7-07-2025, 20:40
Xocalı cəlladı HƏBS EDİLİR?
Ermənistan parlamentində müxalif "Hayastan" blokunun rəhbəri Seyran Ohanyan və fraksiyanın katibi Arçvik Minasyan barəsində cinayət təqibinə başlanılması ilə bağlı səsvermə keçirilib.
Səsvermə zamanı 59 deputat parlamentin qərarını dəstəkləyib.
Əli yüzlərlə azərbaycanlının qanına bulaşmış Seyran Ohanyanla yanaşı, "Hayastan" fraksiyasının katibi Arçvik Minasyanın da deputat toxunulmazlığı ləğv edilib.
Qeyd edək ki, Seyran Ohanyan 2000-2007-ci illərdə Qarabağdakı keçmiş qondarma rejimin, 2008-2016-cı illərdə Ermənistanın müdafiə naziri olub. Birinci və İkinci Qarabağ müharibələrində iştirak edən S.Ohanyan Xocalı soyqırımını törədənlərdən biridir. 44 günlük müharibədə isə o, qondarma rejimin “prezident”inin hərbi məsləhətçisi kimi Şuşanın müdafiəsinə rəhbərlik etmişdi.
Cinayət işləri çərçivəsində S. Ohanyana qarşı irəli sürülən ittihamlar onun müdafiə naziri olduğu dövrə aiddir. İstintaqın məlumatına görə, Ohanyan Geqarkunik vilayətinin Draxdik kəndində yerləşən, “Sevan” Milli Parkının balansında olan 10,5 min kvadratmetrlik torpaq sahəsini qanunsuz olaraq mənimsəyib və həmin ərazidə dövlət büdcəsi hesabına şəxsi villa tikdirib.
A.Minasyana isə 2016–2018-ci illərdə, ətraf mühit naziri olduğu dövrdə bu qanunsuzluqlara hüquqi qiymət vermədiyi, əksinə, Ohanyanın hərəkətlərini ört-basdır etməyə kömək etdiyi iddia olunur.
Bildirilib ki, Minasyan Ohanyana yaxın şəxslərə tikinti üçün icazə verib və bir sıra sənədlərin saxtalaşdırılmasına şərait yaradıb.
7-07-2025, 20:33
Trampa sui-qəsdi dəstəkləməmişik - Pezeşkian
"İran hakimiyyəti ABŞ Prezidenti Donald Trampa qarşı sui-qəsd cəhdlərini heç vaxt dəstəkləməyib".
Bunu İran Prezidenti Məsud Pezeşkian amerikalı jurnalist Taker Karlsona müsahibəsində deyib.
Xatırladaq ki, Netanyahu iyun ayında "Fox News"a verdiyi müsahibədə Tehranın Prezident Trampı əsas düşmən hesab etdiyini və Amerika liderinin İranın nüvə proqramına qarşı çıxdığı üçün onu öldürməyi planlaşdırdığını iddia edib.
7-07-2025, 19:58
General Xəlil Arslanova 17 il həbs
Rusiyanın Qarnizon Hərbi Məhkəməsi ölkənin Silahlı Qüvvələrinin Baş Qərargah rəisinin keçmiş müavini, general-polkovnik Xəlil Arslanovu rüşvətxorluq və dələduzluğa dair cinayət işi üzrə 17 il müddətinə azadlıqdan məhrum edib.
Bu barədə TASS-ın müxbiri məhkəmə zalından məlumat verib.
Məhkəmə Arslanovu Rusiya Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq), Rusiya Cinayət Məcəlləsinin 290-cı maddəsinin 6-cı hissəsi (xüsusilə külli miqdarda rüşvət alma) ilə təqsirli bilib və barəsində cəzasını ciddi rejimli koloniyada çəkməklə 17 il müddətinə azadlıqdan məhrumetmə hökmü çıxarıb.
Arslanov həmçinin 24 milyon rubldan çox (təxminən 518 500 min manat - red.) cərimələnib.
7-07-2025, 19:33
Sürücülərin nəzərinə! - Bu küçələrə yenilik var
Azərbaycan Yerüstü Nəqliyyat Agentliyi (AYNA) tərəfindən avtobus zolaqlarında minik avtomobillərinin sərnişinləri rahat şəkildə mindirib-düşürməsini təmin etmək məqsədilə xüsusi yerlərin yaradılması davam etdirilir.
