12-07-2022, 13:10
İran Rusiyaya PUA göndərəcək
İran hökuməti silahdaşıma qabiliyyəti olan yüzlərlə PUA-nı Rusiyaya göndərməyə hazırlaşır. Bunu ABŞ Prezidentinin milli təhlükəsizlik üzrə köməkçisi Ceyk Sallivan deyib. O, həmçinin bildirib ki, İran Rusiya hərbçilərinə PUA-lardan istifadə etməyi öyrətməyi planlaşdırır.
Bildirilir ki, Rusiya son vaxtlar Ukraynanın şərqində baş verən şiddətli qarşıdurmalarda xeyli sayda əsgər və sursat itirib.
10-07-2022, 11:46
Ukrayna müdafiəçiləri “Bayraqdar TB2"-nin keyfiyyətinə və onun zərbəni necə “əldə saxlama”sına heyran olublar.
Bu barədə Ukrayna ordusununn yüksək rütbəli zabiti “Tayms” nəşrinə açıqlamasında deyib.
O bildirib ki, PUA-nın bütün uçuş sistemi kopyalanıb və bu səbəbdən hətta ciddi zərbə görsə də, geri qayıda bilir.
Zabitin sözlərinə görə, bir dəfə Rusiyanın S-300 sistemi Zaporojye AES yaxınlığında “Bayraqdar”ı aşkar edib:
“Mən raket buraxılışını, yaxınlıqda partlayışı gördüm və əlaqəni itirdim. Çox təəssüfləndik, dronu itirdiyimizi düşündük. Lakin bir neçə saatdan sonra PUA möcüzə nəticəsində qayıtdı və aerodroma qəza enişi etdi. O, zədələnmişdi, lakin “yaşadı”. Sonradan PUA-nı təmir etdik və daha yaxşı iş görməyə başladı.
Həmçinin “Bayraqdar”ın “hava-hava” raketi ilə Rusiya təyyarəsini vurması hadisəsi məlumdur. PUA uçmağa davam etdi, operator əlaqəni kəsməyə məcbur oldu. Buna baxmayaraq, aparat ciddi zədələnmə ilə də olsa qayıda bilmişdi”.
9-07-2022, 15:21
Xocavənddə yeni qərargah binası istifadəyə verildi
Xocavənd rayonunda səfərdə olan müdafiə naziri general-polkovnik Zakir Həsənov burada yeni istifadəyə verilən qərargah binasının açılışında iştirak edib.
Bu barədə Butov.az-a Müdafiə Nazirliyindən məlumat verilib.
Müdafiə nazirinə məruzə edilib ki, döyüş əməliyyatları zamanı bölmələrin operativ idarə olunması, eləcə də digər qoşun növləri ilə qarşılıqlı əlaqənin təmin edilməsi üçün yeni qərargahda müasir kommunikasiya və informasiya vasitələri ilə təchiz olunmuş idarəetmə mərkəzi, rabitə qovşağı və digər xidməti otaqlar mövcuddur.
Xidməti fəaliyyətin təşkili üçün binada bütün otaqların zəruri mebel və avadanlıqlarla tam təchiz olunması barədə nazirə ətraflı məlumat verilib.
Sonra müdafiə naziri hərbi qulluqçular üçün yeni istifadəyə verilmiş ikimərtəbəli yaşayış binasına baxış keçirib. Yeni bina ilə tanışlıq zamanı məlumat verilib ki, burada bütün mənzillər tam təmir olunub və zəruri kommunikasiya xətləri ilə təchiz edilib. Hərbi qulluqçuların səmərəli istirahəti üçün müasir standartlara uyğun şərait yaradılıb.
Görülən işləri müsbət qiymətləndirən nazir hərbiçilərin xidməti və məişət şəraitinin daha da yaxşılaşdırılması istiqamətində aidiyyəti şəxslərə tapşırıqlar verib.
Daha sonra general-polkovnik Z.Həsənov yeni istifadəyə verilən qərargah binasında komandir heyəti və qərargah zabitlərinin iştirakı ilə müşavirə keçirib.
