Xəbər lenti » Səhifə 1249

1-03-2024, 21:10

Hakan Fidan Mirzoyanla regiondakı vəziyyəti müzakirə etdi

Türkiyənin xarici işlər naziri Hakan Fidan ermənistanlı həmkarı Ararat Mirzoyanla görüşüb.
Antalyada keçirilən diplomatik forum çərçivəsində baş tutmuş görüşdə iki ölkə arasında münasibətlərin tam normallaşmasına nail olmağa hazır olduqlarını təsdiqləyiblər.
Nazirlər bu istiqamətdə mümkün konkret addımlar barədə fikir mübadiləsi aparıblar.
Tərəflər həmçinin dünyadakı və regiondakı vəziyyəti də müzakirə ediblər.

Hakan Fidan Mirzoyanla regiondakı vəziyyəti müzakirə etdi

1-03-2024, 20:41

“Bayraktar” PUA-ları Albaniyaya gətirildi

“Bayraktar" pilotsuz uçuş aparatları (PUA) Albaniyaya gətirilib.
Bu barədə Albaniyanın müdafiə naziri Niko Peleşi sosial şəbəkə hesabında yazıb.
“Effektivliyi və qabaqcıl texnologiyası ilə tanınan “Bayraktar” dronları artıq Albaniyadadır! Artıq iki gündür ki, onların yığılması başlayıb və paralel olaraq istismarı və nəzarəti üçün dəstəkləyici infrastrukturun quraşdırılması da davam edir”, - deyə Peleşi əlavə edib.

“Bayraktar” PUA-ları Albaniyaya gətirildi

1-03-2024, 19:57

Ceyhun Bayramov slovakiyalı həmkarıyla danışıqlar apardı

Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində slovakiyalı həmkarı Yuray Blanar ilə görüşüb.
Bu barədə Ceyhun Bayramov “X” hesabında paylaşım edib.
“Slovakiyalı həmkarım Yuray Blanar ilə görüşməkdən və əməkdaşlığı daha da inkişaf etdirmək üçün fikir mübadiləsi aparmaqdan çox məmnun oldum”, - nazir qeyd edib.

Ceyhun Bayramov slovakiyalı həmkarıyla danışıqlar apardı

1-03-2024, 19:40

Albaniyanın Baş nazirinin Azərbaycana səfəri başa çatdı

Albaniyanın Baş naziri Edi Ramanın Azərbaycana işgüzar səfəri martın 1-də başa çatıb.
Hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda Baş nazir Edi Ramanın şərəfinə fəxri qarovul dəstəsi düzülüb.
Albaniya Baş nazirini hava limanında Azərbaycanın iqtisadiyyat naziri Mikayıl Cabbarov, xarici işlər nazirinin müavini Fariz Rzayev və digər rəsmi şəxslər yola salıblar.

Albaniyanın Baş nazirinin Azərbaycana səfəri başa çatdı

1-03-2024, 19:19

Prezident Albaniyanın Baş naziriylə görüşdü

Martın 1-də Azərbaycan Respublikasının Prezidenti İlham Əliyevin Albaniya Respublikasının Baş naziri Edi Rama ilə nahar əsnasında geniş tərkibdə görüşü olub.
Bu barədə məlumatı Azərbaycan Prezidentinin Mətbuat Xidməti yayıb.

Prezident Albaniyanın Baş naziriylə görüşdü

1-03-2024, 17:55

Bu il 36 min hektardan çox ərazi minalardan təmizlənib - VİDEO

Azərbaycan Ordusunun mühəndis-istehkam bölmələri tərəfindən həyata keçirilən tədbirlər çərçivəsində cari ilin əvvəlindən mart ayının 1-dək 205 hektar ərazi mina və partlamamış döyüş sursatlarından təmizlənib.
Bu barədə Müdafiə Nazirliyindən bildirilib.
İşğaldan azad edilmiş ərazilərdə bu günə kimi mühəndis-istehkam bölmələri tərəfindən 36260 hektar ərazi mina və partlamamış döyüş sursatlarından təmizlənib. Ümumilikdə 10440 ədəd piyada əleyhinə, 3301 ədəd tank əleyhinə mina və 12693 ədəd partlamamış döyüş sursatı aşkar olunub.
Aşkar olunmuş mina və partlamamış döyüş sursatları, o cümlədən kustar üsullarla hazırlanmış partlayıcılar xüsusi təyin olunmuş yerlərdə təhlükəsizlik tədbirləri nəzərə alınmaqla partlatma və yandırma üsulları ilə məhv edilir.
Ərazilərin mina və partlamamış döyüş sursatlarından təmizlənməsi zamanı əsas səylər yaşayış məntəqələri, əkin sahələri, yollar və infrastruktur obyektlərinə yönəldilir.
Azad olunmuş ərazilərimizdə mühəndis təminatı üzrə zəruri tədbirlər davam etdirilir.

