9-10-2023, 17:33
Milli Məclisin sədri Ruminiyada səfərdədir
Milli Məclisin sədri Sahibə Qafarovanın başçılığı ilə parlament nümayəndə heyəti Rumıniyanın paytaxtı Buxarest şəhərinə rəsmi səfərə gəlib.
Bu barədə Milli Məclisin Mətbuat və ictimaiyyətlə əlaqələr şöbəsi məlumat yayıb.
Nümayəndə heyətinə Milli Məclisin Rumıniya ilə parlamentlərarası əlaqələr üzrə işçi qrupunun rəhbəri Azay Quliyev, qrupun üzvləri - parlamentin komitə sədri Musa Quliyev, deputat Aqiyə Naxçıvanlı və digər rəsmi şəxslər daxildirlər.
Buxarestin “Henri Koanda” Beynəlxalq Hava limanında nümayəndə heyətini Rumıniya Parlamenti Deputatlar Palatasının sədr müavini Vasile-Daniel Suşu, Azərbaycanın Rumıniyadakı səfiri Hüseyn Nəcəfov və digər rəsmi şəxslər qarşılayıblar.
9-10-2023, 17:22
Azərbaycanın sədrliyiylə İƏT üzv dövlətlərin görüşü keçirildi
Bu gün Azərbaycan Respublikasının sədrliyi altında İqtisadi Əməkdaşlıq Təşkilatının (İƏT) üzv dövlətlərinin yüksək səviyyəli rəsmilərinin görüşü keçirilib.
Bu barədə Xarici İşlər Nazirliyindən məlumat verilib.
Görüş Azərbaycan Respublikasının xarici işlər nazirinin müavini Yalçın Rəfiyevin sədrliyi altında baş tutub.
Görüş zamanı sabah Şuşa şəhərində keçiriləcək İƏT-in xarici işlər nazirləri şurasının 27-ci iclasına hazırlıq və təşkilatçılıq məsələləri, habelə tədbirin gündəliyində duran sənədlər müzakirə olunub.
9-10-2023, 17:14
Zelenski NATO-nun Kopenhagendə keçirilən iclasında çıxış etdi
Ukrayna Prezidenti Volodimir Zelenski NATO Parlament Assambleyasının Kopenhagendə keçirilən plenar iclasında çıxış edib.
Bu barədə "Ukrinform" məlumat yayıb.
"Bəzən terrorçu liderlər deyirlər ki, beynəlxalq nizam hansı qaydalara əsaslanır? Görünür, başa düşmürlər.
Bunlar çox sadə qaydalardır. Qadınları zorlamayın. öldürməyin. Uşaqlara kubok kimi yanaşmayın. Şəhərləri, kəndləri qanla doldurmayın, mülki insanların olduğu maşınlara atəş açmayın. Raket və dronlarla dinc şəhərlərə hücum etməyin. Və daha bir qayda: istənilən şəraitdə terrorçular və onlara kömək edən hər kəs ədalət qarşısında cavab verməlidirlər. Həyatın və beynəlxalq hüququn qorunmasında hər kəs fəal olmalıdır! Terrora heç bir şans verilməməlidir", - deyə o çıxışında bildirib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
9-10-2023, 17:05
Avropa İttifaqı Fələstinə yardımı dayandırdığını elan etdi
Avropa İttifaqı (Aİ) Fələstinə yardımı dayandırdığını bildirib.
Bu barədə Avropa Komissiyası məlumat yayıb.
Buna səbəbin İsraillə HƏMAS arasında müharibənin olduğu güman edilir.
Qeyd edək ki, bu ilin fevralında Aİ Fələstinə 199 milyon avroluq maliyyə yardımı ayırdığını açıqlamışdı.
9-10-2023, 16:51
İsrail naziri Qəzza zolağına suyun verilməsini dayandırdı
İsrailin energetika naziri İsrael Kats Qəzza zolağına suyun verilməsini dayandırmaq barədə göstəriş verib.
Bu barədə “The Times of Israel” məlumat yayıb.
“İsraildən Qəzza zolağına su təchizatının dərhal dayandırılması ilə bağlı göstəriş vermişəm”, - deyə nazir bildirib.
O, həmçinin, Qəzzanın elektrik enerjisi və yanacaq təchizatının da kəsildiyini qeyd edib.
Xatırladaq ki, İsrailin müdafiə naziri Yoav Qalant Qəzzanın tam blokadaya alınması ilə bağlı göstəriş verərək, qida və enerji təchizatının da dayandırılacağını deyib.
9-10-2023, 16:29
Vardanyanın məhkəməyə şikayəti rədd edildi
Bir neçə gün əvvəl həbs edilmiş seperatçı rejimin "dövlət naziri" Ruben Vardanyanla bağlı həbs qərarından şikayət verilib.
R.Vardanyanın vəkili Afət Qazıyeva müvakkili barəsində seçilmiş həbs qətimkan tədbirinin ləğv edilməsini istəyib.
