5-12-2024, 18:42
Mirzoyan Fidanla bir arada
Ermənistanın xarici işlər naziri Ararat Mirzоyan Maltada türkiyəli həmkarı Hakan Fidanla görüşüb.
Bu barədə Ermənistan Xarici İşlər Nazirliyi məlumat yayıb.
Mirzoyan, həmçinin ABŞ Dövlət katibi Entoni Blinkenlə ayaqüstü söhbətləşib.
Görüşlər ATƏT XİN Şurasının iclası çərçivəsində baş tutub.
Söhbətlər barədə təfərrüatlar açıqlanmayıb.
5-12-2024, 18:18
Makron hökuməti istefaya göndərdi
Fransa prezidenti Emmanuel Makron parlamentin etimadsızlıq səsverməsindən sonra baş nazir Mişel Barnierin hökumətin istefası tələbini qəbul edib.
Məlumatı Yelisey Sarayı yayıb.
Barnier yeni baş nazir təyin olunana qədər vəzifəsində qalacaq.
“Bu gün baş nazir hökumətin istefası ilə bağlı Respublika Prezidentinə ərizə təqdim edib və o, qəbul edib. Mişel Barnier hökumət üzvləri ilə birlikdə yeni hökumət təyin olunana qədər cari işlərlə məşğul olacaq”, - Yelisey Sarayının bəyanatında deyilir.
5-12-2024, 17:17
"Beşiktaş" - Fənərbaxça" oyununu bu hakim idarə edəcək
Türkiyə Super Liqasının XV turunda "Beşiktaş" - Fənərbaxça" oyununu idarə edəcək hakim müəyyənləşib.
İstanbul derbisini Mehmet Türkmen idarə edəcək.
Qeyd edək ki, dekabrın 7-də təşkil olunacaq qarşılaşma Bakı vaxtı ilə saat 20:00-da başlayacaq.
"Fənərbaxça" 32 xalla ikinci, "Beşiktaş" 22 xalla beşinci pillədə qərarlaşıb.
5-12-2024, 16:34
Suriya ordusu Həmadan geri çəkilir
Şiddətli döyüşlərdən sonra silahlı suriyalı qruplar Suriyanın qərbində yerləşən Həma şəhərinin yaşayış məntəqələrinə daxil olub.
Bu barədə Suriya Müdafiə Nazirliyi məlumat yayıb.
Nazirliyin məlumatına görə, ordu “şəhərdən kənarda” mövqelərə yerləşdirilib.
5-12-2024, 16:30
Fransada yeni baş nazir postuna namizədlər açıqlandı
Fransada yeni baş nazir postuna namizədlərin adları məlum olub.
Bunlar müdafiə naziri Sebastien Lecornu, Pau icmasının rəhbəri Fransua Bairou, Troyes icmasının rəhbəri Fransua Barouindir.
Məlumatı “Le Parisien” nəşri yayıb. Yeni baş nazir bu gün, dekabrın 5-də təyin oluna bilər.
Xatırladaq ki, dünən Fransa parlamenti artıq keçmiş baş nazir Mişel Barnyenin kabinetinə etimadsızlıq səsverməsi keçirib. Parlament 1962-ci ildən bəri ilk dəfə baş naziri istefaya göndərib.
5-12-2024, 14:34
Bugünkü uşaqların bacarıqları yaşlı nəsildən daha yaxşıdır - Nazir
"Azərbaycanın bugünkü uşaqlarının istər oxu, istər yazı, istər digər bacarıqları birmənalı olaraq yaşlı nəsildən daha yaxşıdır".
Bunu bunu Elm və təhsil naziri Emin Əmrullayev Ailə, Qadın və Uşaq Problemləri üzrə Dövlət Komitəsinin Elm və Təhsil Nazirliyi ilə əməkdaşlığı çərçivəsində Azərbaycan Uşaqlarının VI Ümumrespublika Forumunda deyib.
O bildirib ki, kifayət qədər bacarıqlı, hazırlıqlı bir nəsil yetişir. Bu PISA və TIMSS qiymətləndirmələrində də özünü göstərir.
