15-01-2025, 20:40
Türkiyədə dəhşət: polis 5 ailə üzvünü öldürdü
Türkiyədə bir polis əməkdaşı qətliam törədib.
Bu barədə NTV məlumat yayıb.
Qeyd olunub ki, Mersində əvvəlcə həyat yoldaşını və baldızını öldürən polis əməkdaşı daha sonra Adanada qayınanasının və qayınatasının boğazını kəsib, baldızını isə ürəyindən bıçaqlayıb.
Şübhəli şəxs digər şəhərə daha bir qətl törətməyə gedərkən yaxalanıb. Polis əməkdaşının 15 yaşlı oğlunun intiharına görə ailəsini günahkar hesab etdiyi üçün qətlləri törətdiyi bildirilib.
15-01-2025, 19:39
Çimnaz Sultanova vəfat etdi
Aktrisa Çimnaz Sultanova vəfat edib.
Aktrisa bağırsaq xərçəngindən dünyasını dəyişib.
Mərhum sabah dəfn ediləcək.
Qeyd edək ki, bu gün Çimnaz Sultanovanın doğum günü idi.
15-01-2025, 19:13
Azərbaycanla Türkiyə hərbçilərinin təlimindən GÖRÜNTÜLƏR
Azərbaycan ilə Türkiyə arasında imzalanmış hərbi əməkdaşlıq haqqında sazişə uyğun olaraq, Türkiyənin Qars şəhərində keçiriləcək “Qış təlimi - 2025” birgə təliminə hazırlıq məqsədilə Azərbaycan-Türkiyə dövlət bayraqlarının dəyişmə mərasimi keçirilib.
Bu barədə Müdafiə Nazirliyindən məlumat verilib.
Bildirilib ki, Əlahiddə Ümumqoşun Ordu (ƏÜO) komandanlığından bayrağı qəbul edən bayraq taqımı Naxçıvan şəhərindən Sədərək sərhəd-keçid məntəqəsinə - Araz çayı üzərindəki “Ümid” körpüsünə doğru yürüşə başlayıb. Eyni zamanda, Türkiyənin bayraq taqımı da Qars şəhərindən mərasimin keçiriləcəyi ünvana doğru yürüş edib.
"Ümid" körpüsündə Azərbaycan və Türkiyə respublikalarının dövlət himnləri ifa edildikdən sonra bayraqların dəyişmə mərasimi olub.
Sonra təlimə cəlb ediləcək şəxsi heyət və hərbi texnikaların təlim yerinə yola salınması münasibəti ilə keçirilən tədbirdə ƏÜO komandanı general-mayor Kənan Seyidov çıxış edərək birgə hərbi təlimlərin əhəmiyyətindən danışıb, təlim iştirakçılarına uğurlar arzulayıb.
Tədbirdən sonra təlimə cəlb ediləcək bölmələr Naxçıvan şəhərindən yola düşüblər.
Təlimin planına əsasən yaşayış məntəqələrində, çətin relyefli ərazilərdə, dərin qar və şiddətli soyuqlarda müxtəlif təlim-döyüş tapşırıqlarının yerinə yetirilməsi nəzərdə tutulub.
15-01-2025, 18:25
İstanbulda 19 nəfər saxta içkidən öldü
İstanbulda 65 nəfər saxta alkoqollu içki zəhərlənməsi səbəbilə xəstəxanalara yerləşdirilib. Son 72 saat ərzində tibb mərkəzlərinə müraciət edən bu şəxslərdən 19-u həyatını itirib.
Onların kimyəvi maddələrin istehsalında istifadə edilən metanol maddəsindən zəhərləndikləri ehtimal olunur. Zəhərlənənlərdən 3-ü ilkin tibbi müdaxilədən sonra evə buraxılıb, 43 nəfərin isə müalicəsi davam edir.
15-01-2025, 17:45
Baydenin vida məktubu yayıldı
Bir neçə gündən sonra prezidentlik müddəti başa çatan Ağ Ev rəhbəri Co Bayden vida məktubu yazıb.
Bu barədə “New York Post” nəşri yazır.
