14-06-2025, 15:08
Narahatlıq, intiqam çağırışları və dağıntılar - Tehran küçələrində son durum
İsrailin iyunun 13-də İrana endirdiyi gözlənilməz raket zərbələri nəticəsində Tehranda vəziyyət hərbi rejimə keçib.
Yerli medianın verdiyi məlumata görə, hücumlar nəticəsində paytaxtda yerləşən yaşayış binasına zərbə endirilib və nəticədə 60 nəfər həlak olub.
Hücumlar zamanı, həmçinin İranın yüksək rütbəli hərbçilərinin və nüvə mütəxəssislərinin yaşadığı komplekslər də hədəfə alınıb.
İsrail kəşfiyyatı iranlı komandanları bir görüşə toplayaraq onları tələ şəklində birbaşa zərbə ilə öldürüb. Bu hadisədən sonra Qum şəhərində yerləşən Cəmkəran məscidinin üzərində “qırmızı qisas bayrağı” qaldırılıb.
Bu bayraq İranda müqəddəs sayılan və “qanlı intiqamın başlanğıcı” kimi qəbul edilən simvolik addım hesab edilir.
Tehran küçələrində narahatlıq hiss olunur. Şəhərdə yaşayan yerli jurnalist Həyal Muəzzinin sözlərinə görə, insanlar sakitliyini qorusa da, mitinqlər və intiqam çağırışları davam edir:
“Xalq meydanlara çıxır, məscidlərə toplaşır və intiqam tələb edir. Sanki səfərbərlik ruhu canlanıb. İnsanlar qətiyyətlidir. Bu, sadəcə hücum deyil, müharibənin başlanğıcıdır.”
Tehranda dövlət müəssisələri fəaliyyətini davam etdirir, marketlər açıqdır və gündəlik ehtiyacların qarşılanması hələlik təmin olunur. İranın xüsusi xidmət orqanlarının cavab əməliyyatları başladığı və qarşı tərəfdən toplanmış məlumatlara əsaslanaraq yeni strategiyalar üzərində çalışdığı bildirilib.
İnternetə giriş məhdudlaşdırılıb, ölkəni tərk etmək çətindir
Həmçinin, ölkənin bəzi bölgələrində, o cümlədən Şiraz şəhərində də partlayış səsləri eşidilib. Orada yaşayan Rusiya vətəndaşı Anna “Kommersant”a verdiyi açıqlamada bildirib ki, hava məkanının bağlanması səbəbilə ölkəni tərk edə bilmir. Onun sözlərinə görə, gənc kişilər hərbi xidmətdə olmadan xarici pasport ala bilmədiyi üçün ölkədən çıxışları çətinləşib.
“İran öz ərzaq məhsullarını istehsal edə bilir, bu baxımdan yaxın müddətdə qıtlıq gözlənilmir. Amma hansı infrastrukturun zərər gördüyü hələ dəqiq bilinmir. İnternetin sürəti isə xeyli zəifləyib”, – deyə o bildirib.
Hazırda bölgədə vəziyyət son dərəcə gərgindir. Bəzi səfər marşrutlarının təhlükəli olması səbəbilə vətəndaşlar alternativ yollarla ölkəni tərk etməyə çalışır.
14-06-2025, 14:56
Onlar 37 ildən sonra “Son zəng”i belə qeyd etdilər. FOTO
Bu gün hər yerdə son zəng çalınır. Artıq 14 İyun tarixini bayram kimi qeyd etmək bir adətə çevrilib. Keçmiş məcburi köçkün olan Xankəndi sakinləri də illər öncə reallaşdıra bilmədikəri arzularını bu gün Xankəndi şəhər N. Gəncəvi adına 4 nömrəli orta məktəbdə təşkil edilən "Son zəng" tədbirində gerçəyə çevirdilər.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, bu gün son zəng orta məktəbdə 11-ci sinifi bitirib məzun olan şagirdlərlərlə bərabər düz 37 il əvvəl Xankəndi şəhər N. Gəncəvi adına 4 nömrəli orta məktəbinin 1987-88 tədris ilinin məzunları üçün də çalındı.Həmin ilin məzunları bilirdilər ki, ermənilərin işğalçılıq siyasəti nəticəsində öz doğma yurd-yuvalarından didərgin düşərək köçkün həyatı yaşadılar. Bu səbəbdən də onlar orta məktəbin 11-ci sinfində təhsil alsalar da son zənglərini keçirə bilmədilər. Hər zaman doğma torpaqlara qayıtmaq ümidi ilə yaşadılar. Bütün Azərbaycan xalqı kimi onların bu arzusunu lokal xarakterli antiterror əməliyyatları zamanı Azərbaycan ordusu gerçəkləşdirdi. Ötən ilin sentyabr ayında istifadəyə verilən Xankəndi şəhər 4 nömrəli orta məktəb onlar üçün doğma bir məkandır. Bu il məktəbin şagirdləri bir araya toplanaraq, 37 il əvvəl yarımçıq qalan arzularını reallaşdırdılar. 1988- ci illin məzunları bu qürurverici günü birlikdə yaşadılar. Qocaman məzunlar ilk öncə onlarla birlikdə təhsil alan birinci Qarabağ müharibəsində - 1992- ci ildə şəhid olan sinif yoldaşları Fərhad Rəhman oğlu Atakişiyevin məzarını ziyarət edərək qəbriüstə gül dəstələri düzüblər.
