Dünən, 23:43
Maduronun həbsi zamanı 80 nəfər öldürülüb
ABŞ-ın Venesuela Prezidenti Nikolas Maduronu ələ keçirmək üçün apardığı əməliyyat zamanı 80 nəfər ölüb.
Bu barədə “The New York Times” qəzeti məlumat yayıb.
Bildirilib ki, ölənlər arasında təhlükəsizlik qüvvələri ilə yanaşı mülki şəxslər də var. Ölənlərin sayının artacağı istisna olunmur.
Dünən, 22:44
Oğuzda qəza oldu - Yaralı var
Qaraməryəm-İsmayıllı-Şəki avtomobil yolunun Oğuz rayonunun Bucaq kəndindən keçən hissəsində minik avtomobilinin yoldan çıxması nəticəsində qəza baş verib.
Sarvan Piriyevin idarə etdiyi “Mercedes” markalı avtomobil idarəetmədən çıxaraq ağaca dəyib. Nəticədə sürücünün həyat yoldaşı, 40 yaşlı Cəhanə Piriyeva və ailənin azyaşlı övladı xəsarət alıb.
Hadisə yerinə Təcili tibbi yardım briqadası cəlb olunub, yaralılar Oğuz Rayon Mərkəzi Xəstəxanasına çatdırılıb. Hazırda onların müayinə və müalicəsi aparılır.
Faktla bağlı araşdırma aparılır.
Dünən, 22:10
Növbəti hədəf Qrenlandiyadır?
ABŞ prezidenti Donald Tramp Venesuelanın vitse-prezidenti Delsi Rodriqezi hədələyib.
O, "The Atlantic" jurnalına deyib ki, Rodriqez Vaşinqtonun tələblərinə tabe olmazsa, “çox ağır bədəl ödəyəcək”.
Trampın sözlərinə görə, bu bədəl hətta Nikolas Maduro ilə müqayisədə daha ağır ola bilər.
ABŞ prezidenti müsahibədə Qrenlandiya mövzusuna da toxunub. Onun sözlərinə görə, ada ABŞ üçün “tamamilə zəruridir”. Tramp bunu bölgədə Rusiya və Çin gəmilərinin aktivliyi ilə əsaslandırıb.
Dünən, 21:52
"Real Madrid" öz meydanında 5 qol vurdu
İspaniya La Liqasında XVIII turun oyunları keçirilir.
"Real Madrid" evdə "Betis" ilə qarşılaşıb. Görüş "kral klubu"nun 5:1 hesablı qələbəsi ilə yekunlaşıb.
Bu nəticədən sonra xallarını 45-ə çatdıran Madrid təmsilçisi 2-ci pillədə qərarlaşıb.
Dünən, 21:38
Maduronun mühafizəçiləri öldürülüb
Venesuela Prezidenti Nikolas Maduronun ələ keçirilməsi zamanı onun təhlükəsizliyini təmin edən mühafizə əməkdaşlarının əhəmiyyətli hissəsinin qətlə yetirilib.
Bunu Venesuelanın müdafiə naziri Vladimir Padrino Lopes qeyd edib.
O bildirib ki, prezidentin ələ keçirilməsi zamanı mühafizəçilərə hücum edilib və onların böyük bir qismi soyuqqanlı şəkildə öldürülüb.
Dünən, 21:29
Atasının telefonunu oğurlayıb Bakıda 60 manata satdı – 1 aylıq həbs edildi
Bakıda atasının telefonunu oğurlayan şəxs həbs edilib.
Hadisə paytaxtın Nizami rayonu ərazisində baş verib.
Belə ki, 2002-ci il təvəllüdlü gənc iki dəfə oğurluq edib. O, Xalqlar metrosu yaxınlığında bir vətəndaşa məxsus 10 kiloqram fındıq və 5 kiloqram ləpəni götürüb. Daha sonra isə evdə olarkən atasına məxsus "Samsung" markalı mobil telefonu stolun üzərindən götürərək 60 manata satıb.
Təqsirləndirilən şəxs məhkəmədə əməlini etiraf edib. O bildirib ki, borcları olduğu üçün bu addımı atıb və səhv etdiyini anlayır. Şəxs azadlıqda qalaraq zərərçəkənlərin pulunu ödəmək istədiyini deyib.
Zərərçəkmiş ata məhkəmədə bildirib ki, telefon təxminən 100–150 manat dəyərində olub və o, şikayətindən imtina etməyib. Digər zərərçəkmiş şəxslə də barışıq əldə olunmayıb.
