25-10-2023, 15:51
Balasanyan “Makarov” tapançasını təhvil verdi
Özünü buraxmış qondarma “Artsaxın təhlükəsizlik şurasının keçmiş katibi”, Xocalı qatili Vitali Balasanyan barəsində yeni xəbər var.
Vitali Balasanyan İrəvanda özünü mərkəzi polis idarəsinə təqdim edərək “Makarov” tapançasını təhvil verib.
Ermənistan İstintaq Komitəsindən bildirilib ki, bu hadisə ilə bağlı 335-ci maddənin 1-ci hissəsi ilə cinayət işi başlanıb:
“Silahların qanuni olması aydınlaşdırılır”.
25-10-2023, 15:09
Samux Rayon İcra Hakimiyyətinə yeni başçı təyin olundu
Prezident İlham Əliyev Samux Rayon İcra Hakimiyyətinə yeni başçı təyin edib.
Firdovsi Əliyev bu vəzifəyə gətirilib.
Qeyd edək ki, İlham Əliyev digər sərəncamla Alı Qocayevi Samux Rayon İcra Hakimiyyətinin başçısı vəzifəsindən azad edib.
25-10-2023, 14:51
İsrail Hələb hava limanını vurdu
İsrail Suriyanın Hələb hava limanını vurub.
Bu barədə "RİA Novosti" Suriya mətbuatına istinadən məlumat yayıb.
Bildirilib ki, uçuş-enmə zolağına maddi ziyan dəyib, lakin itki yoxdur.
Qeyd edək ki, 7 oktyabrdan başlayan Fələstin-İsrail qarşıdurması davam edir. Hər iki tərəfdən minlərlə insan həyatını itirib.
25-10-2023, 14:43
Ərdoğan İsrail-Fələstin münaqişəsi ilə bağlı çağırış etdi
Türkiyə Prezidenti Rəsəb Tayyib Ərdoğan İsrail-Fələstin münaqişəsi ilə bağlı çağırış edib.
Ərdoğan bu çağırışı hakim Ədalət və İnkişaf Partiyasının qrup toplantısında səsləndirib.
"Əvvəlcə bütün tərəflər əllərini tətikdən çəkməli və dərhal atəşkəs elan edilməlidir", - Prezient deyib.
25-10-2023, 14:30
Dünyanın təhlükəsizliyini 5 dövlətin maraqlarına təslim etmək olmaz - Ərdoğan
Türkiyə prezidenti növbəti dəfə Birləşmiş Millətlər Təşkilatında islahatlar aparılmasının vacibliyini vurğulayıb.
Ərdoğan BMT Təhlükəsizlik Şurasının 5 daimi üzvünə diqqət çəkib.
"Dünyanın təhlükəsizliyini 5 dövlətin maraqlarına təslim edən bir strukturun davamlılığı yoxdur", - o qeyd edib.
Türkiyə prezidenti "uşaq ölümlərinə laqeyd qalan sistemin ciddiyəalınmaz olduğu"nu deyib.
Xatırladaq ki, BMT TŞ-nin veto hüququna malik daimi üzvləri Çin, Rusiya, ABŞ, Fransa və Böyük Britaniyadır. Ərdoğan hər zaman "Dünya 5-dən böyükdür" devizi ilə məsələni gündəmə gətirir.
25-10-2023, 14:24
İsveçin NATO-ya üzvlüyünə yeganə maneə Macarıstandır
Türkiyə lideri Rəcəb Tayyib Ərdoğan İsveçin NATO-ya üzvlüyünün ratifikasiyası barədə təklifi parlamentə göndərib. Ancaq Macarıstan ərizəni ratifikasiya etmək üçün səs verməkdən imtina edib.
Bu barədə "The Washington Post" nəşri məlumat yayıb.
