Dünən, 22:26
Kabil bombalandı
Pakistan Kabildəki Siyah Sang hərbi sektoruna hava hücumu həyata keçirib.
Geolokasiya təhlili zərbələrin hərbi bazaya dəydiyini göstərir.
Pakistan Hərbi Hava Qüvvələri Kabilin mərkəzindəki Taliban hərbi bazasına, eləcə də Nəngərhar əyalətindəki hədəflərə zərbələr endirib.
Pakistan Hərbi Hava Qüvvələrinə (HHQ) məxsus təyyarələr bunker partlayıcılarından və AZB-83 idarə olunan partlayıcı bombalardan istifadə edib. Zərbələrdən sonra Əfqanıstan paytaxtında yanğınlar baş verib.
Dünən, 21:51
Ayətullahlar onu təzyiq altında rəhbər seçib - ŞOK DETALLAR
Dünyanın gözü İranda baş verənlərə dikilib.
New York Times qəzetinin əldə etdiyi eksklüziv məlumatlar, Müctəba Xameneinin atasının varisi olaraq Ali Lider kürsüsünə gətirilməsinin heç də hamar keçmədiyini üzə çıxarıb. Xəbərlərə görə, seçim prosesi Vatikandakı Papa seçkilərini (konklav) xatırladan qapalı və gərgin bir prosedurla həyata keçirilib.
Hər şey martın 7-də Prezident Pezeşkianın bəyanatı ilə sürətlənib. Pezeşkian, körfəzdəki ərəb ölkələrinə hücumların dayandırılacağını elan edərək qonşulardan üzr istəyib. O, gərginliyə səbəb olan qərarların Ali Liderin yoxluğunda fəaliyyət göstərən üç nəfərlik keçid şurası tərəfindən verildiyini bildirib. Bu "yumşalma" siyasəti isə İnqilab Keşikçilərinin (SEPAH) qəzəbinə səbəb olub.
Generalların ultimatumu: "Dərhal Müctəbanı seçin!"
Məlumata görə, müharibə tərəfdarı olan generallar — Vahidi və Əziz Cəfəri, Ekspertlər Assambleyasından dərhal Müctəba Xameneini lider elan etməyi tələb ediblər. Keçmiş kəşfiyyat rəisi cənab Taeb isə 88 üzvün hər birinə təzyiq edərək, Ayətullahın oğluna səs verməyin "mənəvi və dini vəzifə" olduğunu vurğulayıb.
8 mart səsverməsi
8 martda Assambleya virtual olaraq toplansa da, müzakirələr kifayət qədər kəskin keçib. Mühafizəkarlar Ali Liderin sağlığındakı iradəsinə (oğlunun varis olmasına qarşı çıxmasına) hörmət edilməsini istəsələr də, konstitusiyanın onlara müstəqil seçim hüququ verdiyini deyənlər üstünlük təşkil edib.
Prosedurun detalları:
- Hər bir Ayətullah öz seçimini kağıza yazıb, mumla möhürləyib.
- Xüsusi kuryerlər bu zərfləri gizli şəkildə sayım komitəsinə çatdırıb.
- Müctəba Xamenei 88 səsdən 59-nu alaraq (üçdə iki səs çoxluğu) qalib gəlib.
Gecə yarısına az qalmış dövlət mediası Müctəba Xameneini İranın yeni Ali Lideri elan etdi. Baxmayaraq ki, səsvermə yekdil olmayıb, hətta ona qarşı çıxanlar belə "sədaqət andı" içməyə məcbur qalıblar. Hazırda İran elitası ictimaiyyət qarşısına hələ çıxmayan yeni liderin ətrafında "sıx birləşmiş" görüntüsü verməyə çalışsa da, pərdəarxası mübarizənin daha da kəskinləşəcəyi gözlənilir.
Dünən, 18:30
Paytaxtın bu prospektində hərəkət sxemi dəyişir
Tbilisi prospektinin Əbdülvahab Salamzadə küçəsi ilə kəsişməsində icra olunan layihə artıq yekunlaşmaq üzrədir. Yaxın günlərdə ərazini yeni görkəmdə görmək mümkün olacaq.
Bu barədə Azərbaycan Yerüstü Nəqliyyat Agentliyindən (AYNA) məlumat verilib.
Bildirilib ki, layihə çərçivəsində ərazidəki arakəsmə ləğv edilərək Əbdülvahab Salamzadə küçəsindən Ziya Bünyadov prospekti və «20 Yanvar» dairəsi istiqamətində birbaşa çıxış təmin edilir. Bununla da nəqliyyat vasitələrinin Əbdülvahab Salamzadə küçəsindən sağa döndükdən sonra Tbilisi prospektində geriyədönmə etməsi nəticəsində yaranan yüklülük aradan qalxacaq.
Həmçinin Tbilisi prospektinin Əbdülvahab Salamzadə küçəsi ilə kəsişməsi işıqforla nizamlanacaq, piyadaların rahat hərəkəti üçün təhlükəsiz keçid imkanları yaradılır.
Layihə «Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı» çərçivəsində nəzərdə tutulan tədbirlərə uyğun olaraq Azərbaycan Yerüstü Nəqliyyat Agentliyi, Baş Dövlət Yol Polisi İdarəsi və Nəqliyyatın İntellektual İdarəetmə Mərkəzi ilə birgə icra edilir.
Dünən, 18:23
Daha bir ölkədə konsulluq xidmətimiz müvəqqəti dayandırılır
Azərbaycanın Çexiyadakı səfirliyi 10 gün konsulluq xidməti göstərməyəcək.
Bu barədə Azərbaycanın Çexiyadakı səfirliyi "X"dəki hesabında məlumat yayıb.