Məhkəmə tərəflər arasında barışıq olmadığını və dəymiş ziyanın ödənilmədiyini nəzərə alaraq, gənc barəsində bir ay inzibati həbs cəzası seçib.
Dünən, 21:19
Maduronun məhkəməsinin tarixi açıqlandı
Venesuelanın devrilmiş prezidenti Nikolas Maduro bazar ertəsi günü Nyu-Yorkda Manhetten federal məhkəməsinə çıxarılacaq.
O, 25 narkotik ticarətinə rəhbərlik etməkdə ittiham olunaraq dörd maddə üzrə mühakimə ilə üzləşəcək.
Dünən, 20:50
Zelenski onu da işdən çıxardı
Ukrayna Prezidenti Volodimir Zelenski Valeri Vavrynyuku Dövlət Sərhəd Xidmətinin (DSXX) rəisi vəzifəsinin icraçısı təyin edib.
Bu barədə RBC-Ukrayna məlumat yayıb.
Zelenski başqa bir sərəncamla Sergey Deynekanı Dövlət Sərhəd Xidmətinin rəisi vəzifəsindən azad edib.
Ukrayna prezidenti, həmçinin beş regional hərbi administrasiyada rəhbər vəzifələrə namizədlərlə müsahibə apardığını da açıqladı. O, kadr qərarlarının tezliklə yekunlaşdırılacağını söyləyib.
"Tezliklə təyinatlar olacaq: Vinnitsa, Dnepr, Poltava, Ternopil və Çernovtsi vilayətləri. Bu vəzifələri tutan rəhbərlərə təşəkkür edirəm. Yeni rəhbərlərin adları rəsmi təyinat prosedurları başa çatdıqdan sonra açıqlanacaq".
Dünən, 20:42
Venesuelada heç bir ABŞ qoşunu yoxdur
“ABŞ narkotik kartelləri ilə müharibə aparır, Venesuela ilə yox”.
Bu sözləri ABŞ dövlət katibi Marko Rubio “NBC News”a müsahibəsində deyib. O bildirib ki, ölkəsi neft sanksiyaları ilə bağlı Amerika qanunlarını tətbiq edir, məhkəməyə müraciət edir, order alır və neft daşıyan gəmiləri ələ keçirir.
O, Venesuelada heç bir Amerika qoşununun olmadığını və Venesuelada qalan liderləri düzgün qərar verərsə, ABŞ-ın onlarla işləməyə hazır olduğunu əlavə edib.
Dünən, 20:26
Neftlə bağlı vacib qərar
OPEC+ ölkələri neft hasilatının artırılmaması ilə bağlı qərar veriblər.
Təşkilatın səkkiz üzv ölkəsinin nazirləri keçirilən iclasın yekununda 2026-cı ilin birinci rübündə neft hasilatının 2025-ci ilin dekabr ayı səviyyəsində qalacağını təsdiqləyiblər.
Bu barədə OPEC+-in yaydığı kommünikedə bildirilib.
Qərara əsasən, mövsümi dalğalanmalar nəzərə alınaraq 2026-cı ilin fevral və mart aylarında hasilatın mərhələli şəkildə artırılması planı dayandırılıb. Qeyd olunub ki, bu qərar 2025-ci il noyabrın 2-də səkkiz ölkə tərəfindən razılaşdırılıb.
Eyni zamanda, nazirlər 2025-ci ilin noyabr ayının əvvəlində əldə olunan əvvəlki razılaşmanı da xatırladıblar. Həmin razılaşmaya görə, 2025-ci ilin dekabr ayında OPEC+ çərçivəsində neft hasilatının ümumi kvotası sutkada 137 min barel artırılıb.
Mövcud razılaşmalara əsasən, 2026-cı ilin birinci rübü üçün maksimal neft hasilatı səviyyələri belə müəyyən edilib: Rusiya üçün sutkada 9,57 milyon barel, Səudiyyə Ərəbistanı üçün 10,103 milyon barel, İraq üçün 4,273 milyon barel, Birləşmiş Ərəb Əmirlikləri üçün 3,411 milyon barel, Küveyt üçün 2,580 milyon barel, Qazaxıstan üçün 1,569 milyon barel, Əlcəzair üçün 971 min barel və Oman üçün 811 min barel. Bu göstəricilər kompensasiya qrafiki nəzərə alınmadan hesablanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!