22-03-2025, 19:46
Parkda anasına 8 bıçaq zərbəsi endirdi - Həbs edilmədi
Göygöldə anasını bıçaqlayan 17 yaşlı oğlan barədə qərar açıqlanıb.
Hadisə ötən ilin iyul ayında Göygöl şəhərində yerləşən parkda baş verib.
Gənc oğlan anasının illər əvvəl atasını tərk edib başqa şəxslə ailə qurmasını heç vaxt qəbul edə bilməyib. O, anası ilə sosial şəbəkə vasitəsilə əlaqə saxlayıb və Göygöl şəhərində görüşüb.
Görüş zamanı mübahisə yaranıb və o, üzərində gətirdiyi bıçaqla anasına səkkiz bıçaq zərbəsi endirib. Qadın sağ qalıb və xəstəxanaya yerləşdirilib.
Gənc məhkəmədə özünü təqsirli bilsə də, verdiyi ifadədə qisas niyyəti ilə hərəkət etdiyini deyib. O, anasının başqa bir şəxslə ailə qurmasını qəbul edə bilmədiyini və bu səbəbdən onu bıçaqladığını bildirib. Hadisəni planlaşdırmadığını, əsəbi anında belə bir addım atdığını qeyd edib.
"Anam bizi atıb başqa adamla ailə qurduqdan sonra ona nifrət etməyə başladım. Heç vaxt onunla danışmaq istəmədim. Son vaxtlar qisas almaq fikri məni rahat buraxmırdı. Ona yazıb görüş təyin etdim. Parkda onu görən kimi həyəcanlandım, cibimdəki bıçağı çıxarıb vurdum. İlk zərbəni vuranda qışqırdı, amma dayana bilmədim. Sonra qaçıb evə getdim və polisin gələcəyini gözlədim", - o, məhkəmədə deyib.
Zərərçəkmiş qadın isə məhkəməyə ifadəsində oğlunun illərlə atasının və digər qohumların təsiri altında olduğunu bildirib. Onun sözlərinə görə, oğlunun bu addımı atmasında başqalarının da təsiri olub.
Şahid ifadələrinə görə, hadisə parkın sakinlər olmayan bir yerində baş verib. Hadisədən dərhal sonra polis əməkdaşları qadına kömək edib və şübhəli şəxsin axtarışına başlayıb. Oğlan hadisədən sonra qaçaraq yaşadığı kəndə gedib və polisə könüllü təslim olub.
Məhkəmə bütün sübutları araşdıraraq təqsirləndirilən şəxsin Azərbaycan Respublikası Cinayət Məcəlləsinin 126.1-ci maddəsi (qəsdən sağlamlığa ağır zərər vurma) ilə təqsirli bilinməsinə qərar verib. Ona 3 il azadlıqdan məhrumetmə cəzası təyin olunub, lakin məhkəmə onun yetkinlik yaşına çatmamasını və zərərçəkmişin şikayətçi olmamasını nəzərə alaraq cəzanı şərti tətbiq edib.
Gənc 3 il müddətinə sınaq dövründə olacaq və məhkəmənin təyin etdiyi qaydalara riayət etməlidir.
22-03-2025, 19:40
Aytac Bakıxanova
Ana Dili
Əvvəla onu qeyd etmək istəyirəm ki, dil hər bir cəmiyyətin, millətin mənəvi irsini təkmilləşdirən, inkişaf etdirən bir vasitədir. Dil sayəsində insanlar bir-birini anlayır, başa düşür və bir-birilə ünsiyyətdə olurlar. Hər bir vətəndaş öz ana dilini qoruyub saxlayaraq digər nəsillərə ötürməyi bacarmalıdır. Ana dili insanın dünyagörüşünün zənginləşməsində, onun bilik və bacarıqlarının artırılmasında mühüm rol oynayır.
Dilimiz uzun illər boyu bir sıra təhdidlərə məruz qalıb. Əsasən də sovet dövründə ana dilində əsərlərin çapına qadağa qoyulması dilimizin əsarət altında olduğuna işarə idi. Bir çox ədiblərimiz, ziyalılarımız ana dilini inkişaf etdirmək üçün əllərindən gələni edərək öz səslərini dünyaya çatdırmağa çalışıblar. Əsrlər boyu bizim dilimizi sıradan çıxarmağa, mədəni irsimizi, milli kimliyimizi yox etməyə çalışsalar da buna nail ola bilməyiblər.
