2-12-2024, 18:23
Emin Ağalarova yeni vəzifə verildi
Bakıda Azərbaycan-Rusiya İşgüzar Şurasının növbəti iclası keçirilib.
Bu barədə İqtisadiyyat Nazirliyindən bildirilib.
Tədbirdə rəsmi şəxslərlə yanaşı, Şuranın iqtisadiyyatın müxtəlif sahələrində, o cümlədən kənd təsərrüfatı, maşınqayırma, neft-kimya, bank sektoru, logistika və digər sahələrdə fəaliyyət göstərən 90-dan artıq qurum və təşkilat üzvü iştirak edib.
Tədbirdə çıxış edən iqtisadiyyat naziri Mikayıl Cabbarov iki ölkə arasında əməkdaşlığın inkişafını vurğulayıb, iqtisadi - ticarət əlaqələrinin şaxələndirilməsi kontekstində Azərbaycan – Rusiya İşgüzar Şurasının tərəfdaşlıq mexanizminin əhəmiyyətini qeyd edib. Bildirilib ki, birgə investisiya layihələrinin həyata keçirilməsi və ikitərəfli ticarət potensialının reallaşdırılması istiqamətində görülən işlər işgüzar dairələr arasında əlaqələri daha da möhkəmləndirir ki, bu da hər iki ölkənin iqtisadi inkişafına töhfə verir.
İki ölkənin biznes dairələri tərəfindən yaradılmış Azərbaycan – Rusiya İşgüzar Şurasının fəaliyyəti barədə məlumat verən Səməd Qurbanov qurum tərəfindən iki ölkə arasında ticarət və işgüzar əlaqələrin inkişafı, Azərbaycan biznes ictimaiyyətinin maraqlarının dəstəklənməsi istiqamətində görülən işlər barədə danışıb.
İclasın gündəliyinə uyğun olaraq, Şuranın İdarə Heyətinə seçkilər keçirilib, Azərbaycan – Rusiya İşgüzar Şurasının İdarə Heyətinin sədri “Agalarov Development” şirkətinin təsisçisi Emin Ağalarov, sədrin müavinləri isə AZPROMO-nun icraçı direktoru Yusif Abdullayev və “Nardaran Invest” MMC-nin direktoru Qəmbər Bənənyarlı seçiliblər.
Şuranın yeni seçilmiş İdarə Heyətinin sədri Emin Ağalarov sahibkarlar arasında biznes dialoqun intensivləşdirilməsi və hər iki ölkənin işgüzar dairələri üçün tərəfdaşlıq imkanlarının genişləndirilməsi istiqamətində Şuranın fəaliyyətinin əhəmiyyətini qeyd edib.
Tədbirdə Azərbaycan Respublikası ilə Rusiya Federasiyası arasında iqtisadi əlaqələrin inkişafına verdiyi töhfəyə görə Səməd Qurbanova Fəxri Fərman təqdim edilib.
Qeyd edək ki, 2016-cı ildən fəaliyyət göstərən İşgüzar Şura Azərbaycan Respublikasının İqtisadiyyat Nazirliyi, Rusiya Federasiyasının İqtisadi İnkişaf Nazirliyi, Rusiya – Azərbaycan İşgüzar Şurası və iki ölkənin digər dövlət qurumları və müvafiq ictimai təşkilatlarla fəal əməkdaşlıq edir.
2-12-2024, 18:18
MSK-nın bugünkü iclasında nələr müzakirə edildi
Məzahir Pənahovun sədrliyi ilə dekabrın 2-də Mərkəzi Seçki Komissiyasının növbəti iclası keçirilib.
Mərkəzi Seçki Komissiyası Katibliyinin Media və kommunikasiya şöbəsindən bildiriblər ki, əvvəlcə Komissiyanın noyabrın 26-da və 27-də keçirilmiş iclaslarının protokolları təsdiq edilib.
Sonra 2025-ci il yanvarın 29-na təyin edilmiş bələdiyyə seçkilərində Vətəndaş Həmrəyliyi Partiyasının səlahiyyətli nümayəndələrinin qeydə alınması məsələsinə baxılıb. Komissiya üzvlərinin müzakirəsindən sonra sözügedən siyasi partiya tərəfindən təqdim olunan şəxslərin səlahiyyətli nümayəndələr kimi qeydə alınmasına qərar verilib.