5-12-2024, 14:21
Könüllülər COP29-da vəzifələrinin öhdəsindən layiqincə gəldilər - Prezident
Ümummilli Lider Heydər Əliyevin xeyir-duası ilə ötən əsrin 90-cı illərindən ölkəmizdə xüsusi vüsət almağa başlamış və milli-mənəvi dəyərlərə bağlılığın, Vətənə xidmətin nümunəsinə çevrilmiş könüllülük hərəkatı Azərbaycan gənclərinin vahid məqsəd ətrafında hazırkı uğurlu fəaliyyətinin təcəssümüdür. Dövlətimizin hərtərəfli dəstəyi sayəsində sıraları durmadan genişlənən bu hərəkat yüksəliş yolu ilə irəliləyərək indiki inkişaf səviyyəsinə çatmış və cəmiyyət həyatının bütün sahələrinə nüfuz etməyə müvəffəq olmuşdur.
Bu fikirlər Prezident İlham Əliyevin Azərbaycan könüllülərinin VII həmrəylik forumunun iştirakçılarına müraciətində yer alıb.
Bu forumun “Yaşıl dünya naminə həmrəylik ili” çərçivəsində təşkilinin xüsusi əhəmiyyət kəsb etdiyini bildirən Azərbaycan Prezidenti əlavə edib: “Belə ki, əməli fəaliyyətlərində daim xeyirxahlıq, fədakarlıq və təmənnasız yardım kimi ali bəşəri keyfiyyətləri rəhbər tutan könüllülərimiz təbiətin və ətraf mühitin qorunması istiqamətində vətəndaşlar arasında maarifləndirmə işinə böyük töhfə verirlər. Onlar ölkəmizdə dünyanın ən irimiqyaslı və mühüm tədbirlərindən olan BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi günlərdə vəzifələrinin öhdəsindən layiqincə gəldilər”.
Prezident İlham Əliyev qeyd edib ki, dövlət suverenliyimizin və ərazi bütövlüyümüzün tam bərpası nəticəsində müstəqillik tariximizin artıq yeni mərhələsini yaşayırıq. İşğaldan azad olunmuş ərazilərimizdə həyatın sürətlə yenidən canlandırılması üçün misilsiz quruculuq işləri aparılmaqdadır. Gənclər siyasətinin başlıca prinsiplərinə uyğun innovativ sosial təşəbbüsləri ilə ölkəmizin davamlı tərəqqisinə xidmət göstərən könüllülər Böyük Qayıdış prosesində də fəal iştirak edirlər.
“İnanıram ki, siz milli dövlətçiliyə dərin sədaqəti bundan sonra da həyatınızın amalı biləcək, Vətənimizin qüdrətinin artırılması naminə bilik və bacarığınızı əsirgəməyəcəksiniz”, - deyə vurğulayan Azərbaycan Prezidenti könüllülərə gələcək işlərində nailiyyətlər arzulayıb.
5-12-2024, 12:30
Zelenski İvanişvilini "qara siyahı"ya saldı - ŞOK QƏRAR
Ukrayna Gürcüstana sanksiya tətbiq edib.
Bu barədə Ukrayna Prezidenti Volodimir Zelenski fərman imzalayıb.
Fərmana əsasən, Gürcüstan hakimiyyətinin 19 nümayəndəsi "qara siyahı"ya salınıb.
Sanksiya tətbiq edilənlər arasında hakim “Gürcü arzusu” partiyasının təsisçisi Bidzina İvanişvili, Gürcüstanın baş naziri İrakli Kobaxidze, Dövlət Təhlükəsizlik Xidmətinin rəhbəri Qriqol Liluaşvili, daxili işlər naziri daxil edilib Vaxtanq Qomelauri, Tbilisi meri Kaxa Kaladze, o cümlədən Gürcüstan parlamentinin bir sıra deputatları var.
