2017-ci il oktyabrın 4-də Nizami Kino MərkəzindəAzərbaycan Respublikası Prezidentinin QHT-na Dövlət Dəstəyi Şurasının Maliyyə Dəstəyi ilə Müharibə Veteranları və Beynəlmiləlçi Hərbçilər İctimai Birliyi tərəfindən hazırlanmış “Milli-mənəvi dəyərimiz olan Azərbaycan odusunun ərazi bütövlüyümüz və müstəqilliyimiz uğrunda mübarizədə düşmən qarşısında yenilməzliyinin təbliği”adlı layihənin təqdimatı keçirilmişdir.

Tədbirdə İctimai Birlik tərəfindən hazırlanmış Azərbaycan ordusunun misilsiz qəhrəmanlığını özündə əks etdirən tarixi döyüşlərə həsr edilmiş eni 2 və uzunluğu 11metr olan rəsm əsərinin və həmin rəsm əsərində canlandırılan həmvətənlərimizin xilası uğrunda canlarını qurban verərək həlak olmuş Milli Ordumuzun əsgər və zabitlərinin göstərdiyi qəhrəmanlıqlardan bəhs edən "Ultimatum" adlı sənədli filmin təqdimatı da keçirilmişdir.

Tədbirdə millət vəkilləri, Veteran təşkilatları, Qarabağ müharibəsi veteranları, aktyorlar, 21, 45 saylı tam orta məktəbin şagirdləri, Azərbaycan Dövlət Neft və Sənaye Universitetinin nümayəndələri, Azərbaycan Pedaqoji Universitetinin tələbələri, şəhər muzeylərinin və digər idarə və müəssisə nümayəndələri iştirak etmişdir.
Tədbirdəlayihənin rəhbəri,Qarabağ və Əfqanistan müharibələrinin iştirakçısı, Müharibə Veteranları və Beynəlmiləlçi Hərbçilər İctimai Birliyinin sədri, “Qırmızı ulduz” ordenli e.o.polkovnik Əzizağa Qəni-zadənin, Milli Məclisinin deputatı, Azərbaycan Yazıçılar Birliyinin üzvü, filalogiya elmlər namizədi Elmira xanım Axundovanın, Nizami Kino Mərkəzinin direktoru Leyli xanım Mirzəyevanın, 701 saylı hərbi hissənin veteranı e.o.polkovnik - leytenant İntiqam Mirzəyevin, Xalq rəssamı Arif Hüseynovun, Azərbaycan Respublikası Prezidenti Yanında Gənclər FondununVIII qrant müsabiqəsinin qalibi, “Ultimatum” sənədli filmin müəllifi Nuranə Nəcəfovanın və digərtədbir iştirakçılarının çıxışları dinlənilmiş və layihə ətrafında müzakirələr aparılmışdır.
Tədbirin sonunda layihənin icrası zamanı yüksək fəallığı ilə seçilən insanlar mükafatlandırılmışdır.

Film haqqında

Bu gün izləyəcəyinizUltimatum adlı tarixi xroniki sənədli filmdə 1993-cü ilin ilk aylarında həyatları bahasına 60min Kəlbəcərlini ölümün əsirliyin pəncəsindən xilas etmiş, Xocalıdan da qat-qat ağır ola biləcək bir dəhşətin qarşısını almış 450 nəfər Azərbaycan əsgər və zabitinin qəhrəmanlığından bəhs edilir. Bu igidlərimiz bilərəkdən ölümə gedərək Kəlbəcər əhalisini rayondan təxliyyə etmişlər. Onlar bu döyüşlərdən sağ çıxmayacaqlarını bilə-bilə cəsarətlə döyüşmüş və bir addımda belə geri çəkilmirdilər. Qeyd edim ki, döyüşlər 1.15 nisbətində aparılıb. Çünki o zaman Kəlbəcərdə heç bir hərbi hissə yox idi və onlara qonşu Laçın rayonun dəhlizi uğrunda döyüşən 701 saylı briqadanın döyüşçüləri köməyə gəlmişdilər.