İclasda daha sonra bəzi seçki dairələri dairə seçki komissiyalarının tərkibində dəyişiklik edilib.
Media mənsubları tərəfindən geniş işıqlandırılan iclasda, həmçinin bələdiyyə seçkilərinə hazırlıq istiqamətində proseslərin gedişi barədə məlumat verilib və cari məsələlərə baxılıb.
2-12-2024, 17:38
Silahı ilə ehtiyatsız davranan polis öldü
Bakıda polis nəfəri xidməti tabeli silahı ilə ehtiyatsız davranması nəticəsində xəsarət alıb.
Xəsarət alan serjant Emin Cəfərli xəstəxanaya yerləşdirilib. Göstərilən tibbi müdaxilələrə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
DİN-in Mətbuat Xidmətindən məlumatı
təsdiqləyiblər.
2-12-2024, 15:16
"Nidanın gücü, gücün nidası!" adlı yazı müsabiqəsi keçirilir
Təşkilat "Nidanın gücü, gücün nidası!" adlı yazı müsabiqəsini davam etdirir.
"Uşaqların Gələcəyi Naminə" təşkilatı, Azərbaycan Ordusunun Zəfərinə həsr edilmiş “Nidanın gücü, gücün nidası!” adlı yazı müsabiqəsini davam etdirir. Bu barədə təşkilatın sədri Könül Quliyeva məlumat verib. Sədr qeyd edib ki, müsabiqə V-IX sinif şagirdləri arasında keçiriləcəkdir. Yazılar 02 dekabr 2024-cü il tarixdən 15 dekabr 2024-cü il, saat 18:00-dək təqdim olunmalıdır. Şagirdlər müsabiqəyə təqdim olunan yazıları şəxsiyyət vəsiqələrinin surətləri ilə birlikdə [email protected] elektron ünvanına göndərməlidir. Yazının həcmi minimum 1 səhifə, yaxud 1 səhifə yarım olmalıdır. Yazı kompyuterdə yığılmalı, Times New Roman şifrələri ilə 14 ölçüdə təqdim edilməlidir. Müsabiqənin yekunlarına əsasən I, II, III yerlər üçün sertifikatlar və digər həvəsləndirici mukafatlar nəzərdə tutulur. Qaliblərin yazıları gələcəkdə kitab şəkilində dərc olunacaq. Müsabiqəyə təqdim edilən yazıları 5 nəfərdən ibarət ekspert komissiyası qiymətləndirəcək. Onu da qeyd edək ki, yazılar ekspertlərə imzasız təqdim ediləcək. Hər hansı bir sual yaranarsa (050) 969 38 69 nömrəsi ilə əlaqə saxlaya bilərsiniz.
2-12-2024, 08:39
Mingəçevirdə şəhid Fuad Xankişiyevin döyüş yoludan bəhs edən “Mən Gedirəm” kitabının təqdimatı keçirildi
“Mən Gedirəm” kitabının təqdimatı Mingəçevir şəhər Heydər Əliyev mərkəzində baş tutmalı idi. 30 noyabrda tezdən dostum Zərdabi Abbasovun maşınıyla müəllif Mənsurə Qaçayqızı, şairə Könül Vuqarlı, Fəridə Abdullayeva və mən yola rəvan olduq. Qeyd edək ki, “Mən Gedirəm” kitabının müəllifi Mənsurə Qaçayqızıdır...
Mingəçevir şəhərinin girişində bizi qarşılayıb şəhidin yaşadığı ünvana apardılar. Evin qarşısında Şəhid Fuad Xankişiyevin adına inşa olunmuş bulaq diqqətimizi cəlb elədi. Abidənin sol hissəsində Fuad Xankişiyevlə döyüşdə şəhid olan şəhidlərin şəkilləri vurulmuş stent, digər tərəfdə isə 44 Günlük vətən müharibəsində Mingəçevirdən olan şəhidlərin şəkilləri olan lövhə, bu mənzərəyə başqa bir rəng qatırdı. Bura bir cəng meydanına bənzəyirdi. Heç şübhəsiz ki, bu mənzərə yetişməkdə olan Azərbaycan gəncliyinə vətənpərvərlik, vətəni necə sevmək və uğrunda qəhrəmancasına şəhid olmaq kimi böyük duyğular aşılayır.
