Ermənistan ordusunun 4 hərbçisi öldü .....                        Elçin Əmirbəyov Sloveniya rəsmiləri ilə COP29-dan danışdı .....                        Ağdamda minaya düşən şəxsin vəziyyəti ağırdır .....                        Erməni silahlı qüvvələri Daşkəsəni atəşə tutdu .....                        Paytaxtda zavod ərazisində yanğın baş verib - FHN cəlb olunub .....                        Ərdoğan fələstinli həmkarıyla telefon danışığı apardı .....                        Moldova Avropada Adi Silahlı Qüvvələr haqqında Müqavilədən çıxır .....                        “Formula 1” üzrə Azərbaycan Qran-Prisinin vaxtı açıqlandı .....                        Azərbaycan və Tacikistanın XİN Başçıları görüşdü .....                       
Tarix : 9-09-2015, 15:07
Ali məktəblərə qəbul çətinləşdirilir


Butov.az Trend-ə istinadən xəbər verir ki, Təhsil Nazirliyinin (TN) İnformasiya şöbəsinin müdir müavini, QHT və KİV-lə iş sektorunun müdiri Cəsarət Valehli deyib.

Onun sözlərinə görə, bu il ilk dəfə olaraq, ali məktəblərə qəbul müsabiqəsində iştirak və ixtisas seçiminə buraxılmaq üçün tələb olunan bal həddi bütün ixtisas qrupları üzrə (yalnız kənd təsərrüfatı ixtisasları üzrə bal həddi 150 olub) Təhsil Nazirliyinin təklifi ilə 200-dən aşağı endirilmədi. TN növbəti illərdə bu bal həddinin daha da artırılması təklifi ilə çıxış etməyi nəzərdə tutur.

C.Valehli bildirib ki, bu il bal həddinin 200-dən aşağı endirilməməsi məsələsinə texniki yenilik kimi yanaşılmalı deyil. Bal həddinin artırılması ali təhsildə keyfiyyətin yüksəldilməsinə, əmək bazarına daha hazırlıqlı mütəxəssislərin çıxmasına imkan yaradacaq.

Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə isə Trend-ə bildirib ki, müsabiqədə iştirak üçün tələb olunan bal həddinin 200-dən aşağı salınmamasının hansı müsbət nəticələr verəcəyini indidən demək çətin olsa da, bu, əmək bazarı üçün daha yaxşı mütəxəssis hazırlığına yardım edəcək.

Təhsil üzrə ekspert Şahlar Əsgərov da Trend-ə verdiyi açıqlama zamanı bal həddinin daha da artırılmasını təklif edir. Onun sözlərinə görə, 200-dən aşağı bal toplayan abituriyentlərin ali məktəblərə qəbul olunmaması, əslində, normal bir haldır: "Amma yaxşı olardı ki, bu bal 200-dən də yüksək olsun. 5 ballıq qiymətləndirmə sistemi ilə müqayisə etsək, qəbul imtahanlarında toplanılan 700 bal "beş"ə, 560 bal "dörd"ə, 420 bal "üç"ə, 280 bal "iki"yə uyğundur. İndiyə qədər 200-dən də aşağı bal toplayan abituriyentlər ali məktəblərə qəbul olunub. Bu, zərərli haldır. Bal həddinin 200-ə qaldırılmasının özü artıq yaxşı bir işdir, amma yaxşı olardı ki, bal 200-dən, 300-dən də yüksək olsun".

Ş.Əsgərov ümid edir ki, Təhsil Nazirliyi gələcəkdə bu bal həddinin daha da qaldırılması təklifi ilə çıxış edəcək: "Ali məktəbdən fərqli olaraq, orta məktəbdə dərslərin səviyyəsi aşağı olur. Bilik səviyyəsi az olan insanlar o mühazirələri başa düşmürlər. Deməli, orta məktəbi qurtarmış savadsız məzun ali məktəbi də savadsız olaraq qurtarırdı. Amma indi bal həddinin 200-ə qaldırılmasının özü ali məktəbdə oxuyan insanların kifayət qədər bilik toplamasını zəruri edir".

Azərbaycan Texniki Universitetinin rektoru Havar Məmmədov da Trend-ə bildirib ki, növbəti illərdə də ali məktəblərə qəbul üçün minimal balların artırılması lazımdır.

Onun fikrincə, bəzi ixtisaslar üzrə minimal balların hətta 300-350-yə qaldırılması lazımdır: "Bu, tədricən həll edilməlidir. Bu addımları dəstəkləyirəm".

Bu il ilk dəfə olaraq, 200-dən az bal toplayan abituriyentlərin ali məktəbə qəbul olmamasının alqışlanan hal olduğunu deyən rektor bu məsələnin keyfiyyətli kadr hazırlığına öz təsirini göstərəcəyini də söyləyib: "200 bal toplayan abituriyentlərin səviyyəsi aşağı olur. Ona görə də bu il bir necə ixtisas üçün minimal balı 250, kompüter elmləri ixtisasında isə hətta 300 bal etmişik. Bunlar müasir texnologiyalara xidmət edən sahələrdir. Gərək bu ixtisaslar üzrə hazırlanan mütəxəssislər yüksək hazırlığa malik olsun, proqramı qəbul edə bilsinlər. Abituriyentlər biləcəklər ki, ali məktəblərə qəbul üçün ciddi hazırlaşmaq lazımdır".

H.Məmmədov hesab edir ki, bu yeniliyin tətbiqi keyfiyyətli kadr hazırlığına müsbət təsir göstərməklə yanaşı, tələbələrin akademik göstəricilərinin yüksəldilməsinə də yaxşı təsir göstərəcək.

Rektorun sözlərinə görə, bu gün bəzi tələbələrin zəif oxumasının əsas səbəbi onların ali məktəblərə aşağı balla qəbul olunmasıdır.




Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!