10-03-2025, 13:10
Sahibə Qafarova Gürcüstana getdi
Bu gün Milli Məclisin sədri Sahibə Qafarovanın başçılığı ilə parlament nümayəndə heyəti Gürcüstana rəsmi səfərə gəlib.
Bu barədə Milli Məclisin Mətbuat və ictimaiyyətlə əlaqələr şöbəsindən xəbər verilib.
Tbilisinin Şota Rustaveli Beynəlxalq Aeroportunda nümayəndə heyətini Gürcüstan parlamentinin sədr müavini Nino Tsilosani, hər iki ölkənin səfirləri Zurab Pataridze, Faiq Quliyev və digər rəsmi şəxslər qarşılayıblar.
Səfər çərçivəsində spiker Sahibə Qafarovanın Gürcüstan rəhbərliyi ilə bir sıra görüşləri nəzərdə tutulub.
10-03-2025, 13:10
Sahibə Qafarova Gürcüstana getdi
Bu gün Milli Məclisin sədri Sahibə Qafarovanın başçılığı ilə parlament nümayəndə heyəti Gürcüstana rəsmi səfərə gəlib.
Bu barədə Milli Məclisin Mətbuat və ictimaiyyətlə əlaqələr şöbəsindən xəbər verilib.
Tbilisinin Şota Rustaveli Beynəlxalq Aeroportunda nümayəndə heyətini Gürcüstan parlamentinin sədr müavini Nino Tsilosani, hər iki ölkənin səfirləri Zurab Pataridze, Faiq Quliyev və digər rəsmi şəxslər qarşılayıblar.
Səfər çərçivəsində spiker Sahibə Qafarovanın Gürcüstan rəhbərliyi ilə bir sıra görüşləri nəzərdə tutulub.
10-03-2025, 12:47
Şuşadan Xankəndiyə kanat - Qarabağın turizmində yeni era
Qarabağ təkcə tarixi və mədəni irsi ilə deyil, həm də turizm potensialı ilə diqqət çəkir. Bu bölgədə xüsusilə dağ turizmi üçün geniş imkanlar mövcuddur. Şuşa şəhəri və onun ətrafındakı əzəmətli dağlar, Xankəndi, Laçın, Kəlbəcər və digər rayonlar turizm baxımından unikal məkanlardır.
Xüsusilə Kəlbəcər, isti suları, füsunkar dağ mənzərələri və meşələri ilə seçilir. Bu bölgə yaxın gələcəkdə dünyanın əsas turizm məkanlarından birinə çevrilmək potensialına malikdir. Bir müddət əvvəl Kəlbəcərin turizm və rekreasiya resurslarının mövcud vəziyyətinin öyrənilməsi, resurslarının qiymətləndirilməsi, turizm dəhlizləri, turizm inkişaf potensialı və prioritet turizm məhsulları sahələri üzrə araşdırılma işləri aparılıb.
Məsələ ilə əlaqədar müvafiq hesabatlar və “Kəlbəcər Turizm İnkişaf Konsepsiya” sənədi hazırlanıb. “Sənəddə Kəlbəcərin 2040-cı ilədək il boyu turizm fəaliyyətlərinin təşkili və Cənubi Qafqaz regionunda ən çox səfər edilən turizm destinasiyalarından birinə çevrilməsi hədəflənir.
Bu gün Azərbaycanın işğaldan azad olunmuş ərazilərində geniş quruculuq və abadlıq işləri davam edir. Yeni yollar, tunellər, elektrik stansiyaları, hava limanları və digər infrastruktur layihələri icra olunur, bunlar Qarabağın tam bərpasına xidmət edir.
Xankəndi də öz tarixi simasını və təyinatını bərpa etməkdədir. Burada Qarabağ Universitetinin təsis edilməsi, insanların doğma yurdlarına qayıdışı, sosial və iqtisadi layihələrin icrası şəhərin yenidən dirçəlməsinə töhfə verir.
