Dövlət Statistika Komitəsinin verdiyi məlumata görə, dənli bitkilər səpilmiş sahələrdən 2 897,6 min ton məhsul götürülüb. Orta hesabla hər hektarın məhsuldarlığı 27,3 sentner olub. Oktyabrın 1-nə kimi 983,8 min ton kartof, 1 137,8 min ton tərəvəz, 530,1 min ton meyvə və giləmeyvə, 427,4 min ton bostan məhsulları, 104,3 min ton üzüm, 6,8 min ton pambıq, 474,5 ton çay yarpağı, 2 667 ton tütün, 34,6 min ton şəkər çuğunduru, 17,7 min ton dən üçün günəbaxan toplanıb.
Mal-qaranın sayı 2 728,7 min başa, qoyun və keçilərin sayı isə 8 770,9 min başa çatıb, bu dövrdə 358,1 min ton diri çəkidə ət, 1 385,5 min ton süd, 1 043,4 mln. ədəd yumurta, 16,3 min ton yun istehsal olunub. 2012-ci ilin yanvar-sentyabr aylarına nisbətən ət istehsalı 3,8%, süd istehsalı 6,6%, yumurta istehsalı 15,1%, yun istehsalı 2,8% artıb.

Beləliklə, dəyər ifadəsində bitkiçilik məhsulları istehsalı mövsümlük nəzərə alınmaqla, ötən ilki səviyyədən 4,3%, heyvandarlıq məhsulları istehsalı 5,5%, kənd təsərrüfatının ümumi məhsulu isə 4,9% yüksək olub.
Kənd əməkçiləri 541,9 min hektar sahənin torpağını şumlayıb, 39,2 min hektar sahədə dən üçün payızlıq bitkilər səpiblər.