9-06-2025, 17:33
Qəzzada ölənlərin sayı 55 minə çatır
Qəzzada son sutkada 47 fələstinli ölüb, 388 nəfər yaralanıb.
Bu barədə Qəzzadakı səhiyyə qurumu məlumat yayıb.
Bununla da indiyə qədər Qəzza zolağında ölənlərin sayı 54 927, yaralananların sayı 126 615 nəfərə çatıb.
Xatırladaq ki, 2023-cü il oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.
9-06-2025, 17:18
Hərbçimiz Biləsuvarda dəfn olundu
Dövlət Sərhəd Xidmətinin müddətli həqiqi hərbi xidmət hərbi qulluqçusu Həsənli Rasim Raməddin oğlu dəfn olunub.
19 yaşlı hərbçi doğulduğu Biləsuvar rayonunun Xırmandalı kəndində torpağa tapşırılıb.
Qeyd edək ki, Rasim Həsənli bu ilin yanvar ayında həqiqi hərbi xidmətə çağırılıb.
Xatırladaq ki, Dövlət Sərhəd Xidmətinin müddətli həqiqi hərbi xidmət hərbi qulluqçusu Həsənli Rasim Raməddin oğlu dünən xəstəliyi ilə əlaqədar müalicə olunduğu tibb müəssisəsində vəfat edib.
9-06-2025, 16:32
Çinlə ABŞ arasında görüşlərin ikinci mərhələsi başlayıb
ABŞ və Çin nümayəndə heyətləri Londonda ticarət danışıqlarının ikinci mərhələsinə başlayıblar.
Danışıqların başlandığını Sinxua agentliyi də təsdiqləyib.
Çin Baş nazirin müavini He Lifeng təmsil edir. Amerika nümayəndə heyətinə isə maliyyə naziri Skott Bessent, ticarət naziri Hovard Lutnik və ABŞ-ın ticarət nümayəndəsi Ceymison Qri daxildir.
Çin və ABŞ arasında ticarət-iqtisadi məsləhətləşmələr mexanizmi mayın 10-11-də Cenevrədə keçirilən danışıqlardan sonra yaradılıb. İsveçrədə keçirilən həmin görüşdə Pekin və Vaşinqton may ayına qədər məbləği 100%-dən çox olan qarşılıqlı rüsumları qismən azaltmaq barədə razılığa gəliblər.
Xatırladaq ki,iyunun 5-də Çin prezidenti Si Tsinpin və ABŞ prezidenti Donald Tramp arasında telefon danışığı olub və mümkün qədər tez bir zamanda ticarət-iqtisadi danışıqların yeni raundunun keçirilməsi barədə razılığa gəliblər.
9-06-2025, 16:05
Putin beynəlxalq olimpiya təşkilatlarını tənqid etdi
Beynəlxalq idman təşkilatları hazırda Olimpiya ideallarını müdafiə etməkdən daha çox siyasi məqsədəuyğunluqla maraqlanır.
Bunu Rusiya prezidenti Vladimir Putin idman naziri Mixail Deqtyarevlə görüşündə bildirib.
“Biz müasir yüksək performanslı idmanda nələrin baş verdiyini bilirik. Beynəlxalq idman təşkilatları, məncə, olimpizm ideallarını müdafiə etməkdənsə, daha çox siyasətə qarışmağa başlayıb və ya ən azı mövcud siyasi vəziyyətə diqqət yetirir".
9-06-2025, 15:21
Bir ayda eyni məkanda dönərdən ikinci dəfə ZƏHƏRLƏNMƏ
Naxçıvan şəhəri H.Əliyev prospektində yerləşən “Kassap Döner” dönərxanasında 17 nəfər zəhərlənib.
Bu, eyni məkanda baş verən ikinci qida zəhərlənməsidir.
Belə ki, bundan əvvəl may ayında dönərxanada 7 nəfər zəhərlənib. Daha sonra dönərxanada araşdırma aparılıb və normativ tələblərin pozulduğu məlum olub. Aydın olub ki, məhsulların müvafiq temperaturda saxlanılmadığı, temperaturun monitorinqinin həyata keçirilmədiyi və qeydiyyatının aparılmadığı, soyuducularda mal qonşuluğu prinsipinə əməl olunmadığı, sanitar gigiyenik qaydalara əməl olunmadığı aşkarlanıb.
Şübhəli məhsul hesab edilən mayonez və toyuq dönərindən, həmçinin səthlərdən yaxma nümunələri seçilərək analizlərin aparılması üçün Naxçıvan Qida Təhlükəsizliyi İnstitutunun müvafiq laboratoriyasına təqdim edilib.
Faktla bağlı sahibkar barəsində inzibati protokol tərtib edilib və dönərxananın fəaliyyəti məhdudlaşdırılıb.
Daha sonra obyekt sahibləri aidiyyəti üzrə müraciət edib və obyektin fəaliyyəti bərpa edilib.
Obyektin hansı əsaslarla fəaliyyətini bərpa etdiyi məlum deyil.
9-06-2025, 15:03
AFFA azarkeşlərə müraciət etdi
AFFA Azərbaycan – Macarıstan yoldaşlıq oyunu ilə bağlı azarkeşlərə müraciət edib.