Şəhidimizin anası Xankişiyeva Saqibət bizi evin girişində qarşıladı. Nur üzlü şəhid anası qonaqpərvər xanım ailə üzvləri ilə bizi gözləyirdi. Şəhidin bibisi də bizi qarşılayanların arasında idi. Çox səmimi qadındır. İlk olaraq biz evdə yaradılmış şəhidin ev muzeyini ziyarət etdik. Evin hər bir qarışında şəhidin əl izləri görünürdü. Məlumat üçün qeyd edim ki, şəhid Fuad Xankişiyevin güclü idmançı kimi müxtəlif yarışlarda iştirak edib qələbə qazanması divara asılmış medallrından, dekor-dizayner kimi sənət sahibi olduğu da onun divarları bəzəmiş əl işlərindən görünürdü. Divrarlarda əşyalardan düzəldilmiş və özündə böyük məna daşıyan rəsmlər böyük bir muzeyi xatırladırdı. Şəhid Fuad Xankişiyevin ötən illərdə nələri öyrəndiyi bütövlükdə onun əl işlərində əks olunmuşdu. Saqibət xanım şəhid oğlu haqqında onun necə bir qorxmaz, cəsarətli, düşüncəli və vətənpərvər olduğu barədə bizə məlumat verib, yaratdığı hər bir rəsm barədə xatirələrini bizimlə bölüşürdü...
Sonda muzeydə xatirə şəkilləri çəkdiririk.
Şəhidlər Xiyabanını ziyarət etdik
İlk olaraq yaxınlaşırıq Mingəçevir şəhidlər xiyabanına. Qeyd edək ki, şəhidlər xiyabanı şəhərin mərkəzində yerləşir. Birinci və İkinci Qarabağ müharibəsində şəhid olanlar bu xiyabanda dəfn olunub. Şəhidlərin məzarını bir-bir ziyarət edirik. Saqibət xanım tanıdığı şəhidlər barədə bizə geniş məlumatlar verirdi. Xiyabanın digər tərəfində isə itkin düşən şəhidlərin şəkillərinin stenti yerləşdirilib. Oranı da ziyarət etdik. Birdən Milli Qəhrəman Natiq Qasımovun stentdə şəkilini görüb ayaq saxlayırıq. Səngər tv-nin efirindən Aqil Alışovun Natiq Qasımov barədə məlumatları davamlı olaraq səsləndirməsini bir anlıq xatırlayıram. Onun düşmən mühasirəsində necə mətn və cəsarətlə döyüşdüyü və sonda üçrəngli bayrağı heç kimə vermədən əsir götürüldüyü anlardan danışıb, xatirə şəkili çəkdiririk.
Heydər Əliyev Mərkəzində tədbir başladı
30 noyabr 2024-cü il tarixdə Mngəçevir şəhəri, Heydər Əliyev Mərkəzində Mənsurə Qaçayqızının şəhid Fuad Xankişiyev haqqında yazdığı kitabın təqdimatı başladı. Tədbirin aparıcısı ilk olaraq tədbir barədə məlumat verib sözü mənə verir. Mən də dərhal çıxışıma başlayıram. Müəllifin “Mən Gedirəm” kitabına niyə bu adı verməsi barədə düşüncələrimi bölüşüb, kitabdakı ayrı-ayrı yazılar barədə məlumat verirəm. Müəllif bu kitabda əsas olaraq şəhidin necə qorxmaz vətənpərvər, idmançı, dekor-dizayner olması barədə ayrıca məlumat verdiyni bildirirəm. Kitabın adınnın məhz “Mən Gedirəm” olması isə ayrıca səbəbləri özündə ehtiva edir. Müəllif digər bir epizodda isə qəhrəman şəhidin döyüş yolundan yazır. Həmçinin onun döyüş yoldaşlarının söylədiklərini kitabda qeyd edib. Kitabda eyni zamanda şəhidin yaxınları, dostları, müəllimləri və onu tanıyanların xatirələri qeyd olunub. Belə kitabların cəmiyyətdə gənclərə vətənpərvərlik hisslərinin necə aşılanmasında hansı rol oynadığını hər kəs bilir. Bura daxildir qəhrəmanlar haqqında yazılan kitablar, məqalələr, çəkilən filmlər. Əlbəttə ki, bu isə hər kəsdə böyük ruh yüksəkliyi yaradır...
