19-01-2026, 22:40
Əziz oxucular, Şəhidlər xiyabanı salınandan hər il dönə-dönə ziyarət edirəm. Bu gün də növbəti ziyarətimi etdim və düşündüm ki, 1990-cı ilin Qanlı yanvarında bir şəhidimiz haqqında yazdığım yazını sizlərlə paylaşım.
DİDƏRGİN ŞƏHİD
Deyirlər, didərginlər dünyanın ən binəsib adamlarıdır. Bir də deyirlər ki, dünyanın ən xoşbəxt adamları azadlığı, qeyrəti, namusu uğrunda qurban getmiş şəhidlərdir. Deməli, İbiş Məmmədov (İbrahimə uşaqlıqdan qonum-qonşu İbiş deyərdi) dünyanın ən binəsib xoşbəxtidir. Kimdir qoһum-qonşularından başqa һeç kimin tanımadığı, lakin һamının ziyarət etdiyi bu İbiş?
1988-ci ildə Qafan şəһərində mitinq keçirən erməni ekstremistləri: «Mamedov, gəl bizə qoşul, Qarabağı Azərbaycandan qoparaq» deyəndə, o, “Mən Azərbaycan oğluyam, Qarabağ da bizimdir», - demişdi.
Onu Şəһidlər Xiyabanına aparan yol da oradan, o cavabdan başlamışdı. İbiş öz dədə-baba yurdundan qovulmuşdu...
Şəһidlərimizin cənazələri Azadlıq meydanından qaldırılanda istədim bir bayatı çəkəm, deyəm ki, «Burda bir qərib ölüb...». Amma dilim gəlmədi. Axı xalqın matəm qurduğu oğulu necə “qərib” deyib ağlayasan?!
Onun da tabutu bütün Azərbaycanın çiynində götürüldü. İbiş müqəddəs sayıb pənaһ gətirdiyi torpağa tapşırıldı, o torpağa ki, onun qeyrətini çəkə-çəkə didərgin düşdü. Öləndə də qollarını açıb torpağı elə һəsrətlə quçaqlamışdı ki... Ana dö- şünə sığınan körpə kimi.
Babası İsa kişi deyirdi ki, son vaxtlar evə dostları ilə gəlib-gedirdi. Yanıma çağırıb, bala, birdən pis əməllərə qoşularsan ha..a... dedim.
-«Baba, biz pis əməllər üçün doğulmamışıq”, - dedi, “Pis yol tutsam çörəyin gözümü tutar”.
Axırıncı dəfə yanvarın 19-da saat 11-də evdən çıxdı… İxtiyar kişi ağrıya tab gətirə bilmir. Köһnə-təzə yaraları sızıldayır. Yaşlı gözlərini ovcunda gizlədib danışmağa güc toplayır:
- Faşist ordusunun vurduğu güllələrin yarasını yarım əsrdir ki, bədənimdə gəzdirirdim, ağrıtmırdı. Amma Bakıda sovet əsgərinin atdığı güllələrin ağrısını ömrüm uzunu unuda bilməyəcəyəm. O qanlı yanvar gecəsinin dəһşətini unutmaqmı olar? Atəş açıldığını eşidib Salyan kazarması tərəfə çıxdım. Elə bil göydən yerə od yağırdı. Nəvəmi yıxılmış görüb qışqırdım, səsimi güllələdilər. Dizlərim təpərdən düşdü, tərpənməyə taqətim olmadı. Bu vəziyyətimi görən bir Azərbaycan balası şaһin kimi şığıyıb məni kənara çəkdi. Elə bu vaxt һər tərəfi tüstü bürüdü. Daһa һeç nə görə bilmədim.
Azərbaycan torpağında tökülən naһaq qanı һava işıqlanınca yumaq, yolu-rizi itirmək, o müdһiş gecənin eyibini ört-basdır etmək üçün tüstü də buraxdılar, su da tökdulər. Lakin başa düşmədilər ki, günaһsız qan su ilə yuyulmaz. Şəһid
qanından məlһəm qoyulmuş vətən torpağı sulandıqca oradan vəһşiliyə nifrət göyərəcək.
Tale İbişə onsuz da һəmişə sərt üzünü göstərib. İki yaşından yetim qalıb. Ata qayğısı görməyib. 1981-ci ildə 20 yaşında evlənib. Doqquz il övlad payı gözləyib. İndi də...
Öz taleyindən pay uman təzə gəlinlər ağ örpəyi atıb qara bağlayıblar. Hələ könül verib, könül almayan məsum qızlar odsuz-ocaqsız yanıb yaxılırlar. Anaların aһ-naləsi ərşə dayanır. Kirpiklər çəpər çəkib göz yaşlarını saxlamaq istəyir, bacarmır. Hər damlası şəһid qanından rəng alıb bir qırmızı qərənfil olan göz yaşlarından gül təpəsi yaranır. Şəһid yaraları qərənfildən “qaysaq” bağlayır.
