10-08-2025, 18:08
Odessa sahilində iki mina partladı - Ölənlər var
Ukraynanın Odessa vilayətində çimərliklərdə iki mina partlayıb.
Bu barədə Odessa vilayət hərbi administrasiyasının rəhbəri Oleq Kiper öz "Telegram" kanalında bildirib.
Onun sözlərinə görə, partlayış nəticəsində üç nəfər - iki kişi və bir qadın ölüb.
Minalardan biri sahildən təxminən 50 m aralıda dənizdə partlayıb.
Kiper xatırladıb ki, hazırda vilayətdə çimmək üçün 32 təhlükəsiz zona açıqdır, onlardan 30-u Odessadadır.
10-08-2025, 17:54
Ağdərədə yanğınlar davam edir
Ağdərədə yanğınlar davam edir.
Baş verən yanğının alovu genişlənərək meşəlik ərazisinə keçib.
Hazırda Suqovuşan kəndi ərazində dağlıq ərazidə yerləşən meşə massivində davam edən yanğına qurudan FHN-nin yanğınsöndürən əməkdaşları və havadan Aviasiya dəstəsinin 2 helikopteri cəlb olub.
Yanğınsöndürmə əməliyyatlarını davam etdirir.
10-08-2025, 17:17
İtaliyadan İsrailə XƏBƏRDARLIQ
İtaliya İsraili Qəzza zolağının tamamilə hərbi nəzarətə alınması məqsədilə genişmiqyaslı hərbi əməliyyata başlamaqdan çəkinməyə çağırıb.
Bu barədə İtaliya xarici işlər naziri və Baş nazirinin müavini Antonio Tayani "Il Messaggero" gündəlik qəzetinə müahibəsində danışıb.
"Qəzzaya hərbi müdaxilə İsrail əsgərləri üçün Vyetnam təcrübəsinə çevrilə bilər", - deyə nazir xəbərdarlıq edib.
O, ərəb ölkələrinin rəhbərlik etdiyi Birləşmiş Millətlər Təşkilatının missiyasının "Fələstin dövlətini yenidən birləşdirmək" çağırışlarını təkrarlayaraq İtaliyanın prosesdə iştirak etməyə hazır olduğunu qeyd edib.
10-08-2025, 17:07
DİN-dən Qarabağla bağlı vətəndaşlara müraciət
Polis işğaldan azad olunan ərazilərdə sanitariya-gigiyena qaydalarına əməl olunması ilə bağlı profilaktik tədbirlər keçirir.
Daxili İşlər Nazirliyinin (DİN) Mətbuat Xidmətindən verilən məlumata görə, respublikanın dörd bir yanında hər bir polis əməkdaşları tərəfindən sanitariya-gigiyena qaydaları ilə bağlı profilaktik tədbirlər fasiləsiz davam etdirilir. Vətəndaşlara qanunun tələbləri izah olunur, məlumatlar verilir.
"Bu yerlərdə yaşayan, işləyən və səfərə gələn hər kəsin başlıca vəzifələrindən biri də 30 il ərzində təbiətə vurulan yaraları sağaltmaq, ekoloji tarazlığını bərpa etməkdir. Məişət tullantılarını hara gəldi atmaq, ətraf mühiti çirkləndirmək, Qarabağın saf və təmiz təbiətinə təhlükə yaratmaq qəti şəkildə yolverilməzdir.
Hər kəsi vətəndaşlıq borcunu yerinə yetirməyə, zibili, tullantıları urnalardan kənara atmamağa, sülh və əmin-amanlıq simvoluna çevrilən Qarabağı təmiz saxlamağa çağırırıq", - məlumatda bildirilib.
10-08-2025, 16:51
TƏBRİK EDİRİK!
Bu gün şairə İmarət Hətəmqızının doğum günüdür. Onun poeziyası incə duyğuları və milli-mənəvi dəyərlərə bağlılığı ilə seçilir. İmarət Hətəmqızı yaradıcılığında sevgi, vətənpərvərlik və insan talelərinə həssas yanaşma var. Onun şeirləri təkcə sözün gözəlliyi ilə deyil, həm də daşıdığı mənəvi yük və səmimiyyəti ilə yadda qalır. Doğum günü münasibətilə İmarət xanımı səmimi qəlbdən təbrik edir, ona xoş günlər, firavan həyat və yaradıcılığında yeni-yeni uğurlar arzulayırıq.
10-08-2025, 16:33
Liderlər Rusiyanın SOCAR-ın neft anbarına hava zərbələrini pislədi
Azərbaycanla Ukrayna Rusiya tərəfindən qaz kompressor stansiyasına hava zərbələrinin endirilməsini pisləyib.
Bu barədə Ukrayna Prezidenti Volodimir Zelenski ilə Azərbaycan Prezidenti İlham Əliyev arasında baş tutan telefon danışığı zamanı müzakirə aparılıb.
Telefon danışığı zamanı tərəflər Ukrayna ərazisində Azərbaycanın SOCAR şirkətinə məxsus neft anbarına və ölkəmizə aid digər obyektlərə, həmçinin Azərbaycan qazını Ukraynaya nəql edən qaz kompressor stansiyasına Rusiya tərəfindən məqsədyönlü şəkildə hava zərbələrinin endirilməsini pisləyib, bunun Azərbaycan ilə Ukrayna arasında energetika sahəsində əməkdaşlığın dayandırılmasına heç bir halda səbəb olmayacağına əminliklərini vurğulayıblar.
