24-10-2023, 18:26
Ceyhun Bayramov Rusiya XİN-in xüsusi nümayəndəsini qəbul etdi
Bu gün Azərbaycanın xarici işlər naziri Ceyhun Bayramov Rusiya xarici işlər nazirinin Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib.
XİN-dən verilən xəbərə görə, görüşdə Azərbaycan və Ermənistan arasında sülh prosesinin perspektivləri, regionda mövcud vəziyyət və son inkişaflar, eləcə də Tehranda “3+3” regional platforması çərçivəsində keçirilmiş görüşün nəticələri müzakirə olunub.
Nazir Ceyhun Bayramov, öhdəliklərə zidd olaraq son 3 il ərzində Azərbaycan ərazisindən çıxarılmayan qanunsuz erməni silahlı qüvvələrinə qarşı həyata keçirilmiş anti-terror tədbirləri nəticəsində Azərbaycanın öz suveren ərazilərinə nəzarəti tam olaraq təmin etməsindən sonra, Azərbaycanla Ermənistan arasında sülh müqaviləsinin qısa müddətdə razılaşdırılması üçün real şansların olduğunu diqqətə çatdırıb.
Qarabağın erməni sakinlərinin Azərbaycanın qanunvericiliyi çərçivəsində ölkəmizin ərazisində Azərbaycan vətəndaşı kimi yaşaması üçün bütün imkanların yaradıldığı, bunun üçün reinteqrasiya məqsədilə müvafiq portalın fəaliyyət göstərdiyi qeyd edilib.
Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
24-10-2023, 17:47
Gürcü nazirdən Lavrova: “Rusiyadan belə bəyanatı birinci dəfə eşitmirik”
Gürcüstanın ərazilərini işğal edən ölkənin təmsil olunduğu formatda iştirak etməyimiz istisnadır.
Bunu Gürcüstan parlamentinin sədri Şalva Papuaşvili bildirib.
Papuaşviliyə Rusiyanın xarici işlər naziri Sergey Lavrovun bəyanatına münasibət bildirərkən qeyd edib ki, Gürcüstanın şərtləri məlumdur və Rusiya işğal etdiyi ərazilərdən çəkilməlidir.
“İlk addım Gürcüstan ərazilərinin işğaldan azad edilməsidir. Biz Rusiyadan belə bəyanatı birinci dəfə eşitmirik. Bizim mövqeyimiz də onlara aydındır. Müəyyən qruplar üçün simvolizm və nömrələrlə adlandırılması yalnız sıxıcı ola bilər. Biz buna sakit yanaşırıq, çünki bizim şərtlərimiz məlumdur və bu, Gürcüstan ərazilərinin işğaldan azad edilməsidir”, - Şalva Papuaşvili bildirib.
Qeyd edək ki, Larov dünən Tehranda keçirilən "3+3" görüşündən sonra deyib ki, Gürcüstan hökumətinin hərəkətləri milli maraqlara əsaslanır: "Bu, yaxın gələcəkdə tam hüquqlu 3+3 formatının istifadəyə verilə biləcəyini güman etməyə əsas verir”.
24-10-2023, 17:24
Paşinyan Roma Papası tərəfindən təltif olundu
Baş nazir Nikol Paşinyan Ermənistanda diplomatik fəaliyyətini başa vuran Müqəddəs Taxt-Tacın apostol nunsisi, arxiyepiskop Xose Avelina Betankuru qəbul edib.
Bu barədə baş nazirin mətbuat xidməti məlumat yayıb.
Arxiyepiskop Betankur Roma Papası Fransiskin adından Paşinyana Ermənistan və Müqəddəs Taxt-Tac arasında əlaqələrin möhkəmlənməsinə verdiyi töhfəyə görə Vatikanın ən yüksək mükafatlarından birini - IX Piy ordeninin Böyük Xaçını təqdim edib.
Baş nazir yüksək qiymətə görə təşəkkür edib və Ermənistan Respublikası hökumətinin Müqəddəs Taxt-Tacla əlaqələrin ardıcıl inkişafında maraqlı olduğunu vurğulayıb. Nikol Paşinyan arxiyepiskop Betankura gələcək fəaliyyətində uğurlar arzulayıb.
24-10-2023, 16:56
Nazirlər Bakı Musiqi Akademiyasını ziyarət etdi
Mədəniyyət naziri Adil Kərimli oktyabrın 24-də Üzeyir Hacıbəyli adına Bakı Musiqi Akademiyasını (BMA) ziyarət edib.