Şəxsi həyəti Qurban bayramı münasibətilə təbrik edən müdafiə naziri Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin Azərbaycan Ordusu qarşısında qoyduğu tapşırıqları müşavirə iştirakçılarının diqqətinə çatdırıb.
Müşavirədə Azərbaycan-Ermənistan dövlət sərhədindəki və Qarabağ iqtisadi zonasındakı əməliyyat şəraiti geniş təhlil edilib. Müdafiə naziri bölmələrin maddi-texniki və döyüş təminatının gücləndirilməsi, hərbi qulluqçuların xidməti-döyüş fəaliyyətinin təkmilləşdirilməsi, həmçinin şəxsi heyətin sayıqlığının artırılması barədə konkret tapşırıqlar verib.
Kiber Təhlükəsizlik Əməliyyatları Mərkəzindən söz açaraq, müasir dövrdə, istər müharibə, istərsə də sülh şəraitində informasiya-kommunikasiya texnologiyaları sahəsində təhlükəsizlik tədbirlərinin görülməsinin xüsusi önəm daşıdığını vurğulayan müdafiə naziri kibertəhlükəsizliyin təmin edilməsində Azərbaycan Ordusunun inkişaf etmiş ölkələrin qabaqcıl təcrübələrindən faydalandığını bildirib.
Sonra yeni yaradılan Əməliyyat (Komando) hərbi hissələrinin fəaliyyətinə dair məruzələr dinlənilib və komandoların döyüş hazırlığına xüsusi diqqət yetirilməsi barədə müvafiq göstərişlər verilib.
Müdafiə naziri döyüş və mənəvi-psixoloji hazırlığın, həmçinin nizam-intizamın daha da artırılması, hərbi təyinatlı obyektlərin mühafizəsinin gücləndirilməsi, şəxsi heyətin qayğısına və sağlamlığına xüsusi diqqət yetirilməsi, eləcə də təhlükəsizlik qaydalarına əməl olunmasına nəzarətin gücləndirilməsinin vacibliyini vurğulayıb.
Sonda hərbi xidmətdə fərqlənən bir qrup hərbi qulluqçuya qiymətli hədiyyələr təqdim edilib.
9-07-2022, 00:32
ZƏFƏR BİSMİLLAH
“Öncə Vətəndir” mahnısını, həm Birinci Qarabağ, həm də Vətən müharibəsində qəhrəmanlıq,
şücaət göstərən GÖRÜNMƏZLƏRƏ həsr etmişdir
Vətən, Torpaq və Millətin eşidilməz iç ağrılarını, görünməz əzablarını duymaq üçün ürək lazımdır. yağmalanan, işğal olunan Xocalı ağrısını - səsin pərdələrində dikəldən, dalğa-dalğa könüllərdə ucaldan Şəmistan Əlizamanlını kim sevmir?! Kim tanımır?!
Azərbaycanın ilk hərbi diktoru Şəmistanın yolu - Nəsiminin qanlı köynəyindən keçmədimi?! SƏSİN gücü
bəşər qafasını (SSRİ) ideoloji zəncirdən qurtarmadımı?! Ruhu öləziyənləri həyata bağladı, Xocalı dərdinin qəhrindən rəqs edən anaların, faciənin dərinliyindən ürəyi çat verən ataların yanğısını Şəmistanın səsinin gur şəlaləsi səngitmədimi?! Şəmistanı yada salmaq, onu sevmək, dəyər vermək deyilmi?!. Şəmistan Əlizamanlı səsin qanadlarında bizi BÜTÖV AZƏRBAYCANA apararaq, ayrılıqlara - monoton səs zərbəsi vururdu. Azərbaycanın Milli Qəhrəmanı Yusif Mirzəyevlə son görüşündə “İgid Əsgər” mahnısının ilk müjdəsini verdiyini, sonralar öyrənəcəkdik. Şahin Musaoğlunun bəstələdiyi və şeir yazdığı mahnısını, kim can dəftərinə həkk eləmədi: “İGİD ƏSGƏR MÖHKƏM DAYAN!” - çağırışı Ordumuzun formalaşmasına şəfa oldu.