10-08-2025, 15:42
Cənubi Qafqazda yeni mərhələ başlayır - Türk Dövlətləri Təşkilatı
Türk Dövlətləri Təşkilatının (TDT) Baş katibi Azərbaycan və Ermənistan arasında Vaşinqtonda əldə olunan sülh razılaşmasını “tarixi hadisə” adlandırıb. Baş katib həmçinin tərəflərin ATƏT-in Minsk Qrupunun fəaliyyətinin dayandırılması və onunla bağlı bütün strukturların bağlanması üçün birgə müraciətini yüksək qiymətləndirib.
Açıqlamada imzalanan Birgə Bəyannamə Cənubi Qafqazda uzunmüddətli sabitliyin, dayanıqlı sülhün və regional iqtisadi inkişafın təmin olunması baxımından mühüm dönüş nöqtəsi kimi qiymətləndirilib.
Baş katib vurğulayıb ki, TDT üzv dövlətləri və tərəfdaş ölkələrlə birlikdə bu prosesə hərtərəfli dəstək verməyə, tərəflər arasında etimadın möhkəmləndirilməsi, ticarət əlaqələrinin genişləndirilməsi və nəqliyyat-kommunikasiya xətlərinin bərpası istiqamətində əməkdaşlıq etməyə hazırdır.
O əlavə edib ki, əldə olunan razılaşma yalnız iki ölkə üçün deyil, bütün regionun geosiyasi sabitliyi və beynəlxalq əməkdaşlıq mühiti üçün strateji əhəmiyyət daşıyır. TDT-nin bundan sonra da Cənubi Qafqazda sülh və rifahın möhkəmlənməsi naminə təşəbbüslərlə çıxış edəcəyi qeyd olunub.
10-08-2025, 15:16
Vaşinqton razılaşması dayanıqlı sülhə yol açır - Avropa İttifaqı
Avropa İttifaqı Şurasının Prezidenti Antonio Koşta Ermənistan və Azərbaycan liderlərinin ABŞ paytaxtında sülh müqaviləsini paraflamasını tarixi hadisə adlandırıb.
O bildirib ki, Prezident İlham Əliyev və Baş nazir Nikol Paşinyanın atdığı bu addım bölgədə uzunmüddətli və davamlı sülhün təmin olunmasına mühüm töhfə verəcək.
Aİ Komissiyasının Prezidenti Ursula Fon der Lyayen isə açıqlamasında razılaşdırılmış addımların vaxtında icrasının vacibliyini vurğulayıb və Avropa İttifaqının normallaşma prosesinə dəstəyinin davam edəcəyini bəyan edib.
10-08-2025, 14:55
Papa sülh bəyannaməsini ALQIŞLADI
Roma Papası XIV Leo Ermənistan və Azərbaycanın sülh bəyannaməsi imzalamasını alqışlayıb.
Papa bu barədə ənənəvi bazar günü xütbəsi zamanı danışıb.
"Ermənistan və Azərbaycanı sülhə dair birgə bəyannamə imzaladıqları üçün təbrik edirəm. Ümid edirəm ki, bu, Qafqazda davamlı sülhün bərqərar olmasına xidmət edəcək", – deyə XIV Leo bildirib.
10-08-2025, 14:33
Mahmud Abbas BMT-də Fələstin dövlətini elan etmək istəyir
Fələstin prezidenti Mahmud Abbas sentyabrda Nyu-Yorkda keçiriləcək BMT Baş Assambleyasında Muxtar Vilayətin dövlətə çevrilməsini birtərəfli şəkildə elan etməyi nəzərdən keçirir.
Bu barədə "Al-Araby Al-Jadeed" nəşri məlumat yayıb.
Nəşrə görə, bu addım dövlətin sərhədlərini və əsaslarını müəyyənləşdirəcək konstitusiya bəyannaməsinə əsaslanacaq. Abbas tərəfindən elan ediləcək bu bəyannamə dövlətin sərhədlərini, xarakterini, məzmununu və konstitusiya əsaslarını Fələstin konstitusiyası təsdiqlənənə qədər müəyyənləşdirəcək.
Abbas iyulun 20-də Fələstin Azadlıq Təşkilatının İcraiyyə Komitəsi ilə görüşündə ilin sonuna qədər yeni Fələstin Milli Şurasının seçkilərinin keçiriləcəyini elan edib. Fələstin rəsmilərinə görə, bu qərar Fələstin dövlətinin tanınması üçün beynəlxalq dəstəyi gücləndirmək”məqsədi daşıyır.
Yeni şura 350 üzvdən ibarət olacaq: 200 nəfər İordan çayının qərb sahili, Qəzza və Qüdsdən, 150 nəfər isə İsrail xaricindən seçiləcək. Rəsmi Fələstin xəbər agentliyi "WAFA"nın məlumatına görə, seçkilərdə iştirak etmək istəyən namizədlər Fələstin Azadlıq Təşkilatının siyasi platformasına, beynəlxalq öhdəliklərinə və BMT qətnamələrinə sadiq olmalıdır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!