Şikayətə Bakı Apellyasiya Məhkəməsində hakim Habil Məmmədovun sədrliyi ilə baxılıb.
Məhkəmə birinci instansiya məhkəməsinin qərarını əsaslı sayaraq, şikayəti rədd edib.
Qeyd edək ki, R.Vardanyan Azərbaycan Dövlət Təhlükəsizliyi Xidməti tərəfindən həbs edilib.
Ona qarşı Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittihasm irəli sürülüb, barəsində həbs qərimkan tədbiri serçilib.
9-10-2023, 16:27
Rusiyadan Zəngəzur dəhlizinə yeni ad
“Bu il iyulun 2-də Ermənistan Respublikası Baş nazirinin müavini Mher Qriqoryanın, Rusiya Federasiyası Baş nazirinin müavini Aleksey Overçukun və Azərbaycan Respublikası Baş nazirinin müavini Şahin Mustafayevin iştirakı ilə üçtərəfli işçi qrupunun sonuncu iclası keçirilib. Tərəflər Cənubi Qafqazda nəqliyyat kommunikasiyalarının açılması ması istiqamətində nəzərəçarpacaq irəliləyiş əldə ediblər”.
Bu barədə Rusiya xarici işlər nazirinin müavini Mixail Qaluzin RBC-yə müsahibəsində nəqliyyat kommunikasiyalarının açılması üzrə üçtərəfli işçi qrupunun fəaliyyəti barədə danışarkən bildirib.
Bölgədə kommunikasiyaların açılmasından danışan Rusiya Federasiyası xarici işlər nazirinin müavini “Meğri marşrutu” ifadəsini işlədib.
“Axı biz Ermənistan ərazisindən keçən dəmir yolundan danışırıq, ona görə də mən “Meğri marşrutu” adından istifadə etmək istərdim. Bəli, Azərbaycanda buna “Zəngəzur dəhlizi” deyirlər.
Deyək ki, “Meğri marşrutu” formulası hər kəsə uyğundur, biz azərbaycanlı və erməni tərəfdaşlarımıza razılığa gəlməkdə fəal kömək edirik. Biz inanırıq ki, bu saziş Zaqafqaziyada ümumi sabitləşmə üçün çox mühüm amil olacaqdır. Bu, bütün Zaqafqaziya dövlətlərinin iqtisadi inkişafına töhfə verəcək, çünki bu halda Ermənistanın nəqliyyat-logistika mərkəzinə çevrilmək, Azərbaycan, Türkiyə və Rusiya ilə nəqliyyat əlaqələrini gücləndirmək və genişləndirmək imkanı olacaq. Azərbaycan ölkənin iki bölgəsi arasında fasiləsiz ritmik nəqliyyat əlaqəsinə malik olmaq imkanı əldə edəcək. Zaqafqaziyada vəziyyətin ümumi sabitləşməsi isə Ermənistanla Azərbaycan arasında gələcək üçün etimadın əsaslarının möhkəmlənməsinə xidmət edəcək. Beləliklə, biz üçtərəfli işçi qrupu çərçivəsində bu məsləhətləşmələri daha da inkişaf etdirmək əzmindəyik”, - Qaluzin bildirib.
9-10-2023, 16:09
Lavrov: "Rusiya İsrail və Fələstini döyüşləri dayandırmağa çağırır"
"Rusiya İsrail və Fələstini döyüşləri dayandırmağa çağırır".
Bunu ölkənin XİN başçısı Sergey Lavrov deyib.
"Moskva münaqişə zamanı yüzlərlə israilli və fələstinlinin həlak olmasından narahatdır. Biz bütün formalarda və təzahürlərdə zorakılığı pisləyirik və hər kəsi bütün hərbi əməliyyatların dayandırılmasını müdafiə etməyə çağırırıq", - nazir vurğulayıb.
Xatırladaq ki, Fələstin-İsrail gərginliyi davam etməkdədir.
9-10-2023, 15:57
İsraildə azərbaycanəsilli hərbçi öldü
İsraildə azərbaycanəsilli hərbçi həlak olub.
“Baku TV”nin məlumatına görə, İsrail ordusunun zabiti, Azərbaycanın Sumqayıt şəhərindən olan 36 yaşlı Emin Axundov Beer-Şeva şəhərində gedən döyüşlərdə həyatını itirib.
Emin Axundovun valideynləri, bacısı, həyat yoldaşı və iki övladı qalıb.
Dəfn mərasimi Beer-Şeva hərbi qəbiristanlığında baş tutub.
9-10-2023, 15:49
İzmirdə güclü meşə yanğını başladı
Türkiyənin İzmir şəhərinin Bayındır rayonunda güclü meşə yanğını başlayıb.
Yanğının söndürülməsi üçün əraziyə 6 təyyarə, 8 helikopter, 25 su tankeri, 7 su təchizatı maşını və 5 buldozer cəlb olunub.
Yanğının söndürülməsi istiqamətində işlər davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!