18-10-2023, 16:53
Kral İlham Əliyevə təbrik məktubu göndərdi
İki Müqəddəs Ocağın Xadimi, Səudiyyə Ərəbistanının Kralı Salman bin Əbdüləziz Al Səuddan Azərbaycan Prezidenti İlham Əliyevə təbrik məktubu gəlib.
Məktubda deyilir:
"Əs-səlamu əleykum və rəhmətullahi və bərəkətuhu.
Ölkənizin Müstəqilliyinin Bərpası Günü münasibətilə Zati-alinizə ən səmimi təbriklərimizi çatdırırıq.
Sizə cansağlığı və xoşbəxtlik, qardaş Azərbaycan Respublikasının hökumətinə və xalqına davamlı inkişaf və rifah arzu edirik.
Zati-alinizə xoş arzularımızı və ehtiramımızı bildiririk".
18-10-2023, 16:51
XİN Başçısı İsrail-Fələstin münaqişəsindən danışdı
Azərbaycanın xarici işlər naziri Ceyhun Bayramov bu gün İsrail-Fələstin münaqişə zonasında baş verən son hadisələrlə bağlı İslam Əməkdaşlıq Təşkilatının İcraiyyə Komitəsinin nazirlər səviyyəsində keçirilən növbədənkənar iclasında iştirak edib.
Səudiyyə Ərəbistanı Krallığının Ciddə şəhərində keçirilən iclasda çıxış edən nazir, Azərbaycanın son hadisələrdən və İsrail-Fələstin münaqişəsi zonasında artan eskalasiyadan dərin narahatlığını vurğulayıb.
XİN rəhbəri, təcili de-eskalasiyaya və hərbi əməliyyatların dərhal dayandırılmasına çağırış edib.
18-10-2023, 16:46
Oğul Koçaryanın vəkili: "Məhkəmənin hərəkətləri qanunsuzdur"
"Məhkəmənin hərəkətləri qanunsuzdur".
Bunu Ermənistanın sabiq prezidenti Robert Koçaryanın oğlu Levonun vəkili Erik Aleksanyan jurnalistlərə müvəkkilinə qarşı məhkəmə prosesi haqqında danışarkən söyləyib.
O bildirib ki, hakim bu gün müdafiəçilərin bütün vəsatətlərini rədd edib: "O, imtinaya və açıq iclas keçirməyə razı olmayıb. Məhkəmə və istintaq zamanı baş verənlərin hüquq və ədalətlə heç bir əlaqəsi yoxdur".
Qeyd edək ki, oğul Koçaryan sentyabrda müxalifətin Ermənistan hakimiyyətinə qarşı itaətsizlik aksiyalarından birində saxlanılıb.
18-10-2023, 16:39
İsrail və HƏMAS arasındakı münaqişə fərqli bir müharibədir - Bayden
İsrail və HƏMAS arasındakı münaqişə fərqli bir müharibədir.
Bunu İsrailə səfər etmiş ABŞ prezidenti Co Baydenlə görüşən Benyamin Netanyahu söyləyib.
İsrailin baş naziri Benyamin Netanyahu ölkəsi ilə Qəzza zolağında Fələstinin Həmas hərəkatı arasında münaqişənin çətin və uzunmüddətli olacağını deyib.
Netanyahu, həmçinin qeyd edib ki, İsrail Qəzza zolağında saxlanılan girovların azad edilməsi üçün işi davam etdirəcək və Fələstin anklavında mülki itkiləri minimuma endirmək üçün səylərini davam etdirəcək.
18-10-2023, 16:29
Şuşada seysmik stansiya istifadəyə veriləcək
Türkiyə Daxili İşlər Nazirliyinin tabeliyindəki Təbii Fəlakətlər və Fövqəladə Halların İdarə Edilməsi İdarəsi (AFAD) Agentliyinin (AFAD) AMEA nəzdində Respublika Seysmoloji Xidmət Mərkəzinə (RSXM) hədiyyə etdiyi quyudibi seysmik stansiyanın quraşdırılması istiqamətində texniki işlər davam etdirilir.
Bununla bağlı RSXM-nin Beynəlxalq əlaqələr şöbəsinin müdiri Telman Cəfərov Şuşada səfərdə olub.
Hazırda quyudibi stansiyanın yerləşdiriləcəyi quyunun qazılması prosesi davam edir. Şuşa seysmik stansiyasının bu ilin sonuna qədər istifadəyə verilməsi nəzərdə tutulur.