“Cənab Leytenant”, “And içirik”, “Çağırır Vətən!”, “Qalx, Azərbaycan!”, “Birinci batalyon”, “And içirəm”, “Sıravi Əhməd”, “Çırpınırdı Qara dəniz”, “Dağlar”, “Azərbaycan-Türkiyə”, “Ana yurdum”, “Tanrı Türkə yar olsun”, “Heyran Türkün Bayrağına”, “Qafqaz dağı, yol ver bizə”, “Bir şarlısan sən”, “Ağ ümid”, “Qərib bir karvan gedir”, “Qəlbin payızı”, “Şahinlər” və s. mahnılarını məhəbbətlə ifa etmişdir. “Öncə Vətəndir” mahnısını, həm Birinci Qarabağ, həm də Vətən müharibəsində qəhrəmanlıq, şücaət göstərən GÖRÜNMƏZLƏRƏ həsr etmişdir.
Şəmistan Əlizamanlı bölünməzlik simvoludur. Vətən bölünməz, Şəhidlər ölməz! - düşüncəsinin fəzlini SƏSLƏ AÇAN, sinəsinə sığmayan - yumruq boyda ürəyini MƏŞƏLƏ çevirən cəsurdur.
“YA QARABAĞ,
YA ÖLÜM”
diski ilə Ozan Arifin səsinə səs verdi. SƏS YUMRUQLAŞDI, SƏS BAYRAQ-BAYRAQ Türk toplumlarında dalğalandı: “Turan Ellər var olsun!” mahnısı ilə eyni sırada, AzTV-1 kanalının “TURAN” verilişinin aparıcısı bilavasitə müəllifi ZƏRNİŞAN AZAYEVA ilə ideoloji QARDAŞ oldu. seyrçilərin ruhunu dirçəltdi, oxşadı. “37”-ci illərin nəvə-nəticələrini ayaqlar altında əzib keçdilər. Səs bizi - BİZ etdi. Necə deyərlər: “Elin gözü tərəzidir!” Gənc nəsil İLHAMLAŞDI, MEHRİBANLAŞDI. Əl-ələ verdi: - Əsgərimiz əks həmləyə keçdi. Türkün öləziyən ruhuna su çiləndi. OYANIŞ suyu: ZƏMZƏM.
“QARABAĞ
AZƏRBAYCANDIR!”
Silahlı Qüvvələrimizin memarı, böyük dövlət adamı HEYDƏR ƏLİYEVİN: “Hərbçi heç vaxt arxayınlaşmamalıdır!” - kəlamı sonuncu müşahidə postunda növbə çəkən əsgərlərimizin sayıqlıq şüarının sırasını zənginləşdirdi. BİZ YUMRUQ OLDUQ. Arxası möhkəm olan ORDUNUN gücü birə-min oldu. Qəlbimizin hərarəti, dizimizin təpəri poladlaşdı. POLAD HƏŞİMOVLARIN monoton səsi, birliyi - ALİ BAŞ KOMANDANIMIZ İLHAM ƏLİYEVİN DƏMİR YUMRUĞUNUN VƏTƏN havasına inam, iman, zəfər ruhu qatdı. Əsgər analarının duaları Ulu Göyün Yeddinci Qatına ucaldı. Mirşahinin səsi səngərdən gəldi. Birinci Xanım Şəhid analarının yanında dayandı. Ali Baş Komandan əsgərinə əl uzatdı, onlarla görüşdü, qəlblərinin səsini dinlədi. Qəzetlərin ilk səhifəsinin QƏHRƏMANI DƏMİR YUMRUQLU, MÜZƏFFƏR ölkə başçımız yer aldı. Evlərimizdə İLHAMIN möhtəşəm KOMANDAN portreti başımız üstündə ucaldı.
