3-03-2025, 20:46
Səsyazısı yayılan məktəb direktoru işdən çıxarıldı
Bakı şəhəri 231 nömrəli tam orta məktəb direktorunun müəllimlərə qarşı davranışı və səs yazısı ilə bağlı araşdırma aparılıb.
Bu barədə Məktəbəqədər və Ümumi Təhsil üzrə Dövlət Agentliyi məlumat yayıb.
Bildirilir ki, araşdırma nəticəsində fəaliyyətində yol verdiyi nöqsanlara görə Məktəbəqədər və Ümumi Təhsil üzrə Dövlət Agentliyinin müvafiq əmri ilə təhsil müəsissəsinin direktoru vəzifəsindən azad edilib.
"Bildiririk ki, təhsil müəssisələrində sağlam işgüzar mühitin təmin olunması, vətəndaşların təhsil müəssisəsinə etimadının, təhsil müəssisələrinin fəaliyyətində səmərəliliyin və şəffaflığın artırılması əsas prioritetlərdəndir.
Təhsil müəssisələrində hər hansı neqativ halların baş verməsi yolverilməzdir", - açıqlamada deyilir.
Qeyd edək ki, tam orta məktəbin direktoru Lamiyə İlhamsoyun səsyazısı yayılıb. Səsyazısında direktorun müəllimlərlə mübahisəsi yer alıb.
Məlumata görə, direktor müəllimlərin ad günü ilə bağlı ona aldıqları hədiyyəni bəyənməyib və bu səbəbdən pedoqoji heyəti təhqir edib. O, müəllimlərə “Mənə dilənçi payı lazım deyil” deyə irad bildirib.
Bu gün Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin və Bakı Şəhəri üzrə Təhsil İdarəsinin nümayəndələri məktəbdə olub.
Rəsmi şəxslər pedaqoji heyətin üzvləri ilə müvafiq söhbətlər aparıblar.
3-03-2025, 20:14
Zelenski Trampdan üzr istəyəcək? - Özü danışdı
Ukrayna Prezidenti Volodimir Zelenski Böyük Britaniyada dünya liderləri ilə görüşlərdən sonra Londonda jurnalistlərin suallarını cavablandırıb
O, ölkəsinin mübariz ruhunu qoruyub saxlamalı olduğunu vurğulayıb.
"Əgər ruh yüksəkliyimizi itirsək, hər kəsi yarı yolda qoyarıq", – deyə Zelenski bildirib.
O, Böyük Britaniyanın Baş naziri Kir Starmer və Fransa Prezidenti Emmanuel Makronun Ukraynada atəşkəsə nail olmaq üçün hazırladıqları dörd mərhələli sülh planını müsbət dəyərləndirib. Lakin o, kompromis olmadan müharibəni bitirməyin çətin olduğunu vurğulayıb.
"Azadlıqlarımız və dəyərlərimiz satılmır", - deyən Zelenski Ukraynanın prinsipial mövqeyindən geri çəkilməyəcəyini bildirib. Bununla belə, ölkəsinin faydalı qazıntılar sahəsində razılaşmalar imzalamağa hazır olduğunu vurğulayıb.
Ukrayna lideri ABŞ və digər müttəfiq ölkələrə dəstəyə görə bir daha təşəkkür edib. O qeyd edib ki, dünya liderləri ilə açıq görüşlərdən əlavə, qapalı müzakirələr də aparılır və bu proseslər müharibənin gələcək gedişatında mühüm rol oynayır.
BBC diqqətə çatdırıb ki, Zelenskinin Trampdan üzr istəmək və ya Oval kabinetdə baş verənlərlə bağlı təəssüfünü ifadə etmək niyyəti yoxdur.
Zelenski vurğulayıb ki, Ağ Evə getmək üçün on saatdan çox vaxt sərf edib və onun səfəri özlüyündə hörmət əlaməti olub. O, həmçinin “heç kəsi təhqir etmədiyini” və Oval kabinetdə yaranan mübahisənin heç bir tərəf üçün müsbət olmadığını bildirib.
3-03-2025, 19:48
Beynəlxalq Ədalət Məhkəməsinə yeni sədr seçildi
Beynəlxalq Ədalət Məhkəməsinə yeni sədr seçilib.