Nazirlikdən verilən xəbərə görə, elm və təhsil naziri Emin Əmrullayevin də iştirak etdiyi ziyarət zamanı BMA-nın rəhbərliyi və pedaqoji kollektivinin bir qrup tanınmış üzvü ilə görüş olub.
Akademiyanın rektoru Azərbaycanın və keçmiş SSRİ-nin Xalq artisti, respublikanın Dövlət mükafatı laureatı Fərhad Bədəlbəyli təhsil ocağının fəaliyyəti barədə məlumat verib.
Qeyd olunub ki, dahi Üzeyir Hacıbəylinin təməlini qoyduğu təhsil ocağı Azərbaycan musiqi mədəniyyətinin inkişafında mühüm rol oynayır. BMA-nın məzunlarının sorağı dünyanın məşhur səhnələrindən gəlir.
Söhbət zamanı təhsil ocağının fəaliyyət istiqamətləri, tədrisin keyfiyyəti, beynəlxalq əməkdaşlıq imkanları və digər məsələlərlə bağlı fikir mübadiləsi aparılıb.
Sonda xatirə şəkilləri çəkdirilib.
24-10-2023, 16:48
Türkiyə prezidenti Bahçeliylə görüşdü
Türkiyə prezidenti, iqtidardakı Ədalət və İnkişaf Partiyasının sədri Rəcəb Tayyib Ərdoğan hakim partiyanın Cümhur İttifaqındakı müttəfiqi Milliyyətçi Hərəkat Partiyasının (MHP) sədri Devlet Bahçeli ilə görüşüb.
Bu barədə Türkiyə PA-nın Kommunikasiya İdarəsi məlumat yayıb.
Bildirilib ki, görüş Prezident İqamətgahında keçirilib.
24-10-2023, 16:33
BQXK əməkdaşları əsir saxlanılan azərbaycanlılara baş çəkdi
Oktyabr ayında BQXK əməkdaşları Azərbaycan tərəfinin haqqında məlumat verdiyi erməni əsilli şəxslərlə və Ermənistanda saxlanılan azərbaycanlılara baş çəkiblər.
Bunu BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova bildirib.
Bildirilib ki, saxlanılan şəxslərlə təkbətək görüşlər keçirilib və onların ailələri ilə əlaqə yaratmaları üçün şərait yaradılıb.
Mandatına uyğun olaraq BQXK, bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. BQXK həmçinin, şəxslərin ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir.
Qeyd edək ki, Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb.
Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda" ittiham olunurlar, onlar həbs edilib. Hüseyn Axundov “Zəngəzur mis-molibden kombinatının gözətçisini qətlə yetirməkdə” də təqsirləndirilir.
24-10-2023, 16:21
Sabiq baş nazir azadlığa buraxıldı
Pakistanın keçmiş Baş naziri Nəvaz Şərif korrupsiya işi ilə bağlı azadlığa buraxılıb.
Bu barədə “The Express Tribune” nəşri məlumat yayıb.
Bildirilib ki, o, girov müqabilində azadlığa buraxılıb.
Qeyd edək ki, 2017-ci ilin oktyabrında Pakistan məhkəməsi antikorrupsiya işi bağlı dinləmələrə gəlmədiyi üçün N.Şərif barəsində həbs qətimkan tədbiri seçmişdi.
Xatırladaq ki, həmin il oktyabrın 19-da Pakistan məhkəməsi keçmiş Baş nazir Nəvaz Şərifə, qızı Məryəm Nəvaza və kürəkəni Məhəmməd Safdara qarşı korrupsiya ittihamı irəli sürmüşdü. Onlar bu ittihamlarla bağlı özlərini təqsirli bilməyib.
Nəvaz Şərif 3 dəfə (1990-1993, 1997-1999, 2013--2017-ci illərdə) Pakistanın Baş naziri olub. 2017-ci il iyulun 28-də Pakistan Ali Məhkəməsi onun barəsində vəzifəsinə uyğun gəlməməsi ilə bağlı qərar qəbul edib. Bundan sonra Nəvaz Şərif istefa verib.
24-10-2023, 16:15
Dağılmış avtomobil körpüsünün yerində yenisinin inşası sürətlə davam edir
İntensiv yağıntılar nəticəsində yaranmış güclü sel sularının uçurduğu respublika əhəmiyyətli Gəndob-Xaçmaz-Yalama-Rusiya Federasiyası ilə dövlət sərhədi avtomobil yolunun 27-ci km-də, Qudyalçay üzərində dağılmış avtomobil körpüsünün yerində yenisinin inşası sürətlə davam edir.