Vida məktubunda Bayden Birləşmiş Ştatlara 50 ildən çox xidmət etməsi ilə qürur duyduğunu dilə gətirib və bunu “həyatının ən böyük şərəfi” olduğunu vurğulayıb.
“Bu gün bizim ölkənin iqtisadiyyatı dünyanın ən böyük iqtisadiyyatıdır və mən rekord sayda – 16.6 milyon yeni iş yeri yaratmışam. Əmək haqları qalxıb. İnflyasiya səviyyəsi isə aşağı düşməyə davam edir”, - o oval kabinetindən Amerika xalqına edəcəyi canlı çıxış öncəsi paylaşdığı məktubunda qeyd edir.
Uğurlarını sadalayan Bayden, dörd il əvvəl hakimiyyətə gələndə ölkənin əsrin ən böyük pandemiyasına yoluxduğunu, Böyük Depresiyya illərindən bəri ən ağır iqtisadi böhranın olduğunu və ABŞ demokartiyasına Vətəndaş Müharibəsindən bəri ən böyük hücumların olduğunu bəyan edib.
15-01-2025, 17:28
Azərbaycan məhəlləsində işlər yekunlaşır - Şəhərdən ən son GÖRÜNTÜLƏR
2023-cü ilin fevral ayında Türkiyədə baş vermiş zəlzələdə zərər görən Kahramanmaraş şəhərində Azərbaycan tərəfindən inşa edilən yaşayış məhəlləsində işlər tamamlanmaq üzrədir.
Kahramanmaraşın Onikişubat və Dulkadiroğlu rayonlarının kəsişdiyi məhəllədə evlərin tikintisi başa çatıb.
Azərbaycan məhəlləsində Mənzil İnşaatı Dövlət Agentliyi (MİDA) və TOKİ tərəfindən 1278 mənzil və 826 iş yerindən ibarət nəhəng layihə həyata keçirilib.
Layihə həm sakinlərin, həm də biznes sahiblərinin ehtiyaclarını ödəmək üçün nəzərdə tutulub. Mənzillərin bir çoxu zəruri məişət əşyaları ilə təmin olunub və tam hazır vəziyyətə gətirilib.
Layihənin qısa müddətdə tam başa çatdırılması və sahiblərinə təhvil verilməsi nəzərdə tutulur.
Hazırda Kahramanmaraş Böyükşəhər Bələdiyyəsi yeni yaşayış massivində abadlıq işləri aparır və asfalt örtüyü çəkir.
Bələdiyyə sədri Fırat Görgel bildirib ki, yenidənqurma və abadlıq işləri çərçivəsində həyata keçirilən layihələrlə şəhər daha müasir, yaşana bilən və dayanıqlı yaşayış məntəqəsinə çevriləcək,
“Müasir yollarla, yaşıllıqlarla, yeni yaşayış massivlərinin ətrafında sosial obyektlərlə şəhərimizi gələcəyə hazırlayırıq. Kahramanmaraşın yenidən yüksəlişi birlik və həmrəylik içində davam etdirdiyimiz bu səylərlə mümkün olacaq”, - o qeyd edib.
Azərbaycan Hökumətinin xətti ilə “Azərbaycan” massivi ərazisində görülən işlər 100 milyon dollar dəyərində qiymətləndirilir.
15-01-2025, 17:18
Ceyhun Bayramov Baş katiblə görüşüb
15 yanvar 2025-ci il tarixində xarici işlər naziri Ceyhun Bayramov Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay ilə görüşüb.
XİN-dən verilən xəbərə görə, görüş zamanı tərəflər Azərbaycanın AQEM-də 2024-2026-cı illər üzrə sədrliyinin prioritet istiqamətlərini, təşkilat çərçivəsində mövcud işlər və gələcək perspektivləri müzakirə ediblər.
Görüşdə, ölkəmizin çoxtərəfli diplomatiyada zəngin təcrübəsi və uğurlu sədrlikləri xüsusi vurğulanaraq, Azərbaycan tərəfindən AQEM sədrliyi üzrə təqdim olunmuş konseptual sənədin təşkilatın gələcək inkişafı ilə bağlı, həmçinin ölkələr arasında əməkdaşlığın və etimadın möhkəmlənməsi üçün geniş istiqamətləri əhatə etdiyi məmnunluqla qeyd olunub.