Yaponiyalı hakim Yuji İvasava quruma rəhbərlik edəcək.
O, bu vəzifədə livanlı hakim Nəvaf Salamı əvəz edib. Salam yanvar ayında Livanın baş naziri olub, bundan sonra sədr vəzifəsindən istefa verib.
İvasava 2027-ci il fevralın 5-dək vəzifəsini icra edəcək.
Yuji İvasava 2018-ci ildən Beynəlxalq Ədalət Məhkəməsinin üzvüdür. O, əvvəllər beynəlxalq təşkilatlarda, o cümlədən BMT-nin İnsan Hüquqları Komitəsinin sədri vəzifəsində çalışıb. Hakim Tokio Universitetində beynəlxalq hüquq professorudur və digər universitetlərdə də dərs deyib.
3-03-2025, 19:20
Ramazanın dördüncü günü: iftar və imsak vaxtları
Sabah Ramazan ayının dördüncü günüdür.
Qafqaz Müsəlmanları İdarəsinin açıqladığı Ramazan təqviminə əsasən, Bakıda imsak saat 05:44-də, iftar isə saat 18:50-dədır.
İmsak duası:
“Alahummə qəvvini fihi əla iqaməti əmrik. Və əziqni fihi həlavətə zikrik. Və əvzi-ni fihi li-ədai şükrik. Bikərəmikə vəhfəzni fihi bihifzikə və sətrik, ya əbsərən-nazirin”.
Tərcüməsi:
“İlahi, əmrlərini yerinə yetirməkdə mənə qüvvət ver, zikrinin şirinliyini mənə dadızdır. Sənə layiqincə şükr etmək üçün məni ilhamlandır. Kərəminə and verirəm, məni öz himayəndə gizlət və qoru, ey görənlərin ən bəsirətlisi!”
İftar duası:
“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli”.
Tərcüməsi:
“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”
Allah orucunuzu qəbul etsin!
3-03-2025, 19:19
Hamamda meyiti tapılan tələbə - Kollecdən AÇIQLAMA
Ötən gün İsmayıllıda 18 yaşlı gənc hamamda ölü tapılıb.
Mərhumun təhsil aldığı İsmayıllı Dövlət Humanitar və Texnologiya Kolleci onun haqqında paylaşım edib.
Bildirilib ki, kollecin Zootexniklik ixtisası üzrə I kurs tələbəsi olan Əliyev Rahib Elnur oğlu çalışqanlığı və mehribanlığı ilə seçilən tələbə olub
“O, müəllim və tələbə yoldaşları arasında daim hörmət və rəğbətlə qarşılanırdı. Təlim və təhsilə olan marağı, məsuliyyətli yanaşması və səmimi insanlığı ilə o hər zaman kollektivimizin yaddaşında qalacaq”.
Qeyd edək ki, gənc Ağdam rayon sakini olub, hadisə onun İsmayıllıda təhsil almaq məqsədilə yaşadığı kirayə evdə baş verib.
3-03-2025, 19:13
Avropanın nüvə silahı olacaq? - Makrondan gözlənilməz təklif
Fransa Prezidenti Emmanuel Makron Avropanın müdafiə qabiliyyətini gücləndirmək məqsədilə ölkənin nüvə çəkindirmək qabiliyyətinin Avropa ölkələri ilə bölüşülməsi təklifini irəli sürüb.
O, Avropanın "daha böyük muxtariyyətə" doğru irəliləməsi üçün müdafiə və nüvə çəkindiriciliyi məsələlərində müzakirələrə başlanmasının vacibliyini vurğulayıb.
Fransa hazırda Avropa İttifaqında öz nüvə silahına malik yeganə ölkədir. Makronun təklifi Fransanın nüvə potensialının digər Avropa ölkələrinin müdafiəsi üçün istifadə edilməsini nəzərdə tutur. Ekspertlər deyir ki, bu addım Avropanın müdafiə qabiliyyətini artırmaq və qitənin təhlükəsizliyini təmin etmək məqsədi daşıyır.