AYNA-dan bildirilib ki, növbəti belə yerlər 8 Noyabr prospektindəki 4 ünvanda (“Zəfər parkı”nın yaxınlığı, 2 saylı “ASAN xidmət” mərkəzi ilə üzbəüz, 59 nömrəli orta məktəbin yanındakı yerüstü piyada keçidinin yaxınlığı və onunla üzbəüz ərazi) təşkil edilib və müvafiq lövhə yerləşdirilib.
Qeyd edək ki, bundan əvvəl 5 məntəqədə - Yusif Səfərov və Rəşid Behbudov küçələrində, həmçinin Rəşid Behbudov və Mikayıl Rəfili, 28 May və Fikrət Əmirov küçələrinin kəsişməsində, Neftçilər prospektində (Azərbaycan Dövlət Kukla Teatrının yaxınlığında) minib-düşmə yerləri sərnişinlərin ixtiyarına verilib.
Məqsəd avtobus zolaqlarında ictimai nəqliyyatın hərəkətinə mane olmadan sərnişinlərin minib-düşməsinə imkan yaratmaqdır. Minib-düşmə yerlərindən istifadə zamanı ictimai nəqliyyatın hərəkətinə şərait yaradılmalı, minib-düşmələr ən qısa vaxtda yerinə yetirilməli, təhlükəsizlik və manevretmə qaydalarına əməl edilməlidir.
7-07-2025, 19:03
Paraşütlə qayalara çırpılan qadınla bağlı yeni TƏFƏRRÜAT
İyulun 7-də Siyəzən rayonunda, “Beşbarmaq piri” adlanan ərazidə paraşütlə qayalara çırpılaraq həyatını itirən Məcidova Nuranə Tofiq qızı Bakıda yaşayırmış.
Bakı şəhərinin Nəsimi rayonunda yaşayan 1989-cu il təvəllüdlü qadın dağın zirvəsindən paraşütlə uçan zaman küləyin istiqamətini düzgün tənzimləməyərək, idarəetməni itirdiyindən qayalıqlara çırpılaraq ölüb.
Onun əvvəllər də paraşütlə tullanma ilə məşğul olduğu bildirilir.
Faktla əlaqədar əməliyyat-istintaq qrupu və rayon prokurorluğunun əməkdaşları tərəfindən hadisə yerinə baxış keçirilib.
Məcidova Nuranə Tofiq qızının cəsədi müayinə olunması üçün aidiyyəti üzrə Şabran Rayon Mərkəzi Xəstəxanasına göndərilib.
Faktla bağlı Siyəzən Rayon Prokurorluğunda araşdırma aparılır.
***
17:58
Siyəzəndə qadın paraşütlə qayaya çırpılaraq ölüb.
Hadisə Beş Barmaq dağında qeydə alınıb.
Belə ki, 1989-cu il təvəllüdlü Nuranə Məcidova paraşütlə eniş edərkən qayaya çırpılıb və hadisə nəticəsində ölüb.
Faktla bağlı araşdırma aparılır.
7-07-2025, 18:43
Rusiya ilə bağlı bu xəbər yalandır
Azərbaycan Rusiya ilə mədəniyyət sahəsində ikitərəfli əməkdaşlığın təbliği ilə bağlı təşəbbüs irəli sürməyib.
Bu barədə Mədəniyyət Nazirliyi məlumat yayıb.
Bildirilib ki, son günlər bəzi informasiya resurslarında və sosial media platformalarında Azərbaycan Mədəniyyət Nazirliyinin guya Rusiya ilə mədəniyyət sahəsində ikitərəfli əməkdaşlığın təbliği ilə bağlı təşəbbüs irəli sürdüyünə dair saxta sənəd yayılıb:
"Bu saxta sənədin Mədəniyyət Nazirliyi ilə heç bir əlaqəsi yoxdur. Nazirlik belə bir sənəd hazırlamayıb və yaymayıb".
7-07-2025, 18:09
Dünyanın ən çox satılan avtomobilləri
2024-cü ilin ilk yarısında qlobal avtomobil bazarında dəyişikliklər yaşanıb. 2023-cü ilin ən çox satılan avtomobili olan Tesla Model Y, bu il liderliyini itirərək ikinci sıraya düşüb.
Toyota RAV4 isə 0,16% fərqlə Model Y-ni geridə qoyaraq 2024-cü ilin ən çox satılan avtomobili olub.