Məlumata görə, Macarıstanın baş naziri Viktor Orban hökuməti İsveçin Alyansa daxil olmasına əsas maneədir. Bütün 31 müttəfiq ölkə onun üzvlüyünü təsdiqləməlidir. Hazırda yeganə maneə Macarıstandır.
25-10-2023, 14:12
Ərdoğan HƏMAS-ı terror təşkilatı saymadığını söylədi
Türkiyə prezidenti Rəcəb Tayyib Ərdoğan Qəzza zolağını idarə edən HƏMAS qruplaşması haqqında danışıb.
Ərdoğan HƏMAS-ı terror təşkilatı saymadığını söyləyib.
"HƏMAS terror təşkilatı deyil", - deyə bildirən Türkiyə prezidenti qruplaşmanı "torpaqlarını qoruyan mücahidlər" adlandırıb.
Xatırladaq ki, Ərdoğan İsrailə planlaşdırılan səfərini ləğv etdiyini açıqlayıb.
Qeyd edək ki, bir çox Qərb ölkələri və İsrail HƏMAS-ı terror təşkilatları siyahısına daxil edib. 7 oktyabrda başlanan Fələstin-İsrail qarşıdurması davam etməkdədir. Hər iki tərəfdən minlərlə insan həyatını itirib.
25-10-2023, 13:50
Ərdoğan İsrailə səfərini ləğv etdi
Türkiyə prezidenti Rəcəb Tayyib Ərdoğan İsrailə səfərini ləğv edib.
Bunu onun özü açıqlayıb.
"İsrailə getməklə bağlı planımız var idi. Ləğv etdik, getməyəcəyik", - o qeyd edib.
Xatırladaq ki, 7 oktyabrda başlanan Fələstin-İsrail qarşıdurması davam etməkdədir. Hər iki tərəfdən minlərlə insan həyatını itirib.
25-10-2023, 13:42
Prezident 4,7 milyonluq Sərəncam imzaladı
Prezident İlham Əliyev Böyükşor–Pirşağı avtomobil yolunun layihələndirilməsi və tikintisi ilə bağlı tədbirlər haqqında Sərəncam imzalayıb.
Sərəncamda Bakı şəhərində nəqliyyat sıxlığının azaldılması məqsədilə uzunluğu 12,7 km olan altı hərəkət zolaqlı Böyükşor–Pirşağı avtomobil yolunun layihələndirilməsi və tikintisi üçün Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə ilkin olaraq 4,7 milyon (dörd milyon yeddi yüz min) manat ayrılması nəzərdə tutub.
Sənəddə Azərbaycan Respublikasının Maliyyə Nazirliyinə bu Sərəncamın 1-ci hissəsində göstərilən məbləğdə maliyyələşməni təmin etməsi tapşırılıb.
25-10-2023, 13:23
Peskov: “Ermənistan və Azərbaycanla təmasları davam etdiririk, lakin..”
"Kreml Astanadan NATO-nun Sülhməramlı Qüvvələr Mərkəzi ilə bağlı nəşrlərin mövzusu ilə bağlı əlavə məlumat gözləyir".
Bunu Kremlin sözçüsü Dmitri Peskov deyib.
"Rusiya Federasiyası Ermənistan və Azərbaycanla təmaslarını davam etdirir, lakin hələ ki, nizamlanmada irəliləyiş yoxdur", - o əlavə edib.
"Çinin nüvə potensialının artırılması Rusiya Federasiyasını narahat etmir, Pekin regionda təhlükəsizlik vəziyyətini nəzərə alaraq addımlar atır. Rusiya dəfələrlə terrorla qarşılaşıb, onunla necə mübarizə aparacağını başqalarından yaxşı bilir və bundan sonra da edəcək", - sözçü bildirib.
Peskov Qərbdə Balticconnector-un zədələnməsinin arxasında Rusiya Federasiyasının dayandığı təqdirdə nə ediləcəyi ilə bağlı müzakirələri “rusofob reflekslər” adlandırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!