Lakin bu təklif müxtəlif reaksiyalara səbəb olub. Fransanın müxalifət lideri Marin Le Pen, əə nüvə silahının milli suverenliyin əsas elementi olduğunu bildirərək, onun yalnız Fransa tərəfindən idarə edilməli olduğunu qeyd edib. O, nüvə çəkindiriciliyinin paylaşılmasının və ya ötürülməsinin yolverilməz olduğunu vurğulayıb.
Fransanın müdafiə naziri Sebastyan Lekornu isə Makronun mövqeyini dəstəkləyib, ölkənin nüvə çəkindirmə qabiliyyətinin Avropanı əhatə etdiyini, lakin onun idarə edilməsinin yalnız Fransa prezidentinin səlahiyyətində olduğunu təsdiqləyib. O, nüvə çəkindiriciliyinin Fransanın həyati maraqlarını qoruduğunu və bu maraqların yalnız dövlət başçısı tərəfindən müəyyən edildiyini bildirib.
Avropanın digər ölkələrindən də müxtəlif reaksiyalar gəlib. Bəzi ölkələr Makronun təklifini Avropanın müdafiə qabiliyyətinin gücləndirilməsi istiqamətində mühüm addım kimi qiymətləndirib. Digərləri isə nüvə çəkindiriciliyinin paylaşılmasının milli suverenlik və təhlükəsizlik məsələlərinə təsir göstərə biləcəyini düşünərək ehtiyatla yanaşıblar.
Müşahidəçilər deyir ki, Makronun təklifi Avropanın müdafiə siyasətində yeni bir mərhələnin başlanğıcı ola bilər. Lakin bu istiqamətdə atılacaq addımlar Avropa ölkələri arasında geniş müzakirələr və razılaşmalar tələb edir.
Qeyd edək ki, Fransa hazırda təxminən 290-300 nüvə başlığına malikdir və bu göstərici onu dünyanın üçüncü ən böyük nüvə gücü edir. Fransa nüvə silahlarını həm hava bazalı (Rafale qırıcı təyyarələri vasitəsilə), həm də dəniz bazalı (ballistik raketlərlə təchiz olunmuş sualtı qayıqlar vasitəsilə) daşıya bilir. Ölkə 1960-cı ildən nüvə silahına sahibdir və bu qüvvə tamamilə milli suverenlik əsasında idarə olunur.
3-03-2025, 18:22
Qanunsuz ağac kəsmə: 3 milyon ziyan dəyib
Sabirabad və Tərtər rayonları ərazisində qanunsuz ağackəsmə faktları ilə bağlı araşdırmalar aparılıb.
Bu barədə Baş Prokurorluğun Mətbuat xidmətindən məlumat verilib.
Bildirilib ki, araşdırma zamanı Sabirabad rayonunda “Azera Toxumçuluq” MMC, “Aran Agro” MMC və digər hüquqi şəxslərin vəzifəli şəxsləri, Tərtər rayonunda isə fiziki şəxlər tərəfindən qanunvericiliklə nəzərdə tutulmuş qaydaya zidd olaraq çoxlu sayda yaşıllıqların, o cümlədən ağac və kolların məhv edilməsi nəticəsində təbiətə 3 milyon manata yaxın ziyan vurulmasına əsaslı şübhələr müəyyən edilib.
Qeyd olunan faktlarla bağlı Cinayət Məcəlləsinin 188.3 (torpaq üzərində mülkiyyət, istifadə və ya icarə hüququnu pozma), 259.2.4 (Ağacların, kolların və ya digər yaşıllıqların qanunsuz kəsilməsi külli miqdarda ziyan vurduqda) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələri ilə cinayət işləri başlanaraq istintaqın aparılması üçün aidiyyəti üzrə prokurorluq və daxili işlər orqanlarına göndərilib.
3-03-2025, 17:54
Səsyazısı yayılan direktor ləğv olunmuş universitetin məzunudur
Bakının Pirallahı rayonu, Gürgən qəsəbəsi 231 nömrəli tam orta məktəbin direktoru Lamiyə İlhamsoyun səsyazısı yayılıb. Səsyazısında direktorun müəllimlərlə mübahisəsi yer alıb.
Məlumata görə, direktor müəllimlərin ad günü ilə bağlı ona aldıqları hədiyyəni bəyənməyib və bu səbəbdən pedoqoji heyəti təhqir edib. O, müəllimlərə “Mənə dilənçi payı lazım deyil” deyə irad bildirib.