Ölkəmiz müstəqillik əldə etdikdən sonra konstitusiya və digər mühüm dövlət aktları, qərar və sərəncamlarda da ana dili ilə bağlı əsas nüanslar qeyd olunmağa başladı. Azərbaycan respublikasının ümumilli lideri Heydər Əliyev də Azərbaycan dilinə xüsusi önəm verirdi və demək olar ki, hər çıxışında ana dilinin əvəzolunmaz, özünəməxsus bir dil olduğunu qeyd edirdi.
Ana dili ilə bağlı müxtəlif seminarlar, konfranslar, dəyirmi masalar təşkil olunur və bu məsələ ilə əlaqədar diqqət cəlb edən məqamlar önə çıxarılır.
22-03-2025, 19:32
Məsciddə terror aktı - 44 nəfər öldü
Nigerin cənub-qərbində məscidə hücum edilib.
Bu barədə TRT kanalı məlumat yayıb.
Hücum nəticəsində 44 nəfər həlak olub. Hücumla əlaqədar üç günlük milli matəm elan edilib.
Daxili işlər naziri Mohamed Toumba 4-ü ağır olmaqla 13 nəfərin yaralandığı hücumun İŞİD terror təşkilatı tərəfindən törədildiyini bildirib.
22-03-2025, 19:12
Filiz Akın vidasız dəfn edilib
Türkiyənin məşhur aktrisası Filiz Akın vida mərasimi keçirilmədən dəfn olunub.
Bu barədə aktrisanın ikinci həyat yoldaş Sönmez Köksal məlumat yayıb.
Onun sözlərinə görə, Filiz Akın martın 21-də dünyasını dəyişib.
Köksal vida mərasiminin keçirilməməsinin sənətçinin istəyi olduğunu deyib.
22-03-2025, 19:00
İmamoğlu polisə ifadəsində nələr danışıb? - TƏFƏRRÜAT
Xəbər verdiyimiz kimi, İstanbul Böyükşəhər Bələdiyyəsi (İBB) ilə bağlı aparılan korrupsiya araşdırması çərçivəsində bələdiyyə sədri Ekrem İmamoğlu ifadə verib.
Türkiyə mətbuatında ifadə ilə bağlı bir sıra detallar yayılıb.
İstanbul Respublika Baş Prokurorluğunun başladığı istintaq çərçivəsində polisə 121 səhifəlik izahat verən İmamoğlu əksər suallara eyni cavabı verib: “Bu sualı cavablandırmıram. Bütün ittihamları qətiyyətlə rədd edirəm”.
Prokurorluq tərəfindən İmamoğlu və 99 şübhəli şəxs barəsində "cinayət təşkilatı rəhbəri olmaq", "cinayət təşkilatına üzv olmaq", "rüşvət", "dələduzluq", "şəxsi məlumatları qanunsuz əldə etmək" və "tenderlərdə saxtakarlıq" kimi ittihamlarla araşdırma aparılır.
İfadə zamanı İmamoğlu aylıq gəlirinin 250 min lirə olduğunu və əmlak bəyannaməsi verdiyini bildirib. Ona yönəldilən ittihamlar arasında Bələdiyyə tenderlərində qanunsuzluqlar və yüksək məbləğdə dövlət ziyanına səbəb olan müqavilələr də yer alır.
Maliyyə Cinayətləri Araşdırma Şurasının hesabatına dair suallara cavab verməkdən imtina edən İmamoğlu gizli şahidlərin ifadələri ilə bağlı da heç bir açıqlama verməyib.
İfadə çərçivəsində bələdiyyəyə məxsus reklam panelləri, tenderlər və müxtəlif infrastruktur layihələri ilə bağlı milyardlarla lirəlik dövlət zərəri iddiaları səsləndirilib. Bundan əlavə, həyata keçirilən bəzi ihalələrdə qanunsuzluqlar olduğu iddia edilib.
Ekrem İmamoğlu Beylikdüzü Bələdiyyə Başçısı olduğu dövrdə keçirilən və qanunsuz ödəmələrlə bağlı olduğu deyilən tenderlər barədə də suallara cavab verməyib.
Bütün ittihamları rədd edən İmamoğlu, əlavə açıqlama verib-verməyəcəyi sualına “Xeyr” cavabını verib.
22-03-2025, 18:41
Gəncədə zəncirvari qəza - Yaralılar var
Gəncədə bir neçə nəfərin xəsarət alması ilə nəticələnən zəncirvari avtomobil qəzası olub.
