Koronavirusun 5-ci dalğasının başlanması və yayılması ilə eyni vaxtda Qəzvində COVİD-19 əleyhinə dərman preparatlarının çatışmazlığı yaranıb.
Bu qıtlıq dərman qara bazarının inkişafına səbəb olub.
Qəzvin Tibb Universiteti və başqa əlaqədar qurumlar dərman çatışmazlığının yaranmasını təkzib ediblər. Əczaxanaların qarşısında uzun növbələr isə rəsmi iddiaların əksini göstərir.
“İrna” xəbər agentliyi Qəzvin müxbirinin hazırladığı reportajda problemdən bəhs olunur. Qeyd edilir ki, əczaxanaların qarşısında izdiham yaranıb, vətəndaşlar evlərinə əliboş dönürlər.
Müxbir 40 nəfərin növbəyə durduğu əczaxanın qarşısında Əlirza Bəxşi adlı qəzvinlidən açıqlama alıb.
“İki saatdır növbədə dayanmışam, bu ikinci gündür ki, dərman almaq ümidi ilə əczaxanaya gəlirəm. Ancaq dərman tapılmır, koronavirusa qarşı dərman preparatları yoxa çıxıb”-deyə, Əlirza Bəxşi bildirib.
Mənijə Zackani adlı başqa bir qəzvinli həkimin yazdığı dərmanları bir həftədir axtardığını və tapa bilmədiyini deyib.
“Bir həftədir dərman axtarıram, bütün əczaxanalara getmişəm, ancaq dərman preparatları yoxa çıxıb. Mənə qara bazardan onları əldə etməyi məsləhət görürlər, dərmanlar qara bazarda dəfələrlə baha qiymətə satılır".
İqtisadçı Məhəmməd Həsən Yəqubi məsələ ilə bağlı verdiyi müsahibədə vətəndaşların dediklərini təsdiq edib, bir çox dərman preparatlarının qara bazara ötürüldüyünü və adi vətəndaşların onları əldə etməkdən məhrum olduqlarını qeyd edib.



کمبود دارو در جولانگاه کرونا و یکه تازی بازار سیاه

C.E