Bildirilib ki, Azərbaycanın Çexiyadakı səfirliyinin Konsulluq şöbəsi martın 20-dən 30-dək bağlı olacaq. Buna səbəb Nazirlər Kabinetinin müvafiq qərarına əsasən, Novruz və Ramazan bayramları ilə əlaqədar sözügedən tarixlərin qeyri-iş günləri olmasıdır.
Dünən, 18:13
"Çelsi"yə transfer qadağası qoyuldu
“Çelsi” sabiq sahibi Roman Abramoviç dövründə maliyyə qaydalarını pozduğuna görə cəzalandırılıb.
Müstəqil komissiya London klubunu 2011-2018-ci illərdə maliyyə hesabatlarında qeyri-dəqiqlik və qayda pozuntularına görə 10,75 milyon funt sterlinq məbləğində cərimələyib.
Sanksiyalar çərçivəsində "Çelsi"yə 9 ay müddətinə akademiyaya yeni oyunçuların qeydiyyatı qadağan edilib. Əsas komanda üçün nəzərdə tutulan bir illik transfer qadağası isə iki illik sınaq müddəti ilə şərti tətbiq edilib. Yəni, klub növbəti iki il ərzində oxşar pozuntulara yol verməyəcəyi təqdirdə, əsas komandaya transfer qadağası tətbiq olunmayacaq.
Qeyd edək ki, "Çelsi" hazırda Premyer Liqada 30 oyundan sonra 48 xalla turnir cədvəlinin 5-ci pilləsində qərarlaşıb.
Dünən, 18:04
Küləkli hava ilə bağlı sarı xəbərdarlıq
Martın 17-si Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq verilib.
Bu barədə Milli Hidrometeorologiya Xidməti məlumat yayıb.
Bakıda və Abşeron yarımadasında, Qazax, Ağstafa, Tovuz, Şəmkir,Xızı, Şabran, Xaçmaz, Quba, Qusar, Siyəzən, Salyan, Hacıqabul, Neftçala, Şirvan, Sabirabad, Qobustan, Gəncə, Daşkəsən, Gədəbəy, Goranboy, Naftalan, Kəlbəcər, Laçın, Zəngilan, Füzuli, Yevlax, Bərdə və Mingəçevirdə sarı xəbərdarlığa uyğun olaraq şimal-qərb küləyi əsəcək, küləyin sürəti 13.9-20.7 m/san təşkil edəcək.
Dünən, 17:43
Polşada saxlanılan azərbaycanlı Bakıya gətiriləcək
Beynəlxalq axtarışda olan Azərbaycan vətəndaşının yeri Polşada müəyyən olunub.
Bu barədə DİN-in Mətbuat xidmətindən məlumata verilib.
Bildirilib ki, dələduzluq maddəsi ilə başlanmış cinayət işi üzrə Sabunçu RPİ tərəfindən axtarışda olan Rüfət Abbadov İnterpol kanalları vasitəsilə saxlanılıb.
Daxili İşlər Nazirliyinin İnterpolun Milli Mərkəzi Bürosu tərəfindən təqsirləndirilən şəxsin aidiyyəti qurumlarla birgə ölkəmizə gətirilməsi üçün tədbirlər görülür.
Dünən, 17:38
MİDA-ya yeni Aparat rəhbəri təyin olundu
Mənzil İnşaatı Dövlət Agentliyində (MİDA) Aparat rəhbəri vəzifəsinə yeni təyinat olub.
Bu vəzifəyə Cəmşid Əmirov təyin edilib.
O, bundan əvvəl “MİDA” MMC-nin direktor müavini kimi çalışıb, Aparat rəhbəri postunda Fərman Qurbanlını əvəzləyib.
Dünən, 17:26
Rusiyaya 11 milyon mərmi satan ölkə
Müharibə başladıqdan sonra Şimali Koreya Rusiyaya 11 milyona qədər mərmi ötürüb.
Təchizat 2023-cü ilin yayında başlayıb. O vaxtdan bəri 4 Rusiya gəmisi Şimali Koreyaya ən azı 112 səfər edərək Rusiya ordusuna 8-11 milyon mərmi çatdırıb.
Orta hesabla Şimali Koreya Rusiyaya ayda təxminən 350.000 mərmi tədarük edib. Bu miqdar Rusiya ordusunun təxminən bir aylıq hücum əməliyyatlarını davam etdirməsi üçün kifayət edərdi.
Zaman keçdikcə Şimali Koreyanın sursat təchizatı donanmasının həcmi azalıb. 2026-cı ilin əvvəlindən bəri yeni tədarük faktı aşkar edilməyib. Bu, Rusiyanın öz mərmi istehsalını artırması və ya Şimali Koreyanın ehtiyatlarının tükənməsi ilə izah edilə bilər.
Dünən, 17:17
Sosial müavinət alanlarla bağlı yeni statistika
Ötən il daha 17 min 800 nəfər aylıq sosial müavinət alıb.
Məlumatlara görə, 2024-cü ildə ölkədə 453,3 min nəfər aylıq sosial müavinət alırdısa, bu rəqəm 2025-ci ildə 471,1 min nəfərə yüksəlib.
Qeyd edək ki, 2025-ci ildə 58 min nəfərə və ya ölkə əhalisinin 0,6%-nə birdəfəlik olmaqla, ümumilikdə 529 min nəfərə və ya ölkə əhalisinin 5,2%-nə sosial müavinət ödənilib.
2024-cü ildə 401,4 min nəfər Azərbaycan Respublikası Prezidentinin təqaüdü alırdısa, bu rəqəm 2025-ci ildə 5,2 min nəfər artaraq 406,6 min nəfərə və ya ölkə əhalisinin 4 %-nə qədər yüksəlib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!