20-02-2023, 23:02
Avropa İttifaqı Ermənistanda möhkəmlənmək istəyir - Zaxarova
Avropa İttifaqı hər vasitə ilə Rusiyanın müttəfiqi Ermənistanda möhkəmlənmək istəyir. Bunu Rusiya Xarici İşlər Nazirliyinin (XİN) sözçüsü Mariya Zaxarova Aİ-nin 100 nəfərlik missiyasının Ermənistanda yerləşdirilməsinə münasibət bildirərkən deyib. O söyləyib ki, Qərb təhlükəsizliyin əsas təminatçısı kimi Rusiyanın tarixi funksiyasını zəiflətmək istəyir. Zaxarova onu da qeyd edib ki, regionda təhlükəsizliyin əsas amili Rusiya, Ermənistan və Azərbaycan liderləri arasında imzalanmış razılaşmalardır. Xatırladaq ki, bu gün Avropa İttifaqının 100 nəfərlik missiyası Ermənistanda fəaliyyətə başlayıb. Missiyanın fəaliyyət müddəti 2 il nəzərdə tutulub.
20-02-2023, 22:59
Belarus Polşa diplomatlarını ölkədən çıxarmağa qərar verib
Belarus Polşanın üç diplomatını ölkədən çıxarmaq qərarına gəlib. Bu barədə Polşa Xarici İşlər Nazirliyinin sözçüsü Lukaş Yasina məlumat verib. Onun sözlərinə görə, Polşa sərhəd xidmətinin zabiti fevralın 22-si axşam saatlarında Belarus ərazisini tərk edəcək. Bundan əlavə, Belarusun Qrodnodan iki Polşa konsulunu göndərəcəyi ehtimal edilir. Yasina bildirib ki, Polşa cavab tədbirləri görəcək.
20-02-2023, 22:54
Yaponiyadan Ukraynaya 5,5 milyard dollarlıq dəstək
Yaponiya Ukraynaya 5,5 milyard dollar maliyyə dəstəyi verəcək. Bu barədə Yaponiyanın baş naziri Fumio Kişida məlumat verib. Qeyd olunub ki, Tokio artıq Kiyevə 600 milyon dollar maliyyə dəstəyi və yüz milyonlarla dollarlıq humanitar yardım verib. “Biz 5,5 milyard dollar məbləğində əlavə maliyyə dəstəyi vermək qərarına gəldik”, - deyə Kişida bildirib. O, həmçinin fevralın 24-də G7 liderlərinin videokonfransının keçirikəcəyini açıqlayıb. Konfransa Ukrayna prezidenti Volodimir Zelenski də dəvət ediləcək. Xatırladaq ki, Yaponiya bu il G7-yə sədrlik edir (Böyük Britaniya, Almaniya, İtaliya, Kanada, Fransa, Yaponiya və ABŞ).
20-02-2023, 22:50
Zəlzələ zonasında 751 min insan çadırlarda qalır - Ərdoğan
Zəlzələ bölgəsində 751 min nəfər çadırlarda qalır. Bunu Türkiyə Prezidenti Rəcəb Tayyib Ərdoğan bildirib. "1 milyon 684 min nəfər müxtəlif sığınacaqlarla təmin edilib. Ehtiyac yaranarsa, konteyner evlərin sayı 200 minə çatdırılacaq. Hazırda 114 min 834 nəfər dağıntı altından çıxarılıb. Prosess hələ də davam edir. Zəlzələdən sonra ümumi zərərin qiymətləndirilməsi işləri isə yekunlaşmaq üzrədir", - deyə Ərdoğan vurğulayıb.
20-02-2023, 22:43
ABŞ prezidentdi F-16 qırıcılarının Türkiyəyə satılmasını dəstəkləyir
ABŞ Prezidenti Co Bayden F-16 qırıcılarının Türkiyəyə satılmasını dəstəkləyir. Bunu Türkiyəyə səfər edən ABŞ dövlət katibi Entoni Blinken NTV kanalına müsahibəsində deyib. O qeyd edib ki, Türkiyəyə döyüş təyyarələrinin verilməsi həm NATO, həm də ABŞ üçün vacibdir. “Konqresdə narazılıqlar var, biz Konqres liderləri ilə sıx təmasdayıq və bunun vacibliyini vurğulayırıq. F-16-ların gecikdirilməsinin nə İsveçlə Finlandiyanın NATO-ya üzvlüyü ilə, nə də Türkiyədəki seçkilərlə əlaqəsi var. Konqres liderlərinin bəzi narahatlıqları var və onların narahatlıqlarının aradan qaldırılması vacibdir”, - deyə Blinken bildirib.