Toyota RAV4-ün hibrid və plug-in hibrid modelləri bazarda böyük maraqla qarşılanıb. Ətraf mühitə dost texnologiyalarla istehlakçıların diqqətini cəlb edən bu modellər RAV4-ün zirvəyə qalxmasında mühüm rol oynayıb. Yüksək yanacaq qənaəti və müasir dizaynı ilə də RAV4-ə böyük tələbat var.
Tesla Model Y-nin satışlarında müşahidə olunan azalma əsasən yeni versiyasının təqdimatı ilə bağlı gözləmələrdən qaynaqlanır. Alıcıların bu ilki modelə marağını azaldıb. Eyni zamanda Tesla-nın rəhbəri Elon Musk-ın bəzi siyasi açıqlamaları da markanın bazardakı imicinə mənfi təsir göstərib.
Bununla yanaşı, Tesla Model 3 sedanı, 2024-cü ilin ən çox satılan 10 avtomobili arasında 9-cu sırada yer alıb. Model 3-ün satışları 10 faiz artıb. Həmçinin, Çin istehsalı BYD Qin plug-in hibrid modeli də ilk 10-a daxil olaraq bazarda diqqət çəkib.
2024-cü ilin qlobal avtomobil bazarında elektrikli və hibrit texnologiyaların artan populyarlığı RAV4-ün liderliyə yüksəlməsinin əsas səbəblərindən biri olub.
7-07-2025, 17:44
Rusiyalı nazir Bakıdadır - Rəsmi qurumlar şərh vermir
Rusiyanın fövqəladə hallar naziri Aleksandr Kurenkov Beynəlxalq Mülki Müdafiə Təşkilatının iclasında iştirak etmək üçün Bakıya gedib.
Bu barədə Rusiya Fövqəladə Hallar Nazirliyinin mətbuat xidmətinin məlumatında bildirilib. Qeyd edilib ki, rusiyalı nazirin Bakıda digər ölkələrdən olan həmkarları ilə ikitərəfli görüşlər keçirməsi planlaşdırılır.
Qeyri-rəsmi məlumatlara görə, Aleksandr Kurenkov Bakıda Rusiya-Azərbaycan münasibətlərindəki gərginliklə bağlı da müzakirələr aparacaq. Bəzi Teleqram kanalları Kurenkov prezident Vladimir Putinin şəxsi mesajını Bakıya çatdıracağını iddia edib.
Azərbaycanın rəsmi qurumları bunu şərh etmək istəməyiblər.
7-07-2025, 17:36
Çimərlikdə tikinti aparan şəxs məsuliyyətə cəlb olundu
Bakının Xəzər rayonunda keçirilən tədbir zamanı Buzovna qəsəbəsində çimərlik ərazisində bir nəfər tərəfindən tikinti işləri aparılması aşkar olunub.
Bu barədə Daxili İşlər Nazirliyindən məlumat verilib.
Bildirilib ki, özbaşına tikinti işləri apardığına görə həmin şəxs barəsində inzibati tədbir görülüb.
7-07-2025, 17:23
Ərdoğan Öcalanın nümayəndələrini qəbul edib - Yenilənib
Prezident Rəcəb Tayyib Ərdoğanla kürd yönümlü DEM Partiyasının üzvləri - Türkiyə Böyük Millət Məclisinin deputatları Pərvin Buldan və Mithat Sancarın görüşü başa çatıb.
Prezident sarayında keçirilən qəbul 1 saat davam edib.
***
Prezident Rəcəb Tayyib Ərdoğan kürd yönümlü DEM Partiyasının üzvləri - Türkiyə Böyük Millət Məclisinin (TBMM) sədr müavini və deputat Pərvin Buldan ilə Şanlıurfadan seçilmiş deputat Mithat Sancarı Prezident sarayında qəbul edib.
Görüş Türkiyə saatı ilə 15:00-da başlayıb.
Görüşdə AK Partiyasının sədr müavini Efkan Ala və Milli İstihbarat Təşkilatının sədri İbrahim Kalın da iştirak edirlər.
Xatırladaq ki, DEM Partiyasının liderləri bazar günü terrorçu Kürdüstan Fəhlə Partiyasının (PKK) həbsdə olan lideri Abdullah Öcalanla "məhsuldar görüş" keçiriblər.
Partiyanın görüşlə bağlı bəyanatında deyilir ki, Öcalanın “sağlamlığı və əhvalı yaxşıdır” və sülh prosesinin “yeni mərhələyə qədəm qoyduğuna” inanır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!