Çünki onlar birlikdə oxumağı, birlikdə sevməyi və birlikdə kədərlənməyi öyrənmişdilər. Bunu 37 ildən sonra reallaşan həmin məktəbin məzun və müəllimlərinin görüşündə açıq-aydın görmək mümkün idi.Növbə ilə hər kəsin öz hisslərini bölüşdüyü tədbirdə çıxış edənlər, səbəbkarları təbrik ediblər. Son zəngin səsinə kövrələn bu məzunlar, bu gün mahnı sədaları altında sevinclə rəqs ediblər.
14-06-2025, 14:51
Azərbaycan Ermənistandan Zəngəzur dəhlizi ilə bağlı cavab gözləyir
Ermənistan ilk mühüm addımı Zəngəzur dəhlizi istiqamətində atmalıdır.
Bu fikirləri Azərbaycan Prezidentinin köməkçisi- Prezident Administrasiyasının Xarici siyasət məsələləri şöbəsinin müdiri Hikmət Hacıyev “GLOBSEC Forum 2025” çərçivəsində keçirilən “Orta Dəhliz: Yeni Geosiyasi və İqtisadi Həyat Xətti” panel müzakirəsində çıxışı zamanı səsləndirib.
O bildirib ki, Azərbaycan regionda təhlükəsizlik və sabitliyi təmin edib: “Biz regionda tam təhlükəsizlik və sabitlik yaratmışıq. Ermənistan da regional əməkdaşlıq və nəqliyyat bağlantılarının bir hissəsinə çevrilə bilər”.
Hikmət Hacıyev qeyd edib ki, hazırda Ermənistanla da danışıqlar aparılır və Azərbaycanın məqsədi regionda heç kimi təcrid etmək və ya kənarda saxlamaq deyil. “Lakin bu prosesdə Ermənistan tərəfindən də konkret addımlar atılmalıdır. Ermənistan Naxçıvanı 30 il müddətində blokadada saxlayıb. Biz gözləyirik ki, Ermənistan ilk növbədə Zəngəzur dəhlizi istiqamətində mühüm bir addım atsın. Bilirəm ki, erməni tərəfi dəhliz sözündən narahat olur. Həmişə zarafatla deyirəm ki, mən Azərbaycanın bütün ərazisinin dəhlizə çevrilməsini istərdim. İstəsinlər yol desinlər, keçid desinlər, fərq etməz, amma əsas məsələ Naxçıvanla birbaşa bağlantının qurulmasıdır”,- deyə o vurğulayıb.
Prezidentin köməkçisi əlavə edib ki, Naxçıvana nəqliyyat bağlantısı yaradıldıqdan sonra bu, Ermənistan üçün də yeni imkanların açılmasına səbəb ola bilər: “Biz istəyirik ki, Ermənistan da regional nəqliyyat şəbəkəsinin əsas axınının bir hissəsinə çevrilsin”,- deyə Hacıyev bildirib.
14-06-2025, 14:40
İsrail nazirindən sərt bəyanat: Tehran yandırılacaq!
İsrailin müdafiə naziri İsrael Katz sərt bəyanatla çıxış edib.
O, Tel-Əviv və Tehran arasında artmaqda olan gərginlik fonunda bildirib ki, əgər İran İsrail ərazisini raket atəşinə tutmağa davam edərsə, Tehran yandırılacaq.
İsrael Katz İranın ali lideri Ayətullah Əli Xamenei barədə danışaraq qeyd edib ki, o, İran vətəndaşlarını girova çevirir:
"Elə bir ssenari həyata keçirir ki, bunun nəticəsində xalq, xüsusilə də Tehran sakinləri, İsrail vətəndaşlarına qarşı törədilən ziyanın əvəzini baha şəkildə ödəməli olacaqlar".