Növbəti söz Şairə Könül Vuqarlıya verildi. O, da kitab haqqında danışıb, özünün yazdığı şeiri səsləndirdi.
Sonra tədbirdə çıxış üçün söz Mingəçevir şəhər icra hakimiyyətinin veteranlarla iş şöbəsinin böyük məsləhətçisi Seymur Hidayətova verildi.
Seymur bəy özü haqqında məlumat verərək bildirdi ki, biz rəhmətlik şəhid Fuad Xankişiyevlə birlikdə Füzuli cəbhəsində döyüşdə olmuşuq. “Onu qorxmaz, vətənpərvər və cəsarətli bir insan kimi tanıyırdım. Mən bu kitabı sona qədər oxumuşam. Müəllifə çox böyük təşəkkür edirəm. Belə kitabların davamlı olmasını arzulayıram. Bu kitablar gənclərimizə vətənpərvərlik ruhu aşılayır. Saqibət xanımla ara-sıra danışırıq. Son danışığımızda mənə dedi ki, kitab təqdimatı olacaq. Səni ora dəvət edirəm. Düzü, təcili iş üçün Bakıya getməliydim. Amma mən fikirimdən daşındım. Dedim ki, mən mütləq bu tədbirə qatılacam. Və bu gün buradayam. Burada oturan şəhid anaları bizim üçün çox əzizdir. Bizim borcumuz onların xidmətində durmaqdır. Allah bütün şəhidlərimizin məkanını cənnət eləsin.”-deyə çıxışçı sözünü yekunlaşdırdı.
Daha sonra Mədəniyyət həmkarlar idarəsinin Mingəçevir şöbəsinin müdiri Leyla Məmmədova, Aran Regional mədəniyyət idarəsinin əməkdaşı Zəfər Hacıyev, Zərdabi Abbasov çıxış edərək bu kitabın cəmiyyətə nə qədər faydalı olacağından danışıb, yekunda müəllifə uğurlar arzuladılar.
İlahiyyətçı Cavid Ələmdarov isə çıxışında çox maraqlı məqamlara toxunaraq bunları ifadə etdi. “Şəhidlərin məqamı cənnətdən də yuxarıdadır. Onlar Allahın yanındadır, Allah yolunda şəhid olublar. Allah rəhmət eləsin cəmi şəhidlərimizə”.
Sonra söz “Mən Gedirəm” kitabının müəllifinə verildi. Müəllif tədbirdə iştirak edən şəhid analarına, ictimaiyyət nümayəndələrinə təşəkkür edib, kitab barədə tədbir iştirakçılarına geniş məlumat verdi. “Mən bu kitabı yazarkən sanki şəhidimizin döyüşdüyü əraziləri xəyalən gəzdiyimi və onlarla bərabər düşündüyümün duyğularımda canlandığını hiss edirdim”- deyə müəllif həyacanla çıxışına yekun vurur.
Daha sonra Fuad Nəbiyev Şəhid Fuad Xankişiyev haqqında çəkdiyi film barədə tədbir iştirakçılarına məlumat verdikdən sonra, filmin nümayişinə başlandı.
Tədbirin sonunda şəhidin anası Saqibət Xankişiyeva tədbirdə iştirak edən şəhid analarına, ictimaiyyət nümayəndələrinə və digər tədbir iştirakçılarına minnətdarlıq edib, müəllifə təmənnasız kitab yazdığına görə xüsusi təşəkkürünü bildirdi. “24 illik ömrü 100 səhifəlik bir kitaba yerləşdirdik. Gələn ayaqlarınız var olsun, hər birinizə minnətdarlığımı bildirirəm”-deyə Saqibə Xankişiyeva göz yaşlarını silə-silə tədbirə yekun vurdu.
Sonda xatirə şəkili çəkildi.
Subut Mehdiyev,
araşdırmaçı jurnalist
1-12-2024, 21:26
Dünyada şərab istehsalı azalır - SƏBƏBLƏR
2024-cü ildə dünya üzrə şərab istehsalı 1961-ci ildən sonra ən aşağı həddə düşə bilər.