Telekanallarda “İGİD ƏSGƏR” oxuyan Şəmistan Əlizamanlının coşğulu səsi sanki BİZƏ deyirdi: “ZƏFƏRƏ XOŞ GƏLDİNİZ!” Budur! Səsin coğrafi süxurlarının fövqündəyəm. Azərin “Çırpınırdı Qara dəniz”i oxuyur. Şəmistanın açdığı VƏTƏN YOLU genişlənib. Səsin havasında ŞUŞADA görüşən Azərbaycan-Türkiyə Prezidentləri Tarixi Bəyanat imzalayır. Atalar demişkən: “Tək əldən səs çıxmaz” BİZ “İKİ DÖVLƏT, BİR MİLLƏT” şüarının yeni səhifəsinə şahidlik edirik. Səsin coğrafi süxurları elmin-texnikanın gücünün seyrinə çıxıb. SƏLCUQ BAYRAQDAR hər birimizin qəlbində nəqşlənir. ALLAH TÜRKÜ QORUSUN!!!
“YOUTUBE”-də “Turan Ellər var olsun” mahnısının baxışı milyonları aşıb: “Yürüyün Əsgər, yürüyün” mahnısı türk əsgəri “Mehmetçiyə” həsr olunan QARDAŞLIQ mesajı göndərir. “Azərbaycanın İLK hərbi diktoru” yazısı Qazilərin, Şəhid ailələrinin könlünə şəfqət saçır.
VAR OL! - ifadələri səslənir. YÜZ YAŞA!
Ergenikondan gələn səs Türkün birliyini əxs edir. Toplumlarda səslənir.
Bassbariton səsin tembrini incələməyə çalışan
ALLETAN
4-07-2022, 10:59
3-07-2022, 16:57
Ukrayna tərəfi “Toçka-U” raketləri ilə Belqorod şəhərinə zərbələr endirib.
Bu barədə Rusiya Müdafiə Nazirliyinin rəsmisi İqor Konaşenkov məlumat verib:
“Bu gecə, Moskva vaxtı ilə saat 03:00-dan 3:30-a qədər Ukrayna kasetli mərmilərlə birlikdə "Toçka-U" ballistik raketləri və Tu-143 “Reys” PUA-ları ilə Belqorod və Kursk şəhərlərində hərbi obyektlərin olmadığı yaşayış məntəqələrinə qəsdən zərbələr endirib”, - Konaşenkov bildirib.
Onun sözlərinə görə, Rusiya hava hücumundan müdafiə vasitələri “Toçka-U” raketləri havada məhv edib.
Bununla yanaşı, vurulan raketlərdən birinin qalığı yaşayış evinə düşüb.
Konaşenkov Kursk istiqamətində də 2 ədəd Tu-143 “Reys” PUA-nın vurulduğunu deyib.
Belqorod vilayətinin qubernatoru Vyaçeslav Qladkov isə bildirib ki, zərbələr nəticəsində 4 nəfər (Rusiya tərəfi ölənlərdən 3-nün Ukrayna vətəndaşı olduğunu iddia edir – red.) ölüb.
11 çoxmərtəbəli yaşayış binasına, 40 şəxsi tikiliyə də ziyan dəyib.
1-07-2022, 08:17
Rusiya ilə müharibə olsa...
NATO Ukraynadakı münaqişənin bilavasitə iştirakçısı deyil və qarşısına Rusiya ilə birbaşa toqquşmadan qaçmaq vəzifəsi qoyub.
Bunu NATO Baş katibi Yens Stoltenberq deyib.
"Rusiya ilə NATO arasında genişmiqyaslı müharibə olsa, biz daha böyük miqyasda əzab və dağıntılar görəcəyik. Buna görə də NATO-nun iki vəzifəsi var: bunlardan biri Ukraynaya yardım göstərməkdir. Amma biz həmçinin Ukraynanın hüdudlarından kənarda eskalasiyanın qarşısını almağa da məsuliyyət daşıyırıq. Buna görə də NATO Yer üzündə münaqişə tərəfi deyil”, - Stoltenberq qeyd edib.