Tamxil ZİYƏDDİNOĞLU
Bakı Dövlət Universitetinin tələbəsi
Yanvar 1990-cı il
19-01-2026, 19:16
Prezident Davosda görüş keçirdi
Bu gün Prezident İlham Əliyev Davos Ümumdünya İqtisadi Forumu çərçivəsində Braziliyanın aparıcı investisiya banklarından və aktivlərin idarə edilməsi şirkətlərindən biri olan “BTG Pactual” şirkətinin sədri Andre Esteves ilə görüşüb.
Prezident İlham Əliyev Azərbaycanın makroiqtisadi sabitliyinə və fiskal intizamına, həmçinin uzunmüddətli inkişaf strategiyasına toxunaraq, bu istiqamətdə həyata keçirilən siyasətin ölkəmizin beynəlxalq maliyyə bazarlarında etibarlı tərəfdaş kimi mövqeyinin daha da möhkəmlənməsinə müsbət təsir göstərdiyini dedi.
Dövlət başçısı vurğuladı ki, dünyanın beynəlxalq reytinq agentlikləri ölkəmizin kredit reytinqini daha da artıraraq, investisiya və müsbət proqnozu olan reytinq səviyyəsinə qaldırıb.
Rəhbərlik etdiyi şirkətin qlobal fəaliyyət coğrafiyası və institusional investorlarla iş təcrübəsi barədə danışan Andre Esteves “BTG Pactual”ın müxtəlif regionlarda tətbiq etdiyi investisiya yanaşmaları barədə məlumat verdi.
Qeyd olundu ki, Azərbaycan Respublikası Dövlət Neft Fondu ilə bu şirkət arasında son dövrlərdə mümkün əməkdaşlıq istiqamətləri və strateji prioritetlər ətrafında ilkin müzakirələr aparılır, qarşılıqlı maraq doğuran məsələlər üzrə dialoq davam etdirilir.
Söhbət zamanı qlobal iqtisadi proseslər, beynəlxalq maliyyə bazarlarında mövcud vəziyyət və institusional investorların müxtəlif regionlara yanaşması, həmçinin inkişaf etməkdə olan bazarlarda investisiya mühiti, uzunmüddətli investisiya yanaşmaları və qarşılıqlı investisiya layihələri ilə bağlı fikir mübadiləsi aparıldı.
Qeyd edək ki, 1983-cü ildə təsis edilmiş “BTG Pactual” təxminən yarım trilyon ABŞ dollarından çox aktivləri idarə edir.
19-01-2026, 18:52
İlham Əliyevə verilən mükafat daha əvvəl kimə təqdim edilib?
Azərbaycan Prezidenti İlham Əliyev Birləşmiş Ərəb Əmirliklərinin nüfuzlu Şeyx Zayed Fondu tərəfindən təsis edilən “Zayed İnsan Qardaşlığı Mükafatı”na layiq görülüb.
Bu qərar Prezident İlham Əliyevin regional və qlobal miqyasda sülhün təşviqi, mədəniyyətlərarası dialoqun gücləndirilməsi və humanist dəyərlərin qorunması istiqamətində həyata keçirdiyi siyasətə beynəlxalq səviyyədə verilən yüksək qiymət kimi dəyərləndirilir.
Qeyd olunur ki, mükafatın Prezident İlham Əliyevə təqdim edilməsi təkcə diplomatik uğurun göstəricisi deyil, həm də Azərbaycanın sülh gündəliyinin dünya ictimaiyyəti tərəfindən qəbul olunduğunu təsdiqləyən mühüm mesajdır. Fondun əsas fəlsəfəsi BƏƏ-nin banisi Şeyx Zayed bin Sultan Əl Nəhyanın humanizm, tolerantlıq, xalqlar arasında həmrəylik və dinc yanaşı yaşama ideyalarına söykənir.
“Zayed İnsan Qardaşlığı Mükafatı” dünyada sülhə, qarşılıqlı hörmətə və əməkdaşlığa töhfə verən seçilmiş şəxslərə və qurumlara təqdim olunur.
İndiyədək bu nüfuzlu mükafata layiq görülənlər sırasında BMT Baş katibi Antonio Quterreş, İordaniya Kralı II Abdullah və kraliça Raniyə Əl Abdullah, mərhum Roma Papası Fransisk, Misirin Əl-Əzhər Şərifinin şeyxi, böyük imam Əhməd Əl-Tayyib, IMAD Assosiasiyasının təsisçisi Lətifə İbn Ziyaten, Keniyadan sülh fəalı Şəmsa Əbubəkr Fadhil, eləcə də Barbadosun Baş naziri Mia Amor Mottley yer alır.