14-06-2025, 14:33
“Sualım budur ki, Avropa İttifaqı haradadır?”
Bakı-Tbilisi-Qars dəmir yolu layihəsinə başlayanda Avropa və Amerika fondları bu layihəyə maliyyə ayırmaqdan imtina etdilər. Biz isə qərara gəldik ki, bu işi öz vəsaitimizlə görəcəyik. Biz bu layihəni həyata keçirdik.
Bu fikirləri Azərbaycan Prezidentinin köməkçisi- Prezident Administrasiyasının Xarici siyasət məsələləri şöbəsinin müdiri Hikmət Hacıyev “GLOBSEC Forum 2025” çərçivəsində keçirilən panel müzakirəsində çıxışı zamanı səsləndirib.
Prezidentin köməkçisi bildirib ki, bölgədə dayanıqlı ticarət və nəqliyyat əlaqələrinin qurulması üçün əməkdaşlıq və tərəfdaşlıq əsas şərtdir. “Bizim investisiya imkanlarımız var və bölgədəki qardaş və tərəfdaş ölkələrlə sıx əməkdaşlıq edirik”,- deyə Hikmət Hacıyev vurğulayıb.
O əlavə edib ki, Azərbaycan bütün əsas nəqliyyat infrastrukturunu Mərkəzi Asiya ölkələri ilə birləşdirib. H.Hacıyev bildirib ki, Azərbaycan, Gürcüstan və Türkiyə birlikdə bölgədə üzərlərinə düşən işi yerinə yetirir və Mərkəzi Asiya ölkələri ilə əlaqələri genişləndirirlər. O, həmçinin qeyd edib ki, Çin və Qırğızıstan hazırda 900 kilometrlik yeni dəmir yolu xətti inşa edirlər və bu infrastruktur Mərkəzi Asiyaya daha qısa marşrutla çıxış imkanı verəcək. Transxəzər vasitəsilə biz bu proseslərin hamısını bir-biri ilə əlaqələndiririk.
“Sualım budur ki, Avropa İttifaqı haradadır? Bəli, siz tərəfdaş kimi bizə qoşula bilərsiniz, amma hələ də Aİ-nin bu məsələdə nə istədiyi tam aydın deyil. Biz hələ də bunu görə bilmirik”, - deyə o vurğulayıb.
14-06-2025, 14:30
İsrail İranın 9 nüvə alimini öldürüb - SİYAHI
İsrail Müdafiə Qüvvələri İranda ölkənin nüvə proqramının hazırlanmasında iştirak edən doqquz əsas nüvə alimi və ekspertinin öldürüldüyünü bildirib.
Bu barədə İsrail ordusunun mətbuat xidməti məlumat yayıb.
İsrail tərəfi bildirib ki, həlak olanların hamısı İranın nüvə layihəsində mühüm vəzifələr tutub və nüvə silahının hazırlanmasında onilliklər ərzində toplanmış təcrübəyə malik olublar.
Məlumatda öldürülən alimlərin adları qeyd olunub:
Fereydoon Abbasi - nüvə mühəndisliyi üzrə eksperr;
Məhəmməd Mehdi Tehranşi - fizik;
Əkbər Mötələbi Zadə - kimya mühəndisliyi üzrə ekspert;
Said Barji - materialşünaslıq üzrə ekspert;
Əmir Həsən Fəhahi - fizik;
Abd al-Hamid Minushehr - reaktor fizikası üzrə mütəxəssis;
Mənsur Əsgəri - fizik;
Əhməd Rza Zülfüqari Dəryani - nüvə mühəndisliyi üzrə ekspert;
Ali Bahoui Katirimi - mexanika üzrə mütəxəssis.
İsrail ordusunun bəyanatında deyilir ki, onlar İranın nüvə silahı əldə etmə yolunda əsas rol oynayıblar.
Alimlərin öldürülməsi İsrail kəşfiyyatı tərəfindən toplanan dəqiq kəşfiyyat nəticəsində mümkün olub. İsrail Hərbi Hava Qüvvələri iyunun 13-də bu məlumat əsasında əməliyyat keçirib.
14-06-2025, 14:25
Mirzoyan iranlı həmkarı ilə danışdı
Ermənistanın xarici işlər naziri Ararat Mirzoyan iranlı həmkarı Abbas Əraqçi ilə telefon danışığı aparıb.
Bu barədə erməni nazir "X" sosial şəbəkəsində bildirib.