30-06-2022, 16:36
Britaniya Azərbaycana pul AYIRDI
Böyük Britaniya işğaldan azad olunan ərazilərin minalardan təmizlənməsi fəaliyyətini dəstəkləmək üçün Azərbaycana 500.000 funt sterlinq ayırıb.
Bu barədə Böyük Britaniyanın Azərbaycandakı Səfirliyi məlumat yayıb.
"Böyük Britaniya regionu insanlar üçün təhlükəsiz yerə çevirmək və regionda sabitlik üçün çalışır. Böyük Britaniya bölgədə minatəmizləmə fəaliyyətini dəstəkləmək üçün əlavə 500.000 funt sterlinq ayırıb", - məlumatda deyilir.
Britaniyanın Azərbaycandakı səfiri Ceyms Şarp bununla bağlı özünün "Twitter" səhifəsində paylaşım edib: "Biz bir yerdə regionda sülh üçün çalışmağa davam edirik. Britaniya Xarici İşlər Nazirliyi regionda minatəmizləmə fəaliyyəti üçün əlavə £500,000 ayrıldığını elan etdi. İnanıram ki, bu vəsait ANAMA-ya mülki əhali arasında riskləri azaltmağa və insanlara öz həyatlarını yenidən qurmağa imkan verəcək".
30-06-2022, 16:25
Daha 7 min müharibə iştirakçısına veteran statusu veriləcək
Müdafiə Nazirliyinin tərkibində fəaliyyət göstərən komissiya tərəfindən 7000 nəfərdən artıq vətəndaşın da Vətən müharibəsində iştirakı ilə bağlı məlumatlarının araşdırılması yekunlaşdırılaraq sənədləri "Müharibə veteranı" adının verilməsi məqsədilə qərar qəbul edilməsi üçün müvafiq komissiyaya göndərilib.
Müdafiə Nazirliyindən verilən məlumata görə, arayış-məlumatları göndərilən vətəndaşlar barədə qərar qəbul edildikdən sonra onların da adları "Müharibə veteranı" adının verilməsi üçün “Zəfər” altsisteminə daxil ediləcək.
Bundan sonra onlara da Azərbaycan Respublikası Prezidentinin aylıq təqaüdünün (80 AZN) təyin edilməsi və 2022-ci ilin yanvar ayının 1-dən hesablanaraq ödənilməsi təmin olunacaq.
Qeyd edək ki, bu günədək Vətən müharibəsində iştirak etmiş 76000 nəfərə "Müharibə veteranı" adı verilib.
29-06-2022, 19:08
İyunun 29-da Azərbaycan Respublikası müdafiə nazirinin müavini - Hərbi Hava Qüvvələrinin komandanı general-leytenant Ramiz Tahirov ölkəmizdə rəsmi səfərdə olan Pakistan İslam Respublikasının Hərbi Hava Qüvvələrinin (HHQ) komandanı aviasiya marşalı Zahir Əhməd Babar Sidhunun rəhbərlik etdiyi nümayəndə heyəti ilə görüşüb.
Müdafiə Nazirliyindən (MN) Ordum.az-a bildirilib ki, general-leytenant R.Tahirov ölkələrimizin digər istiqamətlərdə olduğu kimi hərbi aviasiya sahəsində əməkdaşlığının da inkişaf etməsinin ordularımızın döyüş qabiliyyətinin daha da güclənməsinə mühüm töhfə verdiyini vurğulayıb.
Marşal Z.Sidhu da öz növbəsində bildirib ki, Azərbaycan hərbi pilotlarının Pakistanın HHQ Akademiyasında təhsil almaları, eyni zamanda ölkəsinin HHQ-nin helikopter heyətlərinin Azərbaycanın aviasiya təlim mərkəzlərində hazırlıq keçmələri iki dövlət arasında hərbi aviasiya sahəsində uğurlu əməkdaşlığın bariz nümunəsidir.
Görüşdə Azərbaycan və Pakistan HHQ arasında əməkdaşlığın inkişaf perspektivlərinə dair ətraflı fikir mübadiləsi aparılıb, qarşılıqlı maraq doğuran məsələlər müzakirə olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!