Qeyd edək ki, RSXM tərəfindən Qarabağda, eləcə də digər ətraf rayonlarda da seysmik və geofiziki stansiyasının quraşdırılması nəzərdə tutulur və hazırda bu istiqamətdə işlər davam etdirilir.
18-10-2023, 16:22
Misir fələstinli qaçqınları qəbul etməkdən imtina etdi
Misir Qəzzadan olan fələstinli qaçqınları qəbul etməkdən imtina edib.
Misir prezidenti Əbdəlfəttah əl-Sisi onları İsrail səhrasında yerləşdirməyi təklif edib.
O, Almaniya kansleri Olaf Şoltsla keçirdiyi mətbuat konfransında deyib ki, Qəzzadan Misirə insanların göndərilməsi ideyasını reallaşdırmaq mümkün deyil. Sisinin sözlərinə görə, bu halda Sinay yarımadasının “İsrailə qarşı terror hücumları üçün yeni bazaya” çevrilməsi riski var. Daha sonra o, qaçqınların yerləşdirilməsi üçün İsrailin Negev səhrasından istifadə etməyi təklif edib.
Kansler Almaniyanın Misirin İsraillə HƏMAS terror təşkilatı arasında münaqişəni azaltmaq səylərini dəstəkləyəcəyini bildirib. O, Qəzza zolağının sakinlərinə təcili humanitar yardımın göstərilməsinin vacibliyini də bəyan edib.
“Fələstinlilər HƏMAS deyil və onların fələstinlilər adından danışmağa haqqı yoxdur”, - kansler vurğulayıb.
18-10-2023, 16:17
Tramp baş vermiş hadisələrdə Baydeni günahlandırdı
HƏMAS və İranın yüksəlişinin səbəbi Baydenin səriştəsizliyi və zəifliyidir.
Bunu ABŞ-ın keçmiş prezidenti Donald Tramp deyib.
Tramp Baydenin atdığı hər addımda ABŞ-ın bütün dünyada düşmənlərini gücləndirdiyini və onlara güvən verdiyini vurğulayıb.
“Bu, xüsusilə də HƏMAS terror qruplaşması və onların qatil sponsoru, İrandakı bədxah rejim üçün doğrudur”, - o söyləyib. Tramp buna misal olaraq İranla Çinin yaxınlaşmasını, eləcə də İran iqtisadiyyatının güclənməsini qeyd edib. O, Tehranın gündə üç milyon bareldən çox neft hasil etdiyini vurğulayıb.
18-10-2023, 15:43
Raketlərlə bağlı İrana qoyulan qadağa bu gün başa çatır
BMT-nin ballistik raketlərlə bağlı İrana qoyduğu qadağa bu gün başa çatır.
Bu barədə İran xarici işlər nazirinin müavini Əli Bakıri "X" platformasında açıqlama verib.
"BMT Təhlükəsizlik Şurasının 2231 saylı fərmanı çərçivəsində İrana qarşı tətbiq edilən ədalətsiz ballistik raketlərə qarşı tətbiq edilən embarqo oktyabrın 18-də başa çatır. İran artıq BMT Təhlükəsizlik Şurası çərçivəsində heç bir məhdudiyyətə məruz qalmır", - deyə o bildirib.
Qeyd edək ki, sözügedən fərman İranın ballistik raket fəaliyyətlərinə qarşı bir sıra sanksiyaları əhatə edir. Sanksiyaların başa çatması İrana ballistik raket fəaliyyətlərində öz inventarını inkişaf etdirmək və yeniləmək imkanı verir.
18-10-2023, 15:19
Paşinyan Rusiyayla bağlı çıxış etdi
Ermənistanın baş naziri Nikol Paşinyanın dünən Fransanın Strasburq şəhərinə səfəri çərçivəsində Avropa Parlamentindəki çıxışında ölkənin müttəfiqlərini hərəkətsizlikdə ittiham etməsindən sonra onun komandasından olan bəzi şəxslər ritorikanı yumşaltmağa çalışırlar.
Bu barədə Ermənistan mətbuatına və bu ölkənin rəsmi şəxslərinin çıxışına nəzər salıb.
Belə ki, Ermənistan parlamentinin xarici əlaqələr komissiyasının rəhbəri Sarqis Xandanyan bəyan edib ki, Ermənistan Avrasiya İqtisadi İttifaqı və Kollektiv Təhlükəsizlik Müqaviləsi Təşkilatından çıxmaq məsələsini müzakirə etmir.