Fond müxtəlif kateqoriyalar üzrə mükafatlar təqdim etsə də, bu təltif yalnız müstəsna xidmətləri olan şəxslərə və qurumlara verilir. Prezident İlham Əliyevin “Zayed İnsan Qardaşlığı Mükafatı”na layiq görülməsi Azərbaycanın həm regionda, həm də beynəlxalq müstəvidə sülh quruculuğu prosesində artan roluna verilən yüksək qiymətin növbəti təsdiqi kimi qiymətləndirilir.
19-01-2026, 18:40
Zabil Qəhrəmanovun həbs müddəti uzadıldı
Hazırda həbsdə olan vəkil Zabil Qəhrəmanovun barəsində olan həbs qətimkan tədbirinin müddəti uzadılıb.
Bununla bağlı təqdimata Səbail Rayon Məhkəməsində baxılıb və qərar qəbul edilib. Qərara əsasən, Zabil Qəhrəmanov barəsində seçilmiş həbs qətimkan tədbiri 2 ay müddətinə uzadılıb.
Zabil Qəhrəmanovun vəkili Babək Həmidov bildirib ki, müvəkkili barəsində cinayət işi Gəncə Şəhər Polis İdarəsində açılsa da, cinayət işinin istintaqı Daxili İşlər Nazirliyinin Baş İstintaq və Təhqiqat İdarəsində aparılır. Ona görə də Zabil Qəhrəmanov Bakıya gətirilib və Bakı İstintaq Təcridxanasına yerləşdirilib.
Həmçinin ona əlavə ittihamlar irəli sürülüb. Hazırda Zabil Qəhrəmanov Cinayət Məcəlləsinin 4 maddəsi - 221.2.2-ci (xuliqanlıq - ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərmək), 178.2.2-ci (Dələduzluq, təkrar törədildikdə), 178.2.3-cü (Dələduzluq, şəxs tərəfindən öz qulluq mövqeyindən istifadə etməklə törədildikdə), 178.2.4-cü (Dələduzluq, xeyli miqdarda ziyan vurmaqla törədildikdə) maddələri ilə ittiham olunur.
19-01-2026, 18:30
Tramp Avropa avtomobil sənayesinə zərbə vurdu
ABŞ Prezidenti Donald Trampın Qrenlandiya ilə əlaqədar yeni tariflərlə hədələməsindən sonra Avropa avtomobil istehsalçılarının səhmləri kəskin şəkildə aşağı düşüb.
Xüsusilə, "Mercedes-Benz AG" səhmləri 6,7 faiz, BMW 7 faiz və "Volkswagen" səhmləri 5,4 faiz ucuzlaşıb. Bundan əlavə, "Porsche" səhmlərinin qiyməti də təxminən 5 faiz azalıb.
Agentlik xatırladıb ki, ötən həftənin sonunda Ağ Ev rəhbəri Avropa mallarına əlavə 10% tarif tətbiq olunduğunu elan edib. Şirkətlərin əsas bazarı Amerika olduğu üçün tariflər onlara xüsusilə təsir edib.
Avropa avtomobil sənayesi artıq Trampın artıq tətbiq etdiyi tariflərdən təzyiq altındadır. Hazırda Avropa Birliyindən idxal edilən əksər avtomobil və komponentlərə tariflər 15 faiz təşkil edir.
19-01-2026, 18:06
Azərbaycanda milli geyim standartları hazırlanıb
Milli dəyərlərimizin qorunması və təbliği Prezident İlham Əliyevin mədəniyyət siyasətinin əsas istiqamətlərindən birini təşkil edir.
Mədəniyyət Nazirliyindən bildirilib ki, yeni milli geyim standartları hazırlanıb:
"Azərbaycan Respublikasının Mədəniyyət Nazirliyi tərəfindən dövlətimizin yeni mədəniyyət konsepsiyası nəzərə alınmaqla milli geyimlərin müasir dövrdə istifadəsi, təbliği və təqdimat formaları üzərində sistemli iş aparılır.
Artıq Azərbaycanın milli geyim standartları hazırlanıb və bu proses yekunlaşmaq üzrədir. Sözügedən standartları milli geyim irsinin qorunması, vahid meyarlar əsasında təqdimatı və gələcək nəsillərə ötürülməsi baxımından çox əhəmiyyətli hesab edirik. Qeyd etmək istərdik ki, milli geyimlərin yalnız ənənəvi formada deyil, müasir dizayn elementləri ilə interpretasiya olunmuş nümunələr şəklində təqdim edilməsi xüsusi əhəmiyyət daşıyır".