Eyni zamanda, Xankəndi və ətraf ərazilər turistlərin xüsusi marağını çəkir. Yol və nəqliyyat infrastrukturunun sürətlə inkişafı, Füzuli Beynəlxalq Hava Limanının fəaliyyət göstərməsi və yaxın gələcəkdə digər nəqliyyat xətlərinin genişləndirilməsi bu bölgənin turizm potensialını artırır.
Yeni layihələr fonunda Şuşa ilə Xankəndini birləşdirəcək kanat yolunun çəkilməsi təklif olunub. Modern.az-ın məlumatına görə, layihə hələ ilkin mərhələdə olsa da, bu ideyanın reallaşması Qarabağ turizminə böyük töhfə verə bilər. Kanat yolu həm yerli sakinlər, həm də turistlər üçün yeni turizm vasitəsi olacaq. Şuşadan Xankəndiyə doğru uzanan kanat yolu bölgənin gözəlliklərini havadan izləməyə imkan yaradacaq və Qarabağın turizm cəlbediciliyini artıracaq.
Turizm eksperti Ceyhun Aşurov da Şuşadan Xankəndiyə kanat çəkilməsi maraqlı təklif hesab edir. O qeyd edib ki, Şuşa Azərbaycanın mədəniyyət paytaxtı olmaqla yanaşı, mürəkkəb relyef quruluşuna malikdir.
"Şuşa daha hündür, dağlıq ərazidə yerləşir. Əlbəttə ki, kanatların ilk növbədə təsiri ondan ibarət olacaq ki, belə mürəkkəb relyefli dağlıq ərazidə daha rahat nəqliyyat rolunu oynayacaq. Eyni zamanda insanların bir yerdən başqa yerə hərəkət etməsini rahatlaşdıracaq. Ondan başqa bu turistlər üçün cəlbedici faktor rolunu oynaya bilər. Kanat panoramaya, yüksəklikdən görünən təbiət görüntüsünə malikdir. Həmçinin ekoloji cəhətdən daha təmiz nəqliyyat vasitəsi hesab olunur. Bu kanatların yanında digər infrastrukturların da inkişafına töhfə verə bilər. Əlavə olaraq restoranlar və iaşə obyektlərinin tikilməsi vətəndaşların gəlişini daha da asanlaşdıra bilər”.
C.Aşurov bildirib ki, bu kimi layihələrin keçirilməsində ərazinin imkanları nəzərə alınmalıdır:
“Dövlət və özəl sektor əməkdaşlığı çərçivəsində dünyada bir sıra belə layihələr var. Qarşılıqlı faydalı şəkildə dövlət-özəl əməkdaşlığı çərçivəsində bu cür layihələrin həyata keçirilməsi həm də sosial-iqtisadi töhfə vermiş olacaq. Ümumiyyətlə Qarabağda infrastrukturu getdikcə inkişaf etdirilməsi, gələcəkdə bu kimi vasitələrlə turislərin cəlb olunması turizmin inkişafını daha da artırmış olacaq”.
Qeyd edək ki, Azərbaycanda artıq bir neçə bölgədə kanat yolları fəaliyyət göstərir. Qəbələdə, Şahdağ və Tufandağ turizm mərkəzlərində yerləşən kanat yolları hər il minlərlə turist cəlb edir. Kanat yolları dağlıq ərazilərdə turizmin inkişafı üçün vacib infrastruktur elementlərindən biridir. Bu, nəqliyyat baxımından əlverişli olmaqla yanaşı, həm də insanlara təbiətin gözəlliklərini daha yaxından görmək imkanı yaradır.
Şuşadan Xankəndiyə uzanan kanat layihəsi həm turizm baxımından, həm də regionun inkişafı üçün əhəmiyyətli olacaq. Bu, yeni iş yerlərinin açılmasına, bölgənin turizm potensialının artmasına və Qarabağın təbii gözəlliklərinin daha çox tanınmasına səbəb olacaq. Kanat yolu həm də Şuşanı və Xankəndini daha əlçatan edəcək, bu iki şəhər arasında rahat və unikal bir nəqliyyat vasitəsi yaradacaq.