Yeni körpü inşa edilənədək vətəndaşların rahat hərəkətini təmin etmək üçün ərazidə yeni alternativ yol çəkilərək istifadəyə verilib. 200 metr uzunluğa malik sözügedən müvəqqəti yol körpüdən təxminən 50 metr qərb istiqamətdə inşa olunub.
Xatırladaq ki, sürücülər müvəqqəti alternativ yol kimi Xaçmaz rayonu, Qımılqışlaq kəndi ərazisindən keçən yoldan da istifadə edə bilərlər. Sözügedən yol boyunca hərəkətlə əlaqədar əlavə təhlükəsizlik tədbirləri görülüb. Alternativ yolun Xaçmaz və Xudat istiqamətdən girişinə məlumatlandırıcı nişanlar quraşdırılıb.
Yeni körpünün inşası istiqamətində də tikinti işləri sürətlə davam etdirilir. Artıq sözügedən körpünün kənar dayaqlarının, orta dayaq bünövrəsinin və sütünlarının inşası yekunlaşıb. Hazırda orta dayağın rigelinin karkasının və qəlibinin hazırlanması, çay məcrasında mühafizə bəndinin inşası üçün baraj svaylarının betonlanması işləri aparılır. İki aşırımlı yeni körpünün uzunluğu 66, eni isə 15.5 metr olacaq. Körpüdə piyadalar üçün 2 hərəkət zolağı da nəzərdə tutulub.
Qeyd edək ki, hadisə baş verəndən dərhal sonra əraziyə Azərbaycan Avtomobil Yolları Dövlət Agentliyinin əməkdaşları cəlb olunaraq, ərazidə əlavə təhlükəsizlik tədbirləri görülüb.
Agentliyin rəhbərliyi və aidiyyəti qurumların əməkdaşları tərəfindən təbii fəlakət nəticəsində çökmüş körpüyə baxış keçirilib və yerində yeni avtomobil körpüsünün inşası qərara alınıb. Bununla əlaqədar olaraq əraziyə xüsusi texnikalar cəlb edilərək işlərə başlanılıb.
24-10-2023, 15:52
İsrail prezidentindən Makrona təşəkkür mesajı
"Bu çətin vaxtlarda İsrailə gəldiyi üçün Fransa prezidenti Emmanuel Makrona təşəkkür edirəm".
Bunu İsrail prezidenti İsaak Hersoq X-də yazıb.
"İsrail dövlətinin yanında qərarlı duruşunuzu və İsrail xalqına olan dəstəyinizi və həmrəyliyinizi açıq şəkildə ifadə etməyinizi təqdir edirik. Bu hamı üçün əxlaqi keyfiyyətin zamanıdır. HƏMAS-ın qorxunc qətliamları legitimləşdirmə səyləri antisemitizmdir. Fransa da daxil olmaqla antisemitizmin qlobal miqyasda artmasından narahatlıq duyuruq və dünyanın hər yerində yəhudi icmalarındakı qardaşlarımızın rifahı və təhlükəsizliyi ilə bağlı narahatıq. Beynəlxalq birlik bütün ölkələrdəki yəhudiləri qorumaq üçün qərarlı addımlar atmalıdır", - o əlavə edib.
Qeyd edək ki, İsrailə səfər edən Makron Hersoqla yanaşı, ölkənin baş naziri Benyamin Netanyahu ilə də görüşüb.
24-10-2023, 15:46
Papikyan Fransaya işgüzar səfər etdi
Ermənistanın müdafiə naziri Suren Papikyan Fransaya işgüzar səfəri çərçivəsində bu ölkənin Senatında olub.
Papikyan Senatın vitse-prezidenti Pyer Uzulias, beynəlxalq məsələlər, müdafiə və Silahlı Qüvvələr komissiyasının sədri Sedrik Perrin və Fransa-Ermənistan dostluq qrupunun sədri Gilbert-Luc Devinazla görüşüb.
Bu görüşlərdə Ermənistan-Fransa ikitərəfli müdafiə əməkdaşlığı məsələləri müzakirə edilib.
Müdafiə naziri cari əməkdaşlıq prosesini və bu səfər zamanı aparılan müzakirələrin nəticələrini təqdim edib.
Nazir Papikyan əməkdaşlığın inkişaf etdirilməsində göstərilən dəstəyə görə minnətdarlığını bildirib. Senatorlar Ermənistan-Fransa əməkdaşlığının inkişafına kömək etməyə hazır olduqlarını bildiriblər.
Görüş zamanı regional təhlükəsizlik məsələləri də müzakirə edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!