Nazir Ceyhun Bayramov ideya müəllifi kimi Qazaxıstanın təşkilatın inkişafında əhəmiyyətli rol oynadığını diqqətə çatdırıb. Sədrliyimiz dövründə təşkilatın beynəlxalq rolunun və səmərəliliyinin daha da artırılması, üzv ölkələr üçün praktiki faydanın genişləndirilməsi, institusional inkişafın təmin edilməsinin vacibliyini qeyd edib. Təhsil, iqlim dəyişmələri, gənclər, media, nəqliyyat bağlantıları və bir çox digər istiqamətlərdə əməkdaşlığın inkişafının önəmi vurğulanıb. Nazir COP29 sədrliyimiz çərçivəsində qlobal iqlim gündəliyi ilə bağlı çox əhəmiyyətli qərarların qəbul edildiyini nəzərə alaraq, iqlim dəyişmələri ilə mübarizə sahəsində AQEM çərçivəsində layihələr üçün potensialın olduğunu bildirib.
Baş katib Kayrat Sarıbay Azərbaycana səfər proqramının kifayət qədər geniş olduğunu, o cümlədən aidiyyəti qurumlarla keçiriləcək görüşlərinin AQEM üçün əhəmiyyət kəsb edən mövzular üzrə ətraflı məlumatın əldə edilməsi və Azərbaycanın sədrliyinin prioritetlərinin müzakirəsi baxımından faydalı olacağını ifadə edib.
Tərəflər həmçinin qarşılıqlı maraq doğuran digər mövzular ətrafında fikir mübadiləsi aparıblar.
15-01-2025, 17:15
Sumqayıtda yeniyetmə oğlan qətlə yetirildi - Qardaşlar tutuldu
Sumqayıtda 17 yaşlı oğlanın qətlinə görə 2 nəfər tutulub.
Hadisəni törətməkdə şübhəli bilinən qardaşlar - 2011-ci il təvəllüdlü Ç.Q. və 2010-cu il təvəllüdlü E.Q. polisin həyata keçirdiyi tədbirlərlə saxlanılaraq istintaqa təhvil verilib.
15-01-2025, 17:07
300-dən çox məktəbdə telefon qadağan edilib - RƏSMİ
Ölkə üzrə 300-dən çox ümumi təhsil müəssisəsində tətbiq edilən şagird davranış qaydalarına əsasən, təhsilalanların tədris prosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Bu barədə Məktəbəqədər və Ümumi Təhsil üzrə Dövlət Agentliyinin İctimaiyyətlə əlaqələr sektorunun müdiri Zenfira Sevdimalı məlumat paylaşıb.
O qeyd edib ki, şagird davranış qaydalarının əhatə etdiyi müəssisələrin əhatə dairəsi genişləndiriləcək, daha çox məktəbdə bu qaydalar tətbiq ediləcək.
"Xüsusi hallar istisna olmaqla, ümumi təhsil müəssisələrində dərs prosesi zamanı ağıllı telefonlar, ağıllı saatlar və digər bu tip elektron cihazların istifadəsi isə tövsiyə olunmur.
Bu və bu kimi digər istiqamətlərdə mütəmadi olaraq Məktəbəqədər və Ümumi Təhsil üzrə Dövlət Agentliyi tərəfindən digər aidiyyəti qurumlarla da birlikdə məktəblərdə monitorinq və yoxlamalar aparılır, müvafiq profilaktik və maarifləndirmə tədbirləri həyata keçirilir.
Məktəb daxilində və məktəbdənkənar ərazilərdə davranış qaydalarına əməl edilməsinin vacibliyi diqqətə çatdırılır, təlim-tərbiyə prosesinə uyğun olmayan hallara qarşı maarifləndirmə işi aparılır".
15-01-2025, 16:02
Sumqayıtda gənc oğlan qətlə yetirildi
Sumqayıtda 17 yaşlı gənc qətlə yetirilib.
Hadisə Kimyaçılar qəsəbəsində baş verib.
2008-ci il təvəllüdlü Emil Elçin oğlu Qələndərov naməlum şəxs tərəfindən bıçaqlanıb.
Fakt araşdırılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!