Bakı Şəhəri üzrə Təhsil İdarəsi direktorun səsyazısı ilə bağlı rəsmi məlumat yayıb.
Bildirilib ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin və Bakı Şəhəri üzrə Təhsil İdarəsinin nümayəndələri məktəbdə olub.
Rəsmi şəxslər pedaqoji heyətin üzvləri ilə müvafiq söhbətlər aparıblar.
Məsələ ilə bağlı araşdırma aparılır. Bakı Şəhəri üzrə Təhsil İdarəsindən bildirilib ki, araşdırmanın nəticəsi barədə ictimaiyyətə əlavə məlumat veriləcək.
Səsyazısı yayılan direktor Lamiyə İlhamsoy ləğv olunmuş Azərbaycan Beynəlxalq Universitetinin məzunudur.
Belə ki, o, 2005-ci ildə Azərbaycan Beynəlxalq Universitetininin (ABU) Filologiya (ingilis dili) fakultəsini bitirib.
2005-ci ildən 2022-ci il tarixinədək Nizami rayonu 277 nömrəli tam orta məktəbdə ingilis dili müəllimi vəzifəsində çalışıb.
2009-cu il tarixindən Yeni Azərbaycan Partiyasının üzvüdür.
2022-ci il tarixindən Bakı şəhəri Pirallahı rayonu N.S.Teymurov adına 231 nömrəli tam orta məktəbə direktor vəzifəsinə təyin olunub.
Qeyd edək ki, Azərbaycan Beynəlxalq Universiteti 1997–2010-cu illərdə fəaliyyət göstərib. ABU-nun fəaliyyəti 2010-cu ildə təhsil nazirnin əmri ilə dayandırılıb və lisenziyası ləğv edilib.
3-03-2025, 17:36
[b]Ana azyaşlı qızını döyüb küçəyə atdı: araşdırma başladı[/b]
Azərbaycanda ana azyaşlı qızına şiddət göstərib.
Bu barədə Azərbaycan Uşaqlar Birliyinin sədri Kəmalə Ağazadə sosial şəbəkədə yeni paylaşım edib.
Bildirib ki, qadın körpəni kəmərlə döyüb, həyətə atıb: "Aidiyyatı qurumlara göndərmişəm. "Ana" telefonları açmır, amma yəqin ki, izləmək olar. Ana isə məcburi müalicəyə göndərilməli, valideyn hüquqları məhdudlaşdırılmalıdır!".
Daxili İşlər Nazirliyinin (DİN) Mətbuat Xidmətinin əməkdaşı Elbrus İbrahimov məsələ ilə bağlı bildirib ki, sosial şəbəkələrdə azyaşlının təzyiqlərə məruz qalması ilə bağlı yayılan görüntülər polis tərəfindən araşdırılır: "Həmin şəxsin kimliyi müəyyən olunub, onun saxlanılaraq barəsində qanunamüvafiq tədbirlərin görülməsi təmin ediləcək".
3-03-2025, 16:57
Tramp "KQB"nin agenti olub? - Keçmiş rəisdən ŞOK İDDİA
Qazaxıstan kəşfiyyat xidmətinin keçmiş rəisi Alnur Musayev ABŞ Prezidenti Donald Trampla bağlı şok iddia ilə çıxış edib.
O, Donald Trampın SSRİ Dövlət Təhlükəsizlik Komitəsi (KQB) tərəfindən əməkdaşlığa cəlb edildiyini iddia edib.
Musayev deyir ki, Tramp 1987-ci ildə, hələ 40 yaşında olarkən daşınmaz əmlak maqnatı kimi Moskvaya ilk səfərini edib və bu zaman KQB tərəfindən işə götürülüb.
Musayev heç bir sübut təqdim etməyib. O, Trampın dosyesinin Vladimir Putinin əlində olduğunu iddia edib.
Qeyd edək ki, Musayev belə bir iddia ilə çıxış edən yeganə keçmiş DTK zabiti deyil. Bir neçə il əvvəl KQB-nin keçmiş mayoru, hazırda Vaşinqtonda yaşayan Yuri Şvets də Trampın DTK-yə işlədiyini iddia edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!