10-03-2025, 12:29
Sabahın hava proqnozu
Bakıda və Abşeron yarımadasında martın 11-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, Bəzi yerlərdə arabir duman olacaq, cənub-şərq küləyi əsəcək.
Havanın temperaturu gecə 3-6° isti, gündüz 10-15° isti olacaq. Atmosfer təzyiqi normadan yüksək 766 mm civə sütunu təşkil edəcək. Nisbi rütubət gecə 80-85 %, gündüz 60-65 % olacaq.
Azərbaycanın rayonlarında havanın əsasən yağmursuz keçəcəyi, bəzi yerlərdə arabir duman olacağı gözlənilir. Mülayim şərq küləyi əsəcək.
Havanın temperaturu gecə 3-7° isti, gündüz 17-22° isti, dağlarda gecə 3° şaxtadan 2°-dək isti, gündüz 8-13° isti olacaq.
10-03-2025, 12:20
Trampdan heç bir məktub almamışıq - İran XİN
İran ABŞ prezidenti Donald Trampdan heç bir məktub almayıb.
Bunu İran Xarici İşlər Nazirliyinin sözçüsü İsmayıl Bekayi həftəlik mətbuat konfransında deyib.
O xatırladıb ki, beynəlxalq hüquq qaydalarına görə, güc tətbiq etmək hədəsi qadağandır.
İsmayıl Bekayi bildirib ki, ABŞ-ın xarici siyasətinin mahiyyəti zorakılığa əsaslanır.
“Müharibə və ya danışıqlar dilemması göstərir ki, dialoqda ciddilik yoxdur. Lakin İran heç vaxt danışıqlardan əl çəkməyib, lakin təzyiq altında aparılan danışıqlar mənasızdır”.
Bekayi daha sonra əlavə edib: “ABŞ-ın İran xalqına qarşı sanksiyalarının heç bir hüquqi əsası yoxdur və ABŞ bu sanksiyaların insan haqları ilə bağlı nəticələrinə görə məsuliyyət daşımalıdır. Region ölkələri öz milli maraqlarına əsaslanan qərarlar qəbul etməli və ABŞ-ın təzyiqinin onların İranla münasibətlərinə mənfi təsir göstərməsinə imkan verməməlidir”.
9-03-2025, 19:13
Ramazanın 10-cu günü: Dua, imsak və iftar vaxtı
Sabah Azərbaycanda Ramazan ayının 10-cu günüdür.
İmsak saat 05:35, iftar isə saat 18:56-ya təyin olunub.
İmsak duası
“Allahumməc-əlni fihi minəl-mütəvəkkilinə əleyk. Vəc-əlni fihi minəl-faizinə lədeyk. Vəc-əlni fihi minəl-müqərrəbinə ileyk. Biihsanikə ya ğayətət-talibin”.
Tərcüməsi:
“İlahi, bu gün məni sənə təvəkkül edənlərdən, sənin nəzdində feyz və səadət tapanlardan, sənin dərgahına yaxın olanlardan qərar ver. Ehsanına and verirəm, ey tələb edənlərin məqsədi!”
İftar duası:
“Əllahummə ləkə sumtu və əla rizqikə əftərtu və ələykə təvəkkəltu ya vasiəl məğfirət-iğfirli!”
Tərcüməsi:
“İlahi, Sənin üçün oruc tutdum və Sənin ruzinlə iftar edib, yalnız Sənə təvəkkül edirəm!”
Allah orucunuzu qəbul etsin!
9-03-2025, 18:57
Big Ben-ə çıxan fəal həbs edildi
Londonun Vestminster rayonunda polis Fələstin bayrağı ilə Big Ben qülləsinə çıxan fəalı həbs edib.
Həmin şəxs martın 8-i səhər saatlarında Vestminster sarayının Elizabet qülləsinə qalxıb.
