16-07-2022, 00:20
Milli Qəhrəman Polad Həşimovun xatirəsinə həsr olunmuş şahmat turniri keçirilib
“İrəli” İctimai Birliyinin təşkilatçılığı, Azərbaycan Gənclər Fondunun dəstəyi ilə Azərbaycanın Milli Qəhrəmanı, general-mayor Polad Həşimovun xatirəsinə həsr olunmuş şahmat turniri keçirilib.
Ordum.az xəbər verir ki, 7 turdan ibarət turnirdə “İrəli” İctimai Birliyinin, “Ağ At” Şahmat Klubunun nümayəndələri, media təmsilçiləri, habelə 100-ə yaxın gənc iştirak edib.
Turnirin açılış mərasimində çıxış edən “Ağ At” Şahmat Klubunun direktoru, beynəlxalq dərəcəli hakim, Əməkdar məşqçi Ülkər Umudova bildirib ki, hazırda şahmat idman növü gənclərin ən çox marağında olduğu idman növlərindən biridir. Gənclərin hərtərəfli inkişafı istiqamətində keçirilən tədbirlərdə tərəfdaş kimi iştirakdan məmnunluğunu ifadə edən Ülkər Umudova turnir iştirakçılarına uğurlar arzu edib.
“İrəli” İctimai Birliyinin Layihələrlə iş üzrə katibi Raziyə Dadaşzadə çıxışı zamanı diqqətə çatdırıb ki, təşkilat tərəfindən gənclərin intellektual bacarıqlarının möhkəmlənməsi istiqamətində bir sıra layihə və tədbirlər həyata keçirilir. General-mayor Polad Həşimovun xatirəsinə həsr edilmiş şahmat turniri də bu tədbirlər sırasındadır.
Həmçinin qeyd olunub ki, Tovuz döyüşləri 44 günlük Vətən müharibəsinin başlanğıcı kimi xalqımızın yaddaşında silinməz izlər qoyub. İki il bundan öncə baş vermiş Tovuz hadisələrinin ordumuzun gücü, xalqımızın birlik və həmrəyliyinin bariz nümunəsi olduğu vurğulanıb.
Qeyd edək ki, həyata keçirilən turnir olimpiya sisteminə uyğun olaraq təşkil olunub. Turnirdə Amin Qurbanov birinci, Səyyad Əhədli ikinci, Şahin Hacıyev isə üçüncü yerin qalibi olub.
15-07-2022, 15:50
14-07-2022, 14:53
13-07-2022, 10:03
7-07-2022, 06:06
Medalı alınan idmançımıza qadağa qoyuldu
Bu yaxınlarda Azərbaycan güləşçisi Sabir Cəfərov Romada keçirilən Avropa çempionatının final görüşündə erməni idmançı Hayk Papikyana 2:3 hesabı ilə uduzaraq, ikinci yerə çıxıb. İdmançımız mükafatlandırma mərasimində Ermənistan himni səslənən zaman fəxri kürsünü tərk edib. Ermənistan Güləş Federasiyası Sabir Cəfərovdan Beynəlxalq Güləş Federasiyasına şikayət ünvanlayıb. Bundan sonra o, diskvalifikasiya edilib və medalı əlindən alınıb.
İdman ictimiyyəti tərəfindən etikaya zidd hesab olunan bu hərəkət sosial şəbəkələrin Azərbaycan seqmentində yerli istifadəçilər tərəfindən dəstəklənib və Sabir Cəfərovla bağlı müsbət fikirlər səsləndirilib. Güləşçimizin hərəkətinə və onun medalının əlindən alınmasına Azərbaycan Güləş Federasiyasından hər hansı rəsmi mövqe bildirilməyib.
Deyilənə görə, güləşçi Sabir Cəfərova bir müddət mətbuata danışmamaq və bu məsələ barədə açıqlama verməmək tapşırılıb.
Xatırladaq ki, Sabir Cəfərov dəfələrlə beynəlxalq yarışlarda erməni idmançılara qalib gəlib. O, 2019-cu ildə erməni güləşçi üzərində 6:1 hesablı parlaq qələbə ilə Avropa çempionu olub.
5-07-2022, 15:47
Təbrizin qadınlardan ibarət "Ana sport" futbol klubu yeni uğur qazanıb
İran çempionatının ikinci liqasında yarışan Təbrizin qadınlardan ibarət "Ana sport" klubu ardıcıl iki qələbə qazanaraq, bu yarışın ikinci mərhələsinə adlayıb.
Yeni sezonda ölkənin ikinci qadın futbolçuları liqasında 12 komanda hər biri 4 komandadan ibarət 3 qrupda mübarizə aparırlar.
İyulun 4-də Təbriz təmsilçisi "Ana sport" Qum şəhərinin "Polimeri İraniyan" komandası ilə keçirdiyi görüşdə 5-0 hesabı ilə, iyulun 5-də isə Əlbor əyalətinin "Setareqan" komanası ilə qarşılaşmada 4-3 hesabı ilə qələbə qazanaraq növbəti mərhələyə adlayıb.
Süheyla Kəyaninin baş məşqçisi olduğu "Ana sport" komandasının üzvləri iki qələbədən 6 bal toplayaraq növbəti mərhənin ilk yerində qərarlaşıblar.
4-07-2022, 11:19
4-07-2022, 10:27
30-06-2022, 10:32
Nihad Quluzadə Avropa çempionudur
İtaliyanın paytaxtı Romada güləş üzrə U-20 Avropa çempionatı start götürüb.
Nihad Quluzadə (55 kq) fransalı Ayvil Fuakeyə tam üstünlüklə (9:0) qalib gəldikdən sonra ukraynalı Nikolay Xavriçkini xalçadan məyus yola salıb - 3:1. Yarımfinalda almaniyalı Georgios Skarpellodan güclü olan (5:1) Quluzadə finala yüksəlib. Nihad həlledici görüşdə rumıniyalı Denis Mihayla qarşılaşıb. Rəqibinə 10:1 hesabıyla qalib gələn güləşçimiz Avropa çempionu olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!