O əlavə edib ki, Rusiyanın dövlət kanallarında ekspertlər Ermənistanda hakimiyyətin dəyişdirilməsinə çağırır: "Bu ritorikaya diqqətlə nəzər yetirsəniz, aydındır ki, bu məqsədlə küçələrə çıxmağa çağırış var. Ermənistanın təhlükəsizlik üzrə müttəfiqlərinin ölkədə demokratik hökuməti devirmək çağırışlarına diqqət çəkən baş nazir məhz bu barədə danışıb".
Ermənistan xarici işlər nazirinin müavini Paruyr Hovanisyan isə Ermənistanın müttəfiqlərinə qarşı ittihamlarla bağlı deyib ki, Paşinyan Avropa Parlamentində konkret ölkənin adını çəkməyib: "Bəyanatda konkret bir ölkə qeyd olunmayıb. O, bəzi müttəfiqlərimizdən danışıb... Birinci hissədə məyusluqdan danışıb, lakin konkret müttəfiq göstərilməyib".
Hovanisyan fikrini belə davam etdirib: "Baş nazir yalnız onu dedi ki, Ermənistanda demokratiya eyni ssenari üzrə ciddi zərbələr alıb və almaqda davam edir. Sülhməramlılara gəlincə, Ermənistanın onların bəzi hərəkətlərindən məyus olması dəfələrlə dilə gətirilib".
XİN başçısının müavini vurğulayıb ki, Ermənistan və Avropa İttifaqı münasibətlərində sensasiyalı heç nə baş verməyib. Paruyr Hovanisyan jurnalistlərə bildirib ki, Aİ islahatlar baxımından Ermənistanın ən mühüm tərəfdaşı olaraq qalır və baş nazirin sözləri ölkənin bu münasibətləri dərinləşdirmək siyasətini təsdiqləyir.
Moskvanın deyilənlərə reaksiyasına gəlincə, nazir müavini hər kəsin hər şeyi eşitdiyini xatırladaraq, bu barədə şərh verməkdən imtina edib.
Qeyd edək ki, Moskvadakı yüksək rütbəli mənbə "RİA Novosti"yə bildirmişdi ki, Paşinyanın Avropa Parlamentindəki çıxışını Rusiya və Rusiya-Ermənistan münasibətləri ilə bağlı məsuliyyətsiz və təxribat xarakterli çıxış kimi qiymətləndirir.
Xatırladaq ki, Paşinyan Avropa Parlamentində müttəfiqlərin hərəkətsizliyindən şikayətlənib. Onun fikrincə, bu, Ermənistanın suverenliyinə əsas təhdidlərdən biridir: "Xarici qüvvələr hibrid texnologiyalardan istifadə etməklə Ermənistanda daxili qeyri-sabitlik yaratmağa çalışıblar".
Ermənistan baş naziri Qarabağdakı Rusiya sülhməramlılarını da hərəkətsizlik nümayiş etdirməkdə günahlandırıb.
18-10-2023, 15:06
Xaçaturyanın növbəti məhkəmə tarixi bəlli oldu
Qanunsuz erməni silahlı birləşmələrinin üzvləri tərəfindən 1991-ci il dekabrın 22-də Xocalı rayonunun Meşəli kəndində soyqırımı törədənlərdən biri - Xaçaturyan Vaqif Çerkezinin cinayət işi üzrə oktyabrın 18-də növbəti məhkəmə iclası keçirilib.
Yasamal Rayon Məhkəməsinin inzibati binasında Bakı Hərbi Məhkəməsinin hakimi Zeynal Ağayevin sədrliyi ilə keçirilən məhkəmə iclasında Vaqif Xaçaturyanın hüquqlarını Azərbaycan Respublikası Vəkillər Kollegiyasının üzvü Radmila Abılova müdafiə edib. Vaqif Xaçaturyan məhkəmə prosesində tərcüməçi ilə təmin olunub.
Məhkəmə prosesində zərərçəkmiş şəxslər ifadə verib, V.Xaçaturyanın Meşəlidə və ətraf ərazilərdə öz dəstəsi ilə törətdiyi cinayətlərdən danışıblar. Zərərçəkənlər təqsirləndirilən şəxsə ən ağır cəzanın verilməsini tələb ediblər.
Məhkəmənin növbəti iclası oktyabrın 24-də keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!