NATO Sammitinə ev sahibliyi edəcək ölkənin adı açıqlandı .....                        Şəhidimizin nəşi Ağsuda torpağa tapşırıldı .....                        Xamenei Rəisinin evinə gedib .....                        Növbəti köç karvanı Sus kəndinə çatdı - FOTO .....                        Bu bölgələrdə küləklə bağlı sarı və narıncı xəbərdarlıq .....                        Laçına gedən Fransa səfirindən ilk açıqlama .....                        Qarabağa getmək istəyənlərin nəzərinə! - Biletlər satışa çıxarılır .....                        İtkin düşən daha bir şəhidimiz dəfn edildi .....                        Ermənistanda 30 nəfərə cinayət işi açılıb .....                       
Tarix : 3-11-2015, 11:16
Taksilər üçün növbəti yenilik –Standartlar dəyişdi


Standartlaşdırma, Metrologiya və Patent üzrə Dövlət Komitəsi taksi avtomobilləri üçün standartları dəyişib.
Butov.az Gecce.az-a istinadən bildirir ki, taksi avtomobillərinin xarici tərtibatı ilə bağlı tələblər dəyişib.

Beləliklə, yeni tələblərə görə, taksi avtomobilinin damında “Taksi” tanınma nişanı olan müvafiq fənər, hər iki tərəfdən qabaq və arxa qapılarının üzərində şahmat qaydasında düzülmüş, dördbucaqlardan ibarət kompozisiyalı fərqləndirici nişan olmalıdır.

Ən maraqlı dəyişiklik taksi avtomobillərin rəngi ilə bağlıdır. Belə ki, indiyədək qüvvədə olan tələblərə görə, Bakı şəhərində taksi avtomobillərinin rəngi bənövşəyi, Sumqayıt şəhərində ağ, Gəncə şəhərində boz, digər şəhər və rayonlarda bej, şəhərlərarası daşımalarda istifadə olunan taksi minik avtomobilləri isə albalı rəngdə olmalı idi. İndi isə bu tələblər ləğv edilib.

Taksilərin rəngi ilə bağlı tələblər yalnız hüquqi şəxslərin, habelə iki və daha artıq minik avtomobili ilə sərnişin daşımalarını həyata keçirən fiziki şəxslərin maşınlarına aid olacaq. Belə ki, belə avtomobillər sarı, ağ və ya bənövşəyi rəngdə olmalıdır. Qalan taksi avtomobilləri üçün rəng tələbi aradan qaldırılıb.

Yeni standarta əsasən taksilərin buraxılış ili ilə bağlı tələb də yüngülləşdirilib. Belə ki, 5 il əvvələ qəbul edilən standarta görə, Bakı şəhərindəki taksilər sırf taksi xidməti göstərmək üçün nəzərdə tutulan sərnişin tutumu 5 nəfər olan avtomobillər olmalı, həmçinin mühərriklərinin həcmi 2500 kub sm.dən az olmamalı və AVRO 3 və ya AVRO 4 standartlarına cavab verməli idi. İndi bu tələblər aradan qaldırılıb.

İndiki tələblərə görə, ölkədə taksi avtomobillərinin buraxılış ili 15 ildən artıq olmamalıdır. Yeni standartda taksi avtomobillərinin iç tərtibatı da qeyd olunub. Taksi-minik avtomobilində isə sərnişin üçün ön oturacağın cihaz panelində yaxşı oxuna biləcək şəkildə sürücünün soyadı, adı, fotoşəkli və daşıyıcının (fiziki və ya hüquqi şəxsin) adı, ünvanı, telefon nömrəsi göstərilən məlumat lövhəsi olmalıdır. Taksi minik avtomobilləri taksometr aparatı ilə təchiz olunmalıdır. Yeni standarta əsasən taksilərdə GPS monitorinq mərkəzinin GPS aparatının quraşdırılması məcburi deyil.

Xatırladaq ki, taksi avtomobilləri üçün tələblərin yumşaldılması prezident İlham Əliyevin avqustun 31-də imzaladığı «Dövlət xidmətlərinin göstərilməsində şəffaflığın artırılması, yaşayış yeri üzrə qeydiyyat və lisenziyalaşdırma prosedurlarının elektronlaşdırılması sahəsində bəzi tədbirlər haqqında» fərmanda nəzərdə tutulub. Həmin fərmanda Standartlaşdırma, Metrologiya və Patent üzrə Dövlət Komitəsinə tapşırılırdı ki, taksi minik avtomobillərinin xarici tərtibatına və texniki göstəricilərinə dair tələbləri sadələşdirsin.

Səbəbi o idi ki, taksi avtomobilləri üün indiyədək qüvvədə olan standartlar çox sərt olduğuna görə, taksi fəaliyyəti ilə məşğul olan əksər fiziki şəxslər onun tələblərinə yerinə yetirə bilmir və bu fəaliyyəti göstərmək imkanından məhrum olurdular. Hazırki dəyişiklik isə taksi fəaliyyətinin daha da sadələşdirilməsinə imkan verəcək.


Paylaş



Bölmə: Xəbər / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    May 2024    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!