5-01-2026, 20:17
Millimizin baş məşqçisi vəzifəsindən ayrıldı
Yunan-Roma güləşi üzrə milli komandanın baş məşqçisi Aleksandr Tarakanovla əməkdaşlıq qarşılıqlı razılaşma əsasında başa çatıb.
Azərbaycan Güləş Federasiyası rusiyalı mütəxəssisə Azərbaycan güləşinə verdiyi töhfəyə görə təşəkkürünü bildirib.
Qeyd edək ki, 2019-cu ilin oktyabr ayından baş məşqçi vəzifəsində çalışan A.Tarakanovun rəhbərliyi altında milli komanda 2 dəfə Avropa və 2 dəfə dünya çempionu olmaqla yanaşı, Tokio-2020 və Paris-2024 Olimpiya Oyunlarında 1 bürünc medal qazanıb.
5-01-2026, 19:46
Kim güclüdür, o da haqlıdır - Prezident
Azərbaycan xalqına Yeni il təbrikimdə də demişdim ki, bugünkü dünya belədir - kim güclüdür, o da haqlıdır".
Bu barədə Prezident İlham Əliyev yerli televiziya kanallarına müsahibəsində deyib.
Dövlət başçısı müsahibə zamanı Bayden-Blinken administrasiyasının nə qədər naşükür olduğunu da xatırladıb:
"O vaxt administrasiyanın yüksəkvəzifəli şəxsləri ilə söhbət əsnasında mən demişdim ki, gün gələcək və biz sizə bir daha lazım olacağıq, amma onda bizim qapımızı döyməyin".
Prezident İlham Əliyev bildirib ki, hazırda da ABŞ-də hakimiyyətdə həmin administrasiya olsaydı, onların bir xahişi də yerinə yetirilməyəcəkdi.
Müsahibənin tam versiyası yaxın saatlarda yerli televiziya kanallarında yayımlanacaq.
5-01-2026, 19:38
"Azərbaycanfilm"in mətbuat katibi vəzifəsindən ayrıldı
C.Cabbarlı adına "Azərbaycanfilm" kinostudiyasının ictimaiyyətlə əlaqələr və marketinq şöbəsinin müdiri Ramilə Qurbanlı işindən ayrılıb.
Bu barədə o, sosial şəbəkə hesabında paylaşım edib.
Qeyd edək ki, Ramilə Qurbanlı əvvəllər "Ədəbiyyat qəzeti", "7 Gün", "Gənclik - P. S", "Gün Səhər", "Üç nöqtə", "Yeni zaman", "Azərbaycan", "Xalq" qəzetlərində, Lent.az, Kulis.az internet saytlarında, AZTV, "Space" və APA TV-də çalışıb.
5-01-2026, 19:26
Leyla Əliyeva Omanın birinci xanımı ilə görüşdü
Heydər Əliyev Fondunun vitse-prezidenti Leyla Əliyeva Maskat şəhərində Oman Sultanlığının birinci xanımı Ülyahəzrət Sayyida Ahad bint Abdullah bin Hamad Al Busaidiyah ilə görüşüb.
Leyla Əliyevanı Omanda görməkdən məmnunluğunu bildirən Sayyida Ahad bint Abdullah bin Hamad Al Busaidiyah onun ictimai fəaliyyətinin Azərbaycanla yanaşı, bir çox ölkələrdə, o cümlədən Körfəzin ərəb ölkələrində yüksək qiymətləndirildiyini vurğulayıb.
Omanın birinci xanımı Heydər Əliyev Fondunun vitse-prezidentinin ətraf mühitə, incəsənətə, mədəniyyətə, eyni zamanda xüsusi qayğıya ehtiyacı olan uşaqlara dəstəyi, xeyriyyə aksiyalarında yaxından iştirakı barədə məlumatlı olduğunu bildirib.
O, həmçinin Azərbaycanda sənətkarlıq, xalçaçılıq, toxuma sənəti barədə də zəngin məlumatının olduğunu deyib.
Bu ölkədə olmağından məmnunluğunu bildirən Leyla Əliyeva görüşə, göstərilən diqqət və qayğıya görə təşəkkürünü ifadə edib. Heydər Əliyev Fondunun vitse-prezidenti Omana ilk dəfə səfər etdiyini vurğulayaraq, bunun ölkələrimizin mədəniyyət, incəsənət, xalçaçılıq, toxuculuq kimi sahələrdə fəaliyyət göstərən qurumları arasında gələcək əlaqələrə təkan verəcəyinə əminliyini bildirib.
Azərbaycanın xalçaçılıq və toxuculuq sahələrində zəngin ənənəsinin olduğunu bildirən Leyla Əliyeva bu xüsusda təcrübə mübadiləsinin önəminə toxunub.
Söhbət zamanı Azərbaycanla Oman arasında qeyd edilən sahələrdə birgə layihələrin işlənib hazırlanması barədə razılıq olunub.
5-01-2026, 18:13
Salyanda dəhşətli qəza - 2 nəfər öldü
Salyan rayonu ərazisində 2 nəfərin ölümü, 4-nün xəsarət alması ilə nəticələnən yol nəqliyyat hadisəsi baş verib.
Rayonun Noxudlu kəndinin yolunda "Mercedes" markalı iki nəqliyyat vasitəsi toqquşub.
Hadisə zamanı Vüqar İmanov və Coşqun Məmmədov ölüb. Mirzağa Məmmədov, Pərvanə Məmmədova, Fatimə Məmmədli və Tərlan İmanov xəsarət alıblar. Onlar Salyan Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
5-01-2026, 17:54
MDB-nin Daxili İşlər Nazirləri bu ölkədə toplanacaq
Müstəqil Dövlətlər Birliyi (MDB) ölkələrinin Daxili İşlər Nazirləri Şurasının növbəti iclası 2026-cı ildə Düşənbədə keçiriləcək.