Nəzərinizə çatdırım ki, bu film Azərbaycan Respublikası Prezidenti Yanında Gənclər Fondunun Maliyyə dəstəyi ilə çəkilmişdir. Layihə Gənclər fondu tərəfindən təsdiq olunarkən planda milli ordumuzun qəhrəmanlıqlarından bəhs edən sənədli filmin çəkilməsini istədim. Çünki müasir gənclik şou və əyləncəli proqramlara baxmağa daha çox maraq göstərir. Mən də istədim ki, hərbi-vətənpərvərlik mövzusunda elə bir film çəkilsin ki, bu film gənclərin orduya, hərb sənətinə marağını artırsın, yaxın tariximizdə baş vermiş döyüşlərdə hərbi hissələrimizin göstərdiyi qəhrəmanlıqlar haqqında daha ətraflı məlumat ala bilsinlər.Film üzərindən geniş tərkibdən ibarət qrup işləyib.Ssenarinin hazırlanmasında Qarabağ uğrunda döyüşlərdə yaxından iştirak etmiş veteranlarımızın və 701 saylı hərbi hissənin komandiri eyni zamanda filmin ideya müəllifi polkovnik Ə.Qəni-zadənin müsahibələrdən istifadə olunmuşdur.Ultimatum adl hərbi-vətənpərvərlik mövzüsunda çəkilmiş filmdə hər bir tamaşaçının ruhuna və beyninə əsl həqiqətləri çatdırmaq filmdə iştirak etmək, sonuncu Qarabağ müharibəsində çox ciddi bir hadisə olmuş Kəlbəcər döyüşlərinin ab-havasını, mahiyyətini, nəticələrini olduğu kimi əks etdirmək, zənnimcə,heç də asan bir iş deyildi. Ssenarinin hər bir epizodu üzərində günlərlə çalışır,hətta aylarla hər sözü, hər bir mizam-səhnəni dəfələrlə götür-qoy edirdim.

Bu döyüşlər haqqında Əzizağa müəllimin bitib-tükənməyən söhbətlərini dönə-dönə eşitmiş, Azərbaycan əsgəri və zabitlərinin, Kəlbəcərlilərin kütləvi igidliylərinə sevinmiş, itkilərimizdən dərin hüzn hissi keçirmişdim. Ancaq hər-halda bu gün dinləyici kimi yox, aparıcı kimi çıxış etmək mənim üçün ayrı bir hissdir. Kəlbəcər döyüşləri haqqında nə qədər çox şey bilsəm də bu filmin çəkilişi zamanı xeyli yeni proseslərlə yenidən tanış oldum, bir çox mətləblərdən hali oldum. Bu artıq bizim Kəlbəcər döyüşləri haqqında çəkilmiş ikinci sənədli filmdir. Bu mövzuda gənclər arasında təbliğat aparmaq mənim üçün qürur verici bir hissdir. Bu gün Qarabağ uğrunda gedən döyüşlərdə həlak olmuş əsgər və zabitlərimizin mənim qəlbimdə möhtərəm bir abidəsi ucaldı, unudulmaz xatirəsi həkk olundu.
Umid edirəm ki,bu film həm gənc nəslin, həm də geniş ictimaiyyətin diqqətini özünə cəlb edəcək və vətənpərvərlik təbliğatında atılan ən uğurlu addım olacaqdır. Şanlı hərb tariximizin təbliğinə xidmət edən bu kimi filmlər gənclərimizin vətənpərvərlik ruhunun yuksəldilməsində müstəsna əhəmiyyət kəsb edir.

Əminəm ki, Silahlı Qüvvələrimizin şəxsi heyəti daim xalqımızın və dövlətimizin etimadını şərəf və ləyaqətlə doğruldacaq, tezliklə işğal altında olan tarixi torpaqlarımızın düşmən tapdağından azad edilməsinə nail olacaqdır. Bizim ordumuz buna qadirdir. Ordumuz öz qüdrətini 2016-cı ilin 2-5 aprel döyüşlərində də sübut etdi. Düşmən bizim gücümüzü gördü.

Düşünürəm ki, filmdə qarşımıza qoyduğumuz başlıca məqsədə- 60 minlik dinc mülki əlahini xilas etmiş Azərbaycan əsgərini kütləvi qəhrəmanlığını göstərməklə üzərimizdə olan vətəndaşlıq borclarımızdan birini yerinə yetirmiş,xalqımıza, o cümlədən gənc nəslə Azərbaycan ordusunun nəyə qadir olduğunu göstərmək istiqamətində müəyyən işlər görmüşük.



Nuranə Nəcəfova