Bildirilir ki, iyunun 10-u "Liv Bona Dea"da azarkeşlərin rahat gediş-gəlişini təmin etmək məqsədilə xüsusi nəqliyyat xidməti təşkil olunacaq.
"Avtobuslar saat 18:00-dan 18:30-dək “Koroğlu” metrostansiyasının hava limanı istiqamətindəki çıxışından (piramida formalı çıxış) stadion istiqamətində fəaliyyət göstərəcək.
Nəqliyyatdan yalnız oyun bileti təqdim edən azarkeşlər istifadə edə biləcəklər. Oyunun başa çatmasının ardından avtobuslar azarkeşlərin “Koroğlu” metrostansiyasına geri daşınmasını təmin edəcək.
Qeyd edək ki, iyunun 10-da keçiriləcək Azərbaycan - Macarıstan matçı saat 20:00-da başlayacaq", - qurumun müraciətində əlavə olunub.
9-06-2025, 14:50
ABŞ-Rusiya münasibətləri 180 dərəcə dönüb
Moskva və Vaşinqton münasibətləri ABŞ-ın keçmiş lideri Co Baydenin administrasiyası dövründə olduğundan daha yaxşı vəziyyətdədir.
Bu barədə Rusiya xarici işlər naziri Sergey Lavrov “Gələcəyin Forumu - 2050”də deyib.
“Putin və Bayden arasında 2021-ci ilin iyununda Cenevrədə keçirilən ümidverici sammitdən sonra təəssüf ki, münasibətlər 180 dərəcə dönüb. Bütün rabitə kanalları bağlanıb”.
Lavrov qeyd edib ki,Putinlə Tramp arasında münasibətlər davam edir:
" Hər iki lider telefon danışıqları zamanı dərhal problemlərin mahiyyətini müzakirə edirlər".
9-06-2025, 14:41
Azərbaycan BMT-nin konfransında təmsil olundu - FOTO
Azərbaycan Fransa və Kosta-Rikanın birgə təşkil etdiyi "BMT-nin Okean Konfransı 2025"də təmsil olunub.
Bu barədə Azərbaycanın Fransadakı səfiri Leyla Abdullayeva özünün "X" hesabında paylaşım edib.
"Azərbaycanı təmsil etmək mənim üçün böyük şərəfdir. Artıq okeanı qorumaq və ondan davamlı şəkildə istifadə etmək üçün bütün tərəfləri səfərbər etməyin və tədbirləri sürətləndirməyin vaxtıdır!" - paylaşımda qeyd olunub.
9-06-2025, 14:36
Rusiya Ukraynanın hərbi aerodromuna zərbə endirdi
Ukraynanın Rovno vilayətindəki hərbi aerodromuna kütləvi zərbə endirilib.
Bu barədə Rusiya Müdafiə Nazirliyinə istinadən məlumat verib.
Bildirilib ki, bu zərbə Ukrayna ordusunun Rusiya hərbi aerodromlarına hücumlarına cavab tədbirlərindən biridir.
Öz növbəsində, Ukrayna Silahlı Qüvvələrinin Baş Qərargahı bazar ertəsinə keçən gecə Rusiyanın Çeboksarıdakı hərbi zavoduna zərbə endirildiyini bildirib.
"Düşmənin hava hücumu vasitələri istehsal etmək qabiliyyətinin azaldılması çərçivəsində iyunun 9-na keçən gecə Ukrayna Silahlı Qüvvələri Çuvaşiya Respublikasının Çeboksarı şəhərində "VNIIR-Proqress" SC-nin istehsal güclərini vurub", - məlumatda qeyd olunub.
Zavod Rusiya Silahlı Qüvvələri üçün zərbə PUA-ları və yüksək dəqiqlikli silah sistemlərində istifadə edilən "Kometa" adaptiv antenaları istehsal edir.
8-06-2025, 16:40
Paşinyan Ter-Petrosyana da “müharibə” elan etdi
Ermənistanın baş naziri Nikol Paşinyan respublikanın birinci prezidenti Levon Ter-Petrosyan və bütün ermənilərin katolikosu II Qareginin dünənki görüşünü şərh edib.
Paşinyan sosial şəvəkədəki açıqlamasında Levon Ter-Petrosyana da “mühaibə” elan edib.
"Levon Ter-Petrosyan Ermənistan Respublikasında seçkilərin saxtalaşdırılması praktikasının banisidir və o, təbii ki, özü kimi xalqa nifrət edən saxtakarı dəstəkləməlidir", - deyə Paşinyan eks-prezidentin II Qaregini dəstəkləməsinə münasibət bildirib.
Xatırladaq ki, iyunun 7-də Ermənistanın birinci prezidenti Levon Ter-Petrosyan Eçmiədzin kilsəsinə gedərək katolikos II Qareginlə söhbət edib. Söhbət zamanı eks-prezident katalikosu tam dəstəklədiyini bildirib. Levon Ter-Petrosyan eyni zamanda Ermənistan hakimiyyətinin Erməni Apostol Kilsəsinin keşişlərinə qarşı açıqlamalarını pisləyib.
Xatırladaq ki, son günlər Ermənistan hökumətinin başçısı Nikol Paşinyanla bütün ermənilərin katolikosu II Qaregin arasında ciddi qarşıdurma yaşanır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!