20-02-2023, 22:13
Rusiya Ukraynanın daha bir yaşayış məntəqəsini ələ keçirib
Rusiya ordusu Ukraynada daha bir yaşayış
məntəqəsini ələ keçirdiyini iddia edib. Bu barədə Rusiya Müdafiə Nazirliyinin gündəlik brifinqində məlumat verilib. Nazirlik qeyd edib ki, Rusiya hərbçiləri Donetsk vilayətinin Paraskovyevka yaşayış məntəqəsinə nəzarəti ələ keçirib. Ukrayna tərəfi isə yaşayış məntəqəsinin ələ keçirilməsi barədə məlumata münasibət bildirməyib.
20-02-2023, 22:10
ABŞ prezidenti 15 ildən sonra Kiyevə səfər edib
Xəbər verdiyimiz kimi, bu gün ABŞ prezidenti Co Bayden Kiyevə gözlənilməz səfər edib. O, ukraynalı həmkarı Volodimir Zelenski ilə görüşüb. Prezidentlər Mixaylovsk dini məbədinə baş çəkib, döyüşlərdə həlak olan ukraynalı hərbçilərin xatirəsini yad ediblər. Baydenin Polşaya səfər edəcəyi gözlənilsə də, onun Kiyevə gəlişi hər kəsi təəccübləndirib. Ekspertlərin fikrincə, ABŞ liderinin Ukraynaya səfərinin gizli saxlanılması təhlükəsizlik tədbirləri ilə əlaqədardır. Onu da bildirək ki, ABŞ prezidentinin Kiyevə tarixi səfəri ortaya bir sıra məqamları çıxarıb. Belə ki, Bayden ABŞ tarixində Amerika əsgərlərinin olmadığı aktiv döyüş meydanına səfər edən ilk ölkə başçısıdır. Həmçinin 15 ildən sonra tarix yenidən təkrarlanıb. Bu, həm də ABŞ prezidentinin son 15 ildə Kiyevə ilk səfərdir. Bundan əvvəl Corc Buş 2008-ci ildə Kiyevə səfər edib və Viktor Yuşşenko ilə görüşüb. Qeyd edək ki, Bayden Zelenski ilə görüşdə bir sıra vacib məsələləri müzakirə edib. O, sosial şəbəkə hesabında Kiyevdən Rusiyaya mesaj göndərərək bildirib ki, Putin Ukraynanın zəif olduğunu, Qərbin isə parçalandığını düşünməklə dərindən səhv edib. ABŞ lideri, həmçinin vurğulayıb ki, Ukraynadakı müharibə əsrin son üç rübündə Avropada ən böyük quru silahlı münaqişəsinə çevrilib. Baydenin sözlərinə görə, ukraynalıların döyüş meydanında bundan sonra da qələbələr qazanacağına şübhə yoxdur.
20-02-2023, 22:00
Zelenski Baydenlə görüşündən sonra təəssüratlarını bölüşdü
ABŞ Prezidenti Co Baydenin Kiyevə səfəri zamanı aparılan danışıqlar çox səmərəli keçib. Bunu Ukrayna Prezidenti Volodimir Zelenski amerikalı həmkarı Co Baydenlə keçirdiyi mətbuat konfransında deyib. O qeyd edib ki, görüşün nəticələri döyüş meydanında öz əksini tapacaq. “Baydenlə bugünkü danışıqlar səmərəli oldu... Ümid edirik ki, bu il 2023-cü il qələbə ili olacaq”, - deyə Zelenski bildirib. Dövlət başçısının sözlərinə görə, Ukrayna çox çətin dövr qarşısındadır, lakin ABŞ və digər tərəfdaş ölkələrin köməyi ilə “tarixi nailiyyətlər” əldə edəcək: "Bugünkü danışıqlar çox səmərəli, çox vacib və çox həlledici oldu...nəticələr mütləq döyüş meydanına təsir edəcək". Bayden Ukraynaya milyardlarla dollarlıq büdcə yardımı veriləcəyini deyib.
20-02-2023, 21:36
Avropa İttifaqı Ermənistanda müşahidəçi missiyasına başlayıb
Avropa İttifaqının (Aİ) Ermənistana göndərdiyi müşahidəçi missiyası öz işinə başlayıb. Bu barədə Aİ Şurasının bəyanatında bildirilir. Açıqlamada deyilir ki, missiya Azərbaycan-Ermənistan sərhədində vəziyyətin nizamlanmasına töhfə vermək üçün nəzərdə tutulub. 100 nəfərdən ibarət missiya 2 il müddətində fəaliyyət göstərəcək.
20-02-2023, 21:22
Türkiyənin Şanlıurfa şəhərində partlayış baş verib
Türkiyənin Şanlıurfa şəhərində partlayış olub. Hadisə yaşayış binasında baş verib. Partlayış nəticəsində iki nəfər həlak olub, səkkiz nəfər yaralanıb. Binadan insanlar təxliyə olunub və təhlükəsizlik tədbirləri görülüb. Hazırda hadisə yerində araşdırma aparılır. İlkin məlumata görə, binanın birinci mərtəbəsində yerləşən iş yerində qaz balonu partlayıb. Xatırladaq ki, Şanlıurfa dağıdıcı zəlzələnin təsirinə məruz qalmış on vilayətdən biridir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!