Bu il 36 min hektardan çox ərazi minalardan təmizlənib - VİDEO

1-03-2024, 17:47

Cəbrayılda günəş elektrik stansiyasının tikintisi üzrə Memorandum imzalandı

Energetika Nazirliyi ilə “Nobel Energy” şirkəti arasında Cəbrayıl rayonunda 100 MVt gücündə günəş elektrik stansiyasının tikintisi və elektrik enerjisi istehsalı, satışı və istehlakı üzrə Anlaşma Memorandumu imzalanıb.
Sənəd Bakıda keçirilən Cənub Qaz Dəhlizi Məşvərət Şurası nazirlərinin 10-cu iclası və Yaşıl Enerji Məşvərət Şurası nazirlərinin 2-ci iclası çərçivəsində imzalanıb.
Sənədə əsasən, 50 MVt-ı ilkin mərhələdə, 50 MVt-ı isə növbəti mərhələdə olmaqla, ümumilikdə 100 MVt həcmində günəş elektrik stansiyasının tikintisi planlaşdırılır.

Cəbrayılda günəş elektrik stansiyasının tikintisi üzrə Memorandum imzalandı

1-03-2024, 17:42

Nazir MİQ imtahanlarının çətinləşməsi məsələsinə aydınlıq gətirdi

Müəllimlərin işə qəbulu üzrə müsabiqədə (MİQ) iştirak edən namizədlər sualların ildən-ilə çətinləşdirilməsindən şikayətlənirlər.
Nazir bildirib ki, MİQ imtahanları ildən-ilə çətinləşdirilmir:
“Təbii ki, iki il eyni imtahanı təşkil etmək çətindir. Amma bunlar bir-birinə çox yaxın məqamlardır. İllər üzrə böyük fərqlərin olduğunu deməzdim. Biz imtahanların məzmununu addım-addım dəyişməyə doğru gedirik. Mənə görə misal üçün “2-ci Həmədan döyüşündən neçə il sonra şah İsmayıl taxta çıxdı” sualı tarix sualı deyil. Ən yaxşı halda illəri yadda saxlamısansa, bu, 4 rəqəmli ədəddən üçrəqəmli ədədi çıxmaq bacarığıdır. Suallar və metodologiya dəyişir. O insanlara yeni olduğu üçün çətin gələ bilər. Biz son illər hamıya bir variant verirərək, variantlararsı çətinlik məsələsini də aradan qaldırmışıq”.

Nazir MİQ imtahanlarının çətinləşməsi məsələsinə aydınlıq gətirdi

1-03-2024, 17:38

Salyanda dəhşət saçan hadisə: Kişi həyat yoldaşıyla oğlunu öldürdü

Martın 1-də saat 16 radələrində Salyan rayonunun Pambıqkənd kəndi ərazisində 1963-cü il təvəllüdlü Rahilə Əliyeva və onun oğlu 1992-ci il təvəllüdlü Bəhruz Əliyevin öldürülməsi barədə rayon prokurorluğuna məlumat daxil olub.
Araşdırma zamanı 1981-ci il təvəllüdlü Ziya Əliyevin aralarında yaranmış mübahisə zamanı kəsici alətlə zərbələr endirərək qardaşı arvadı Rahilə Əliyeva və onun oğlu Bəhruz Əliyevi qəsdən öldürməsinə əsaslı şübhələr müəyyən edilib.
Salyan Rayon Prokurorluğunun məlumatına görə, hadisədən sonra Ziya Əliyev könüllü olaraq istintaqa təslim olub və şübhəli şəxs qismində tutulub.
Faktla bağlı rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsilə cinayət işi başlanaraq ibtidai istintaq aparılır.

Salyanda dəhşət saçan hadisə: Kişi həyat yoldaşıyla oğlunu öldürdü

1-03-2024, 17:31

Ukraynaya qoşun göndərməyəcəyik - Fransa XİN

Fransanın xarici işlər naziri Stefan Sejürne ölkəsinin qoşunlarının Ukraynaya göndərilməyəcəyini bildirib.
O, müəyyən edilmiş çərçivədən danışıb.
"Biz döyüşmək üçün qoşun göndərməyəcəyik. Çərçivə müəyyən edilmişdi: Rusiya ilə müharibə etmədən qalib gəlməsinin qarşısını almaq. Bu çərçivədə prezidentin dediyi kimi heç nə istisna edilmir", - o əlavə edib.
Bundan əvvəl Ukraynaya Qərb qoşunlarının göndərilməsinin mümkünlüyündən Fransa prezidenti Emmanuel Makron danışmışdı.

Ukraynaya qoşun göndərməyəcəyik - Fransa XİN