Bu barədə Tacikistan Daxili İşlər Nazirliyinin (DİN) mətbuat mərkəzi məlumat yayıb.
Sessiya zamanı MDB ölkələrinin Daxili İşlər Nazirlikləri arasında ilkin əməkdaşlıq perspektivlərinin, cinayətkarlığa qarşı mübarizə üzrə dövlətlərarası proqramların həyata keçirilməsi yollarının, eləcə də tərəfdaş ölkələrin nazirlikləri arasında qarşılıqlı fəaliyyətin digər cari məsələlərinin müzakirəsi planlaşdırılır.
2025-ci ildə MDB ölkələri Daxili İşlər Nazirləri Şurasının iclası Sankt-Peterburqda keçirilmişdi.
5-01-2026, 17:40
Makronun xanımının "kişi" olduğunu iddia edənlər həbs olundu
Fransada 10 nəfər birinci xanım Bricit Makronu təqib etməkdə günahkar bilinib.
Onlar Bricit Makronun bioloji olaraq kişi kimi doğulduğunu, sonradan cinsini dəyişdiyini iddia etməklə onun barəsində yalan məlumat yayıblar.
Təqsirləndirilən şəxslərin əksəriyyəti 8 aya qədər şərti həbs cəzası alıblar. Bir nəfər məhkəməyə gəlmədiyinə görə həbs edilib.
Hamısı Fransa birinci xanımının cinsi və cinsi oriyentasiyası haqqında yalan yaymaqda, eləcə də Emmanuel Makron və xanımı arasındakı 24 illik yaş fərqi haqqında "pis niyyətli ifadələr" yaymaqda günahkar biliniblər.
Hakim bildirib ki, bütün təqsirləndirilən şəxslər internetdə təhqiramiz şərhlər yazmaqla Bricit Makrona zərər vermək niyyəti ilə hərəkət ediblər.
5-01-2026, 17:33
Duman olacaq, yollar buz bağlayacaq - XƏBƏRDARLIQ
Avtomobil yollarında gözlənilən vəziyyət açıqlanıb.
Yanvarın 6-da ölkə ərazisinin bəzi yerlərində dumanlı hava şəraiti müşahidə olunacaq.
Gözlənilən hava şəraiti ilə əlaqədar olaraq magistral avtomobil yollarında görünüş məsafəsinin 500-1000 metrədək məhdudlaşacağı ehtimalı var.
Gecə bəzi dağlıq ərazilərdə yolların buz bağlayacağı gözlənilir.
5-01-2026, 17:23
Ərdoğan: "Həm Putin, həm Zelenski ilə danışan tək ölkəyik"
Türkiyə Prezidenti Rəcəb Tayyib Ərdoğan ABŞ-ın Bloomberg agentliyinə geniş müsahibə verib.
Müsahibədə o, Türkiyənin xarici siyasəti, dünyada gedən proseslər və iqtisadi göstəricilərlə bağlı önəmli açıqlamalar verib.
F-35 məsələsi
Türkiyənin artıq ödəniş etdiyi F-35 təyyarələrini alması və ABŞ-ın dəstəyi ilə proqramda iştirakının bərpa edilməsi vacibdir və zəruridir.
Enerji
Xüsusilə ABŞ-dan mayeləşdirilmiş təbii qaz tədarükümüzü əhəmiyyətli dərəcədə artırdıq. Milli maraqlarımıza və enerji təhlükəsizliyimizə uyğun hərəkət edirik. Karbohidrogen ehtiyaclarının əhəmiyyətli bir hissəsini idxaldan asılı olan bir ölkə olaraq, enerji təhlükəsizliyimizə təsir edə biləcək bütün məsələlərə ehtiyatlı və balanslı yanaşma tətbiq etməliyik.
Rusiya-Ukrayna
Türkiyə həm cənab Putin, həm də Ukrayna Prezidenti Vladimir Zelenski ilə birbaşa danışa bilən yeganə aktordur.
5-01-2026, 17:16
Venesuelanın bu qədər qızıl ehtiyatı var
ABŞ Prezidenti Donald Trampın neftinə heyran olduğu Venesuelanın böyük qızıl ehtiyatları da var.
ABŞ-ın hədəfində olan Venesuela yeraltı sərvətlər baxımından dünyanın ən zəngin ölkələrindən biridir.
Venesuelanın dərinliklərində gizlənən nəhəng yataqlar təkcə enerji ehtiyatları ilə deyil, həm də ən qiymətli metallarla doludur. Latın Amerikasının incisi olan Venesuela ABŞ tərəfindən yaxından izlənilən bir xəzinə hesab olinir.
Dünya Qızıl Şurasının ölkə hesabatlarına görə, Venesuelanın son illərdə (2023–2024) ümumi qızıl istehsalı ildə 20-40 ton arasında olub.
Venesuela Mərkəzi Bankının balans hesabatına görə, 2024-cü ilin sonuna olan məlumata görə, ölkənin ehtiyatlarında saxlanılan qızılın miqdarının təxminən 53 ton olduğu bildirilib.
ABŞ Prezidenti Donald Tramp dünən keçirdiyi mətbuat konfransında bunları iddia edib:
“Biz Venesuelada ABŞ-ın əsas neft şirkətlərini cəlb edəcəyik, onlar neft infrastrukturunun təmirinə milyardlarla dollar xərcləyəcəklər və ölkə üçün pul qazanmağa başlayacaqlar”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!