Bildirilib ki, Nazirlik tərəfindən təşkil olunan rəsmi tədbirlərdə və ictimai platformalarda bu cür geyim nümunələrinin mərhələli şəkildə nümayişi və təşviqi nəzərdə tutulur.
19-01-2026, 17:58
"Niva" ilə 40 yaşlı kişini vurub öldürdü
Şahbuzda avtomobil 40 yaşlı kişini vuraraq öldürüb.
Hadisə rayonun Heydər Əliyev prospektində qeydə alınıb. Əmrah Gülmalıyevin idarə etdiyi "Niva" markalı avtomobil yolu keçən 1986-cı il təvəllüdlü Samir Əliyevi vurub. S.Əliyev hadisə yerində ölüb.
Faktla bağlı araşdırma aparılır.
19-01-2026, 17:53
İranda internet bərpa olunur
İran hakimiyyəti internetə çıxışı 23 yanvar - cümə gününə qədər tam bərpa edə bilər.
Bu barədə İranın elm və texnologiya üzrə vitse-prezidenti Hüseyn Afşin bildirib.
İranda baş verən son etirazlar və iğtişaşlar səbəbindən bloklanan internetə çıxış paytaxt tehranda artıq bərpa edilib.
İranda etirazlar 2025-ci ilin dekabr ayının sonlarında milli valyutanın devalvasiyası səbəbindən başlayıb. 8 yanvarda İranın devrilmiş şahının oğlu Rza Pəhləvinin çağırışlarından sonra etirazlar iğtişaşlara çevrilib və İranın siyasi sisteminə qarşı şüarlarla müşayiət olunub. Elə həmin gün ölkədə internet kəsilib.
İranın Ali Milli Təhlükəsizlik Şurası ABŞ və İsraili İslam Respublikasındakı iğtişaşları təşkil etməkdə günahlandırıb.
19-01-2026, 17:49
İran Ermənistana uçuşları ləğv etdi
İran aviaşirkətləri İrəvana iki aviareysi ləğv edib.
Reyslərin ləğvolunma səbəbləri hazırda məlum deyil.
Xatırladaq ki, "Qeshm Air" və "Caspian Airlines" şirkətlərinin reysləri İrəvana çatmalı idi.
19-01-2026, 17:41
Axtarışda olan 3 şəxs ölkəmizə gətirildi
Beynəlxalq axtarışa verilmiş daha 3 şəxs Azərbaycana ekstradisiya edilib.
Bu barədə Baş Prokurorluqdan məlumat verilib.
Bildirilib ki, "Mülki, ailə və cinayət işləri üzrə hüquqi yardım və hüquqi münasibətlər haqqında" 07.10.2002-ci il tarixli Konvensiyanın tələblərinə uyğun olaraq Azərbaycan Respublikası vətəndaşları Məmmədov Ruad Yaşar oğlu, Əsgərov Xəyal Rasim oğlu və Əyyubov Zaur Əyyub oğlunun ekstradisiyaları haqqında Baş Prokurorluğun vəsatətləri müvafiq olaraq Rusiya Federasiyasının və Qazaxıstan Respublikasının Baş Prokurorluqları tərəfindən təmin edilib.
Belə ki, Məmmədov Ruad Yaşar oğlu və Əsgərov Xəyal Rasim oğlunun külli miqdarda zərər vurmaqla dələduzluq cinayət əməllərini törətmələrinə əsaslı şübhələr müəyyən edildiyindən barələrində təqsirləndirilən şəxs qismində cəlb etmə haqqında qərarlar qəbul edilmiş və ibtidai istintaqdan qaçıb gizləndiklərinə görə beynəlxalq axtarışa verilib. Qeyd olunan şəxslər Rusiya Federasiyasının ərazisində saxlanılaraq Ədliyyə Nazirliyi Penitensiar Xidmətin xüsusi konvoyunun müşayiəti ilə Azərbaycan Respublikasına gətirilib.
Eyni zamanda, Yasamal rayon məhkəməsinin icraatında olan cinayət işi üzrə xeyli miqdarda ziyan vurmaqla törədilmiş oğurluq cinayət əməlinə görə təqsirləndirilən şəxs qismində cəlb edilmiş Əyyubov Zaur Əyyub oğlu məhkəmədən gizləndiyinə görə barəsində beynəlxalq axtarış elan edilmiş, Qazaxıstan Respublikasının ərazisində saxlanılaraq Ədliyyə Nazirliyi Penitensiar Xidmətinin xüsusi konvoyunun müşayiəti ilə Azərbaycan Respublikasına gətirilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!