Nizami Gəncəvi prospektində 3 avtomobilin toqquşması nəticəsində 2001-ci il təvəllüdlü R.Aslanov, 1998-ci il təvəllüdlü Ə.Əliyev və daha 2 nəfər isə yüngül xəsarətlər alıb.
R.Aslanov, Ə.Əliyev xəstəxanaya yerləşdiriliblər.
Faktla bağlı araşdırma aparılır.
22-03-2025, 17:55
İmamoğlunun terror istintaqına ifadəsi yekunlaşdı
İstanbul Böyükşəhər Bələdiyyəsinə qarşı aparılan terror istintaqı çərçivəsində bələdiyyə sədri Əkrəm İmamoğlunun dindirilməsi yekunlaşıb.
5 saat davam edən dirdirmə zamanı İmamoğlunun 18 səhifəlik ifadə verdiyi öyrənilib.
Əkrəm İmamoğlu İstanbul Baş Prokurorluğu tərəfindən sorğu-sual edilib.
22-03-2025, 17:33
82 yaşlı qadın su kanalında boğuldu
İmişlidə 82 yaşlı qadının su kanalına düşərək boğulması ilə nəticələnən hadisə baş verib.
Hadisə ötən gün qeydə alınıb.
İmişli şəhər sakini 1943-ci il təvəllüdlü Vəliyeva Məstan Hüseyn qızı evlərinin yaxınlığından keçən R-2 su kanalına düşərək boğulub. Günorta saatlarında onun cəsədi batdığı yerin yaxınlığında aşkarlanıb. Hadisə yerinə hüquq-mühafizə orqanlarının əməkdaşları cəlb edilib. Meyit sudan çıxarılaraq aidiyyəti üzrə təhvil verilib.
Faktla bağlı araşdırma aparılır.
22-03-2025, 17:15
Naxçıvanda dönərdən kütləvi zəhərlənmə
Naxçıvanda dönərxanada kütləvi qida
zəhərlənməsi baş verib.
Bu barədə Naxçıvan Muxtar Respublikası Qida Təhlükəsizliyi Agentliyi məlumat yayıb.
Məlumata görə, Naxçıvan Yoluxucu Xəstəliklər Mərkəzindən Naxçıvan Muxtar Respublikasının Qida Təhlükəsizliyi Agentliyinə daxil olmuş məlumata əsasən ikisi azyaşlı olmaqla altı nəfərin dönərdən zəhərləndiyi bildirilib.
Agentlik əməkdaşlarının apardığı araşdırmalar zamanı hadisənin Naxçıvan şəhəri H.Əliyev prospektində yerləşən “Hilal kafe”də baş verdiyi məlum olub.
Faktla bağlı Agentlik tərəfindən araşdırmalar aparılır və nəticələri barədə ictimaiyyətə ətraflı məlumat veriləcək.
22-03-2025, 17:03
Türk kinosunun əfsanəsi öldü
Türk kinosunun əfsanəvi adlarından olan Filiz Akın 82 yaşında dünyasını dəyişib.
Bu barədə Türkiyə KİV-ləri məlumat yayıb.
Əfsanəvi aktrisa bir müddət idi ki, səhhətində problem yaşayırdı.
Səhiyyə Nazirliyinin twitter səhifəsində verilən açıqlamada "Türk kinosunun nadir adlarından olan Filiz Akın müalicə olunduğu xəstəxanada həyatını itirdi. Kino tariximizdə unudulmaz iz qoyan Filiz Akına Allah rəhmət eləsin, ailəsinə, sənət sevənlərinə başsağlığı veririk", - deyə bildirilib.
Filiz Akın 1 sentyabr 2024-cü il tarixindən pnevmoniya və bəzi digər infeksiyalardan müalicə alırdı.
Ulduz aktrisa əvvəllər də xərçəngdən müalicə almışdı.
Sol qulağının üstündəki xərçəng toxuması və səs tellərindəki problemlərdən sonra çoxsaylı əməliyyatlar keçirən Akın 2002-ci ildə diaqnozu qoyulan xərçəng, burun və ağız arxası xərçənginə qalib gələ bilmişdi.
O, kino aktrisaları Türkan Şoray, Hülya Koçyiğit və Fatma Girik ilə yanaşı, türk kinosunun bir dönəmində iz qoyan dörd önəmli addan biri hesab olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!