Tarix : 11-09-2015, 10:25
Milli komandamızın "Avro-2016"nın seçmə mərhələsində rəsmi oyunları ilə əlaqədar Topaz Premyer Liqasında yaranan fasilə başa çatır.
Butov.az "Qəbələ İK" qəzetinə istinadən verdiyi məlumata görə, "Qəbələ" geridə qalan 3 turun yekunlarına əsasən cari mövsümə uğurlu start verməsi ilə diqqət çəkib.
Ən uğurlu start
"Qırmızı-qaralar" fasiləyə şərikli lider kimi yollanmışdı. Sadəcə, "Qarabağ" "Qəbələ"ni top fərqində deyil, çox qol vurduğuna görə turnir cədvəlində qabaqlayıb. "Qəbələ"nin hər 3 turda meydanı qolsuz tərk etməməsi də diqqət çəkir. 3 turda 7 xal qazanaraq lider mövqeyə yüksəlməsi "Qəbələ"nin tarixində ən uğurlu startdır.
Hətta "qırmızı-qaralar" üçün ən yaxşı mövsümlər olan ötən 2 çempionatda da başlanğıc bu qədər uğurlu olmayıb. Komanda yalnız bu mövsüm ilk 3 turda məğlub olmayıb. 10 mövsümdə ilk 3 turdan sonra nəticələr aşağıdakı kimi olub:
2006/07 - 1 xal
2007/08 - 6 xal
2008/09 - 6 xal
2009/10 - 4 xal
2010/11 - 0 xal
2011/12 - 5 xal
2012/13 - 4 xal
2013/14 - 6 xal
2014/15 - 6 xal
2015/16 - 7 xal
Zets - qol vuran ilk bosniyalı
Çempionatın başlanğıcında vurulmuş 5 qoldan 4-ü yenilərin payına düşür. Hücumçular - Sergey Zenyov, Aleksey Antonov və Ermin Zets artıq milli çempionatımızda qol hesabını açıblar. Samir Zərgərov "Qəbələ"yə 6 ildən sonra qayıdışını çempionatda ilk oyununda qolla qeyd edib. Bununla da 29 yaşlı futbolçu komandasının heyətində 11-ci dəfə fərqlənib. Aleksey Qay isə "Qəbələ"də 5-ci qolunu vurub. Təcrübəli futbolçu həm də ilk dəfə penaltidən rəqib qapısına yol tapıb.
Zets "Qəbələ"də qol hesabını Qəbələdə keçirdiyi ilk oyununda açıb. Yeri gəlmişkən, o, 5-ci matçında (3-ü Avropa Liqası, 2-si çempionat) fərqlənib. Ermin həmyerlisi Miliya Slobodan Jijiçdən (2008/09 mövsümü) sonra "Qəbələ"də çıxış edən 2-ci bosniyalı futbolçudur. "Qırmızı-qaralar"ın heyətində 15 matç keçirən Jijiç fərqlənə bilmədiyindən, Zets "Qəbələ" tarixinə qol vuran ilk bosniyalı futbolçu kimi düşüb.
1 oyunla 2 seriyaya davam
"Qəbələ" "Kəpəz"lə matçda 2 seriyasını davam etdirib. Əvvəla, "Qəbələ" Gəncə təmsilçisiylə ev oyunlarında uduzmur və ardıcıl 3-cü qələbəsini qazanıb. Həm də komanda tarixi rekordunu - çempionatda 16 oyunluq məğlubiyyətsiz seriyanı təkrarlayıb. Daha öncəki rekord 2011-ci ildə qeydə alınmışdı. Uğurlu seriya bu il fevralın 19-da evdə "Xəzər Lənkəran" üzərində qazanılan qələbə ilə başlanıb. "Qəbələ" sentyabrın 13-də "İnter"lə səfər matçında da uduzmazsa, 10 illik tarixində yeni rekorda imza atacaq.
Butov.az
Paylaş
Bölmə: İdman / Karusel / Slayd / Xəbər lenti
Başqa xəbərlər
- Topaz Premyer Liqası: VII turun PROQRAMI
- Topaz Premyer Liqası, 4-cü turun oyun cədvəli
- "İnter" liderliyini möhkəmləndirdi
- Azərbaycanda ilk
- Bu gün Topaz Premyer Liqasında XII turun növbəti oyunları keçirilib.
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!