"Biz son hadisələri müzakirə etdik və cari vəziyyətlə bağlı fikir mübadiləsi apardıq. Ermənistanın ifadə etdiyi mövqeyə uyğun olaraq, mən regionda risklərin idarə olunmasının və eskalasiyasının qarşısının alınmasının vacibliyini vurğuladım", - deyə A.Mirzoyan qeyd edib.
O, həmçinin MAQATE ilə bağlı məsələlər də daxil olmaqla, İran rəsmiləri ilə sıx təmasda olduğunu bildirib.
14-06-2025, 14:03
Öldürülən generalın yerinə təyinat
Məcid Musəvi İran İnqilabı Keşikçiləri Korpusunun (SEPAH) Aerokosmik Qüvvələrinə komandir təyin edilib.
Bu barədə İran mediası məlumat yayıb.
Musəvi bu vəzifədə dünən İsrailin İrana endirdiyi zərbələrdə öldürülən general Əli Hacızadəni əvəz edəcək.
14-06-2025, 13:38
Heç kimdə elə təəssürat yaranmamalıdır ki... - Hikmət Hacıyevdən AÇIQLAMA
Orta Dəhliz artıq mövcuddur və fəaliyyət göstərir. Heç kimdə elə təəssürat yaranmamalıdır ki, bu dəhliz yoxdur və kimsə gəlib onu yenidən qurmalıdır. Azərbaycan və tərəfdaşlarımız bu dəhlizə sərmayə yatırır. Əlavə tərəfdaşlar da gəlib bu imkanlardan faydalana bilərlər.
Bu fikirləri Azərbaycan Prezidentinin köməkçisi- Prezident Administrasiyasının Xarici siyasət məsələləri şöbəsinin müdiri Hikmət Hacıyev Praqada “GLOBSEC Forum 2025” çərçivəsində keçirilən panel müzakirəsində çıxışı zamanı səsləndirib.
O qeyd edib ki, Azərbaycan Orta Dəhlizi Avropa İttifaqı ilə Çin kimi iki böyük iqtisadi güc arasında strateji bağlantı kimi görür. “Avropa İttifaqı ilə Çin arasında illik ticarət dövriyyəsi 700 milyard avrodan çoxdur. Onlar rəqabət apara bilərlər, lakin biz bunu əməkdaşlıq imkanları kimi görürük”,- deyə Hacıyev bildirib.
Prezidentin köməkçisi əlavə edib ki, Çinin “Kəmər və Yol” təşəbbüsü ilə Avropa İttifaqının “Qlobal Qapı” (Global Gateway) təşəbbüslərinin Cənubi Qafqaz və Xəzər regionuna necə tətbiq olunacağı hələ də tam aydın deyil. “Biz tərəfdaşlarımızla əməkdaşlığa açığıq, lakin öz planlarımızı da yerinə yetiririk”,- deyə o vurğulayıb.
Hikmət Hacıyev çıxışında bir daha bildirib ki, Orta Dəhliz artıq mövcuddur və fəaliyyət göstərir: “Heç kimdə elə təəssürat yaranmamalıdır ki, bu dəhliz yoxdur və kimsə gəlib onu yenidən qurmalıdır. Azərbaycan və tərəfdaşlarımız bu dəhlizə sərmayə yatırır. Əlavə tərəfdaşlar da gəlib bu imkanlardan faydalana bilərlər”.
14-06-2025, 13:20
İsrail İrana qarşı hərbi əməliyyatları genişləndirir
İsrail ordusu İranda əməliyyatını genişləndirir.
Bunu İsrail baş nazirinin müşaviri Dmitri Gendelman bildirib.
O qeyd edib ki, zərbələr ballistik raket buraxılış qurğuları, hərbi bazalar və strateji infrastruktur da daxil olmaqla onlarla əsas obyektə endirilib.
"Uzun müddətli kəşfiyyat işləri və son ayların məlumatları təsdiqləyir ki, Tehran sistematik olaraq İsraili məhv etməyə çalışır. Biz qətiyyətlə hərəkət edirik - təhlükəsizliyimiz və mövcud olmaq hüququmuz naminə", - cənab Gendelman teleqram kanalında yazıb.
Onun açıqlamasından qısa müddət sonra İran mediası İranın şimal-qərbində partlayışlar barədə məlumat verməyə başladı. "Press TV" Təbrizdə güclü partlayışlar barədə məlumat yayıb.
İyunun 13-də İsrail aviasiyası şəhərdəki neft emalı zavoduna və hava limanına hücum edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!