəziyyəti orta ağır qiymətləndirilir.
"Qarının küt travması diaqnozu təyin olunan 2013-cü il təvəllüdlü şəxsin (kişi cinsli) vəziyyəti isə stabil qiymətləndirilir.
Qeyd edək ki, bilək və əlin dəqiqləşdirilməmiş termiki yanığı diaqnozu təyin edilən 2014-cü il təvəllüdlü şəxs (kişi cinsli) daha ixtisaslı tibbi xidmət almaq üçün Nərimanov Tibb Mərkəzinin nəzdində olan Yanıq Mərkəzinə təxliyə olunub", məlumatda qeyd olunub.
22-03-2026, 12:57
20 dərəcə isti - SABAHIN HAVASI
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gecə və səhər bəzi yerlərdə duman, az çiskin olacaq. Şimal-qərb küləyi əsəcək.
Havanın temperaturu gecə 7-9° isti, gündüz 12-17° isti olacaq. Atmosfer təzyiqi 759 mm civə sütunu, nisbi rütubət 75-85 % təşkil edəcək.
Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə qısa müddətə intensivləşəcəyi, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Axşama doğru yağıntılar tədricən kəsiləcək. Bəzi yerlərdə arabir duman olacaq. Qərb küləyi əsəcək.
Havanın temperaturu gecə 7-10° isti, gündüz 15-20° isti, dağlarda gecə 2-7° isti, gündüz 8-13°, bəzi yerlərdə 16° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!