2-08-2025, 12:08
Bazar günü 41 dərəcə isti olacaq
Bakıda və Abşeron yarımadasında avqustun 3-də hava şəraitinin günəşli keçəcəyi gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, şimal-qərb küləyi səhər cənub-şərq küləyi ilə əvəz olunacaq. Havanın temperaturu gecə 23-27, gündüz 35-39, bəzi yerlərdə 40 dərəcəyə yaxın isti olacaq. Atmosfer təzyiqi normadan aşağı 756 mm civə sütunu, nisbi rütubət isə gecə 70-75 %, gündüz 35-40 % təşkil edəcək.
Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağış yağacağı, şimşək çaxacağı, dolu düşəcəyi, gecə və səhər duman olacağı ehtimalı var. Mülayim şərq küləyi əsəcək.
Havanın temperaturu gecə 23-28, gündüz 36-39, bəzi yerlərdə 41 dərəcəyədək isti, dağlarda gecə 15-20, gündüz 28-33 dərəcə isti olacaq.
2-08-2025, 11:54
Bakıda keçiriləcək Formula 1-ə hazırlıqlar başladı
Bakıda keçiriləcək Formula 1 Azərbaycan Qran-Prisinə hazırlıq məqsədilə marşallar üçün növbəti təlim təşkil olunub.
Avropa Oyunları Parkında gerçəkləşən təlim nəzəri və praktiki hissələrdən ibarət olub.
Təlimin nəzəri hissəsində marşallar yarış zamanı üzləşə biləcəkləri müxtəlif vəziyyətlər üzrə məlumatlandırılıb, beynəlxalq standartlara uyğun davranış qaydaları ilə tanış olublar. Praktiki mərhələdə isə onlar simulyasiya şəraitində təlim keçərək yarış zamanı baş verə biləcək hadisələrə ilkin müdaxilə, təhlükəsizlik tədbirləri və digər mühüm prosedurlar üzrə bacarıqlarını təkmilləşdiriblər.
Qeyd edək ki, Formula 1 Azərbaycan Qran-Prisi sentyabrın 19-21-də keçiriləcək.
2-08-2025, 11:48
Suriyanın bərpası üçün birgə dəstəyimizi nümayiş etdiririk - Nazir
Bu gün keçirilən mərasim birgə əməkdaşlığın hansı uğurlu nəticələrə gətirib çıxara biləcəyinin əyani sübutudur.
Bunu iqtisadiyyat naziri Mikayıl Cabbarov Azərbaycandan Türkiyə vasitəsilə Suriyaya təbii qazın nəqlinə dair keçirilən mərasimdə çıxışı zamanı bildirib.
Nazirin sözlərinə görə, Suriya bu gün normallaşma prosesinə start verir.
“Çox qısa müddət ərzində bu layihənin həyata keçirilməsi üçün genişmiqyaslı işlər görüldü. Bu hadisə birgə səylərin nəticəsidir və Türkiyənin dəstəyi olmadan mümkün olmazdı. Qardaş ölkə kimi Suriyanın inkişafı və bərpası üçün birgə dəstəyimizi nümayiş etdiririk. Bu da əməkdaşlığımızın real nəticəsidir", – deyə Mikayıl Cabbarov qeyd edib.
2-08-2025, 11:33
Arıqlamaq üçün sirkə turşusu içdi - Zəhərlənərək öldü
Arıqlamaq üçün sirkə turşusu içən 34 yaşlı Sumqayıt şəhər sakini zəhərlənərək ölüb.
Sumqayıt şəhər İnşaatçılar qəsəbəsində yaşayan 1991-ci il təvəllüdlü Əlixanov Yusif Aydəmir oğlu zəhərlənmə diaqnozu ilə xəstəxanaya yerləşdirilib.
İlkin məlumata görə, o, arıqlamaq məqsədilə sirkə turşusu qəbul etdikdən sonra halı pisləşib. Y.Əlixanov əvvəlcə Sumqayıt şəhər Təcili Tibbi Yardım Xəstəxanasına aparılıb. Vəziyyəti ağır olduğundan Bakı şəhərində yerləşən Kliniki Toksikologiya Mərkəzinin reanimasiya şöbəsinə köçürülüb. Həkimlərin səylərinə baxmayaraq, Yusif Əlixanov reanimasiya şöbəsində həyatını itirib.
Faktla bağlı Sumqayıt şəhər Prokurorluğunda araşdırma aparılır.
1-08-2025, 22:37
Kollektorda ata və oğul boğuldu
Baş Şirvan kollektorunda iki nəfər boğulub.
Hadisə kollektorun Şirvan şəhəri ərazisindən keçən hissəsində qeydə alınıb.
Suda ata və övladının boğulduğu bildirilir.
Hadisə yerinə Fövqəladə Hallar Nazirliyinin müvafiq qüvvələri cəlb olunub.
Faktla bağlı araşdırma aparılır.
1-08-2025, 21:51
Can Azərbaycana böhtan atan siz deyildinizmi? - Ərdoğan
Türkiyə Prezidenti Rəcəb Tayyib hökumətinə qarşı irəli sürülən ittihamlara sərt cavab verib.
O, çıxışında xüsusilə Yaxın Şərqdə baş verən hadisələrə toxunub..
“Bizim Fələstinlə bağlı həssaslığımızı sorğulamaq kimin nə haqqıdır? Dünən öz torpaqlarını müdafiə edən Qəzzə sakinlərinə "terrorçu" deyən siz deyildinizmi?” - deyə Ərdoğan bildirib.