Bu məlumat Beynəlxalq Üzüm və Şərab Təşkilatının hesabatında yer alır.
Hesabat müəllifləri qeyd edirlər ki, 2024-cü ildə dünyada 235 milyon hektolitr şərab istehsalı gözlənilir ki, bu da 1961-ci ildən sonrakı dövrdə ən pis göstəricidir. Sözügedən ildə dünyada 220 milyon hektolitr şərab istehsal edilmişdi.
Şərab istehsalının 2023-cü illə müqayisədə 2 faiz, onillik dövr üzrə isə 13 faiz azalacağı proqnozlaşdırılır.
Hesabata görə istehsalın azalması əlverişsiz iqlim şərtləri – yazda uzunmüddətli yağışlar və yayda uzun müddət davam edən istilərlə əlaqədardır. Belə iqlim şəraiti zərərvericilərin artması ilə nəticələnir.
1-12-2024, 21:05
"Qarabağ" "Neftçi"ni məğlub etdi
Misli Premyer Liqasının XV turunda üz-üzə gələn "Neftçi" və "Qarabağ" komandaları arasında derbi oyunu başa çatıb.
"Neftçi Arena"da keçirilən görüş Ağdam klubunun 3:0 hesablı qələbəsi ilə yekunlaşıb.
"Qarabağ"ın heyətində qolları Leandro Andrade (2 qol) və Nəriman Axundzadə vurublar.
Bu nəticədən sonra xallarını 37-yə çatdıran "Qarabağ" turnir cədvəlində liderliyə yüksəlib. "Neftçi" isə 13 xalla 7-ci sırada qalıb.
Qeyd edək ki, turun əvvəlki oyunlarında “Araz-Naxçıvan” “Turan Tovuz”a, “Sabah” “Səbail”ə, “Kəpəz” “Şamaxı”ya 1:0, “Zirə” isə “Sumqayıt”a 4:1 hesabı ilə qalib gəlib.
1-12-2024, 20:47
Azərbaycanda yeni xəstəlik - Dərmanı da tapılmır
Azərbaycanda yeni xəstəlik yaranıb. Bu barədə İTV-nin süjetində deyilir. Sözügedən xəstəlik “Venirikatanuriya” adlanır və dərmanı tapılmır. Sözügedən xəstəliyin müalicəsi üçün xüsusi qidalar və dərmanlar tələb olunur.
Xəstəlikdən əziyyət çəkən gəncin valideyni bildirib ki, həmin insanlar 2 gün adi rejimdə qidalansalar, 3-4 aylıq müalicələri heç olacaq. Onlara ömürlərinin sonuna kimi mal və toyuq əti yemək qadağandır. Xəstəliyin aylıq müalicə xərci isə 1500-2000 manat arasındadır.
Xəstəlik dünyada 1960-ci ildən mövcuddur. Xəstəliyin səbəbini daha çox genetik faktorlarla bağlayırlar.
Daha ətraflı videomaterialı təqdim edirik:
1-12-2024, 20:11
Məşhur fransız aktyor vəfat etdi
Məşhur fransalı aktyor Nils Arestrup vəfat edib.
O, 75 yaşında dünyasını dəyişib.
Arestup 80-dən çox filmdə oynayıb və üç dəfə Fransanın "Sezar" milli film mükafatına layiq görülüb.
O, 8 fevral 1949-cu ildə Fransanın Montreuil şəhərində anadan olub. Aktyor kino karyerasına 24 yaşında başlayıb və fransız rejissorları Alen Resnais və Jak Odiardın filmlərində oynadığı rollarla məşhurlaşıb.
1-12-2024, 19:42
Gürcüstan parlamentindən son görüntülər
Ötən gün Tbilisidə baş verən iğtişaşlar zamanı Gürcüstan parlamentində 48 otağa ziyan dəyib.
Bunu Gürcüstan parlamentinin spikeri Şalva Papuaşvili bildirib.
Onun sözlərinə görə, binanın aşağı mərtəbələrində bütün pəncərələr sınıb, istilik sistemi və ofis avadanlığı sıradan çıxıb, taxta qapılardan biri yanıb.
"O cümlədən kompüter laboratoriyasına da ziyan dəyib, yeməkxana tamamilə dağıdılıb", - Papuaşvili qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!