"Sky News" nəşri xəbər verir ki, fövqəladə hallar xidmətinin əməkdaşları yanğınsöndürən liftdən fəalla danışıqlar aparıblar. Ancaq kişi yalnız öz şərtləri ilə enəcəyini söyləyib. Üstəlik, Fələstin tərəfdarı olan fəal xilasedicilər ona yaxınlaşsa daha da yüksəyə qalxacağını bildirib.
Fəal qüllədə üç gündən çox qalmağı planlaşdırdığını bildirib. Baş verənlərə görə Britaniya paytaxtının mərkəzindəki bütün Vindzor körpüsü piyadalar və nəqliyyat vasitələri üçün bağlanıb.
O, müəyyən müddətdən saxlanılıb və həbs olunub.
9-03-2025, 18:26
Suriyada qaz elektrik stansiyasında növbəti qarşıdurma
Tartus əyalətində yerləşən Baniyas liman şəhərində Suriya təhlükəsizlik qüvvələri ilə keçmiş prezident Bəşər Əsəd tərəfdarları arasında yeni toqquşmalar başlayıb.
Bu barədə Suriyanın SANA dövlət agentliyi məlumat yayıb.
Keçmiş prezidenti dəstəkləyən silahlı dəstələrin şəhərin enerji infrastrukturunu məhv etmək üçün zavoda hücum etdiyi iddia olunur.
Bildirilir ki, Suriya müvəqqəti hökumətinə tabe olan təhlükəsizlik qüvvələri stansiyaya nəzarəti bərpa etməyə çalışır.
Qeyd edək ki, Baniyas Suriyanın qərb sahilində yerləşən, Latakiya ilə Tartus arasında yerləşən şəhər və limandır. Həmçinin Dəməşqin nəzarətində olan ərazilərdə qaz və neft sənayesi üçün mühüm mərkəzdir.
Martın 6-da Latakiya, Tartus və Homs əyalətlərində təhlükəsizlik qüvvələri ilə keçmiş prezident Bəşər Əsəd tərəfdarları arasında toqquşmalar başlayıb. Ən ağır döyüşlər Əsəd ailəsinin mənsub olduğu dini azlıq olan ələvilərin yaşadığı Cebla şəhərində baş verib.
9-03-2025, 18:08
Kolumbiyada torpaq sürüşməsi - Ölən var
Kolumbiyanın cənub-qərbində güclü yağışlar torpaq sürüşməsinə səbəb olub, azı bir nəfər ölüb, üç nəfər isə itkin düşüb.
Pasto şəhərinin meri Nikolas Toro dünyasını dəyişən şəxsin avtomobili ilə sürüşmə zonasından keçdiyini bildirib.
Milli Risklərin İdarə Edilməsi Təşkilatı 38 nəfərin xilas edildiyini bildirib. Qeyd olunub ki, 65 evə ziyan dəyib.
Ağır texnika zədələnmiş yolları açmaq və La Koça Laqun yaxınlığındakı məşhur turistik ərazidə kəsilmiş su təchizatını bərpa etmək üçün işləyir.
9-03-2025, 18:08
Kolumbiyada torpaq sürüşməsi - Ölən var
Kolumbiyanın cənub-qərbində güclü yağışlar torpaq sürüşməsinə səbəb olub, azı bir nəfər ölüb, üç nəfər isə itkin düşüb.
Pasto şəhərinin meri Nikolas Toro dünyasını dəyişən şəxsin avtomobili ilə sürüşmə zonasından keçdiyini bildirib.
Milli Risklərin İdarə Edilməsi Təşkilatı 38 nəfərin xilas edildiyini bildirib. Qeyd olunub ki, 65 evə ziyan dəyib.
Ağır texnika zədələnmiş yolları açmaq və La Koça Laqun yaxınlığındakı məşhur turistik ərazidə kəsilmiş su təchizatını bərpa etmək üçün işləyir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!