O, illərlə Suriyada davam edən qanlı müharibə və insanlıq faciələrinə də toxunub: “1 milyon insan qətlə yetirilərkən, suriyalı qardaşlarımız zülm görərkən harada idiniz? Hələb, Dəra, Hums və Hamada günahsız insanların üzərinə varil bombaları yağdırılanda niyə səsiniz çıxmadı?”
Ərdoğan Qarabağ məsələsinə toxunaraq bəzi çevrələrin Azərbaycana qarşı ittihamlarını da xatırladıb: “Qarabağ azadlıq uğrunda mübarizə apararkən, işğalçıların təbliğatını tirajlayaraq Can Azərbaycana böhtan atan siz deyildinizmi?”
Prezident bildirib ki, hökumət üzvlərinə qarşı səviyyəsiz ifadələr işlədənlər nə edirlərsə etsinlər, bu kampaniyalarla nəticə əldə edə bilməyəcəklər: “Nazirlərimizə dil uzadaraq, bizə qara yaxa bilməyəcəksiniz. Türk xalqının bu coğrafiyada yenidən ayağa qalxmasına, qardaşları ilə kucaqlaşmasına mane ola bilməyəcəksiniz. Siz istəsəniz də, istəməsəniz də tarix bizim haqlı və dik duruşumuzu yazır. Türkiyənin apardığı bu çətin mübarizə inanan qəlblərdə iftixarla yaşayır.”
1-08-2025, 20:09
Azərbaycanda klinika direktoru bütün orqanlarını bağışladı
Yeni Klinikanın direktoru Barat Yusubov bütün orqanlarını bağışlayıb.
O, həyatının ən önəmli qərarını verdiyini bildirib.
“Bu gün bəlkə də hayatımın ən önəmli qərarını verdim – bütün orqanlarımı bağışladım. İnanılmaz sevincliyəm çünki ölümümlə kimlərəsə həyat bəxş edəcəm”, – deyə Barat Yusubov qeyd edib.
Qeyd edək ki, hazırda Azərbaycanda 910 nəfər orqan transplantasiyası (böyrək, qaraciyər, sümük iliyi və buynuz qişasının transplantasiyası) üçün növbədədir. Bu barədə Səhiyyə Nazirliyi Orqan Donorluğu və Koordinasiya Mərkəzindən bildirilib.
Məlumata əsasən, onlardan 298-i böyrək, 123-ü qaraciyər, 464-ü sümük iliyi, 25 nəfəri isə buynuz qişa transplantasiyası üçün növbə gözləyir.
1-08-2025, 19:40
Azərbaycanda yeni nazir müşaviri TƏYİN EDİLDİ
Kənd təsərrüfatı naziri Məcnun Məmmədova yeni müşavir təyin edilib.
Bu vəzifə Pərviz Yusifova həvalə olunub.
Qeyd edək ki, P.Yusifov bundan öncə "Agro Food Investments" MMC-nin törəmə şirkəti olan "GrandAgro-Invitro" MMC-nin baş icraçı direktoru vəzifəsində işləyib.
1-08-2025, 18:44
"Qırmızı Xaç" Azərbaycanı tərk edir - Tarix MƏLUM OLDU
Avqustun 1-də Azərbaycan Respublikasının xarici işlər naziri Ceyhun Bayramov Beynəlxalq Qızıl Xaç Komitəsinin (BQXK) missiyası yekunlaşan Azərbaycan Nümayəndəliyinin rəhbəri Draqana Koyiçi ölkəmizdəki diplomatik fəaliyyətinin başa çatması münasibətilə qəbul edib.
XİN-dən bildirilib ki, nazir Ceyhun Bayramov xanım Draqana Koyiçə Azərbaycanda fəaliyyəti müddətində əməkdaşlığın inkişafı istiqamətində göstərdiyi səylərə görə təşəkkür edib, ona gələcək fəaliyyətində uğurlar arzulayıb.
Tərəflər görüşdə BQXQ-nın ölkəmizdəki son 33 illik fəaliyyəti, Azərbaycanla-Ermənistan arasında sülh prosesinin cari vəziyyəti və perspektivləri, işğaldan azad edilmiş ərazilərdə aparılan bərpa və yenidənqurma işləri, mina təhdidi, itkin düşmüş şəxslərin aqibəti kimi məsələlər ətrafında fikir mübadiləsi aparıblar.
Görüşdə qarşı tərəf Azərbaycan Hökuməti tərəfindən təşkilatın fəaliyyətinə göstərilən dəstəyə və əməkdaşlığa görə məmnunluğunu ifadə edib.
Nümayəndəliyin fəaliyyətini cari ilin sentyabr ayının əvvəli dayandırmasından sonra da BQXQ ilə Cenevrədə yerləşən baş qərargah vasitəsilə əməkdaşlığın davam etdirilməsinin əhəmiyyəti vurğulanıb.
1-08-2025, 18:33
Avtomobilini qəsdən yandıran şəxs həbs olundu
İyulun 27-də Sabunçu rayonu ərazisində paytaxt sakininə məxsus “VAZ-2109” markalı avtomobilin yanması barədə polisə məlumat daxil olub.
DİN-dən verilən məlumata görə, Sabunçu Rayon Polis İdarəsinin əməkdaşları tərəfindən keçirilən tədbirlərlə avtomobilini qəsdən yandırılması müəyyən olunub. Həmin əməli törətməkdə şübhəli bilinən Məmməd Cabarov və əvvəllər narkotiklə əlaqəli cinayətə görə məhkum olunmuş Ruslan Xəmmədov saxlanılıblar.
Onlar ifadələrində nəqliyyat vasitəsini qaçırmaq istədiklərini, lakin niyyətlərinin baş tutmadığını görüb, avtomobili qəsdən yandırdıqlarını bildiriblər.
Faktla bağlı araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!