5-12-2024, 12:27
Ərdoğan Təhlükəsizlik Şurasının ən kritik iclasını keçirəcək
Türkiyə prezidenti Rəcəb Tayyib Ərdoğan Suriyada vəziyyətin gərginləşməsi fonunda Təhlükəsizlik Şurasının ən kritik iclaslarından birini keçirmək niyyətindədir.
Bu barədə iqtidaryönlü “Hürriyet” qəzeti yazıb.
İclasın bu gün keçiriləcəyi gözlənilir.
Suriyadakı böhran noyabrın 29-da “Heyətt Təhrir əl-Şam” silahlı qruplaşmasının digər silahlı birləşmələrlə birgə təşkil etdiyi genişmiqyaslı əməliyyatın başlamasından sonra kəskinləşib.
Suriya müxalifətinin hərbi qüvvələri ölkənin şimal-qərbindəki İdlib şəhərindən Hələb və Həma şəhərlərinə doğru irəliləyiblər.
Noyabrın 30-da müxaliflər Suriyanın ikinci böyük şəhəri Hələbi, o cümlədən beynəlxalq hava limanı və Kuveyris hərbi aerodromunu nəzarətə götürüblər.
2011-ci ildə Suriya münaqişəsi başlayandan bəri Hələbin silahlılar tərəfindən tamamilə ələ keçirilməsi ilk dəfədir baş tutub. 2016-cı ilin sonuna qədər silahlı müxalifət şəhərin yalnız şərq hissəsinə nəzarət edirdi, lakin Rusiya Aerokosmik Qüvvələrinin dəstəyi ilə Suriya ordusu tərəfindən oradan qovulmuşdu.
Türkiyə Milli Təhlükəsizlik Şurasının iclası Suriyada vəziyyətin son dərəcə gərgin olaraq qaldığı, silahlı qrupların irəliləyişinin regionda sabitliyi pozmaq təhlükəsi yaratdığı bir şəraitdə keçiriləcək.
5-12-2024, 00:53
Fransa baş naziri istefa verdi - Makron çətin durumda
Fransa Milli Assambleyasında 1962-ci ildən bəri görünməmiş bugünkü səsvermə Baş naziri istefaya məcbur etdi və ölkəni siyasi və büdcə qeyri-müəyyənliyinə sürüklədi.
Milli Assambleya Yeni Xalq Cəbhəsinin (NFP) təqdim etdiyi sensasiya təklifi qəbul etdi. Mətnin lehinə 331 deputat və ya onun qəbulu üçün tələb olunan 288 səsin mütləq əksəriyyətindən 43 deputat çox səs verib. Beləliklə, Barnye hökumətinə son qoyuldu.
Baş nazir Mişel Barnyenin sosial müdafiənin maliyyələşməsi qanun layihəsinin qəbul edilməsi üçün Konstitusiyanın 49.3 maddəsinə müraciət etməsi hökumətin fəaliyyətinə son qoydu.
NFP partiyasının təklifi qəbul edildikdən sonra ifrat sağçı Milli Birlik (RN) partiyasının da ikinci təklifi aktuallığını itirib.
Barnye hökumətinin süqutundan sonra “Əyilməz Fransa” (“La France insoumise-LFI”) partiyasının prezidenti Matild Panot solçu partiyalar tərəfindən irəli sürülən etiraz təklifinin qəbulunu alqışlayıb və Prezident Emmanuel Makronu istefa verməyə çağırıb.
Fransa 60 ildən çoxdur ki, belə siyasi vəziyyət görməyib. Səsvermədən əvvəl, 1962-ci ilin oktyabrında yalnız bir etiraz təklifi qəbul edilmişdi. Bu, Jorj Pompidu hökumətinin istefasına səbəb olmuşdu. Həmin vaxt general de Qoll dərhal reaksiya göstərərək Milli Assambleyanın buraxıldığını elan etdi. Amma bu gün Emmanuel Makron eyni şeyi edə bilməz. Konstitusiya onun qanunvericilik seçkilərindən sonrakı bir il müddətindən əvvəl buraxılmasını qadağan edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!